08/03/2026
#វិស័យថាមពល និង សេដ្ឋកិច្ចជាតិ !
វត្ថុធាតុដែលប្រើសម្រាប់បង្កើតថាមពលបាន រួមមាន៖ ប្រេងឥន្ធនៈ ធ្យូងថ្ម អ៊ុយរ៉ាញ៉ូម ឧស្ម័ន ឬ ហ្គាស...។ ក្រៅពីនេះមាន ពន្លឺព្រះអាទិត្យ ខ្យល់ ទឹក ចលនា (Kinetic)...ជាដើម ។ល។
គ្រប់ប្រទេសទាំងអស់ ត្រូវការជាចាំបាច់នូវ ភ្លើងអគ្គិសនី ប្រេងឥន្ធនៈ ឧស្ម័ន ឬ ហ្គាស សម្រាប់ប្រើដើម្បីឲ្យសេដ្ឋកិច្ចដំណើរការ និង មាននិរន្តរភាព ។ ជាពិសេស រ៉ែប្រេងមិនមែនមាននៅគ្រប់កន្លែងទេ !
ដូច្នេះហើយ បានជាប្រទេសមហាអំណាចឈ្លោះគ្នា ដោយសារ ដណ្តើមផលប្រយោជន៍គ្នា ។ ឯអ្នករងគ្រោះគឺ ប្រទេសតូចតាច ប្រទេសទន់ខ្សោយ ។
ដើម្បីដោះស្រាយវិបត្តិថាមពល ជាពិសេស វិបត្តិប្រេងឥន្ធនៈ គឺមានតែប្រើថាមពលកកើតឡើងវិញ ឬ ថាមពលជំនួសដូចជា អ៊ីដ្រូហ្សែន ហ្គាសទឹក សូឡា អាគុយ ឬ ថាមពលមិនគិតថ្លៃ (Free Energy) ដើម្បីកាត់បន្ថយតម្រូវការប្រើប្រាស់ប្រេងឥន្ធនៈឲ្យតិចបំផុត និង កាត់បន្ថយការចំណាយ ។
ឆ្នាំ 2026, ប្រទេសអាណាចក្រប្រេងធំៗ ដូចជា អារ៉ាប់ អ៊ីរ៉ង់ រុស្សី... មានបញ្ហាសង្គ្រាមកើតឡើង ដែលបានបំផ្លាញកន្លែងផលិតប្រេងមួយចំនួន បិទច្រកនាំចេញប្រេង កាត់បន្ថយការនាំចេញប្រេង ធ្វើឲ្យមានវិបត្តិប្រេងទូទាំងសកលលោក ធ្វើឲ្យតម្លៃប្រេងឥន្ធនៈកើនឡើងខ្ពស់ ការចំណាយកើនឡើង ទំនិញឡើងថ្លៃ ដែលប៉ះពាល់ដល់សេដ្ឋកិច្ចសកល ។
ដើម្បីបង្ការ និង ដោះស្រាយបញ្ហានេះ គឺមានតែប្រើប្រាស់ថាមពលជំនួសដូចជា អ៊ីដ្រូហ្សែន ហ្គាសទឹក សូឡា អាគុយ... ជាដើម ។ល។
ដូច្នេះ អ្នកប្រើប្រាស់ម៉ូតូ ឡាន ឬ យានយន្តសម្រាប់ដឹកជញ្ជូន ម៉ាស៊ីនបូមទឹក ម៉ាស៊ីនភ្លើង... ជាដើម គួរតែផ្លាស់ប្តូរ ឬ កែច្នៃមកប្រើសូឡាអគ្គិសនី អាគុយ ហ្គាស ហ្គាសទឹក ឬ អ៊ីដ្រូហ្សែនវិញ ដើម្បីកាត់បន្ថយការចំណាយឲ្យបានច្រើន និង កាត់បន្ថយការបំពុលបរិស្ថាន ។
រដ្ឋាភិបាល ក្រសួងរ៉ែនិងថាមពល គួរតែគិតគូរអំពីបញ្ហានេះ ដើម្បីបង្ការជាមុន នៅពេលមានវិបត្តិប្រេងសកល ក៏គ្មានបញ្ហា ។
បង្កើតគោលការណ៍លើកទឹកចិត្តឲ្យប្រជាជនប្រើម៉ូតូ ឡាន យានយន្តអគ្គិសនី ឬ អាគុយ, Hybrid, ហ្គាស ឬ អ៊ីដ្រូហ្សែន ។ ផ្លាស់ប្តូរពីម៉ាស៊ីនប្រើប្រេង មកប្រើសូឡាអគ្គិសនី... ។ល។
បង្កើតក្រុមការងារបច្ចេកទេស ដោយមានស្តង់ដារត្រឹមត្រូវ ដើម្បីកែច្នៃពីម៉ាស៊ីនប្រើប្រេង មកប្រើហ្គាសទឹក ឬ អ៊ីដ្រូហ្សែនជំនួយ ដើម្បីកាត់បន្ថយការចំណាយ និង ការប្រើប្រាស់ប្រេង ។
បច្ចុប្បន្ន មានក្រុមហ៊ុនមួយចំនួនបានកែច្នៃបច្ចេកទេសប្រើហ្គាសទឹកជំនួយ ប៉ុន្តែ ប្រជាជនមិនទាន់មានការយល់ដឹងជាសកលទេ ។
ហ្គាសទឹក ៖ https://www.facebook.com/share/v/16u7Y5ffZ9/
ហ្គាសទឹក ៖ https://www.facebook.com/share/v/1BJuKuHXq1/
ប្រទេសកម្ពុជា បើការបូមប្រេងរបស់ខ្លួនឯងមិនអាចចំណេញបាន គឺមានតែផលិតអ៊ីដ្រូហ្សែន (Hydrogen) ដោយខ្លួនឯង ដើម្បីប្រើជំនួសប្រេង កាត់បន្ថយចំណាយ និង បង្ការកុំឲ្យមានបញ្ហា ទោះបីមានវិបត្តិប្រេងក៏ដោយ ។ ក្រៅពីនេះគឺ សូឡាអគ្គិសនី...។ល។
