Neak Poun News (2026)

31/05/2026

ទីណាមានការលំបាក ទីនោះមានគណបក្សប្រជាជនកម្ពុជា

22/05/2026

ថ្នាក់ដឹកនាំខេត្តកំពង់ចាម អញ្ជើញចូលរួមក្នុងកិច្ចប្រជុំពេញអង្គគណៈរដ្ឋមន្ត្រី

ឯកឧត្តម ខ្លូត ផន ប្រធានក្រុមប្រឹក្សាខេត្ត និង ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្ថិត នៅទីស្នាក់ការគណៈរដ្ឋមន្ត្រី និងតាមរយៈវីដេអូអនឡាញZoom ដើម្បីពិភាក្សា និងឆ្លងលើរបៀបវារៈចំនួន៣ រួមមាន៖

១-សេចក្តីព្រាងរបាយការណ៍វឌ្ឍនភាពនៃការអនុវត្តវិធានការកែទម្រង់មុតស្រួចជាកញ្ចប់ ដែលបានដាក់ចេញក្នុងវេទិការាជរដ្ឋាភិបាល-ផ្នែកឯកជន លើកទី១៩ ប្រចាំឆមាសទី២ ឆ្នាំ២០២៥។

២-សេចក្តីព្រាងរបាយការណ៍តាមដាននិងត្រួតពិនិត្យការអនុវត្តយុទ្ធសាស្ត្របញ្ចកោណដំណាក់កាលទី១ ឆ្នាំ២០២៥។

៣-សេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់។

ព្រឹកថ្ងៃសុក្រ ៦កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែឧសភា ឆ្នាំ២០២៦។

22/05/2026

រថយន្តដឹកសព (ស្រកានាគ) ១គ្រឿង ជាអំណោយរបស់សម្ដេចវិបុសេនាភក្ដី សាយ ឈុំ ប្រគេន ជូនវត្តវិសុទ្ធិវង្សា កណ្ដាលកោះសូទិន ទុកជាសម្បត្តិរួមរបស់សហគមន៍

(កំពង់ចាម) ដើម្បីជួយសម្រួលដល់ទុក្ខលំបាករបស់ប្រជាពលរដ្ឋក្នុងមូលដ្ឋាន សម្ដេចវិបុលសេនាភក្ដី សាយ ឈុំ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងលោកជំទាវ ប្រគេននូវរថយន្តដឹកសព (ប្រភេទស្រកានាគ) ចំនួន ១គ្រឿង ដល់វត្ត វិសុទ្ធិវង្សា (ហៅវត្តកណ្ដាលកោះសូទិន) ដែលស្ថិតនៅក្នុងស្រុកកោះសូទិន ខេត្តកំពង់ចាម។ ពិធីប្រគេន និងប្រគល់ ភូមិទី១០ ឃុំកោះសូទិន ក្រោមអធិបតីភាព ឯកឧត្តម ម៉ម ឡេងយ៉ានី ទីប្រឹក្សាសម្តេចវិបុលសេនាភក្តី សាយ ឈុំ និងលោកជំទាវ សាយ ចាន់ណាក់ ជំនួយការសម្ដេច នាព្រឹកថ្ងៃទី២២ ខែឧសភា ឆ្នាំ២០២៦។

ឯកឧត្តម ម៉ម ឡេងយ៉ានី បានថ្លែងថា ការប្រគល់រថយន្តនេះ ធ្វើឡើងដើម្បីបម្រើឱ្យផលប្រយោជន៍រួមក្នុងសហគមន៍ ជាពិសេស ជួយដល់ក្រុមគ្រួសារសពដែលមានជីវភាពខ្វះខាត ឬខ្វះមធ្យោបាយដឹកជញ្ជូន និងទុកជាមធ្យោបាយសាធារណៈសម្រាប់ប្រើប្រាស់ក្នុងពិធីបុណ្យសព ក្នុភូមិ-ឃុំ ដោយមិនប្រកាន់និន្នាការ លើសពីនេះជាការលើកកម្ពស់វិស័យសាសនា រួមចំណែកជាមួយព្រះសង្ឃ និងគណៈកម្មការវត្ត ក្នុងការរៀបចំកិច្ចការបុណ្យទានឱ្យកាន់តែមានភាពរលូន និងសមរម្យតាមគន្លងប្រពៃណី។ ឯកឧត្តម បន្តថា អំណោយដ៏ថ្លៃថ្លានេះ គឺជាការបង្ហាញពីការយកចិត្តទុកដាក់ខ្ពស់របស់សម្ដេច ចំពោះសុខទុក្ខ និងតម្រូវការចាំបាច់របស់បងប្អូនប្រជាពលរដ្ឋនៅតាមមូលដ្ឋាន ក៏ដូចជាការចូលរួមចំណែកកសាងសមិទ្ធផលក្នុងវិស័យពុទ្ធចក្រឱ្យកាន់តែរីកចម្រើន។

