19/01/2026
ពិធីបំពាក់មេដាយសហមេត្រី ថ្នាក់អស្សឫទ្ធិ និងប័ណ្ណសរសើ
ថ្ងៃទី១៩ ខែមករា ឆ្នាំ២០២៦ មន្ទីរពេទ្យព្រះកេតុមាលា ប្រារព្ធពិធីអបអរសាទរ បំពាក់មេដាយសហមេត្រី ថ្នាក់អស្សឫទ្ធិ និងប័ណ្ណសរសើរ ជូនវេជ្ជបណ្ឌិតឯកទេស កងទ័ពរំដោះប្រជាជនចិន ក្រុមទី៨ ជំនាន់ទី២០ ដែលបានបញ្ចប់បេសកកម្ម នៅមន្ទីរពេទ្យព្រះកេតុមាលា។
ពិធីដ៏មានសារសំខាន់មួយនេះ ប្រព្រឹត្តទៅក្រោមអធិបតីភាពឯកឧត្តម ឧត្តមសេនីយ៍ឯក យិន សារ៉ាន់ អគ្គនាយករង អគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ តំណាងដ៍ខ្ពង់ខ្ពស់ ឯកឧត្តម ឧត្តមសេនីយ៍ឯក ម៉ឹង ពន្លក អគ្គនាយក អគ្គនាយកដ្ឋានភស្តុភារ ហិរញ្ញវត្ថុ ក្រសួងការពារជាតិ ។ តាមប្រសាសន៍នៃការថ្លែងសុន្ទរកថារបស់ ឯកឧត្តម ឧត្តមសេនីយ៍ឯក វេជ្ជបណ្ឌិត លី សុវណ្ណ អគ្គនាយករង អគ្គនាយកដ្ឋានភស្តុភារ ហិរញ្ញវត្ថុ និងជានាយកមន្ទីរពេទ្យព្រះកេតុមាលា ក្រសួងការពារជាតិ។ មន្ទីរពេទ្យបានទទួលក្រុមវេជ្ជបណ្ឌិតឯកទេសពីប្រទេសចិន ផ្លាស់ប្ដូរក្រុមជាទៀងទាត់របស់សាកលវិទ្យាល័យកងទ័ពជើងទឹកប្រទេសចិន មកបណ្ដុះបណ្ដាល ពង្រឹង ពង្រីកសមត្ថភាព ចំណេះដឹងបច្ចេកទេសវេជ្ជសាស្រ្ត ដល់វេជ្ជបណ្ឌិតមន្ទីរពេទ្យព្រះកេតុមាលាបានលូតលាស់ ខ្ពង់ខ្ពស់ រឹងមាំ រីកចម្រើនដោយមោទកភាព។
ក្រសួងការពារជាតិចិន និងក្រសួងការពារជាតិកម្ពុជា មានទំនាក់ទំនងជាបងប្អូនមិនអាចបំបែកបានឡើយ, សុខាភិបាលយោធាកងទ័ពជើងទឹកចិន និងមន្ទីរពេទ្យព្រះកេតុមាលា មានទំនាក់ទំនងកិច្ចសហប្រតិបត្តិការជិតស្និតក្នុងគោលបំណងចែករំលែកចំណេះដឹង បទពិសោធន៍ បច្ចេកវិទ្យាវេជ្ជសាស្រ្តយោធា, ដែលបន្សល់ទុកនូវលទ្ធផលគ្រប់ៗក្រុមដែលបានបញ្ចប់កាតព្វកិច្ចអន្តរជាតិរបស់ខ្លួនគឺ មិត្តភាព សាមគ្គីភាព ជាបង ប្អូន ប្រកបដោយអត្ថន័យជ្រាលជ្រៅគ្រប់ជ្រុងជ្រោយ ឋិតឋេរយូរអង្វែង៕
