នៅជាមួយប្រជាជន

នៅជាមួយប្រជាជន នៅជិត 🇰🇭
នៅជាប់🇰🇭
នៅជួយ🇰🇭
(1)

ក្រុមការងារ ឯកឧត្តមបណ្ឌិត ហេង សុខគង់ បាននាំយកថ្នាំពេទ្យជាអំណោយដ៏ថ្លៃថ្លារបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងក្រុ...
08/09/2026

ក្រុមការងារ ឯកឧត្តមបណ្ឌិត ហេង សុខគង់ បាននាំយកថ្នាំពេទ្យជាអំណោយដ៏ថ្លៃថ្លារបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី និងក្រុមគ្រូពេទ្យ ចុះពិនិត្យព្យាបាលជំងឺ និងចែកថ្នាំពេទ្យជូនប្រជាពលរដ្ឋតាមខ្នងផ្ទះ នៅភូមិគោកកណ្ដាល ឃុំភក្ដី ស្រុកបសេដ្ឋ ខេត្តកំពង់ស្ពឺ។

នាព្រឹកថ្ងៃសៅរ៍ ទី០៥ ខែកញ្ញា ឆ្នាំ២០២៦ ក្រុមការងារចុះមូលដ្ឋានឃុំភក្ដី ស្រុកបសេដ្ឋ ដឹកនាំដោយ ឯកឧត្តមបណ្ឌិត វង្ស វ៉ាន់នី អនុប្រធានក្រុមការងារចុះមូលដ្ឋានឃុំភក្ដី និងក្រុមការងារគ្រូពេទ្យគណបក្សប្រជាជនកម្ពុជាឃុំភក្ដី តំណាង ឯកឧត្តម លី ចាន់សុភក្ដី ប្រធានក្រុមការងារចុះមូលដ្ឋានឃុំភក្ដី រួមជាមួយគណៈអចិន្ត្រៃយ៍គណបក្សឃុំ និងសាខាបក្សភូមិ (សរុបចំនួន ៩នាក់ ស្រី ២នាក់) បានចុះពិនិត្យព្យាបាលជំងឺ និងផ្តល់ថ្នាំពេទ្យដោយឥតគិតថ្លៃជូនប្រជាពលរដ្ឋចំនួន ២៨ខ្នងផ្ទះ សរុប ១១២នាក់ ក្នុងនោះស្រី ៧៨នាក់។

កិច្ចប្រជុំ និងសកម្មភាពចុះមូលដ្ឋានរួមមាន៖

១. បើកកិច្ចប្រជុំជីវភាពប្រចាំខែ ស្តីពីការពង្រឹងរចនាសម្ព័ន្ធ ចាត់តាំង សតិអារម្មណ៍ និងសាមគ្គីភាពផ្ទៃក្នុងរបស់សាខាបក្សភូមិ។

២. បន្តតាមដាន និងពិនិត្យវឌ្ឍនភាពនៃការអនុវត្តផែនការសកម្មភាពបន្ថែមទាំង ៩ចំណុច ដែល ឯកឧត្តមបណ្ឌិត ហេង សុខគង់ បានដាក់ជូនសាខាបក្សភូមិទាំង៩ ដើម្បីអនុវត្តឱ្យសម្រេចតាមគោលដៅដែលថ្នាក់ដឹកនាំបានដាក់ចេញ។

៣. ឧបត្ថម្ភថវិកាជូនសាខាបក្សភូមិគោកកណ្ដាល ចំនួន ១០០,០០០រៀល (ដប់ម៉ឺនរៀល)។

៤. ចំណាយថវិកាសម្រាប់ការពិនិត្យព្យាបាល និងចែកថ្នាំពេទ្យ ចំនួន ២,៨០០,០០០រៀល (ពីរលានប្រាំបីសែនរៀល)។

សរុបចំណាយថវិកាទាំងអស់៖ ២,៩០០,០០០រៀល (ពីរលានប្រាំបួនសែនរៀល)។

ឯកឧត្តម ហ៊ុន ម៉ានី បន្តចុះសួរសុខទុក្ខ និងសំណេះសំណាលជាមួយថ្នាក់ដឹកនាំឃុំចំនួន ៤ បន្ថែមទៀតស្ថិតក្នុងភូមិសាស្ត្រ ស្រុកភ្នំស...
05/09/2026

ឯកឧត្តម ហ៊ុន ម៉ានី បន្តចុះសួរសុខទុក្ខ និងសំណេះសំណាលជាមួយថ្នាក់ដឹកនាំឃុំចំនួន ៤ បន្ថែមទៀតស្ថិតក្នុងភូមិសាស្ត្រ ស្រុកភ្នំស្រួច នៃខេត្តកំពង់ស្ពឺ

ឯកឧត្តម ហ៊ុន ម៉ានី ប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ នាថ្ងៃសៅរ៍ ទី៥ ខែកញ្ញា ឆ្នាំ២០២៦នៅចុងសប្តាហ៍នេះ បានបន្តចុះសួរសុខទុក្ខ និងសំណេះសំណាលជាមួយថ្នាក់ដឹកនាំឃុំចំនួន ៤ បន្ថែមទៀតរួមមាន ឃុំក្រាំងដីវ៉ាយ ឃុំចំបក់ ឃុំជាំសង្កែ និងឃុំដំបូករូង នៃស្រុកភ្នំស្រួច ដែលជាឃុំ-សង្កាត់គោលដៅទី៤២ ទី៤៣ ទី៤៤ និងទី៤៥ នៃបេសកកម្ម «៨៨ ឃុំ-សង្កាត់» ក្នុងខេត្តកំពង់ស្ពឺ។

