TAKEO POST

13/10/2026

13/10/2026

ព្រឹកថ្ងៃអង្គារ ២កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែតុលា ឆ្នាំ២០២៦

លោក ជា សារិត អភិបាលរងស្រុក បានដឹកនាំក្រុមការងារស្រុក ឃុំ ចូលរួមអមដំណើរលោកជំទាវ មុយ វិរ័ត្ន អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្ត ចុះសាកសួរសុខទុក្ខបងប្អូនប្រជាពលរដ្ឋចំនួន៤គ្រួសារ ដែលរងគ្រោះដោយសារភ្លើងឆេះផ្ទះ ស្ថិតនៅភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត ។ ជាមួយគ្នានោះលោកជំទាវក៏បាននាំយកអំណោយផ្ទាល់ខ្លួនរបស់ឯកឧត្តមបណ្ឌិត និងលោកជំទាវ ទៅចូលរួមរំលែកទុក្ខជាមួយបងប្អូនប្រជាពលរដ្ឋទាំង៤គ្រួសារ ដោយក្នុង១គ្រួសារៗទទួលបានអង្ករ១០០គីឡូក្រាម ទឹកផ្លែឈើ ៣កេស មី ៥កេស មីសួរ២សុំ សារ៉ុង ៥ និងថវិកាក្នុងមួយគ្រួសារចំនួន ១,០០០,០០០រៀល ។

ហើយសម្រាប់អនុសាខាកាកបាទក្រហមស្រុក ក្នុង១គ្រួសារៗទទួលបានសម្ភារៈរួមមាន៖ អង្ករ ៥០គីឡូក្រាម មី១កេស តង់ខៀវ១ ទឹកត្រី១យួរ ទឹកស៊ីអ៊ីវ១យួរ ចំពោះគ្រួសារភ្លើងឆេះទាំងស្រុងទទួលបានថវិកា២០ម៉ឺនរៀល និង៣គ្រួសារទៀត ទទួលបានថវិកា១៥ម៉ឺនរៀល ក្នុង១គ្រួសារ ។
#អរគុណសន្តិភាព❤️️🇰🇭❤️️

#បេះដូងទឹកឈូ

13/10/2026

ដោយមានការយកចិត្តទុកដាក់របស់ឯកឧត្តមបណ្ឌិត​ ម៉ៅ​ ធនិន​ អភិបាល នៃគណៈអភិបាលខេត្តកំពត​ ក្រោយទទួលបានពត៏មានអំពីបញ្ហាប្រឈមពាក់ពន្ធ័និងការបង្ហោះរបស់បងប្អូនប្រជាពលរដ្ឋតាមបណ្តាញសង្គម​ នៅទីតាំងឆ្នេរកោះស្មៅ​

លោក អ៉ឹម ច័ន្ទសោធន អភិបាល នៃគណៈអភិបាលស្រុកទឹកឈូ បានចាត់តាំងលោក មូល សុធា អភិបាលរងស្រុក រួមនឹងអាជ្ញាធរឃុំជុំគ្រៀល ចុះណែនាំដល់អាជីវករដែល​លក់ដូរ​ទាំងអស់​នៅបណ្តោយឆ្នេរ​កោះស្មៅ​ ដែលប្រព្រឹត្តសកម្មភាពមិនសមរម្យចំពោះភ្ញៀវ។

ករណីខាងលើនេះ ក្រុមការងារស្រុកបានចុះទៅណែនាំច្រេីន​លេីកច្រេីនសារ​រួចមកហេីយ​ ប៉ុន្តែមិនបានចូលរួមសហការពេញលេញនៅឡេីយ​។

ជាមួយគ្នានេះដែរ ពាក់ព័ន្ធជាមួយម្ចាស់ទីតាំងដែលបានប្រព្រឹត្តកំហុសនេះ រដ្ឋបាលស្រុកសម្រេចបិទអាជីវកម្មមិនឲ្យលក់បន្តទៀតទេ ដោយសារធ្វើឲ្យខូចមុខមាត់ កិត្តិយស និងកិច្ចខិតខំប្រឹងប្រែងរបស់រដ្ឋបាលស្រុក ព្រមទាំងអាជ្ញាធរគ្រប់លំដាប់ថ្នាក់កន្លងមកនេះ។

លើសពីនេះទៅទៀត រដ្ឋបាលស្រុកក៏បានណែនាំចំពោះកិច្ចការងារចំនួនបួនចំនុចជូនដល់អាជីវករដែលប្រកបអាជីវកម្មតាមបណ្តោយឆ្នេរនេះទាំងអស់រួមមាន៖

១. មិនឲ្យមានការបក់ដៃ ឬឃាត់រថយន្តដើម្បីហៅភ្ញៀវចូលតាមតូបនីមួយៗ ចាប់ពីថ្ងៃជូនដំណឹងនេះតទៅ។

២. គ្រប់តូបទាំងអស់ត្រូវរៀបចំអនាម័យ ទុកដាក់សំរាមឲ្យបានត្រឹមត្រូវ តាមការណែនាំរបស់អាជ្ញាធរ ជៀសវាងសំរាមពាសពេញពាសកាល។

