ផ្ទះនំអំបែង នំគ្រក់

19/10/2019

បងៗឆ្អិនលឿនណាស់ថ្ងៃនេះ ល្មមសំរាប់អាហារថ្ងៃត្រង់
តោះខល កម្មង់បាន
096 83 49 47 2
10=15000r

13/10/2019

ដល់ម៉ោង អាហារសំរន់ពេលរសៀលហើយ តោះបងៗ មានសេវាដឹកដល់ផ្ទះ រឺមកដល់ហាងក៏បាន ផ្លូវ១១២ ផ្ទះលេខ១៣c ហាងផ្ទនំអំបែង នំគ្រក១៩៩៣

10=៥០០០៛
Tel 096 83 49472

02/10/2019

ជាប់មាត់តែម្តងចា😘😘 ជួយshare នំខ្មែរផងណាចា
នំអំបែង រឺ ដុត ចា៤០០០៛
នំគ្រក់ ១០ =៥០០០៛
សេវាដឹកក៏មាន មកញ្ញាំនៅកន្លែងក៏បាន
096 499 58 98
ទីតាំង ផ្លូវ១១២ ជិតសាលាបញ្ញាសាស្រ្តដេអិន

21/09/2019

តោះបងៗឆ្អិនហើយតា ថ្ងៃនេះវេចច្រើន ៥០០នំ គូឆាយ
1=1500r
10=15000r
បងដឹកបានបងៗ សេវាដល់ផ្ទះគិតសេវា
Tel 096 499 58 98

05/07/2019

តោះបងប្អូន

01/06/2019

ម្សិលមិញសំរាកសុំច្បាប់ដើរលេងកំពតមួយ ថ្ងៃនេះ បើកលក់វិញ ហើយ បងប្អូន

21/05/2019

15/05/2019

ជាប់មាត់តែម្តងចា😘😘
នំអំបែង រឺ ដុត ចា
សេវាដឹកក៏មាន មកញ្ញាំនៅកន្លែងក៏បាន

10/05/2019

មេឃភ្លៀវហើយតោះនំគ្រក់ក្តៅ
មួយ៥០០៛ ឆ្ងាញ់ហើយចំនេញទៀត ៥គ្រាប់ឆ្អែតល្មម

02/05/2019

នំអំបែង នំគ្រក់ឆ្ងាញ់រសជាតិដើម មាននៅ ♨️ផ្ទះនំអំបែង នំគ្រក់១៩៩៣ ♨️

លតឆា៣៥០០៛ នំគូឆាយ ១៥០០៛ និងបង្អែម ២០០០៛ មានលក់ នៅ ♨️ផ្ទះ លតឆានំគូឆាយ១៩៩៣ ♨️
លតឆាធ្វើខ្លួនឯងថ្មីរាល់ថ្ងៃមិនបន្ថែមសារធាតុគីមី រូបមន្តដូនតា នំគូឆាយវេចថ្មីៗចំហុយនិងចៀនក្តៅៗ

👉👉បង្អែមស្លឹកតយសុទ្ធមិនបន្ថែមពណ៌
ទីតាំង ផ្ទះលេខ ១១c+១៣c ផ្លូវ១១២ ជិតសាលាបញ្ញាសាស្រ្តដេអិន
(Smart ) 096 499 58 98
(Cellcard) 012 542 562

