20/08/2026
https://www.facebook.com/share/19NEW5iJxt/
បើអ្នកចង់ក្លាយជាអ្នកមាន ចូរទំនាក់ទំនងសេពគប់ជាមួយមនុស្សទាំងអស់នេះ
"បណ្ដាញទំនាក់ទំនងរបស់អ្នក គឺជាទ្រព្យសម្បត្តិរបស់អ្នក បើអ្នកសាងទំនាក់ទំនងត្រូវ ជីវិតអ្នកក៏កាន់តែមានបាន"
សេពគប់មនុស្សទាំងអស់នេះទុក បើអ្នកមានឱកាស....
១. អ្នកនយោបាយ ឬអ្នកធ្វើគោលនយោបាយ
(ពួកគេយល់ច្បាស់អំពីប្រព័ន្ធ និងរបៀបរៀបចំរចនាសម្ព័ន្ធសង្គម)
ការរាប់អានអ្នកដែលធ្វើការក្នុងរង្វង់រដ្ឋាភិបាល ឬអ្នកនយោបាយ មិនមែនមានន័យថាដើម្បីទាញប្រយោជន៍ខុសច្បាប់នោះទេ ប៉ុន្តែពួកគេគឺជាអ្នកដែលដឹងមុនគេអំពីការផ្លាស់ប្ដូរគោលនយោបាយ ច្បាប់ទម្លាប់ គម្រោងអភិវឌ្ឍន៍ហេដ្ឋារចនាសម្ព័ន្ធ (ដូចជាការធ្វើផ្លូវ ស្ពាន...) ឬការលើកលែងពន្ធផ្សេងៗ...ជាដើម។ ការដឹងព័ត៌មានទាំងនេះមុន ជួយឲ្យអ្នកអាចរៀបចំយុទ្ធសាស្ត្រអាជីវកម្ម ឬទិញអចលនទ្រព្យបានចំគោលដៅ និងទាន់ពេលវេលា។
២. គណនេយ្យករ
(ពួកគេដឹងថាប្រាក់នៅឯណា ហើយត្រូវបានគ្រប់គ្រង និងចាត់ចែងយ៉ាងដូចម្តេច)
គណនេយ្យករប្រៀបដូចជាគ្រូពេទ្យពិនិត្យសុខភាពហិរញ្ញវត្ថុរបស់ក្រុមហ៊ុនអញ្ចឹង ពួកគេដឹងពីរបៀបកាត់បន្ថយចំណាយដែលមិនចាំបាច់ ដឹងពីរបៀបបង់ពន្ធឲ្យបានត្រឹមត្រូវនិងចំណេញ និងជួយឲ្យអ្នកមើលឃើញពីលំហូរសាច់ប្រាក់ច្បាស់លាស់។ បើគ្មានគណនេយ្យករពូកែទេ ទោះអ្នករកលុយបានច្រើនប៉ុណ្ណា ក៏អាចធ្លាយរលាយអស់ទៅវិញដោយមិនដឹងខ្លួនដែរ។
៣. អ្នកធ្វើការធនាគារ
(ពួកគេគឺជាអ្នកដែលធ្វើឲ្យលុយមានចលនា ឬមានរំហូរ)
ធនាគារិក គឺជាអ្នកកាន់សោរឃ្លាំងទុន នៅពេលដែលអាជីវកម្មរបស់អ្នកត្រូវការការពង្រីក ហើយអ្នកត្រូវការដើមទុនបន្ថែម ការមានទំនាក់ទំនងល្អជាមួយអ្នកធនាគារ (ប្រធានសាខា ឬអ្នកវិភាគឥណទាន) គឺមានប្រយោជន៍ណាស់ ពួកគេអាចណែនាំអ្នកពីរបៀបរៀបចំឯកសារកម្ចីឲ្យឆាប់ធ្លាក់ ផ្ដល់អាត្រាការប្រាក់ពិសេស ឬជួយសម្រួលរាល់ប្រតិបត្តិការហិរញ្ញវត្ថុធំៗរបស់អ្នកឲ្យរលូន។
៤. វិនិយោគិន
(ពួកគេដឹងពីវិធីធ្វើឱ្យលុយបង្កើតផលចំណេញ យកលុយបង្កើតលុយ)
អ្នកវិនិយោគមានផ្នត់គំនិតខុសពីមនុស្សធម្មតា ពួកគេមិនធ្វើការដើម្បីលុយទេ តែគេប្រើលុយឲ្យធ្វើការជំនួសគេ, ការនៅក្បែរអ្នកវិនិយោគ នឹងជួយឲ្យអ្នករៀនសូត្រពី របៀបវាយតម្លៃហានិភ័យ របៀបមើលឱកាសចំណេញ (ដូចជាទិញភាគហ៊ុន អចលនទ្រព្យ ឬដាក់ទុនរកស៊ី) និងរបៀបប្រើប្រាស់អានុភាពនៃការប្រាក់សន្សំ ពួកគេបង្រៀនអ្នកឲ្យស្គាល់ពីអ្វីទៅជាទ្រព្យ និងអ្វីទៅជាបំណុល។
