20/03/2026
កំពូលប្រាថ្នារបស់ឪពុកម្តាយ
កូននៅមិនទាន់ដឹងដល់សេចក្តីប្រាថ្នាថ្នាក់កំពូលរបស់ម៉ែឪ គឺម៉ែឪគ្រប់គ្នាវេលាមានជំងឺរមែងត្រូវការឃើញមុខកូនរបស់ខ្លួនមកប្រណិប័តន៍ មកមើលថែនៅជិតក្បែរសាកសួររឿយៗ នោះឯណាកូនគឺជាថ្នាំវិសេស ដែលធ្វើឱ្យឪពុកម្តាយឆាប់ជាសះស្បើយ។ក្រៃលែងណាស់ទៅទៀតនៅពេលដែលខ្លូនចាស់ជរាជួយអ្វីខ្លួនឯងមិនបាន រមែងខ្លួនឯងត្រូវការកូនជាទ្វេគុន ជាត្រីគុណ។សូម្បីដឹងថាកូនរបស់ខ្លួនមានធុរៈមមាញឹក មានការងារដែលត្រូវធ្វើច្រើនសន្ធឹកសន្ធាប់ មិនសូវមានពេលទៅមកយ៉ាងណាក៏ដោយ ក៏ម៉ែឪនៅតែអត់ទ្រាំមិនបានដែរគឺនៅតែប្រាថ្នាឃើញកូន ហើយប្រាថ្នាឱ្យកូនមកថែជានិច្ច។
ឪពុកម្តាយគ្រប់គ្នា ក្រៅអំពីប្រាថ្នាឱ្យកូនយកចិត្តទុកដាក់មើលថែខ្លួនហើយ នៅមានសេចក្តីប្រាថ្នាជាទីបំផុតម្យ៉ាងទៀតគឺចង់ឃើញកូនមានសេចក្តីចម្រើន និងមានសេចក្តីសម្រេចក្នុងចិត្ត មានជីវិតរិងរឿងជីវិតសម្បូរទៅដោយសេចក្តីសុខ។បើកូនសមតាមសេចក្តីប្រាថ្នាឪពុកម្តាយគ្រប់គ្នានឹងមិនច្រណែនចំពោះកូនឡើយ ញាប់ញ័រក្នុងចិត្តតែម្យ៉ាង ត្រង់ដែលមិនបានឃើញកូនដល់នូវសេចក្តីសម្រេចក្នុងជីវិតកូននោះ។ដែលឪពុកម្តាយព្រមលំបាកក្នុងការចិញ្ចឹមកូនមក ក៏ដើម្បីជ្រោមជ្រែងកូន ឱ្យបានសម្រេចបានតាមបំណងប្រាថ្នានោះឯងបើបានឃើញកូនជាមនុស្សល្អ មានសមត្ថភាពគ្រប់គ្រាន់មានការចេះដឹង ជាមនុស្សឆ្លាត មានការងារធ្វើជាជំហរនៃជីវិត និងបានជួប្រសព្វនៃសេចក្តីសម្រេច ឪពុកម្តាយគ្រប់គ្នាក៏ភេ្លចអស់នូវការនឿយហត់ដែរ។
ចូរកូនគ្រប់គ្នាកុំធ្វើឱ្យម៉ែឪខកចិត្ត អស់សង្ឃឹមឡើយ។