នាឱកាសនោះដែរ លោកជំទាវ សាយ ចាន់ណាក់ បានឲ្យដឹងថា ស្រុកកោះសូទិន ជាស្រុកកំណើតផ្ទាល់របស់សម្ដេច វិបុលសេនាភក្តី សាយ ឈុំ ក្នុងរយៈពេលប៉ុន្មានឆ្នាំចុងក្រោយនេះ បានប្រែមុខមាត់ថ្មីគួរឱ្យកត់សម្គាល់។ ក្រោមការជ្រោមជ្រែងផ្ទាល់របស់សម្ដេច សមិទ្ធផលជាច្រើនបានលេចរូបរាងឡើង រួមមាន៖ ផ្លូវបេតុងខ្វាត់ខ្វែងតភ្ជាប់ពីភូមិមួយទៅភូមិមួយ ដែលជួយសម្រួលដល់ការធ្វើដំណើរ និងការដឹកជញ្ជូនកសិផល។ សាលារៀន និងវត្តអារាមជាច្រើនត្រូវបានជួសជុល និងកសាងថ្មីយ៉ាងស្កឹមស្កៃ ដើម្បីលើកកម្ពស់ចំណេះដឹង និងជំនឿសាសនារបស់ប្រជាជន។ ការអភិវឌ្ឍន៍គ្រប់បែបយ៉ាងបានធ្វើឱ្យតំបន់កោះសូទិន ក្លាយជាមូលដ្ឋានដែលមានភាពរឹងមាំ និងមានភាពងាយស្រួលក្នុងការរស់នៅ។

តាមរយៈសកម្មភាពនេះ ព្រះសង្ឃ គណៈកម្មការវត្ត និងប្រជាពលរដ្ឋនៅក្នុងឃុំកោះសូទិនទាំងមូល បានសម្ដែងនូវសេចក្ដីត្រេកអរ និងថ្លែងអំណរគុណយ៉ាងជ្រាលជ្រៅបំផុតចំពោះសប្បុរសធម៌របស់ សម្ដេចវិបុលសេនាភក្ដី សាយ ឈុំ ដែលជានិច្ចកាលតែងតែនៅក្បែរ និងជួយដោះស្រាយបញ្ហាប្រឈមនានារបស់សហគមន៍៕

20/05/2026

ខេត្តកំពង់ចាម ពង្រីកប្រព័ន្ធផ្គត់ផ្គង់ទឹកស្អាត ខណៈបរិមាណតម្រូវការប្រើប្រាស់ទឹកស្អាតមានការកើនឡើងប្រចាំ

18/05/2026

ប្រធានសាខាកាកបាទក្រហមខេត្តកំពង់ចាម នាំអំណោយសម្ដេច កិត្តិព្រឹទ្ធបណ្ឌិត ផ្ដល់ជូនពលរដ្ឋរងគ្រោះ ដោយខ្យល់កន្ត្រាក់ ៣៥គ្រួសារ ក្នុង ស្រុកចំការលើ

កំពង់ចាម ៖ ឯកឧត្តម អ៊ុន ចាន់ដា ប្រធានសាខាកាកបាទក្រហមខេត្តកំពង់ចាម នៅថ្ងៃទី១៨ ខែឧសភា ឆ្នាំ២០២៦ បានដឹកនាំសមាជិក សមាជិកា នាំអំណោយសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ ៣៥គ្រួសារ រស់នៅក្នុងឃុំចំនួន ៤ ក្នុងស្រុកចំការលើ ។