៥. ម្ចាស់អាជីវកម្ម
(ពួកគេជាអ្នកបង្កើតឱកាសថ្មីៗជានិច្ច)
ម្ចាស់អាជីវកម្មគឺជាមនុស្សដែលពោរពេញដោយថាមពល ការច្នៃប្រឌិត និងភាពក្លាហាន, ទំនាក់ទំនងជាមួយពួកគេ គឺបើកផ្លូវឲ្យអ្នកទទួលបានឱកាសសហការគ្នា រកម៉ូយ ឬអតិថិជនថ្មីៗ ជាងនេះទៅទៀត អ្នកអាចរៀនសូត្រពីបទពិសោធន៍ផ្ទាល់របស់ពួកគេក្នុងការដោះស្រាយបញ្ហាប្រឈម ការគ្រប់គ្រងបុគ្គលិក និងការលក់ ដែលសាលារៀនមិនសូវមានបង្រៀន។
៦. មេធាវី
(ពួកគេជួយការពារទ្រព្យសម្បត្តិ និងថវិការបស់អ្នក)
ការរកលុយបានច្រើនគឺជារឿងមួយ តែការរក្សាវាឲ្យគង់វង្សគឺជារឿងមួយទៀត មេធាវីដើរតួជាខែលការពារអ្នកពីហានិភ័យផ្លូវច្បាប់ រាល់ការចុះកិច្ចសន្យារកស៊ី ការទិញលក់ដីធ្លី ការបង្កើតក្រុមហ៊ុន ឬការការពារកម្មសិទ្ធិបញ្ញា គឺសុទ្ធតែត្រូវការមេធាវីដើម្បីធានាថា អ្នកនឹងមិនចាញ់បោកគេ ឬមិនប្រឈមនឹងការប្ដឹងផ្ដល់ដែលធ្វើឲ្យខាតបង់ទ្រព្យសម្បត្តិធំដុំនៅថ្ងៃក្រោយ។
៧. អ្នកជំនាញអចលនទ្រព្យ
(ពួកគេដឹងពីទីតាំងយុទ្ធសាស្ត្រ និងនិន្នាការនៃការប្រែប្រួលតម្លៃដីធ្លី)
អចលនទ្រព្យគឺជាប្រភពនៃទ្រព្យសម្បត្តិដ៏រឹងមាំ និងងាយស្រួលប្រើប្រាស់ជាទុនបំផុតមួយ, ការមានទំនាក់ទំនងជាមួយភ្នាក់ងារ ឬអ្នកអភិវឌ្ឍន៍អចលនទ្រព្យឆ្នើម ជួយឱ្យអ្នកដឹងមុនពីតំបន់ដែលមានសក្តានុពល គម្រោងអភិវឌ្ឍន៍ថ្មីៗ និងឱកាសទិញបានក្នុងតម្លៃក្រោមទីផ្សារ, ពួកគេអាចណែនាំពីរបៀបបង្កើតចំណូលអកម្ម តាមរយៈការជួល និងបង្កើនទ្រព្យសម្បត្តិយ៉ាងឆាប់រហ័ស។
៨. អ្នកជំនាញទីផ្សារ និងការលក់
(ពួកគេដឹងពីរបៀបទាក់ទាញចំណាប់អារម្មណ៍របស់មនុស្ស និងប្រែក្លាយវាទៅជាប្រាក់ចំណូល)
ទោះបីជាអ្នកមានផលិតផល ឬសេវាកម្មល្អកម្រិតណាក៏ដោយ បើគ្មានអ្នកស្គាល់ និងគ្មានអ្នកទិញ អាជីវកម្មនោះមិនអាចរស់បានទេ, អ្នកជំនាញផ្នែកនេះយល់ច្បាស់ពីចិត្តសាស្ត្រអតិថិជន របៀបសាងសង់យីហោ និងយុទ្ធសាស្ត្រលក់ដ៏មានប្រសិទ្ធភាព, ការនៅក្បែរពួកគេ នឹងជួយឱ្យអ្នកចេះលក់ខ្លួនឯង លក់គំនិត និងពង្រីកចំណែកទីផ្សារអាជីវកម្មឱ្យកើនឡើងជាលំដាប់។
៩. អ្នកជំនាញបច្ចេកវិទ្យា
(ពួកគេយល់ពីនិន្នាការអនាគត និងរបៀបប្រើប្រាស់ប្រព័ន្ធដើម្បីពន្លឿនការងារ)
នៅក្នុងយុគសម័យឌីជីថល បច្ចេកវិទ្យាគឺជាអានុភាពដ៏ធំបំផុត ការរាប់អានអ្នកជំនាញ IT ឬអ្នកបង្កើតកម្មវិធី ជួយឱ្យអ្នកមើលឃើញឱកាសក្នុងការនាំយកបច្ចេកវិទ្យាមកដោះស្រាយបញ្ហា កាត់បន្ថយការចំណាយកម្លាំងពលកម្ម និងពង្រីកអាជីវកម្មទៅកាន់ទីផ្សារដោយគ្មានព្រំដែន, ពួកគេគឺជាអ្នកសាងសង់ហេដ្ឋារចនាសម្ព័ន្ធសេដ្ឋកិច្ចសម្រាប់អនាគត។
