18/05/2024
ឡាចស៊ែគ្រប់មកបងអូនយើង ហឿងនេះគ្រប់តាមសុំស្មាណា ផុសស្មាហ្នឹងបង🫶🏻❤️🩹🥹
#រងើកភ្លើងត្រជាក់
(វគ្គ១ភាគ១២)
“ខ្ញុំលីម៉ក់និយាយ”នាងក្រមុំប្រាប់ទៅកាន់អ្នកដែលនៅចុងខ្សែ បន្ទាប់ពីខាងនោះស្គាល់ហើយ ក៏មិនគិតបង្អង់យូរបន្ត
“ខ្ញុំចង់បានលេខផ្ទាល់ខ្លួនរបស់រ៉ាហ្វា នាងមានមែនទេ? រីសាន”លីម៉ក់សុំលេខទូរស័ព្ទរបស់ស្វាមីពីស្រីបម្រើ
(ចា៎សខ្ញុំគ្មានទេអ្នកនាង ប៉ុន្តែបើចង់បាន ខ្ញុំថាអ្នកនាងខលទៅលោកជេតទៅល្អជាង)រីសានណែនាំ ព្រោះថាជេតគឺជាមនុស្សជំនិតរបស់រ៉ាហ្វាអ៊ែល បែបនេះហើយលេខផ្ទាល់ខ្លួនរបស់ចៅហ្វាយគេច្បាស់ជាមានជាក់ជាមិនខាន
“អរគុណច្រើនរីសាន បើបែបនេះនាងមានលេខរបស់ជេតឬអត់?”
(ចា៎សមានអ្នកនាង)
“អ៊ីចឹងខ្ញុំសុំ”
សុំហើយរីសានក៏ហៅឲ្យ ពេលបានលេខរបស់មនុស្សជំនិតរ៉ាហ្វាអ៊ែលហើយ លីម៉ក់ក៏នៅគិតមួយសន្ទុះធំ ព្រោះខ្លាចថារំខានរ៉ាហ្វាអ៊ែល ចិត្តមួយក្រែងចិត្ត តែចិត្តមួយទៀតអន្ទះសារ ចង់និយាយជាមួយគេនៅពេលនេះ ហើយចុងក្រោយនាងក្រមុំក៏សម្រេចចិត្តខលទៅរកមនុស្សរបស់រ៉ាហ្វាអ៊ែល ខលទៅដំបូងជេតមិនបានលើក បែបនេះហើយទើបព្យាយាមខលទៅម្ដងទៀត ដោយម្ដងនេះខលទៅមិនយូរប៉ុន្មានជេតក៏លើក ទើបនាងរហ័សនិយាយឡើង៖
“ខ្ញុំលីម៉ក់និយាយ”នាងប្រាប់ឈ្មោះទៅកាន់ជេតព្រោះដឹងថាគេមិនស្គាល់
(...បាទអ្នកនាងលីម៉ក់)
“ខ្ញុំរំខានឬអត់?”ប្រាប់បានថាខណៈនេះនាងក្រែងចិត្តគេ
(មិនអីទេអ្នកនាង មានអ្វីអាចនិយាយបាន ឬក៏ចង់បញ្ជាអ្វីក៏បាន)ជេតសម្លឹងមុខរបស់ចៅហ្វាយ ព្រោះខណៈនេះគេកំពុងតែនៅនិយាយការងារជាមួយរ៉ាហ្វាអ៊ែល ហើយចៃដន្យលីម៉ក់ខលមក ដែលគេស្គាល់លេខរបស់នាង ហ្នឹងបានសៀវទុកទើបគ្រាន់តែខលមកភ្លាម ជេតដឹងភ្លែតថាជាអ្នកណា គ្រាន់តែថាមុននេះរ៉ាហ្វាអ៊ែលបញ្ជាឲ្យនៅស្ងៀម ទុកឲ្យទូរស័ព្ទរោទ៍ចោលម្ដងសិន
“គឺខ្ញុំចង់សុំលេខរបស់រ៉ាហ្វា លោកមានលេខរបស់គេមែនទេ?”
(...អឺបាទមាន)មុននិងឆ្លើយជេតងើបមុខទៅសម្លឹងចៅហ្វាយនាយជាមុនសិន ព្រោះថាខណៈនេះគេបើកសំឡេងចេញមកក្រៅ ដែលបើកក៏ព្រោះតែរ៉ាហ្វាអ៊ែលបញ្ជានោះឯង
“ខ្ញុំអាចសុំបានទេ?”