បើតាមលោក ទូច ឆៃ នាយកប្រតិបត្តិសាខាកាកបាទក្រហមខេត្តកំពង់ចាមបានឲ្យដឹងថា ហេតុការណ៍ខ្យល់កន្ត្រាក់ បានកើតឡើង កាលពីម៉ោង ១០យប់ ថ្ងៃទី១៦ ខែឧសភា ឆ្នាំ២០២៦ ដែលពេលនោះ មានភ្លៀង លាយឡំនឹងខ្យល់កន្ត្រាក់បក់គួច យ៉ាងខ្លាំង ធ្វើអោយផ្ទះប្រជាពលរដ្ឋ ក្នុងឃុំទាំង៤ របើកសង្កសី និងរបើកក្បឿង រងផលប៉ះពាល់កម្រិតធ្ងន់ មធ្យមនិង ស្រាល ។

ក្នុងឱកាសសំណេះសំណាលជាមួយប្រជាពលរដ្ឋ ឯកឧត្តម អ៊ុន ចាន់ដា បានចូលរួមសម្តែងការសោកស្តាយជាមួយគ្រួសាររងគ្រោះ ចំពោះមហន្តរាយធម្មជាតិ ដែលកើតឡើងដោយស្មានមិនដល់នេះ និងបានពាំនាំនូវប្រសាសន៍ ផ្ដាំផ្ញើសួរសុខទុក្ខដោយក្តីអាណិតអាសូរ ពីសំណាក់ ឯកឧត្តមសន្តិបណ្ឌិត នេត សាវឿន ប្រធានកិត្តិយសសាខា ពិសេសពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលជានិច្ចកាល សម្តេចតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះ ដោយមិនប្រកាន់វណ្ណៈ ជំនឿសាសនា ឬនិន្នាការនយោបាយអ្វីឡើយ ហើយទោះបី សម្តេច មិនបានអញ្ជើញមកផ្ទាល់ ក៏លោកតែងបានចាត់តំណាង ចុះអន្តរាគមន៍ ផ្តល់ជំនួយសង្រ្គោះ ជួយសម្រាលទុក្ខលំបាក ទាន់ពេលវេលា តាមទិសស្លោក “ ទីណាមានទុក្ខលំបាក ទីនោះមានកាកបាទក្រហមកម្ពុជា " ។

សូមបញ្ជាក់ថា អំណោយដែលជូន ពលរដ្ឋរងផលប៉ះពាល់ទាំង ៣៥គ្រួសារនោះ ក្នុង ១គ្រួសារទទួលបាន អង្ករ ២៥គក្រ មី១កេស ត្រីខ ១យួរ ទឹកត្រី ១យួរ ទឹក សុីអុីវ ១យួរ ទឹកពិសាប្រណិត វី-អាក់ទីវ ១កេស និងឃីត ១សម្រាប់។ ចំពោះថវិកា បាន ផ្តល់ជូនប្រជាពលរដ្ឋរងគ្រោះខូចខាតផ្ទះសំបែងទៅតាមទំហំ នៃការខូចខាតដោយគ្រោះមហន្តរាយនោះ។

18/05/2026

លោក ហេង វុទ្ធី អញ្ជើញដឹកនាំកិច្ចប្រជុំបូកសរុបលទ្ធផលការងារគណបក្ស ឃុំអារក្សត្នោត និងនាំយកអំណោយដ៏ថ្លៃថ្លារបស់ ឯកឧត្តម ហ៊ុន ម៉ានិត ចែកជូនប្រជាពលរដ្ឋ ដែលមានជីវភាពក្រលំបាក ចំនួន ១៥គ្រួសារ

18/05/2026

ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ចាម អញ្ជើញដឹកនាំកិច្ចប្រជុំត្រួតពិនិត្យការងារកៀរគរថវិកាមូលនិធិសមធម៌របស់កាកបាទក្រហមកម្ពុជាខេត្តកំពង់ចាម នាព្រឹកថ្ងៃទី១៨ ខែឧសភា ឆ្នាំ២០២៦។

17/05/2026

ឯកឧត្តម អ៊ុន ចាន់ដា ស្នើឱ្យក្រុមជនបង្គោល និងឃោសនិកទទួលការងារមហាជន ត្រូវខិតខំក្នុងការបំពាក់បំប៉នសមត្ថភាពផ្ទាល់ខ្លួន ដើម្បីឲ្យកាន់តែមានសមត្ថភាពខ្លាំងក្លា