ដំណើរចុះជួបនៃបេសកកម្ម៨៨ ឃុំ-សង្កាត់ នេះ គឺដើម្បីស្តាប់ និងដកស្រង់បទពិសោធពីការអនុវត្តការងារនៅមូលដ្ឋាន ព្រមទាំងអរគុណដល់អ៊ំពូមីង បងៗ និងប្អូនៗ ចំពោះការលះបង់ និងការខិតខំប្រឹងប្រែងកន្លងមក ព្រមទាំងការត្រៀមខ្លួន និងការប្តេជ្ញាចិត្តបំពេញការងារ ក្នុងបុព្វហេតុប្រទេសជាតិ និងប្រជាជន។

តំបន់សេដ្ឋកិច្ចពិសេសថ្មីតម្លៃ ៣០០លានដុល្លារ បើកការដ្ឋានសាងសង់ជាផ្លូវការនៅខេត្តកំពង់ស្ពឺខេត្តកំពង់ស្ពឺ៖ ឯកឧត្តម ហ៊ុន ម៉ាន...
01/09/2026

តំបន់សេដ្ឋកិច្ចពិសេសថ្មីតម្លៃ ៣០០លានដុល្លារ បើកការដ្ឋានសាងសង់ជាផ្លូវការនៅខេត្តកំពង់ស្ពឺ

ខេត្តកំពង់ស្ពឺ៖ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃទី៣១ ខែសីហា ឆ្នាំ២០២៦ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីបញ្ចុះបឋមសិលាបើកការដ្ឋានសាងសង់តំបន់សេដ្ឋកិច្ចពិសេស "ភ្នំពេញ ឡូជីស្ទីក អេន អ៊ិនដាសស្រ្ទៀល ខមផ្លេកស៍" (Cambodia SuperPort) ស្ថិតក្នុងភូមិសំពៅ សង្កាត់ច្បារមន ក្រុងច្បារមន ខេត្តកំពង់ស្ពឺ។

សមិទ្ធផលនាថ្ងៃនេះ គឺជាផ្លែផ្កាមួយ បានមកពីការខិតខំប្រឹងប្រែងក្នុងការថែរក្សា សុខសន្តិភាព, ស្ថិរភាពនយោបាយ និងការបើកចំហផ្នែកសេដ្ឋកិច្ច ដែលយើងបានកសាងយ៉ាងលំបាកក្នុងរយៈពេលជិត ៣ទសវត្សរ៍ កន្លងមកនេះ ហើយសង្ឃឹមថា សមិទ្ធផលនេះអាចនឹងទាក់ទាញក្រុមហ៊ុន និងវិនិយោគិនផ្សេងៗទៀត ឱ្យចូលមកបណ្ដាក់ទុននៅក្នុងខេត្តកំពង់ស្ពឺឱ្យបានកាន់តែច្រើននាពេលអនាគត សំដៅបង្កើនភាពប្រទាក់ក្រឡានៃខ្សែច្រវាក់ផលិតកម្ម និងសេវាកម្មនានាបន្ថែមទៀត។

ផ្អែកលើមូលដ្ឋានគ្រឹះ និងសមិទ្ធផលដ៏ថ្លៃថ្លាទាំងនេះ រាជរដ្ឋាភិបាល​នីតិកាលទី៧ នៃរដ្ឋសភា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានដាក់ចេញនូវ “យុទ្ធសាស្ត្របញ្ចកោណ ដំណាក់កាលទី១” ផ្តោតលើអាទិភាពគន្លឹះចំនួន៥ «មនុស្ស ផ្លូវ ទឹក ភ្លើង និងបច្ចេកវិទ្យា​» ដើម្បីការពារ ថែរក្សា និងពូនជ្រុំសមិទ្ធផល, លើកកម្ពស់កិត្យានុភាពជាតិ, ជំរុញសម្ទុះនៃកំណើនសេដ្ឋកិច្ច និងកសាងមូលដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជា ឆ្នាំ២០៥០។ កម្ពុជាមើលឃើញយ៉ាងច្បាស់ពីភាពចាំបាច់ក្នុងការពង្រឹងមូលដ្ឋានកំណើនសេដ្ឋកិច្ច និងធានាចីរភាពនៃកំណើនខ្ពស់ តាមរយៈការបង្កើនតម្លៃបន្ថែមក្នុងវិស័យចន្ទល់កំណើនសេដ្ឋកិច្ចដែលមានស្រាប់ និងវិស័យផ្សេងទៀតដែលកម្ពុជាមានសក្ដានុពល, ការ​ជំរុញការវិនិយោគក្នុងវិស័យកសិ-ឧស្សាហកម្ម និងការជំរុញការអភិវឌ្ឍវិស័យឧស្សាហកម្ម​ជាដើម ដើម្បីបង្កើនការធ្វើពិពិធកម្មសេដ្ឋកិច្ច និងពង្រឹងភាពប្រកួតប្រជែងរបស់កម្ពុជា​។

