02/02/2026
សូមអនុមោទនា ពិធីបុណ្យមាឃបូជា
ថ្ងៃច័ន្ទ ១៥កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩
ត្រូវនឹងថ្ងៃទី២ ខែកុម្ភៈ ឆ្នាំ២០២៦
ពិធីបុណ្យមាឃបូជា គឺជាទិវាប្រវត្តិសាស្ត្ររបស់ព្រះពុទ្ធសាសនា ដែលប្រារព្ធឡើងដើម្បីរំលឹកដល់ព្រឹត្តិការណ៍ធំៗអស្ចារ្យ ៣ យ៉ាងគឺ៖
១. ចតុរង្គសន្និបាត៖ ការជួបជុំនៃព្រះភិក្ខុសង្ឃចំនួន ១,២៥០ អង្គ ដោយមិនបានណាត់ទុកជាមុន។
២. ការសម្តែង "ឱវាទបាតិមោក្ខ" ៖ ដែលជាបេះដូងនៃពុទ្ធសាសនា
៣. ការដាក់អាយុសង្ខារ៖ ជាថ្ងៃដែលព្រះសម្មាសម្ពុទ្ធទ្រង់ប្រកាសថា នឹងយាងចូលបរិនិព្វានក្នុងរយៈពេល ៣ ខែខាងមុខ។
ឱវាទបាតិមោក្ខ គឺជាការសង្ខេបនូវរាល់ដំបូន្មានរបស់ព្រះពុទ្ធគ្រប់ព្រះអង្គ ដែលមានគោលការណ៍គ្រឹះដូចខាងក្រោម៖
១.ការមិនធ្វើអំពើបាបទាំងពួង (តាមរយៈកាយ វាចា ចិត្ត)។
២.ការធ្វើអំពើកុសលឱ្យដល់ព្រម (ការសន្សំសេចក្តីល្អ)។
៣.ការធ្វើចិត្តរបស់ខ្លួនឱ្យបរិសុទ្ធស្អាត (ការលះបង់មន្ទិលសេចក្តីសៅហ្មងចេញពីចិត្ត)។