ឯកឧត្តម អ៊ុន ចាន់ដាសមាជិកគណៈកម្មាធិការកណ្តាល និងជាប្រធានគណៈកម្មាធិការគណបក្សប្រជាជនកម្ពុជាខេត្តកំពង់ចាមបានផ្ដាំផ្ញើសូមឱ្យក្រុមជនបង្គោល លើការងារមហាជនទាំងអស់ ក៏ដូចជាថ្នាក់ដឹកនាំនិងឃោសនិករបស់គណបក្សទាំងអស់ ខិតខំ ក្នុងការបំពាក់បំប៉នសមត្ថភាពផ្ទាល់ខ្លួន ដើម្បីឲ្យកាន់តែមានសមត្ថភាពខ្លាំងក្លាក្នុងការនិយាយជាសាធារណៈ ក្នុងការតស៊ូមតិ ក្នុងការឃោសនាអំពីគោលការណ៍និងសមិទ្ធិផលរបស់គណបក្ស ការពារផលប្រយោជន៍ និងភាពត្រឹមត្រូវរបស់គណបក្ស ឱ្យបានជាដាច់ខាត ប្រកបដោយភាពវ័យឆ្លាត និងត្រៀមគ្រប់លក្ខណៈសម្បត្តិ ដើម្បីឆ្ពោះទៅដណ្ដើមប្រៀបឈ្នះនៅក្នុងការបោះឆ្នោតសកល ថ្នាក់មូលដ្ឋាននិងថ្នាក់ជាតិ នៅឆ្នាំ២០២៧និង២០២៨ខាងមុខនេះ។

ការថ្លែងបែបនេះ នៅក្នុងពិធីបិទវគ្គបណ្ដុះបណ្ដាលជនបង្គោលលើការងារគណៈចលនាមហាជន ក្រុង ស្រុក ឃុំសង្កាត់ ដោយមានការអញ្ជើញចូលរួមពីសំណាក់លោកជំទាវ លោកលោកស្រីក្នុងគណៈអចិន្ត្រៃយ៍និងគណៈកម្មាធិការគណបក្សខេត្តទាំងមូល លោកប្រធានគណៈកម្មាធិការគណបក្សក្រុងស្រុកគ្រូឧទ្ទេសជនបង្គោលលើការងារមហាជនក្រុងស្រុកឃុំសង្កាត់ស្ថិតនៅទីស្នាក់ការគណបក្សស្រុកកំពង់សៀមនៅរសៀលថ្ងៃទី១៧ខែឧសភាឆ្នាំ២០២៦។

ឯកឧត្តម អ៊ុន ចាន់ដា បានសម្ដែងការកោតសរសើរ ចំពោះក្រុមគ្រូឧទ្ទេស និងសិក្ខាកាមទាំងអស់ ដែលបានខិតខំធ្វើឲ្យវគ្គបណ្ដុះបណ្ដាលជនបង្គោលលើការងារមហាជន ក្រុង ស្រុក ឃុំ សង្កាត់ ទទួលបានជោគជ័យជាស្ថាពរ តាមផែនការដែលគណបក្សបានកំណត់ និងទទួលបានការប្រារព្ធពិធីបិទវគ្គនៅក្នុងថ្ងៃនេះ។

ឯកឧត្តម អភិបាលខេត្ត បានថ្លែងថា វគ្គអប់រំតម្រង់ទិសនេះ សម្រាប់មន្ត្រីគណបក្សជាថ្នាក់ដឹកនាំ គឺដើម្បីក្រើនរំលឹក និងបង្កើនការលើកកម្ពស់គុណភាពការងារ ប្រកបដោយការទទួលខុសត្រូវខ្ពស់ ចំពោះគណបក្សប្រជាជនកម្ពុជា ដើម្បីឆ្លើយតបទៅនិងសភាពការណ៍បច្ចុប្បន្ន សម្តេចតេជោ ហ៊ុន សែន តែងតែក្រើនរំលឹកជានិច្ចថា កែទម្រង់គឺរស់ មិនកែទម្រង់គឺ ស្លាប់ នេះគឺជាគតិមួយសម្រាប់ ដាស់តឿនដល់មន្ត្រីគណបក្សយើង គ្រប់រូប ពីព្រោះសមិទ្ធផលដែលបន្សល់ទុករហូតដល់ពេលបច្ចុប្បន្ន គឺជាស្នាដៃដ៏ឧត្តុង្គឧត្តមរបស់មន្ត្រីគណបក្សយើងតៗមកគ្រប់ជំនាន់។