(...)ជេតមិនឆ្លើយភ្លាមៗ គេងើបទៅសម្លឹងមុខរបស់រ៉ាហ្វាអ៊ែល ដោយម្ដងនេះអ្នកជាចៅហ្វាយនៅតែងក់ក្បាលដូចគ្នា គ្រាន់តែថាសរសេរអក្សរជាច្រើននៅក្នុងlaptop រួចហុចមកឲ្យគេនិយាយតាម
(ខ្ញុំឲ្យបានបាទ តែខណៈនេះអ្នកនាងកុំទាន់ខលទៅចៅហ្វាយអីទាន)
“មូលហេតុអ្វី ទើបលោកហាម? ឬថាពេលនេះរ៉ាហ្វាអ៊ែលកំពុងប្រជុំ”លីម៉ក់និយាយតាមការស្មាន តែហើយក៏ត្រូវធ្លាក់បេះដូងទៅលើឥដ្ឋ ពេលបានឮពាក្យសម្ដីបន្ទាប់របស់ជេត
(ចៅហ្វាយមិនបានប្រជុំទេអ្នកនាង តែពេលនេះគាត់កំពុងតែនៅជាមួយនិងអ្នកនាងអាណាលីស គាត់ហាមខ្ញុំជាមុនថាមិនឲ្យអ្នកណារំខាន)
“...ចា៎ស”ឈឺ ខណៈនេះលីម៉ក់មានអារម្មណ៍ថាឈឺចាប់បេះដូងខ្លាំងមែនទែន ឈឺដល់ថ្នាក់សូម្បីតែដកដង្ហើមក៏វេទនា
(រឿងលេខទូរស័ព្ទរបស់ចៅហ្វាយ ចាំខ្ញុំផ្ញើជូនបាទ តែពេលនេះប៉ុណ្ណឹងសិនចុះព្រោះខ្ញុំនៅមានការរវល់)ជេតផ្ដាច់ការនិយាយត្រឹមហ្នឹង ព្រោះជាបញ្ជារបស់រ៉ាហ្វាអ៊ែល
“ចា៎ស អរគុណច្រើនដែលលោកប្រាប់រឿងដែលពាក់ព័ន្ធជាមួយរ៉ាហ្វា”អរគុណហើយ លីម៉ក់ក៏ដាក់ទូរស័ព្ទចុះ។
បន្ទាប់ពីដាក់ទូរស័ព្ទចុះហើយ លីម៉ក់ក៏សម្រូតខ្លួនអង្គុយចុះនៅក្បែរគ្រែ ទឹកភ្នែកដែលនាងក្រមុំព្យាយាមទប់មិនឲ្យវាហូរចុះមក ចាប់ផ្ដើមហូរដូចទឹកបាក់ទំនប់ ខណៈនេះនាងធ្វើចិត្តរឹងមាំលែងបានតទៅទៀតហើយ ការឈឺចាប់មានពេញប្រៀបក្នុងទ្រូង ហើយក៏ព្រោះតែបែបនោះ ទើបគ្រាន់តែជេតផ្ញើលេខរបស់រ៉ាហ្វាអ៊ែលមកភ្លាម នាងក៏ព្យាយាមខលទៅរករ៉ាហ្វាអ៊ែលភ្លែត។
“សូមអភ័យទោស លេខទូរស័ព្ទដែលលោកអ្នកហៅ មិនមានការឆ្លើយតបទេ សូមព្យាយាម្ដងទៀតនៅពេលក្រោយ”
ចុចលើកទីមួយក៏ត្រូវក្រុមហ៊ុនឆ្លើយតប តែទោះជាបែបនោះក៏លីម៉ក់ នៅតែព្យាយាមចុច ព្យាយាមរហូតចុចចូល
ទូត.ទូត
“សូមអភ័យទោស លេខទូរស័ព្ទ ដែលលោកអ្នកកំពុងហៅ កំពុងជាប់រវល់ សូមព្យាយាមម្ដងទៀតនៅពេលក្រោយ”
ម្ដងនេះលីម៉ក់ចុចចូល តែរ៉ាហ្វាអ៊ែលមិនទទួលហើយថែមទាំងចុចបិទ នោះហើយដែលកាន់តែធ្វើឲ្យនាងក្រមុំឈឺចាប់ ឈឺដល់ថ្នាក់បរិយាយមិនចេញ ក្នុងអារម្មណ៍គិតថាខណៈនេះរ៉ាហ្វាអ៊ែលកំពុងតែមានអ្នកផ្សេង។
“បងមានអ្នកផ្សេងមែនទេ?”លីម៉ក់ធ្វើបានត្រឹមសួរខ្យល់ សួរហើយមិនទទួលបានចម្លើយ សម្រាប់នាងបើគេមានអ្នកផ្សេង អ្វីដែលនាងគួរធ្វើគឺដើរចេញ ព្រោះខ្លួនមិនចង់ឈឺចាប់។
ទឹកភ្នែករបស់លីម៉ក់ហូរចុះជាហូរហែរ ហូរបង្ហាញពីភាពទន់ជ្រាយរបស់នាង នាងអង្គុយយំនៅត្រង់នោះជាច្រើននាទី កន្លងផុតទៅប្រមាណម្ភៃនាទី ទូរស័ព្ទរបស់នាងក៏រោទ៍ឡើង ហើយពេលទាញមកមើលក៏ឃើញថាជាលេខរបស់រ៉ាហ្វាអ៊ែល ឃើញភ្លាមនាងក្រមុំក៏ចុចទទួលភ្លែត។
“រ៉ាហ្វា”លីម៉ក់ហៅឈ្មោះរបស់គេដោយសំឡេងញ័រ
អេតមីនសុំ450ឡាច 75ស៊ែណាបងៗ🙏😘❤️️
