29/05/2026
រាជធានីភ្នំពេញ÷ ថ្ងៃព្រហស្បតិ៍ ១២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែឧសភា ឆ្នាំ២០extended៦
លោកស្រី សំរិត ស្រីល័ក្ខ ប្រធាន និងលោក យិន ឃីន អនុប្រធានប្រចាំការ កណ្ដាលផែនរាជិនីមានជ័យ (ចំណុះឲ្យសមាគមរួមគ្នាដើម្បីអភិវឌ្ឍន៍កម្ពុជា និងជាចលនាសេដ្ឋកិច្ចក្រៅប្រព័ន្ធនៃសហភាពសហព័ន្ធយុវជនកម្ពុជារាជធានីភ្នំពេញ) អមដំណើរដោយ លោកស្រី ថោង គឹមលី និងលោក ស៊ន់ សិដ្ឋា មកពីលេខាធិការដ្ឋានកណ្ដាលផែនរាជិនីមានជ័យ បានដឹកនាំសមាជិកសមាជិកា ចូលរួមយ៉ាងសកម្មក្នុងព្រឹត្តិការណ៍ថ្នាក់ជាតិ «ដាស់ស្មារតីជាតិ (Day of Reckoning)» នៅពហុកីឡដ្ឋានជាតិអូឡាំពិក ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.)។
យុទ្ធនាការ «ដាស់ស្មារតីជាតិ» គឺជាយុទ្ធនាការថ្នាក់ជាតិមួយដែលត្រូវបានរៀបចំឡើងក្នុងគោលបំណងចងក្រង និងផ្សព្វផ្សាយជាសាធារណៈដើម្បីឱ្យយុវជនជំនាន់ក្រោយបានយល់ដឹងជ្រាលជ្រៅ និងចងចាំទុកជាប្រវត្តិសាស្ត្រនូវបទពិសោធន៍ និងព្រឹត្តិការណ៍ពិតដែលជាមេរៀនដ៏ជូរចត់ដែលប្រទេសកម្ពុជាបានឆ្លងកាត់ក្នុងឆ្នាំ២០២៥។
កម្មវិធីនេះ ធ្វើឡើងក្នុងគោលបំណងរំលឹក និងដាស់ស្មារតីប្រជាជាតិឱ្យចងចាំពីដំណើរប្រវត្តិសាស្ត្រ ការឈឺចាប់ ការបាត់បង់ និងការតស៊ូដែលប្រជាជនកម្ពុជាធ្លាប់បានឆ្លងកាត់ រួមទាំងប្រែក្លាយមេរៀន ព្រមទាំងស្លាកស្នាមនៃអតីតកាល ឱ្យទៅជាកម្លាំងជំរុញចិត្តសម្រាប់ប្រជាជន ជាពិសេសយុវជនជំនាន់ក្រោយ ក្នុងការអភិវឌ្ឍសមត្ថភាព ការពង្រឹងស្មារតីស្នេហាជាតិ និងការចូលរួមថែរក្សាសន្តិភាព ស្ថិរភាព និងសមិទ្ធផលសង្គមដែលកម្ពុជាកំពុងមាននាពេលបច្ចុប្បន្ន។
ក្នុងន័យនេះ កម្មវិធី «ដាស់ស្មារតីជាតិ» មិនមែនជាការរំលឹកអតីតកាល ដើម្បីបង្កើតការបែកបាក់ ការរើសអើង ឬការគុំកួនសងសឹកនោះឡើយ ប៉ុន្តែជាការដាស់តឿនស្មារតីប្រជាជាតិឱ្យយល់ដឹងពីតម្លៃនៃការរួបរួម សន្តិភាព ការអត់ឱន និងការកសាងអនាគតរួមគ្នា ដោយបញ្ចៀសដាច់ខាតនូវទស្សនៈជ្រុលនិយមគ្រប់ទម្រង់។ ព្រឹត្តិការណ៍នេះក៏បានក្លាយជាចំណុចចាប់ផ្តើមសំខាន់មួយក្នុងការបំផុស និងដាស់ស្មារតីស្នេហាជាតិពីសំណាក់ប្រជាពលរដ្ឋគ្រប់រូប ដោយរួមចំណែកក្នុងការប្រមូលផ្ដុំស្មារតីសាមគ្គីភាពឱ្យក្លាយជាកម្លាំងចលករផ្លូវចិត្ត និងជាការដាស់តឿនដើម្បីពង្រឹងភាពធន់របស់ជាតិ។
កណ្តាលផែនរាជិនីមានជ័យ តែងតែត្រៀមខ្លួនជានិច្ចក្នុងការគាំទ្រ និងចូលរួមគ្រប់សកម្មភាពថ្នាក់ជាតិ ដើម្បីរួមចំណែកកសាង និងការពារសមិទ្ធផលសង្គមជាតិ ស្របតាមចក្ខុវិស័យដ៏វែងឆ្ងាយរបស់ថ្នាក់ដឹកនាំ។
-សហភាពសហព័ន្ធយុវជនកម្ពុជារាជធានីភ្នំពេញ
-ចលនាសេដ្ឋកិច្ចក្រៅប្រព័ន្ធ
-សមាគមរួមគ្នាដើម្បីអភិវឌ្ឍន៍កម្ពុជា
-កណ្ដាលផែនរាជិនីមានជ័យ
គោរពរាយការណ៍ដោយ៖ ខ្ញុំបាទ យិន ឃីន អនុប្រធានប្រចាំការ កណ្តាលផែនរាជិនីមានជ័យ
#យិនឃីន #សំរិតស្រីល័ក្ខ #កណ្តាលផែនរាជិនីមានជ័យ #ដាស់ស្មារតីជាតិ #សសយក #សសយកភ្នំពេញ #ចលនាសេដ្ឋកិច្ចក្រៅប្រព័ន្ធ #សមាគមរួមគ្នាដើម្បីអភិវឌ្ឍន៍កម្ពុជា
