17/12/2025
ធនាគារជាតិនៃកម្ពុជាបានរៀបចំពិធីសម្ពោធដាក់ឱ្យប្រើប្រាស់ជាផ្លូវការយុទ្ធសាស្រ្តអភិវឌ្ឍន៍វិស័យហិរញ្ញវត្ថុឆ្នាំ២០២៥-២០៣០ ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងលោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា និងជាប្រធានគណៈកម្មាធិការដឹកនាំការងារអភិវឌ្ឍន៍វិស័យហិរញ្ញវត្ថុ ព្រមទាំងលោក Vijay Kumar Akasam ប្រធានប្រតិបត្តិការបេសកកម្មនៅកម្ពុជានៃធនាគារអភិវឌ្ឍន៍អាស៊ី នាថ្ងៃទី១៧ ខែធ្នូ ឆ្នាំ២០២៥។
យុទ្ធសាស្រ្តអភិវឌ្ឍន៍វិស័យហិរញ្ញវត្ថុ ឆ្នាំ២០២៥-២០៣០ គឺជាឯកសារដែលត្រូវបានធ្វើបច្ចុប្បន្នកម្មជាលើកទី៤ បន្ទាប់ពីបានដាក់ឱ្យប្រើប្រាស់ជាលើកដំបូងនាឆ្នាំ២០០១ ដោយមានជំនួយបច្ចេកទេសពីធនាគារអភិវឌ្ឍន៍អាស៊ីដើម្បីឆ្លើយតបទៅនឹងការវិវត្តឥតឈប់ឈរនៃស្ថានភាពសេដ្ឋកិច្ច និងហិរញ្ញវត្ថុ។
ទាក់ទងនឹងសមិទ្ធផលថ្មីនេះមន្ត្រីជាន់ខ្ពស់មកពីធនាគារជាតិនៃកម្ពុជា ក្រសួងសេដ្ឋកិច្ច និងហិរញ្ញវត្ថុ និយ័តករមូលបត្រកម្ពុជានិងសមាគមធនាគារនៅកម្ពុជា ក៏បានចូលរួមវេទិកាពិភាក្សាផ្លាស់ប្តូរយោបល់ស្តីពី “ការកសាងអនាគត៖មគ្គុទេសក៍បង្ហាញផ្លូវសម្រាប់វិស័យហិរញ្ញវត្ថុកម្ពុជា” ដើម្បីចែករំលែកព័ត៌មាន និងទស្សនាទានដល់អង្គពិធីក្រោមកិច្ចសម្របសម្រួលពីមន្ត្រីជំនាញជាន់ខ្ពស់មកពីធនាគារអភិវឌ្ឍន៍អាស៊ី នៅក្នុងព្រឹត្តិការណ៍ដ៏សំខាន់ផងដែរ។
✍️សូមទាញយកឯកសារយុទ្ធសាស្ត្រអភិវឌ្ឍន៍វិស័យហិរញ្ញវត្ថុឆ្នាំ២០២៥-២០៣០ ពីគេហទំព័រផ្លូវការរបស់ធនាគារជាតិនៃកម្ពុជា ដោយចុចតំណភ្ជាប់នេះ៖https://www.nbc.gov.kh/download_files/publication/blueprints_kh/FSDS%20Book.pdf
Source ធនាគារជាតិ នៃកម្ពុជា - National Bank of Cambodia