នៅក្នុងឱកាសនោះ ឯកឧត្តមឧបនាយករដ្ឋមន្ត្រី បានសម្តែងនូវក្តីសង្ឃឹមយ៉ាងមុតមាំថា តំបន់សេដ្ឋកិច្ចពិសេស Cambodia SuperPort នឹងក្លាយជាគំរូដ៏ជោគជ័យមួយនៃកិច្ចសហប្រតិបត្តិការរវាងរាជរដ្ឋាភិបាល វិស័យឯកជនក្នុងស្រុក និងដៃគូវិនិយោគអន្តរជាតិ ក្នុងការប្រែក្លាយចក្ខុវិស័យទៅជាសមិទ្ធផលជាក់ស្តែង ដែលនឹងនាំមកនូវអត្ថប្រយោជន៍យូរអង្វែងសម្រាប់កំណើនសេដ្ឋកិច្ចជាតិ និងការលើកកម្ពស់ជីវភាពប្រជាពលរដ្ឋកម្ពុជា។

ឯកឧត្តម ហ៊ុន ម៉ានី ឧបនាយករដ្ឋមន្រ្តី បានណែនាំដល់មន្ទីរ អង្គភាព និងអាជ្ញាធរពាក់ព័ន្ធឱ្យ ត្រៀមលក្ខណៈដើម្បីឆ្លើយតប និងជួយអន...
31/08/2026

ឯកឧត្តម ហ៊ុន ម៉ានី ឧបនាយករដ្ឋមន្រ្តី បានណែនាំដល់មន្ទីរ អង្គភាព និងអាជ្ញាធរពាក់ព័ន្ធឱ្យ ត្រៀមលក្ខណៈដើម្បីឆ្លើយតប និងជួយអន្តរាគមន៍ដល់ប្រជាពលរដ្ឋ ក្នុងករណីជួបប្រទះនូវគ្រោះមហន្តរាយនានាជាយថាហេតុ ជាពិសេស ហានិភ័យដែលអាចកើតចេញពីបាតុភូត El Niño (អែល នីញ៉ូ) ដែលអាចនឹងបង្កការរាំងស្ងួតប៉ះពាល់ដល់វិស័យកសិកម្ម មនុស្ស និងសត្វ

កំពង់ស្ពឺ៖ កាលពីថ្ងៃទី២៩ ខែសីហា ឆ្នាំ២០២៦ ឯកឧត្តម ហ៊ុន ម៉ានី សមាជិកគណៈអចិន្ត្រៃយ៍ គណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តកំពង់ស្ពឺ បានអញ្ជើញដឹកនាំកិច្ចប្រជុំបូកសរុបលទ្ធផលការងារគណបក្សប្រចាំខែសីហា និងលើកទិសដៅការងារខែកញ្ញា ឆ្នាំ២០២៦។

ក្នុងឱកាសនោះ ឯកឧត្តមប្រធានអង្គប្រជុំបានសម្តែងការកោតសរសើរ និងវាយតម្លៃខ្ពស់ចំពោះគណៈអភិបាលខេត្ត ក្រុង ស្រុក មន្ទីរ និងអង្គភាពពាក់ព័ន្ធទាំងអស់ ដែលបានខិតខំបំពេញការងារដោយស្មារតីទទួលខុសត្រូវ ជាពិសេសការពន្លឿនការចេញបណ្ណកម្មសិទ្ធិដែល នៅសេសសល់ ជូនប្រជាពលរដ្ឋនៅក្នុងក្របខណ្ឌខេត្តកំពង់ស្ពឺ។

ក្រៅពីការស្តាប់ការចូលរួមមតិលើទិសដៅការងារ បញ្ហាប្រឈម និងសំណូមពរ ព្រមទាំងដាក់ចេញនូវដំណោះស្រាយ ឯកឧត្តមប្រធានបានធ្វើការណែនាំបន្ថែមដល់មន្ទីរ អង្គភាព និងអាជ្ញាធរពាក់ព័ន្ធឱ្យ ត្រៀមលក្ខណៈដើម្បីឆ្លើយតប និងជួយអន្តរាគមន៍ដល់ប្រជាពលរដ្ឋ ក្នុងករណីជួបប្រទះនូវគ្រោះមហន្តរាយនានាជាយថាហេតុ ជាពិសេស ហានិភ័យដែលអាចកើតចេញពីបាតុភូត El Niño (អែល នីញ៉ូ) ដែលអាចនឹងបង្កការរាំងស្ងួតប៉ះពាល់ដល់វិស័យកសិកម្ម មនុស្ស និងសត្វ។

កិច្ចប្រជុំបូកសរុបលទ្ធផលការងារគណបក្សឃុំដំណាក់រាំង ប្រចាំខែសីហា និងលើកទិសដៅខែកញ្ញា ព្រមទាំងត្រៀមឆ្ពោះទៅការបោះឆ្នោតឃុំ-សង្...
31/08/2026

កិច្ចប្រជុំបូកសរុបលទ្ធផលការងារគណបក្សឃុំដំណាក់រាំង ប្រចាំខែសីហា និងលើកទិសដៅខែកញ្ញា ព្រមទាំងត្រៀមឆ្ពោះទៅការបោះឆ្នោតឃុំ-សង្កាត់ ឆ្នាំ២០២៧