ឯកឧត្តម អភិបាលខេត្ត បន្តថា ដើម្បីឆ្លើយតប អនុសាសន៍ដ៏ថ្លៃថ្លាខាងលើ មន្ត្រី គណបក្សគ្រប់រូប និងគ្រប់ថ្នាក់ ត្រូវតែខិតខំលើកកម្ពស់ស្មារតី ទទួលខុសត្រូវក្នុងការដឹកនាំ ចាំបាច់ត្រូវធ្វើ ផលិតភាពក្នុងការងារ ប្រចាំថ្ងៃ(ថ្ងៃនេះធ្វើឲ្យបានល្អជាងម្សិលមិញ ថ្ងៃស្អែក៏ធ្វើឲ្យបាន ល្អជាងថ្ងៃនេះ) ក្នុងការដឹកនាំលើគ្រប់វិស័យនៅគ្រប់ថ្នាក់៕

17/05/2026

គណបក្សប្រជាជនកម្ពុជាខេត្តកំពង់ចាម បើកវគ្គអប់រំតម្រង់ទិសសម្រាប់មន្រ្តីគណបក្ស ថ្នាក់ដឹកនាំគ្រប់ថ្នាក់

(កំពង់ចាម) នាព្រឹកថ្ងៃទី១៧ ខែឧសភា ឆ្នាំ២០២៦ ឯកឧត្តម ខ្លូត ផន សមាជិកគណៈកម្មាធិការកណ្ដាល និងជាអនុប្រធានប្រចាំការ គណបក្សប្រជាជនកម្ពុជាខេត្ត អញ្ជើញបើកវគ្គអប់រំតម្រង់ទិសសម្រាប់មន្រ្តីគណបក្ស ថ្នាក់ដឹកនាំគ្រប់ថ្នាក់ នៅស្នាក់ការគណបក្សស្រុកកំពង់សៀម។

នាឱកាសនោះ ឯកឧត្តម ខ្លូត ផន អនុប្រធានប្រចាំការគណបក្សខេត្ត បានថ្លែងថា វគ្គអប់រំតម្រង់ទិសនេះ សម្រាប់មន្ត្រីគណបក្សជាថ្នាក់ដឹកនាំ គឺដើម្បីក្រើនរំលឹក និងបង្កើនការលើកកម្ពស់គុណភាពការងារ ប្រកបដោយការទទួលខុសត្រូវខ្ពស់ ចំពោះគណបក្សប្រជាជនកម្ពុជា ដើម្បីឆ្លើយតបទៅនិងសភាពការណ៍បច្ចុប្បន្ន សម្តេចតេជោ ហ៊ុន សែន តែងតែក្រើនរំលឹកជានិច្ចថា កែទម្រង់គឺរស់ មិនកែទម្រង់គឺ ស្លាប់ នេះគឺជាគតិមួយសម្រាប់ ដាស់តឿនដល់មន្ត្រីគណបក្សយើង គ្រប់រូប ពីព្រោះសមិទ្ធផលដែលបន្សល់ទុករហូតដល់ពេលបច្ចុប្បន្ន គឺជាស្នាដៃដ៏ឧត្តុង្គឧត្តមរបស់មន្ត្រីគណបក្សយើងតៗមកគ្រប់ជំនាន់។

ឯកឧត្តម ខ្លូត ផន បន្តថា ដើម្បីឆ្លើយតប អនុសាសន៍ដ៏ថ្លៃថ្លាខាងលើ មន្ត្រី គណបក្សគ្រប់រូប និងគ្រប់ថ្នាក់ ត្រូវតែខិតខំលើកកម្ពស់ស្មារតី ទទួលខុសត្រូវក្នុងការដឹកនាំ ចាំបាច់ត្រូវធ្វើ ផលិតភាពក្នុងការងារ ប្រចាំថ្ងៃ(ថ្ងៃនេះធ្វើឱយបានល្អជាងម្សិលមិញ ថ្ងៃស្អែក៏ធ្វើឱយបាន ល្អជាងថ្ងៃនេះ) ក្នុងការដឹកនាំលើគ្រប់វិស័យនៅគ្រប់ថ្នាក់៕

14/05/2026

រដ្ឋបាលខេត្តកំពង់ចាម ប្រារព្ធព្រះរាជពិធីបុណ្យចម្រើនព្រះជន្មព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រ គម្រប់៧៣ យាងចូល៧៤ ព្រះវស្សា

