26/01/2026
#ព្យួរសេរ៉ូម #ដេីរឬជិះម៉ូតូតាមទីសាធារណៈ
រឿងពេទ្យព្យួរសេរ៉ូម អនុញ្ញាតិឱ្យអ្នកជំងឺកាន់ដេីរតាមទីសាធារណៈ ឬព្យួរតាមម៉ូតូជិះតាមទីសាធារណៈយកទៅផ្ទះ ត្រូវបានក្រសួងសុខាភិបាលចេញសារាចរណែនាំមិនអនុញ្ញាតិឱ្យអនុវត្តន៍នោះទេ ដោយត្រូវជៀសវាង ព្រោះជាទង្វេីមិនប្រក្រតី និងខុសឆ្គង ដែលប្រាសចាកពីក្រមសីលធម៌ វិជ្ជាជីវៈពេទ្យ។ តាមរយៈសារាចរណែនាំរបស់ក្រសួងសុខាភិបាលចុះថ្ងៃទី៧ ខែធ្នូ ឆ្នាំ២០១៦ បានណែនាំថា គ្រប់សេវាព្យាបាល និងថែទាំទាំងអស់ ទាំងសាធារណៈ និងឯកជន ត្រូវបញ្ឈប់ការដាក់សេរ៉ូមព្យាបាល ព្យួរតាមដងផ្លូវសាធារណៈ ដោយលេីកលែងតែគ្រូពេទ្យព្យាបាលយល់ថា ជាករណីសង្គ្រោះបន្ទាន់ ក្នុងការបញ្ជូនអ្នកជំងឺទៅកាន់មន្ទីរពេទ្យដោយមានរថយន្តសង្គ្រោះត្រឹមត្រូវតែប៉ុណ្ណោះ។
ក្នុងករណីនេះយេីងតែងតែសង្កេតឃេីញថា មូលដ្ឋានសុខាភិបាលមួយចំនួនធំ នៅតែមិនអនុវត្តន៍តាមសារាចរណែនាំរបស់ក្រសួងសុខាភិបាល ដោយនៅតែអនុញ្ញាតិឱ្យអ្នកជំងឺកាន់យកសេរ៉ូមចេញពីមូលដ្ឋានសុខាភិបាលរបស់ខ្លួន ទៅតាមទីសាធារណៈ ចូលផ្សារ ឬជិះម៉ូតូសណ្តោងតាមដងផ្លូវ ដែលពេលខ្លះប្លោកសេរ៉ូមស្ថិតនៅក្រោមកម្តៅក្តៅខ្លាំងថែមទៀត។ រឿងអនុញ្ញាតិឱ្យអ្នកជំងឺកាន់យកសេរ៉ូមទៅក្រៅតាមទីសាធារណៈឬទៅផ្ទះ ប្រាសចាកនឹងក្រមសីលធម៌វិជ្ជាជីវៈពេទ្យជារឿងមួយទៅហេីយ ប៉ុន្តែការអនុញ្ញាតិឱ្យអ្នកជំងឺកាន់យកសេរ៉ូមចេញទៅតាមទីសាធារណៈក្រោមកម្តៅថ្ងៃក្តៅលេីសពី ៣០អង្សារ វាបានធ្វេីឱ្យប៉ះពាល់ដល់គុណភាពសេរ៉ូម ដែលខុសពីការណែនាំពីការថែរក្សាគុណភាពសេរ៉ូម ដែលណែនាំមិនឱ្យសេរ៉ូមស្ថិតនៅក្នុងបរិយាកាសដែលមានសីតុណ្ហភាពលេីសពី ២៥អង្សារ ទៅ ៣០អង្សារ ឬមិនឱ្យប៉ះពាល់កម្តៅថ្ងៃផ្ទាល់នោះថែមទៅទៀត។
ប្រសិនបេីក្នុងករណីសេរ៉ូមត្រូវកម្តៅក្តៅខ្លាំង ធ្វេីឱ្យសូលុយស្យុងសេរ៉ូមប្រែទៅជាងាយបង្ករឱ្យមានប្រតិកម្មណាមួយកេីតមានដល់អ្នកជំងឺ ឬជាការចៃដន្យណាមួយ ប្រតិកម្មសេរ៉ូមនៅផ្ទះបង្ករឱ្យមានគ្រោះថ្នាក់រហូតឈានដល់ការបាត់បង់ជីវិត សំនួរដែលត្រូវចោទសួរនោះគឺ តេីនរណាជាអ្នកទទួលខុសត្រូវចំពោះការស្លាប់នេះ? ចម្លេីយគឺពេទ្យ ព្រោះគ្រូពេទ្យជាអ្នកដឹងពីបច្ចេកទេសច្បាស់ណាស់ថា រាល់ផលិតផលឱសថទាំងអស់ ដែលត្រូវបានដាក់ទៅលេីអ្នកជំងឺ រួមទាំងសេរ៉ូមក្តី សុទ្ធតែអាចបង្ករឱ្យមានប្រតិកម្មគ្រប់ពេល បេីទោះបីជាផលិតផលឱសថខ្លះដូចជាសេរ៉ូមក្តី មានហានិភ័យទាបយ៉ាងណាក៏ដោយ ក៏ប៉ុន្តែនៅតែមានភាគរយដែលអាចបណ្តាលឱ្យមានបញ្ហាកេីតមានដែរ។ បេីទោះបីហានិភ័យនៃប្រតិកម្មសេរ៉ូមមានភាគរយតិច យ៉ាងណាក៏ដោយ(ឧទាហរណ៍ ១០លាននាក់មាន១ករណី) តេី១ករណីនេះអាចប៉ះទៅលេីអ្នកណា? ហេីយបេី១ករណីនេះប៉ះទៅលេីអ្នកជំងឺដែលសេរ៉ូមកំពុងស្ថិតនៅក្រៅមន្ទីរពេទ្យ គ្លីនិក ឬបន្ទប់ព្យាបាល ថែទាំ តេីនរណាអាចជួយសង្គ្រោះបាន? ដូចដែលលោកគ្រូ អ្នកគ្រូ បានជ្រាបស្រាប់ហេីយថា នៅពេលដែលមានប្រតិកម្មកេីតឡេីងទៅលេីអ្នកជំងឺ តេីយេីងមានពេលប៉ុន្មានក្នុងការជួយសង្គ្រោះ? គឺត្រូវការពេលតែ៥-១៥នាទី យ៉ាងយូរតែប៉ុណ្ណោះ ហេីយបេីក្នុងករណីជំងឺនៅឯផ្ទះ តេីដឹកយកមកទាន់ដែរឬទេ? ដោយសារតែមូលហេតុនេះហេីយ ទេីបក្រសួងសុខាភិបាលណែនាំឱ្យអ្នកជំងឺដាក់សេរ៉ូមព្យាបាលតម្រូវឱ្យសម្រាកនៅមន្ទីរពេទ្យ នៅក្បែរគ្រូពេទ្យ ដេីម្បីអាចឱ្យគ្រូពេទ្យជួយបានទាន់ពេលវេលាក្នុងករណីដែលមានបញ្ហាកេីតឡេីង។ ការដែលមូលដ្ឋានសុខាភិបាលនៅតែបន្តអនុញ្ញាតិឱ្យអ្នកជំងឺយកសេរ៉ូមចេញពីកន្លែងខ្លួនទៅផ្ទះ ដោយយោងហេតុផលថា អ្នកជំងឺទាមទារ អ្នកជំងឺចង់ទៅគេងនៅផ្ទះ ឃេីញកន្លែងពេទ្យផ្សេងគេឱ្យយកទៅបាន បេីយេីងមិនឱ្យយកចេញ អ្នកជំងឺឈប់មកកន្លែងនឹង ហេីយទៅពេទ្យផ្សេង ធ្វេីឱ្យបាត់អតិថិជន នោះពិតជាមិនមែនជាអ្នកប្រកបវិជ្ជាជីវៈដែលមានជំនាញនោះទេ។ ហេតុអ្វីមិនពន្យល់អ្នកជំងឺទៅតាមបែបបទបច្ចេកទេសយោងលេីហេតុផលវេជ្ជសាស្ត្រត្រឹមត្រូវ ដេីម្បីឱ្យអ្នកជំងឺបានយល់ និងដឹងពីបញ្ហាគ្រោះថ្នាក់ទាំងអស់នោះដល់អ្នកជំងឺ? បញ្ហាមកពីខ្ជិលពន្យល់បកស្រាយច្រេីន ទៅផ្ទះក៏ល្អដែរ មិនរញ៉េរញ៉ៃនៅពេទ្យ មិនសូវរវល់...ល។ បេីចុងក្រោយនៅតែមិនព្រមស្តាប់តាមការណែនាំ ពេលមានបញ្ហាកេីតឡេីង មានតែចាំទទួលខុសត្រូវ នៅចំពោះមុខក្រសួង ក៏ដូចជានៅប្រព័ន្ធតុលានោះឯង។
ការលេីកឡេីងរបស់ខ្ញុំចំពោះបញ្ហានេះ ខ្ញុំគ្មានចេតនារិះគន់ ឬវាយប្រហារណាមួយចំពោះលោកគ្រូ អ្នកគ្រូ ដែលជាអ្នករួមវិជ្ជាជីវៈជាមួយគ្នានោះទេ។ គោលបំណងរបស់ខ្ញុំគ្រាន់តែចង់ចូលរួមកែលម្អ ដេីម្បីធ្វេីយ៉ាងណាឱ្យវិស័យសុខាភិបាលកាន់តែល្អប្រសេីរដេីម្បីផ្តល់ជាបង្អែកដ៏កក់ក្តៅសម្រាប់ប្រជាពលរដ្ឋខ្មែរតែប៉ុណ្ណោះ៕ សូមអរគុណ!
ប្រភព #សារិនសារ៉ាន
![[ English Chinese Below ]ថៃបានរំលោភលើបទឈប់បាញ់ ដោយការចាប់ខ្លួនទាហានកម្អុជា២០នាក់(និងបាញ់ដួលលើដី២នាក់ មិនទាន់ដឹងថាស្លាប់ឬ...](https://img5.marketers1.com/501/226/1204890905012263.jpg)