======
ឃុំដំណាក់រាំង៖ នៅព្រឹកថ្ងៃអាទិត្យ ២រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែសីហា ឆ្នាំ២០២៦ ឯកឧត្តម ឈួរ សុបញ្ញា ប្រធានក្រុមការចុះមូលដ្ឋានឃុំដំណាក់រាំងបានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារគណបក្សឃុំដំណាក់រាំង ប្រចាំខែសីហា និងលើកទិសដៅអនុវត្តការងារបន្តប្រចាំខែកញ្ញា ឆ្នាំ២០២៦ និងផ្សព្វផ្សាយផែនការឆ្ពោះទៅការបោះឆ្នោតឃុំ-សង្កាត់ ឆ្នាំ២០២៧ ដោយមានអ្នកចូលរួមក្រុមការងារ គណបក្សឃុំ និងសាខាបក្សឃុំសរុបចំនួន ៨៨រូប។ កិច្ចប្រជុំបានផ្តោតលើការពិនិត្យលទ្ធផលការងារដែលបានអនុវត្តក្នុងខែសីហា ការកំណត់បញ្ហាប្រឈម និងដាក់ចេញទិសដៅអនុវត្តបន្ត ព្រមទាំងការត្រៀមលក្ខណៈការងារឆ្ពោះទៅការបោះឆ្នោតឃុំ-សង្កាត់ ឆ្នាំ២០២៧ ដោយផ្អែកលើការងារជាក់ស្តែងនៅមូលដ្ឋាន ការរក្សាសាមគ្គីភាព និងការបន្តភ្ជាប់ទំនាក់ទំនងជាមួយប្រជាពលរដ្ឋ។
ជាកិច្ចចាប់ផ្តើម លោក មោគ ឌឹម ប្រធានគណៈកម្មាធិការគណបក្សឃុំដំណាក់រាំង បានធ្វើរបាយការណ៍សង្ខេបអំពីលទ្ធផលការងារប្រចាំខែសីហា ដោយបានបង្ហាញពីសកម្មភាពសំខាន់ៗដែលបានអនុវត្ត ការងារចុះមូលដ្ឋាន ការភ្ជាប់ទំនាក់ទំនងជាមួយសមាជិក និងប្រជាពលរដ្ឋ ព្រមទាំងបញ្ហាប្រឈមដែលត្រូវបន្តដោះស្រាយ។
បន្ទាប់មក លោក ស៊ិន ទិត្យផល្គុណ អនុប្រធានក្រុមការងារ បានអាន និងផ្សព្វផ្សាយផែនការឆ្ពោះទៅការបោះឆ្នោតឃុំ-សង្កាត់ ឆ្នាំ២០២៧ របស់ខេត្តកំពង់ស្ពឺ ដើម្បីឱ្យសមាជិក និងក្រុមការងារមានការយល់ដឹងច្បាស់លាស់អំពីការត្រៀមលក្ខណៈ ការរៀបចំការងារ និងការបែងចែកភារកិច្ច ស្របតាមច្បាប់ និងនីតិវិធីពាក់ព័ន្ធនឹងការបោះឆ្នោត។
លោក នូ មាន អនុប្រធានក្រុមការងារ បានលើកឡើងពីការត្រៀមបង្ការ និងឆ្លើយតបចំពោះគ្រោះមហន្តរាយធម្មជាតិ ជាពិសេសបញ្ហាអាកាសធាតុ និងផលប៉ះពាល់ពីបាតុភូត El Niño ដែលអាចបង្កគ្រោះរាំងស្ងួត និងប៉ះពាល់ដល់ដំណាំស្រូវវស្សា។ លោកបានស្នើឱ្យមានការត្រៀមលក្ខណៈអន្តរាគមន៍ ការបូមទឹក និងការគ្រប់គ្រងប្រភពទឹកឱ្យបានទាន់ពេលវេលា ដើម្បីកាត់បន្ថយផលប៉ះពាល់ដល់ប្រជាពលរដ្ឋ ពិសេសការបង្កបង្កើនផល។
ក្នុងឱកាសនោះ ឯកឧត្តម ឈួរ សុបញ្ញា បានផ្តល់អនុសាសន៍ឱ្យក្រុមការងារ និងសមាជិកគណបក្សបន្តផ្តោតលើការងារសង្គម និងសន្តិសុខ ដោយចាត់ទុកការបម្រើប្រជាពលរដ្ឋ និងការរក្សាស្ថិរភាពនៅមូលដ្ឋានជាអាទិភាព។ ឯកឧត្តមបានលើកឡើងនូវចំណុចសំខាន់ៗដូចខាងក្រោម៖
