02/09/2025
រឿងដែលអ្នកត្រូវគិតឡើងវិញ មុននឹងបង្កើតរូបភាពដោយ Generative AI 🖼🤔
Generative AI (Gen AI) បានធ្វើឱ្យការបង្កើតរូបភាព បែបឌីជីថលក្លាយជារឿងងាយស្រួល និងរហ័ស។ គ្រាន់តែវាយបញ្ចូលពាក្យមួយឃ្លា អ្នកអាចទទួលបានរូបភាពដ៏ស្រស់ស្អាតភ្លាមៗ។ ប៉ុន្តែភាពងាយស្រួលនេះក៏បានបង្កជាបញ្ហា និងចំណុចដែលយើងគួរគិតឡើងវិញផងដែរ ជាពិសេសទៅលើ៖
១. បញ្ហា កម្មសិទ្ធិបញ្ញា (Copyright) ⚖️
+ ទិន្នន័យសម្រាប់ Train (Training Data): Gen AI ដូចជា Midjourney, Gemini ឬ DALL-E ត្រូវបាន Train (បង្រៀន) ដោយរូបភាពរាប់លានសន្លឹកដែលបានប្រមូលពីអ៊ីនធឺណិត។ បញ្ហាគឺថា រូបភាពទាំងនោះអាចជាស្នាដៃដែលមានកម្មសិទ្ធិបញ្ញា។ តើការប្រើប្រាស់រូបភាពទាំងនេះដោយគ្មានការអនុញ្ញាតត្រឹមត្រូវអាចចាត់ទុកជាការលួចចម្លងដែរឬទេ?
+ ម្ចាស់កម្មសិទ្ធិ (Ownership): តើអ្នកណាជាម្ចាស់កម្មសិទ្ធិលើរូបភាពដែលបង្កើតដោយ AI? តើជា AI នោះ? ឫ អ្នកប្រើប្រាស់ដែលបញ្ចូលពាក្យ (Prompt) ឬក៏គ្មាននរណាម្នាក់ជាម្ចាស់ឡើយ?
២. បញ្ហាលើក្រមសីលធម៌ 👨👩👧👦
+ ការបន្លំ ឬDeepfake: Gen AI ក៏អាចបង្កើតរូបភាព ឬវីដេអូក្លែងក្លាយ (deepfake) ដែលមើលទៅដូចពិតពេក សម្រាប់ប្រើប្រាស់ក្នុងគោលបំណងបោកប្រាស់ ឬបំភាន់ព័ត៌មាន។
៣. តម្លៃនៃស្នាដៃរបស់មនុស្ស 🎨
+ តម្លៃនៃការខិតខំរបស់មនុស្ស (Human Effort): នៅពេលដែល AI អាចបង្កើតរូបភាពបានរាប់រយក្នុងរយៈពេលប៉ុន្មាននាទី តើអ្វីទៅជាតម្លៃនៃការខិតខំប្រឹងប្រែង ពេលវេលា និងការច្នៃប្រឌិតរបស់វិចិត្រករដែលចំណាយពេលរាប់ថ្ងៃ រាប់សប្ដាហ៍ ឬរាប់ខែដើម្បីបង្កើតស្នាដៃមួយ?
+ តើការប្រើប្រាស់ Gen AI គួរតែត្រូវបានចាត់ទុកជាអ្វី?
យើងអាចចាត់ទុកវាដូចជាកាមេរ៉ា ឬ កម្មវិធីPhotoshop។ វាជាឧបករណ៍ មួយដ៏មានអនុភាព ដែលអាចជួយជំរុញគំនិតច្នៃប្រឌិតរបស់យើង។ ប៉ុន្តែយើងត្រូវតែប្រើប្រាស់វាដោយមានការទទួលខុសត្រូវខ្ពស់។
បញ្ហាទាំងនេះ នៅតែបន្តពិភាក្សាក្នុងចំណោមអ្នកស្រាវជ្រាវទាំងអស់ ពីគ្រប់មជ្ឈដ្ឋាន។ វាជារឿងសំខាន់ដែលអ្នកបង្កើត និងអ្នកប្រើប្រាស់ Gen AI ទាំងអស់ត្រូវយល់ពីហានិភ័យ និងផលប៉ះពាល់របស់វា ដើម្បីធានាថាបច្ចេកវិទ្យានេះត្រូវបានប្រើប្រាស់ប្រកបដោយក្រមសីលធម៌ និងមានការគោរពដល់ស្នាដៃដើមរបស់មនុស្ស។
បញ្ចាក់៖ នេះគ្រាន់តែជាការចែករំលែកការយល់ឃើញ ពីជ្រុងរបស់ខ្ញុំប៉ុណ្ណោះ