30/04/2019

រឿងនិទាន ទាក់ទងទៅនឹងប្រវត្តិ នំអំបែង

ដោយ អ្នកស្រី កែវ ច័ន្ទបូរណ៍
http://www.chanbokeo.com/index.php?gcm=1411&grid=140730>op=5334
---------------------------------------------------------------
១- ហេតុអ្វីបានគេហៅថា នំអំបែង?
នៅជំនាន់ដើម អ្នកស្រុកអ្នកភូមិក្រីក្រ ជាទូទៅ ពុំមានអ្វីសម្បត្តិអ្ចីច្រើន ក្រៅពីឆ្នាំងដី អង្ករ និង ដំណាំដាំដុះជុំវិញផ្ទះ នោះឡើយ។ នៅពេលគេមាន បាយកកនៅសល់ច្រើន គេរមែងត្រាំអង្ករខ្សាយ ជាមួយនិងទឹកក្តៅ ចំនួនកន្លះម៉ោង រួចក៏យកទៅកិនលាយជាមួយបាយកក ថែមខ្ទឹះដូង រួចដាក់អំបិលបន្តិច ស្ករបន្តិច ស្លឹកខ្ទឹមបន្តិច កូរអោយសព្វ ទើបយកទៅចាក់ចំអិន នៅលើអំបែង។ អំបែងខ្លះ មានរាងក្រឡុកៗ ជារណ្តៅ។ នៅពេលដែលគេយកខ្ទិះដើម ទៅលាបអំបែង ហើយចាក់ម្សៅនំ ចូលទៅក្នុងរន្ធអំបែងក្តៅនោះភ្លាម ម្សៅក៏ពុះគ្រក់ៗឡើង។ គេក៏នាំគ្នាហៅថានំគ្រក់។ ចំពោះគ្រួសារខ្លះ ដែលពុំមានអំបែងរណ្តៅ តែមានអំបែងឆ្នាំធម្មតា គេក៏ចាក់នំលើបន្ទះអំបែង នៅពេលនោះ នំក៏ក្លាយជាមានរាងសំប៉ែត បន្ទះៗ។ គេក៏សន្មតនាំគ្នាហៅថា នំអំបែង។ គេអាចឆីនំអំបែងនេះ ជានំតាមធម្មតាក៏បាន មានកាលខ្លះ គេយកទៅទ្រាប់ជាមួយបន្លែ ជ្រលក់ទឹកផ្អែម ថែមជីរសណ្តែកដី គឺរិតែឆ្ងាញ់ថែមទៀត។

២- រឿងព្រេងទាក់ទងទៅនឹងនំអំបែង៖
មានសេចក្តីដំណាលថា មានគ្រួសារអ្នកក្រមួយ រស់នៅ ក្បែរផ្ទះសេដី្ឋ ធ្លាប់អង្គុយហិតក្លិននំ ក្លិនបាយសម្ល ឈ្ងុយឆ្ងាញ់ រៀងរាល់ថ្ងៃ ពីផ្ទះបាយលោកសេដ្ឋី។ កុមារសុខ រមែងលួចលេបទឹកមាត់ តែម្នាក់ឯង នឹកឃ្លានណាស់ មិនដឹងធ្វើយ៉ាងណាបានឆី ថ្ងៃមួយក៏បបួលម្តាយរបស់ខ្លួន អោយធ្វើនំដែរ៖