១. ការងារសង្គម និងការគាំទ្រដល់យុទ្ធជនជួរមុខត្រូវបន្តចូលរួមគាំទ្រ និងជួយឧបត្ថម្ភដល់ គ្រួសារយុទ្ធជនជួរមុខ គ្រួសារយុទ្ធជនពលី ជនភៀសសឹក និងវីរយុទ្ធជន តាមស្មារតី និងមតិដឹកនាំរបស់ ឯកឧត្តម ហ៊ុន ម៉ានី ដោយត្រូវយកចិត្តទុកដាក់ចំពោះជីវភាព និងតម្រូវការជាក់ស្តែងរបស់ពួកគាត់។
២. ការពារបូរណភាពទឹកដី និងសន្តិសុខព័ត៌មាន ត្រូវបន្តតាមដានសភាពការណ៍ពាក់ព័ន្ធនឹងព្រំដែន ជាពិសេសស្ថានការណ៍ពាក់ព័ន្ធនឹងប្រទេសថៃ ដោយរក្សាស្មារតីស្ងប់ស្ងាត់ ប្រកាន់ខ្ជាប់នូវព័ត៌មានដែលមានប្រភពច្បាស់លាស់ និងមានការទទួលខុសត្រូវ។ ជាមួយគ្នានេះ ត្រូវ ជឿជាក់លើការដឹកនាំរបស់គណបក្ស និងរាជរដ្ឋាភិបាល និងប្រុងប្រយ័ត្នចំពោះព័ត៌មានក្លែងក្លាយ ឬព័ត៌មានដែលអាចបង្កការយល់ច្រឡំ និងភាពចលាចលក្នុងសង្គម។
៣. សន្តិសុខ សណ្តាប់ធ្នាប់ និងការទប់ស្កាត់បទល្មើសត្រូវបន្តពង្រឹងការអនុវត្ត គោលនយោបាយភូមិ-ឃុំមានសុវត្ថិភាព ព្រមទាំងបង្កើនការយល់ដឹងរបស់ប្រជាពលរដ្ឋអំពីការការពារខ្លួនពីបទល្មើសឆបោកតាមប្រព័ន្ធបច្ចេកវិទ្យា (Online Scam) និងបន្តសហការជាមួយអាជ្ញាធរ និងសមត្ថកិច្ច ដើម្បីទប់ស្កាត់បទល្មើសគ្រប់ប្រភេទនៅមូលដ្ឋាន។
៤. ការត្រៀមឆ្លើយតបនឹងបញ្ហាអាកាសធាតុត្រូវរៀបចំផែនការត្រៀមអន្តរាគមន៍ជាមុន ជាពិសេសការបូមទឹក ការរក្សាទឹក និងការគ្រប់គ្រងប្រភពទឹក ដើម្បីឆ្លើយតបនឹងស្ថានភាពរាំងស្ងួតដែលអាចកើតមាន និងកាត់បន្ថយផលប៉ះពាល់ដល់ ស្រូវវស្សា និងជីវភាពប្រជាពលរដ្ឋ។
៥. ការងារនៅមូលដ្ឋានត្រូវធ្វើឱ្យមាន ភាពជាក់ស្តែង ប្រសិទ្ធភាព និងទំនួលខុសត្រូវ មិនត្រឹមតែធ្វើឱ្យបានតាមផែនការប៉ុណ្ណោះទេ ប៉ុន្តែត្រូវវាស់វែងតាមលទ្ធផលនិងការពេញចិត្តរបស់ប្រជាពលរដ្ឋ។ ការងារគណបក្សត្រូវភ្ជាប់ជាមួយការងារសង្គម ការដោះស្រាយបញ្ហាប្រជាពលរដ្ឋ ការថែរក្សាសន្តិសុខ និងការចូលរួមអភិវឌ្ឍមូលដ្ឋាន។
៦. ចំពោះការត្រៀមឆ្ពោះទៅការបោះឆ្នោតឃុំ-សង្កាត់ ឆ្នាំ២០២៧ ឯកឧត្តមបានណែនាំឱ្យក្រុមការងាររក្សាសាមគ្គីភាព ឯកភាពផ្ទៃក្នុង ពង្រឹងវិន័យ និងបន្តចុះជួបស្តាប់មតិប្រជាពលរដ្ឋ ដោយយក ការងារជាក់ស្តែង និងការបម្រើប្រជាពលរដ្ឋ ជាមូលដ្ឋាននៃការកសាងទំនុកចិត្ត។
កិច្ចប្រជុំបានបញ្ចប់ដោយការប្តេជ្ញាចិត្តបន្តអនុវត្តការងារតាមទិសដៅដែលបានដាក់ចេញ ពង្រឹងកិច្ចសហការរវាងក្រុមការងារ គណៈកម្មាធិការគណបក្សឃុំ អាជ្ញាធរមូលដ្ឋាន និងសមាជិកគ្រប់លំដាប់ថ្នាក់ ដើម្បីរួមគ្នាដោះស្រាយបញ្ហាប្រឈម និងបម្រើផលប្រយោជន៍ប្រជាពលរដ្ឋនៅមូលដ្ឋានឱ្យកាន់តែមានប្រសិទ្ធភាព។