(កំពង់ចាម) ឯកឧត្តម ខ្លូត ផន ប្រធានក្រុមប្រឹក្សាខេត្ត និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅព្រឹកថ្ងៃទី១៤ ខែឧសភា ឆ្នាំ២០២៦ បានដឹកនាំមន្ត្រីរាជការ កងកម្លាំងទាំង៣ប្រភេទ ប្រារព្ធព្រះរាជពិធីបុណ្យចម្រើនព្រះជន្មព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រ គម្រប់៧៣ យាងចូល៧៤ ព្រះវស្សា ។

ក្នុងឱកាសនោះ ឯកឧត្តម អ៊ុន ចាន់ដា បានអានសារលិខិតថ្វាយព្រះពរ ដែលមានខ្លឹមសារដូចខាងក្រោម៖

បរពិត្រព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត!នៅក្នុងឱកាសដ៏មហាមង្គលវិសេសវិសាល ប្រកបដោយក្តីសោមនស្សរីករាយនៃព្រះរាជពិធី
ចម្រើនព្រះជន្ម ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា គម្រប់ព្រះជន្ម ៧៣ យាងចូល ៧៤ព្រះវស្សា នៅថ្ងៃព្រហស្បតិ៍ ១៣រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៤ ខែឧសភា ឆ្នាំ២០២៦ ។

ទូលព្រះបង្គំជាខ្ញុំ សូមព្រះបរមរាជានុញ្ញាត តាងនាមក្រុមប្រឹក្សា គណៈអភិបាលខេត្ត មន្ត្រីរាជការ កងកម្លាំងប្រដាប់អាវុធ ព្រះសង្ឃ និងប្រជាពលរដ្ឋទូទាំងខេត្តកំពង់ចាម ជាកូនចៅ សូមព្រះបរមរាជាអនុញ្ញាតលើកហត្ថប្រណម្យ លំឱនកាយវាចាចិត្ត ក្រាបបង្គំថ្វាយនូវព្រះសព្ទសាធុការពរជ័យ បវរសួស្តីសិរីមង្គល វិបុលសុខមហាប្រសើរគ្រប់ប្រការប្រកបដោយកតញ្ញុតាធម៌ និងកតវេទិតាធម៌យ៉ាងជ្រាលជ្រៅបំផុតចំពោះព្រះរាជបញ្ញាញាណឈ្វេងយល់ឈ្លាសវៃ និងព្រះរាជសកម្មភាពដ៏ឧត្ដុង្គឧត្តមថ្លៃថ្លាប្រកបដោយព្រះគុណធម៌ ព្រះមនុស្សធម៌ចំពោះជាតិមាតុភូមិ និងប្រជាជន។

ទូលព្រះបង្គំយើងខ្ញុំ សូមបួងសួងដល់វត្ថុស័ក្តិសិទ្ធិក្នុងលោក មានទេវតាឆ្នាំថ្មី ទេវតាថែរក្សាព្រះមហាស្វេតច្ឆត្រ ព្រះបារមីនៃអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គប្រោះព្រំនូវទឹកអម្រឹត ប្រសិទ្ធិពរជ័យ បវរសួស្តី សិរីវឌ្ឍនាមហាប្រសើរថ្វាយ ព្រះករុណាជាអម្ចាស់ជីវិតលើត្បូង សូមទ្រង់ប្រកបដោយព្រះរាជសុខភាពល្អបរិបូណ៍ ព្រះបញ្ញាញាណ កាន់តែភ្លឺថ្លា ព្រះកាយពលមាំមួន និងសូមថ្វាយព្រះរាជមហាកុសលចំពោះព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់ ដើម្បីព្រះអង្គគង់ប្រថាប់នៅក្នុងព្រះបរមសិរីរាជសម្បត្តិ ជាអាយុវឌ្ឍន៍មង្គលមួយដ៏ល្អប្រសើរថ្លៃថ្លា និងជាម្លប់ដ៏ត្រជាក់របស់ប្រជារាស្ត្រខ្មែរបានយូរអង្វែងតរៀងទៅ។

Neak Poun News

31/05/2026

22/05/2026

22/05/2026

20/05/2026

18/05/2026

18/05/2026

18/05/2026

17/05/2026

17/05/2026

14/05/2026

Address

Website

Alerts

Shortcuts

Share