- ម៉ែ! នំខ្មែរមាននំអីឆ្ងាញ់?
- មានច្រើនមុខកូន! តែម៉ែក្រ អត់មានប្រាក់ ទិញរបស់មកធ្វើនំ អោយកូនឆីលេង ពូតបាយកកហ្នឹង ឆីលេងទៅកូន!
ស្រាប់តែនាងសេកឆ្លើយផូង៖
- ម៉ែ! ខ្ញុំធ្លាប់ឃើញ ចុងភៅលោកសេដ្ឋីធ្វើនំដាក់ខ្ទិះដូង?
- តើគេធ្វើនំអីទៅ? ហើយគេធ្វើយ៉ាងណាទៅមីង៉ា?
- អត់ដឹងទេម៉ែ! តែខ្ញុំឃើញមីងចុងភៅ គាត់កោសដូងពូតយកខ្ទិះ ហើយគាត់កិនម្សៅទៀតហ្ន៎ក!
- អញ្ចឹងយើងសាកធ្វើនំអី លេងៗបន្តិចមើល៍ក្រែងលោ បាននំឆ្ងាញ់!
មីងសោមក៏ស្ទុះទៅយកអង្ករមកត្រាំទឹក អោយផុយគ្រាប់ ហើយក៏ពូតខ្ទិះដូងដាក់លាយជាមួយម្សៅ កិនចូលគ្នាជាមួយបាយកក។ ដើម្បីអោយមានរសជាតិ គាត់ក៏ថែមអំបិលបន្តិច ស្ករត្នោតបន្តិច។ នាងសេកឃើញខ្ទឹមបំពង់ដុះច្រើន ក្បែរពាងទឹកក៏នឺកចង់ច្នៃ៖
- ម៉ែ! បើយើងហាន់ស្លឹកខ្ទឹមដាក់តិចៗផង ប្រហែលកាន់តែឈ្ងុយ។
លុុះមីងសោម រកអំបែងអ្វីមិនបាន ក៏យកអំបែងឆ្នាំងកំបែក មកដុតនំអោយកូនឆី។ កូនសេដ្ឋីរត់លេងក្បែរដីភូមិនោះ ធំក្លិននំឈ្ងុយពេក ក៏នាំគ្នាមកឈរមើល។ មីងសោម ក៏ចាប់នំចែកអោយម្នាក់មួយ ឆីលេង។ គ្រាន់តែឆីបានម្នាក់មួយ នំក៏អស់។ កូនសេដី្ឋចង់ឆីថែមទៀត ក៏ទៅប្រាប់ចុងភៅ អោយធ្វើដែរ តែហាក់ដូចមិនឆ្ងាញ់ ដូចរបស់មីងសោមសោះ។ ដោយកូនយំរអុកពេក សេដី្ឋក៏ហៅ មីងសោម អោយទៅជួប ដើម្បីសុំទិញអំបែងយកទៅអោយចុងភៅធ្វើនំអោយកូន តែមីងសោមមិនព្រមលក់ឡើយ។