ឯកឧត្តម សុខ សង្វារ ប្រធានក្រុមការងាររាជរដ្ឋាភិបាលទទួលបន្ទុកវិស័យអប់រំ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានក្រុមកា...
31/08/2026

ឯកឧត្តម សុខ សង្វារ ប្រធានក្រុមការងាររាជរដ្ឋាភិបាលទទួលបន្ទុកវិស័យអប់រំ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ បានដឹកនាំក្រុមការងារចិញ្ចឹមចលនាគ្រូបង្រៀន នាំយកនូវកញ្ចប់ kit ទារកប៉ាម៉ានី នំស្រួយលីលី និងថវិកាគួចព្រលឹងកូនង៉ា មកចូលរួមអបអរសាទរ និងសួរសុខទុក្ខ អ្នកគ្រូ ណែម ស្រីល័ក្ខណ៍សុផល គ្រូបង្រៀននៅសាលាបឋមសិក្សាអង្គដូនទេព ស្រុកគងពិសី ខេត្តកំពង់ស្ពឺ ដែលបានសម្រាលបុត្រី និងកំពុងសម្រាកលំហែមាតុភាព នៅមជ្ឈមណ្ឌលជាតិគាំពារមាតា និងទារក រាជធានីភ្នំពេញ។

ថ្ងៃទី២៧ ខែសីហា ឆ្នាំ២០២៦

ឯកឧត្តម លី ច័ន្ទតុលា ប្រធានក្រុមការងារចុះជួយសង្កាត់វាលពង់ និងលោកជំទាវ ឈីវ ភិរម្យ បានចាត់តាំង ក្រុមការងាររៀបចំប្រារព្ធកម្...
27/08/2026

ឯកឧត្តម លី ច័ន្ទតុលា ប្រធានក្រុមការងារចុះជួយសង្កាត់វាលពង់ និងលោកជំទាវ ឈីវ ភិរម្យ បានចាត់តាំង ក្រុមការងាររៀបចំប្រារព្ធកម្មវិធី បិទបវេសនកាល សម្រាប់ឆ្នាំសិក្សា២០២៥-២០២៦ នៅតាមសាលាបឋមសិក្សាចំនួន៩ ស្ថិតក្នុងសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។

នៅក្នុងឱកាសនោះ ក្រុមការងារតាមសាលានីមួយៗ បានរៀបចំកម្មវិធីលេងល្បែងកម្សាន្ត អាហារសម្រន់(បាយលឿង សាច់មាន់បំពង) ភេសជ្ជៈ ជូនដល់សិស្សានុសិស្ស លោកគ្រូ អ្នកគ្រូ និងអាណាព្យាបាលសិស្សដែលបានចូលរួម ព្រមទាំងបានរៀបចំការប្រគល់បណ្ណសរសើរ និងរង្វាន់លើកទឹកចិត្តដល់សិស្សពូកែ(ពីលេខ១ដល់លេខ៥) គ្រប់កម្រិតថ្នាក់នៃបឋមសិក្សា។ រង្វាន់លើកទឹកចិត្តដល់សិស្សចំនួន ១៥៥២នាក់ មកពីសាលាបឋមទាំង៩ ដែលបានចូលរួមកម្មវិធីប្រកួតសរសេរសៀវភៅ ផ្តួចផ្តើមដោយលោកជំទាវ ឈីវ ភិរម្យ ក្នុងគោលបំណងដកពេលវេលារបស់កុមារចេញពីការលេងទូរស័ព្ទ ហើយងាកមកប្រឹងប្រែងអាន ប្រឹងប្រែងសរសេរសៀវភៅ។ ជាមួយគ្នានេះ ក្រុមការងារបានផ្សព្វផ្សាយអំពីកម្មវិធី “គួរវ៉ាកង” ដែលបង្រៀនបន្ថែមដោយសិស្សពូកែស្ម័គ្រចិត្តពីអនុវិទ្យាល័យ និងវិទ្យាល័យវាលពង់ សម្រាប់សិស្សថ្នាក់ទី២ ត្រៀមចូលថ្នាក់ទី៣ក្នុងឆ្នាំសិក្សាថ្មី ក្នុងគោលដៅពង្រឹងគ្រឹះចំណេះដឹង និងដកពេលវេលាចេញពីការលេងទូរស័ព្ទរបស់កុមារ។

បន្ថែមពីនេះ ក្រុមការងារបានថ្លែងនូវការកោតសរសើរ និងវាយតម្លៃខ្ពស់ចំពោះលោកគ្រូ អ្នកគ្រូ ដែលបានខិតខំប្រឹងប្រែងប្រកបដោយស្មារតីទទួលខុសត្រូវខ្ពស់ ក្នុងការផ្ទេរចំណេះដឹង និងអប់រំទូន្មានសិស្សានុសិស្សឱ្យក្លាយជាពលរដ្ឋល្អ ព្រមទាំងសម្តែងនូវការអបអរសាទរយ៉ាងកក់ក្តៅចំពោះសិស្សទាំងអស់ដែលបានប្រឹងប្រែងទៅសាលារៀនបានជាប់ជាប្រចាំគួបផ្សំនឹងការខិតខំប្រឹងរៀនសូត្រ ដែលការខិតខំនេះត្រូវតែបានទទួលស្គាល់ លើកទឹកចិត្តឲ្យបន្តការខិតខំ ហើយបង្ហាញឲ្យសិស្សដទៃដែលមិនទាន់បានប្រឹងប្រែង ត្រូវចាប់ផ្តើមប្រឹងប្រែងទាំងអស់គ្នា។

នៅចុងបញ្ចប់នៃកម្មវិធី ក្រុមការងារបាននាំយកនូវពាក្យផ្តាំផ្ញើពី ឯកឧត្តម លី ច័ន្ទតុលា និងលោកជំទាវ ឈីវ ភិរម្យ ជូនដល់សិស្សទាំងអស់ត្រូវជឿជាក់លើការអប់រំ ហើយសូមចងចាំឃ្លាទាំងពីររបស់ប៉ាម៉ានី “ខ្ញុំមិនខ្ជិលដាច់ខាត” និង“ធ្វើអ្វីធ្វើឲ្យល្អបំផុត” ពិសេសនោះឥរិយាបទសំខាន់ៗដែលកុមារគ្រប់រូបត្រូវប្រកាន់យកនៅពេលរៀនពូកែហើយត្រូវមានចរិតល្អ និយាយស្តីមានសីលធម៌ ហើយរស់នៅប្រកបដោយគុណធម៌។

នៅថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ ៕

សម្ព័ន្ធគ្រូពេទ្យ ស.ស.យ.ក បន្តចុះពិនិត្យ និងព្យាបាលជំងឺ ដោយឥតគិតថ្លៃប្រគេនព្រះសង្ឃ ជូនមន្ត្រីរាជការ គ្រូបង្រៀន ប្រជាពលរដ...
24/08/2026

សម្ព័ន្ធគ្រូពេទ្យ ស.ស.យ.ក បន្តចុះពិនិត្យ និងព្យាបាលជំងឺ ដោយឥតគិតថ្លៃប្រគេនព្រះសង្ឃ ជូនមន្ត្រីរាជការ គ្រូបង្រៀន ប្រជាពលរដ្ឋ កម្មករ កម្មការិនី និងសិស្សានុសិស្ស នៅអនុវិទ្យាល័យកាត់ភ្លុក ឃុំព្រះខែ ស្រុកបសេដ្ឋ ខេត្តកំពង់ស្ពឺ
_______

នៅថ្ងៃអាទិត្យ ១០កើត ខែស្រាពណ៍ ឆ្នាំមមី អស្ឋស័ក ព.ស. ២៥៧០ ត្រូវនឹងថ្ងៃទី២៣ ខែសីហា ឆ្នាំ២០២៦ នេះ ក្រោមការចង្អុលបង្ហាញដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្រ្តីក្រសួងមុខងារសាធារណៈ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ និងជាប្រធានស.ស.យ.ក ក្រុមគ្រូពេទ្យស្មគ្រចិត្តនៃសម្ព័ន្ធគ្រូពេទ្យសហភាពសហព័ន្ធយុវជនកម្ពុជាចំនួន១៩៨នាក់ ដឹកនាំដោយឯកឧត្តម លី ចាន់សុភក្តី អនុរដ្ឋលេខាធិការក្រសួងផែនការ និងជាអនុប្រធានសម្ព័ន្ធគ្រូពេទ្យ ស.ស.យ.ក តំណាងឯកឧត្តមបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សមាជិកអចិន្ត្រៃយ៍នៃគណៈកម្មាធិការកណ្ដាលសហភាពសហព័ន្ធយុវជនកម្ពុជា ស.ស.យ.ក. ប្រធានសម្ព័ន្ធគ្រូពេទ្យ ស.ស.យ.ក បានចុះទៅពិនិត្យ និងព្យាបាលជំងឺ ដោយឥតគិតថ្លៃ ប្រគេនព្រះសង្ឃ ជូនបងប្អូនប្រជាពលរដ្ឋ មន្ត្រីរាជការ គ្រូបង្រៀន និងកម្មករ កម្មការិនី និងសិស្សានុសិស្សសរុបចំនួន២,២៤៥អង្គ/នាក់ ដែលអញ្ជើញមកពីឃុំព្រះខែ ឃុំកាត់ភ្លុក និងឃុំកក់ ស្ថិតនៅក្នុងបរិវេណអនុវិទ្យាល័យកាត់ភ្លុក ឃុំព្រះខែ ស្រុកបសេដ្ឋ ខេត្តកំពង់ស្ពឺ ។ កម្មវិធីនេះក៏មានការចូលរួមសហការជាមួយអាជ្ញាធរខេត្ត អាជ្ញាធរស្រុក ឃុំ ភូមិ ស.ស.យ.ក.ស្រុក យុវជនកាកបាទក្រហម យុវជនកាយរិទ្ធ និងក្រុមហ៊ុននំស្រួយលីលី ហាងនំប៉័ងបាយ័នផងដែរ។ ពិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តមទេសរដ្ឋមន្ត្រី អៀង មូលី អនុប្រធានទី១ ក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកបសេដ្ឋ និងជាតំណាងដ៏ខ្ពង់ខ្ពស់ ឯកឧត្តមឧបនាយករដ្ឋមន្រ្តី ហ៊ុន ម៉ានី ព្រមទាំងមានការចូលរួមផងដែរពី ឯកឧត្តម ជាវ វិជ្ជាក់ អភិបាលរង តំណាងឯកឧត្តមបណ្ឌិត ជាម ចន្ទ័សោភ័ណ្ឌ អភិបាល នៃគណៈអភិបាលខេត្តកំពង់ស្ពឺ ឯកឧត្តម តាប់ ម៉ាឡៃ ប្រធានក្រុមការងារចុះមូលដ្ឋានឃុំព្រះខែ ព្រមទាំង ឯកឧត្តម លោកជំទាវ ប្រធានក្រុមការងារថ្នាក់ជាតិចុះមូលដ្ឋានស្រុកបសេដ្ឋ ក្រុមប្រឹក្សាស្រុក លោកសំអឿន សុបញ្ញា អភិបាល នៃគណៈអភិបាលស្រុកបសេដ្ឋ ព្រមទាំង ឯកឧត្តម លោកជំទាវ លោក លោកស្រី ព្រមទាំងភ្ញៀវកិត្តិយសជាច្រើនរូបទៀតក៏បានចូលរួមក្នុងឱកាសនេះផងដែរ។ សូមបញ្ជាក់ជូនថាសម័្ពន្ធគ្រូពេទ្យសហភាពសហព័ន្ធយុវជនកម្ពុជា ជាអង្គការមនុស្សធម៌ចូលរួមចំណែកជាមួយរាជរដ្ឋាភិបាលកម្ពុជាដើម្បីលើកកម្ពស់សុខភាព និងសុខុមាលភាពប្រជាពលរដ្ឋកម្ពុជាស្ថិតក្រោមឆ័ត្ររបស់ស.ស.យ.ក. ត្រូវបានបង្កើតឡើងនៅថ្ងៃទី២ ខែធ្នូ ឆ្នាំ២០១៤ ដែលមានឯកឧត្តម ហ៊ុន ម៉ានី ជាស្ថាបនិក និងជាប្រធានកិត្តិយស។ ចាប់តាំងពីថ្ងៃបង្កើតរហូតមកដល់បច្ចុប្បន្ន សម្ព័ន្ធគ្រូពេទ្យ ស.ស.យ.ក. បានចុះពិនិត្យ ព្យាបាល និងផ្តល់ការវះកាត់ បានចំនួន ៦៣៥លើក នៅទូទាំង២៥ រាជធានី-ខេត្ត និង១៧មណ្ឌលកុមារកំព្រា ដែលក្នុងនោះមានព្រះសង្ឃ ប្រជាពលរដ្ឋ និងកុមារបានមកទទួលសេវាសរុបចំនួន ៩៥៤ ៧៦៨អង្គ/នាក់ ។

