14/01/2023
Jabkaada ka sheekeey!
1998 ayaan shukaansi u aadi jiray xaafad Tookiyo la dhaho oo Sanco ka dambeyso,
Shukaansiga macawis iyo saandal ayaa lagu aadi jiray laakin maadaama aan xaafad fog ka imaanaayo waxaan qaadan jiray dhar urduf ah si aanan la iiga isbaareysan macawista iyo saandalka ama dharka cusub,
Xaafada Tookiyo waa wada tiitiin oo guryaha xitaa tiin ayaa ku wareegsan oo deyr u ah, marka waxaa jiro wax la dhaho foorokaaso, micnaha shukaansiga xaafadaha kale loo aado, dhalinyarada xaafadaha kale ka soo shukaansi tagtana waa la neceb yahay inta badan oo xitaa anaga qof xaafad kale ka yimid hadaan ku aragno gabar xaafada ah waa dhibi jirnay oo mar mar waanba garaaci jirnay haduu is kibriyo,
Aniga dhaqanka foorokaasada si fcn ayaan u aqaan ciyaalka xaafadaas hadeey iga hor imaadaan salaan aan ku bilaabi jiray, “waraa Jiinoow ma joogtay saaxiib in aad dhooftaan moodaaye, Axmadoow banooniga ma iska dhaaftay waayadaan garoomada ma kugu arage, Maxamedoow iskoolka maka baxday IWM”. Ayaan iska weydiin jiray, ayagana marki ay fahmaan in aan qof khaldan sheegaayo waxeey i dhihi jireen, sxb qof kale ayaad igu khaldeysaa,
Hadii aadan sidaas sameyn markeey ugu yaraato inta garabka jug lagugu siiyo ayaa tiitiinka lagugu dhex ridaayaa asaa raali ahaaw sxb laguu raacinaayaa, hadii aad is waashana inta lagaa soo bixiyo aa dhinaca kale oo kuu fayoow laguu galinaayaa ilaa aad qab jabto aa beerka lagaa tumaa.
Dhal magaalo waa is basareyn jiray qaarkood xitaa magacyadooda ayaan bartay kuwa xaafada gaaygaayga ka ah,
Shukaansigaas wuxuu ahaa midki ugu horeeyay uguna dambeeyay oo aan silic u maro, Shingaani ilaa Sanco malaha 40 daqiiqo sii socod iyo 40 daqiiqo soo socod ah waaye,
War yaanan idinku daaline bil camal marki aan xaafada tagaayay ayaan habeenki dambe imid xaafadi, guriga ay gabadha dagan tahay waa guryaha cabirka ah oo marki aad buulada/obasiibada ka soo baxdo guryaha ugu horeeyo oo ku soo qabanaayo waaye, guriga hortiisa nal ayaa ku dhagan, marki aan jiirada ka soo baxay ayadoo darjiinka fadhido anigoo arkaayo inteey istaagtay oo gudaha gashay ayey xarag ii muuqdo garbasaar ka soo dajisatay kun shilin Soomaali ahna gacanta ku soo qabsatay, waxaan isuga horninid albaabkooda, waxeey igu tiri, “saaxiib caawo Shukaansi ma jiro aabe ayaa dhiman rabo oo dhiig kar ku kacay oo aan kaniini u doonaaye waa noo habeen dambe”.
Waxaan ku qasbanahay in aan meesheyda ka kala fireeyo inleen naag aabaheed xanuunsan yahay shukaansi lama hor fadhin kartide, waxaan is dhahay tiitiinkaan ha ku noqone laamiga caadiga ah mar, wado weyn oo jid cade ah aan isla soo dhigay, marki aan soo gaaray laamiga sanco ka soo d**o ayaan arkay oday saaran baabuurto finti kuwaataro la dhihi jiray oo xabad sigaar dheer u shidan tahay oo jidka dhinaciisa taagan, waa usoo dhawaaday odayaal iskaalo dheelaayo ayuu la sheekeysanaayay marki aan hubsaday in uu gabadha aabaheed yahay ayaan mar kale weydiiyay wiil yar oo meesha taagnaa in uu oday hebal yahay, wiilki yaraana waa i xaqiijiyay,
Habeenkaas ayaan go’aan ka gaaray shukaansi for oo dambe in aan aado,
Gabadhi mudo ka dib ayaan is aragnay oo aan weydiiyay sababta ay sidaas iigu sameysay, waxeey igu tiri, “Saaxiiboow waagaas si ayaad urduf urduf u eheyd nin dhar jeex jeexan oo duq ah wato in aan shukaansado ceeb ayey ila eheyd”. Waxaan ku iri, “naa inkaar qabto dharka dulufka ah waxaan u soo gashanaayay in aanan isbaaro ku dhicin”.
Sheekada waxeey ku soo dhamaatay, “oo maxaad iigu sheegi weysay?”. Iyo “adiga maa i weydiiyay nacalad yahay”. Lolz
Moral of the story:
Nin kasto oo urduf ah ma daruufeysno, gabar kasto oo kaniini dooneysana aabaheed ma xanuunsano, ee wiilaloow labiska iska hagaajiya markaad shukaansi aadeysaan, gabdhoow adinkana wax hubsada si aysan idiin dhaafin wiilasha shidan sida aniga camal lol
-> Bisle Ruppetti