១០. អ្នកភ្ជាប់ទំនាក់ទំនង
(ពួកគេស្គាល់មនុស្សគ្រប់មជ្ឈដ្ឋាន និងដឹងពីរបៀបផ្គូផ្គងតម្រូវការរបស់ភាគីទាំងសងខាង)
Connectors គឺជាមនុស្សដែលមានបណ្តាញទំនាក់ទំនងធំទូលាយបំផុត ពួកគេអាចមិនមែនជាសេដ្ឋីខ្លួនឯងទេ តែពួកគេស្គាល់សេដ្ឋី ស្គាល់អ្នកវិនិយោគ និងស្គាល់មនុស្សមានទេពកោសល្យច្រើន ការមានទំនាក់ទំនងល្អជាមួយមនុស្សប្រភេទនេះ ប្រៀបដូចជាអ្នកមានផ្លូវកាត់ ក្នុងការស្វែងរកដៃគូសហការ អ្នកវិនិយោគ ឬធនធានមនុស្សដែលអ្នកកំពុងត្រូវការបន្ទាន់ ដោយមិនចាំបាច់ចំណាយពេលរាវរកដោយខ្លួនឯង។
១១. ទីប្រឹក្សា និងអ្នកណែនាំ
(ពួកគេធ្លាប់ឆ្លងកាត់ការបរាជ័យ ភាពជោគជ័យ និងមានបទពិសោធន៍រាប់សិបឆ្នាំរួចមកហើយ)
ការដើរលើវិថីឆ្ពោះទៅរកភាពមានបាន គឺពោរពេញដោយរលាក់និងឧបសគ្គ ការមាន Mentor ដ៏ល្អម្នាក់ ប្រៀបដូចជាមានត្រីវិស័យ បង្ហាញផ្លូវយ៉ាងជាក់លាក់ ពួកគេអាចផ្តល់ដំបូន្មានប្រកបដោយគតិបណ្ឌិត ជួយកែតម្រូវផ្នត់គំនិតរបស់អ្នក និងជួយឱ្យអ្នកចៀសវាងពីការសម្រេចចិត្តខុសឆ្គងដែលអាចធ្វើឱ្យខាតបង់ប្រាក់លាន, ចំណេះដឹងអាចរកបានពីការអាន តែប្រាជ្ញាដ៏ជ្រាលជ្រៅគឺបានមកពីបទពិសោធន៍ផ្ទាល់របស់ពួកគេ។
"ចូរស្ថាបនាទំនាក់ទំនងជាមួយមនុស្សដែលយល់ពីរបៀបដែលលុយដើរ ព្រោះនោះហើយជាវិធីបង្កើតភាពជាអ្នកមាន"
លុយមិនមែននៅស្ងៀមទេ វាមានចលនាហូរពីកន្លែងមួយទៅកន្លែងមួយទៀតជានិច្ច, មនុស្សទាំង ១១ ក្រុមខាងលើនេះ គឺជាតួអង្គសំខាន់ៗដែលបញ្ជាចរាចរណ៍លុយ និងឱកាសនៅក្នុងសេដ្ឋកិច្ច ប្រសិនបើអ្នកចំណាយពេលរាប់អាន រៀនសូត្រ និងសហការជាមួយពួកគេ នោះអ្នកនឹងយល់ពីច្បាប់នៃការធ្វើជំនួញ ដឹងពីប្រភពទុន ចេះយកលុយទៅបង្កើតលុយ ចេះការពារទ្រព្យសម្បត្តិ និងចេះពង្រីកសក្តានុពលខ្លួនឯងដល់កម្រិតកំពូល ដែលជាគ្រឹះដ៏រឹងមាំបំផុតដើម្បីសេរីភាពហិរញ្ញវត្ថុពិតប្រាកដ។
_____សុវត្ថន៍-Sovathn
#សុវត្ថន៍_Sovathn #ផ្លាស់ប្ដូរផ្នត់គំនិត #ជោគវាសនាជីវិត #ផលនៃកម្ម #មេរៀនជីវិត #ការពិតនៃសង្គម #ការអភិវឌ្ឍន៍ខ្លួនឯង #សុខភាពផ្លូវចិត្ត #ភាពរឹងមាំ #អ្នកតស៊ូ #សេចក្តីថ្លៃថ្នូរ #ភាពឯកោ #ការតាំងចិត្ត #ការអភិវឌ្ឍ #អភិវឌ្ឍន៍ខ្លួន #អៀនខ្មាស #ក្រែងចិត្ត #ក្រែងចិត្តអ្នកដទៃ #មិនក្លាហាន #ពេលវេលា #អាកប្បកិរិយាល្អ #ផ្នត់គំនិត #សមត្ថភាព #ចរិតសុីន #យល់ចិត្តគ្នា #ផ្លាស់ប្តូរខ្លួនឯង #អភិវឌ្ឍខ្លួនឯង #ទស្សនៈជីវិត #អភិវឌ្ឍន៍ខ្លួនឯង #ផ្នត់គំនិត