ឯកឧត្តម លីណាវុឌ្ឍ ក្រុមការងារវិស័យអប់រំ ខេត្តកំពង់ស្ពឺ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជាប្រធា...
20/08/2026

ឯកឧត្តម លីណាវុឌ្ឍ ក្រុមការងារវិស័យអប់រំ ខេត្តកំពង់ស្ពឺ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានចុះសួរសុខទុក្ខ លោកគ្រូ អ៊ុន សន នាយកបឋមសិក្សា ហ៊ុន សែន ទួលត្រាច ខេត្តកំពង់ស្ពឺ បច្ចុប្បន្នគាត់កំពុងសម្រាកព្យាបាលនៅគេហដ្ឋាន ក្រុងតាខ្មៅ។

ក្នុងដំណើរចុះសួរសុខទុក្ខនេះ ឯកឧត្តម និងក្រុមការងារក៏បាន ពាំនាំនូវការផ្តាំផ្ញើសួរសុខទុក្ខពីឯកឧត្តមឧបនាយករដ្ឋមន្ត្រី ព្រមទាំងមានកន្រ្កកផ្លែឈេី ថវិកាជូនដល់លោកគ្រូ ដែលកំពុងសម្រាកព្យាបាលនៅគេហដ្ឋាន ក្រុងតាខ្មៅផងដែរ។

ថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦៕

ដំណឹងល្អរឿងប្លង់ដី សម្រាប់បងប្អូនអ្នកខេត្តកំពង់ស្ពឺ!រឿងប្លង់កម្មសិទ្ធិដីធ្លីដែលបងប្អូនទន្ទឹងរង់ចាំ ពេលនេះឯកឧត្តម ហ៊ុន ម៉...
16/08/2026

ដំណឹងល្អរឿងប្លង់ដី សម្រាប់បងប្អូនអ្នកខេត្តកំពង់ស្ពឺ!

រឿងប្លង់កម្មសិទ្ធិដីធ្លីដែលបងប្អូនទន្ទឹងរង់ចាំ ពេលនេះឯកឧត្តម ហ៊ុន ម៉ានី បានជំរុញការងារនេះឱ្យដើរលឿនបំផុត ដោយកំណត់គោលដៅច្បាស់ៗថា យ៉ាងយូរត្រឹមខែមេសា ឆ្នាំ២០២៧ ខាងមុខ។

គិតមកដល់ពេលនេះ ខេត្តកំពង់ស្ពឺបានចែកប្លង់ជូនពលរដ្ឋបានជាង ១លានប្លង់ហើយ ពោលគឺជិតចប់សព្វគ្រប់អស់ទៅហើយ។

ដើម្បីឱ្យការងារចុងក្រោយនេះកាន់តែរលូន ឯកឧត្តមបានណែនាំយ៉ាងម៉ឺងម៉ាត់ឱ្យអាជ្ញាធរ មេឃុំ មេភូមិ ត្រូវចុះប្រាប់បងប្អូនអ្នកភូមិឱ្យបានច្បាស់ៗថា ថ្ងៃណា ត្រូវទៅទីណា ហើយត្រូវត្រៀមឯកសារអ្វីខ្លះទុកជាមុន។ បើមានបញ្ហាទាក់ត្រង់ណា អាជ្ញាធរមូលដ្ឋានត្រូវជួយដោះស្រាយភ្លាមៗ កុំទុកចោលឱ្យបងប្អូនរង់ចាំ។

Address

#228
Phnom Penh
120207

Website

Alerts

Be the first to know and let us send you an email when នៅជាមួយប្រជាជន posts news and promotions. Your email address will not be used for any other purpose, and you can unsubscribe at any time.

Shortcuts

Share

Category