27/05/2023
មូលហេតុអ្វីបានជាផ្សារមួយចំនួនមានសភាពស្ងប់ស្ងាត់ ៖
• ការរីកលូតលាស់នៃបច្ចេកវិទ្យា ៖ សព្វថ្ងៃនេះបច្ចេកវិទ្យាមានការរីកចម្រើនខ្លាំង គួរអោយកត់សំគាល់ មនុស្សស្ទើរតែគ្រប់គ្នាសុទ្ធសឹងតែមាន Smartphone នៅក្នុងដៃរៀងៗខ្លួនដែលបង្កភាពកាន់តែងាយស្រួលក្នុងការស្វែងរកទំនិញដូចជា កាបូប សម្លៀកបំពាក់ស្បែកជើង គ្រឿងសំអាង ឬអ្វីផ្សេងៗទៀតដែរជាតម្រូវការរបស់ពួកគេតាមរយៈទូរសព្ទដៃ ។
• ការប្រើប្រាស់បណ្តាញសង្គម ៖ ពេលបច្ចុប្បន្ន Facebook , Instagram និងបណ្តាញសង្គមមួយចំនួនទៀត សុទ្ធសឹងតែពេញនិយមពី សំណាក់យុវ័យមិនថា ចាស់ក្មេងនោះឡើយបណ្តាញសង្គមទាំងនេះបានជួយឱ្យមនុស្សមានទំនាក់ទំនងនឹងគ្នាយ៉ាងជិតស្និទ្ធទន្ទឹមនឹងគ្នានោះផងដែរមនុស្សមួយចំនួនក៏បានមើលឃើញឱកាសក្នុងការស្វែងរកប្រាក់ចំណូលផងដែរ ។
• ចេះទាញផលប្រយោជន៍ពីប្រព័ន្ធផ្សាយ ៖ ដោយមើលឃើញការប្រើប្រាស់បណ្តាញយ៉ាងច្រើនពីមួយថ្ងៃទៅមួយថ្ងៃការលក់តាមអនឡាញក៏ចាប់ផ្តើមមានជាបន្តបន្ទាប់ ស្ទើរតែមានគ្រប់មុខទំនិញ ដែលធ្វើអោយមានលក្ខណៈងាយស្រួលសម្រាប់អតិថិជនដែលមានបំណងក្នុងការស្វែងរកទំនិញដែលជាតម្រូវការ ។
• ភាពងាយស្រួលសម្រាប់អតិថិជន ៖ មនុស្សអាចនិងមានភាពងាយស្រួលនិងចំណេញបានច្រើនជាងមុននៅពេលដែលពួកគេ ជ្រើសរើសការទិញតាមអនឡាញ ពួកគេអាចចំណេញពេលវលាបានច្រើនជាងមុន ព្រមទាំងមានជម្រើសច្រើនក្នុងការស្វែងរករម្លៃមួយដែលសមរម្យតាមតម្រូវការ ។ ហើយអ្នកលក់តាមអនឡាញមួយចំនួនធំនាពេលបច្ចុប្បន្នក៏បានបូករួមជាមួយសេវាកម្មដឹកជញ្ជូនផងដែរ ដែលផ្តល់ជាលក្ខណៈកាន់តែងាយស្រួលបន្ថែមមួយកំរិតទៀត ។
កក្តាទាំងនេះហើយដែលធ្វើអោយមនុស្សជាច្រើនចាប់ផ្តើមងាកពីការដើរផ្សារដោយផ្ទាល់ដោយជ្រើសរើសយកការទិញតាមអនឡាញជំនួសវិញ ។ ដូចនេះហើយម្ចាស់អាជីវកម្មដែលមិនទាន់មានវត្តមាននៅលើបណ្តាញសង្គមគួរណាស់តែដល់ពេលដែលត្រូវចាប់ផ្តើមពីពេលនេះតទៅ និងត្រូវស្វែងយល់អំពីរបៀបប្រើប្រាស់បណ្តាញសង្គម ឬ ស្វែងរកអ្នកដែលមានជំនាញលើវិស័យនេះអោយជួយក្នុងការរៀបចំវត្តមានអាជីវកម្មរបស់លោកអ្នកអោយមាននៅលើបណ្តាញសង្គម ដែលជាតម្រូវការនាពេលបច្ចុប្បន្ន។