៣. សុំឲ្យមានការប្រុងប្រយ័ត្នចំពោះក្មេងតូចៗដែលចុះលេងទឹក ករណីចុះលេងសូមឲ្យឳពុកម្តាយ ឬបងប្អូនតាមដានមើលឲ្យបានត្រឹមត្រូវ ជៀសវាងបង្ករគ្រោះថ្នាក់ដោយប្រការណាមួយ។

៤. សូមឲ្យការប្រើប្រាស់ឆ្នេរនេះជាសាធារណៈ គឺមិនមានការប្រកាន់យកទីតាំងណាមួយជាកម្មសិទ្ធិរបស់ខ្លួនផ្តាច់មុខ ឬហាមមិនឲ្យភ្ញៀវមិនឲ្យដាក់តុ ឬកន្ទេលសម្រាប់អង្គុយកម្សាន្តទេ។

ជាចុងក្រោយរដ្ឋបាលស្រុក ក៏ដូចខ្ញុំផ្ទាល់ សូមថ្លែងអំណរគុណដល់អ្នកដែលបានផ្តល់ព័ត៌មាន​ និងចូលរួមជាមួយអាជ្ញាធរ ក្នុងការរៀបចំសណ្តាប់ធ្នាប់នៅទីតាំងខាងលើ ជាពិសេសសូមបងប្អូនប្រជាពលរដ្ឋ​ នឹងសាធារណ:ជនទាំងអស់អញ្ជេីញមកកម្សាន្តសប្បាយ​រីករាយទាំងអស់គ្នា​ បេីមានបញ្ហាសូមទំនាក់ទំនងមកអាជ្ញាធរ​តាមទូរស័ព្ទលេខ:012 424 389 ៕

នាព្រឹកថ្ងៃអង្គារ ២កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែតុលា ឆ្នាំ២០២៦

ទឹកឈូបេះដូងខ្ញុំ❤️
#អរគុណសន្តិភាព

13/10/2026

(កំពត) នៅថ្ងៃទី១២ ខែតុលា ឆ្នាំ២០២៦ វេលាម៉ោង១៧:៣០នាទី មានកុមារ ចំនួន០៥នាក់ បានចុះលេងទឹកសមុទ្រ នៅចំណុចព្រែកកំពង់បាយ ក្នុងភូមិសាស្ត្រខេត្តកំពត ហើយត្រូវបានរលកសមុទ្រធំៗបោកបក់ បណ្តាលឱ្យលង់ទឹកទាំងប្រាំនាក់ ។ ភ្លាមៗនោះ កម្លាំងវរសេនាតូចនគរបាលការពារព្រំដែនទឹកលេខ២៤១ ប្រចាំខេត្តកំពត នៃនាយកដ្ឋាននគរបាលការពារព្រំដែនទឹក បានសហការជាមួយកម្លាំងស្នងការដ្ឋាននគរបាលខេត្តកំពត និងក្រុមម៉ូតូទឹក ចេញអន្តរាគមន៍ជួយសង្គ្រោះ ដោយជួយសង្គ្រោះកុមារបាន ចំនួន០៤នាក់ និងមានកុមារប្រុសម្នាក់បានបាត់បង់ជីវិត (ឈ្មោះ អែម ភក្តី អាយុ ០៧ឆ្នាំ មានទីលំនៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល) ។
ក្រោយពីសមត្ថកិច្ចជំនាញ នៃស្នងការដ្ឋាននគរបាលខេត្តកំពត បានធ្វើកោសល្យវិច័យរួច បានបញ្ជាក់ថាកុមាររូបនេះពិតជាបានស្លាប់ដោយសារលង់ទឹកប្រាកដមែន។
បច្ចុប្បន្ន សពត្រូវបានក្រុមគ្រួសារដឹកបញ្ជូនទៅធ្វើបុណ្យតាមប្រពៃណី នៅភូមិសៀមរាប ឃុំសៀមរាប ស្រុកកណ្តាលស្ទឹង ខេត្តកណ្តាល៕

13/10/2026

លោក អ៉ឹម ច័ន្ទសោធន អភិបាល នៃគណៈអភិបាលស្រុកទឹកឈូ បានអញ្ជើញចុះពិនិត្យ សន្តិសុខ សណ្ដាប់ធ្នាប់ នៅតាមការិយាល័យពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៦ ស្ថិតនៅឃុំកណ្ដោល និងឃុំកូនសត្វ ស្រុកទឹកឈូ ខេត្តកំពត ៕

នាព្រឹកថ្ងៃអង្គារ ២កើត ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែតុលា ឆ្នាំ២០២៦

ទឹកឈូបេះដូងខ្ញុំ❤️
#អរគុណសន្តិភាព។

13/10/2026

ប្រភពស្នងការនគរបាលខេត្តកំពត «ក្រោយមានការរាយការណ៏ជូន ឯកឧត្តម អភិបាលខេត្ត អីឡូវនេះលោកបានបញ្ជាអោយបិទកន្លែងដែលមានបញ្ហានោះចោលហើយ រាល់ឆ្នេរទាំងអស់គឺជាឆ្នេរសាធារណៈ បងប្អូនអាចអញ្ជើញមកលេងដោយសេរី សូមអធ្យាស្រ័យចំពោះការបៈពាល់ដល់អារម្មណ៏របស់បងប្អូនប្រជាពលរដ្ឋទាំងអស់ផងបាទ» ។