នៅពេលកំពុងនិយាយគ្នានោះ ស្រាប់តែមានអ្នកការម្នាក់ មកពីទីក្រុង នាំដំណឹងមកប្រាប់សេដ្ឋីថា ព្រះរាជាធ្វើដំណើរមកបោះពន្លា សម្រាកលេង កំសាន្តកាយ នៅតំបន់ក្បែរនោះ សូមអោយសេដ្ឋី លើកក្រយាទៅថ្វាយ។ សេដ្ឋីឮដូច្នេះ ក៏យកលេស អោយមីងសោម ធ្វើនំទៅថ្វាយស្តេច។ ប៉ុន្តែមីងសោម ប្រាប់ថា ផ្ទះគាត់អស់អង្ករហើយ។ សេដ្ឋី ក៏ចាត់អោយគេ យកអង្ករទៅអោយ។ មីងសោមក៏ប្រាប់ថែមទៀត គាត់ក៏អស់ដូងទុំពីដើមដែរ។ សេដ្ឋីក៏អោយគេកាប់ដូងយកទៅអោយទៀត។ មីងសោមបានទទួលហើយ ប្រាប់មកទៀតថា សូមអោយយកស្ករនិងអំបិលមកផង ព្រោះមីងសោមអត់មានទេ។

នៅគ្រានោះ មានបុរសម្នាក់ អង្គុយលើខ្នងសេះ ក្រោមដើមឈើ សម្លឹងមើលបាវបម្រើសេដ្ឋី ធ្វើតាមបង្គាប់សេដ្ឋី ចំណែកសេដ្ឋីក៏ធ្វើតាមបញ្ជាមីងសោម ក៏នឹកឆ្ងល់។ មាណពចុះពីលើខ្នងសេះ លួចចូលទៅសួរមីងសោម នៅក្នុងខ្ទម៖
- មីងហ្អ៎ាា! ហើយមីងមានអំណាចអ្វីដែលនាំអោយ សេដ្ឋីស្តាប់បង្គាប់មីងដល់ម្លឹង?
មីងសោមក្រលេកឃើញមាណពសង្ហាភ្លាម ក៏សើចឡើងគ្រហាញ ឆ្លើយវឹងថា៖
- មីងអត់មានអំណាចអីផង! គឺអាអំបែងកំបែកនេះទេ ដែលមានអំណាចទាក់ទាញ អោយគេស្តាប់ខ្ញុំយ៉ាងនេះ! គាត់និយាយផង ចង្អុលទៅអំបែកកញ្ចាស់ ដែលគាត់យកដុតនោះនោះផង។
- មែនហ្អីមីង? អញ្ចឹង ខ្ញុំសុំទិញបានទេ ដើម្បីងាយស្រួល អោយពួកសេដ្ឋីៗស្តាប់ខ្ញុំគ្រប់គ្នា។
- អើហ៍! បើក្មួយឯងចង់បាន មីងចែកអំបែងបែកនេះ អោយឯង ម៉ាជ្រុងចុះ មីងសល់អំបែងកញ្ចាស់ នៅផ្ទះបាយពីរបីទៀត គ្រាន់នឹងប្រើដែរ។
ថាហើយ មីងក៏ហុចអំបែងអោយទៅបុរសនោះ។ បុរសនោះទទួលហើយ ក៏លាចេញទៅ។ មីងសោមក៏នាំកូនទាំងពីរ នាំគ្នាឈូសដូងកិនម្សៅធ្វើនំ បន្តទៀត។

មួយស្របក់ក្រោយមក នៅពេលមីងសោមចាក់នំបានមួយថាស ស្រាប់តែមានក្បួនហែព្រះរាជាបានមកដល់មុខផ្ទះ។ ព្រះរាជាយាងចុះពីទីនាំង ដោយមានបុរសដែលមីងសោម បានជួបពីថ្ងៃរសៀល ដើរអមផង។ ព្រះរាជាក៏ពោលទៅកាន់មីងសំថា ៖
- អាមាត្យបានប្រាប់យើងថា សូម្បីតែជាមួយអំបែងកំបែក ក៏មីងអាចធ្វើនំយ់ាងឆ្ងាញ់បានដែរ។ យើងឆ្ងល់ពេក ទើបយាងមកទតផ្ទាល់ភ្នែក ចង់ឃើញមីងធ្វើនំយ៉ាងម៉េច ជាមួយនឹងអំបែងកំបែក ហើយមានរសឆ្ងាញ់ ទើបចង់មកសាកនំផ្ទាល់មាត់ដែរ តើល្បីដូចគេថា ដែរឬទេ?
មីងសោមក៏ប្រញាប់ចាក់នំបង្ហាញ។ ស្តេចទតហើយ ក៏ទាញនំក្តៅៗពីក្នុងថា យកភ្លក្ស ស្រាប់តែបើកភ្នែកមូលក្រឡង់៖
- គេល្បីថាឆ្ងាញ់ គឺពិតជាឆ្ងាញ់ប្រាកដមែន!!
ដោយសារពេញចិត្តនឹងស្នាដៃមីងសោម ព្រះរាជាក៏ហៅមីងអោយទៅធ្វើជាចុងភៅ នៅរាជវាំង ដោយនាំកូនប្រុសកូនស្រី នៅជាមួយផង។ នៅពេលដែលមីងសោមនិងកូន ធ្វើដំណើរចេញទៅ កូនសេដ្ឋីទាំង៥នាក់ ព្រមទាំងក្រុមញាតិរបស់លោកសេដ្ឋី ក៏នាំគ្នាឈរមើលពីក្រោយ ដោយមិនអស់ចិត្ត។ កូនពៅរបស់លោកសេដ្ឋី ឈរអេះក្បាល ហើយរអ៊ូថា ៖
- យី! ខ្ញុំមិនទាន់បានភ្លក្សផង មីងសោមទៅបាត់ តើយើងធ្វើម៉េចទៅ នឹងបាននំអំបែងឆ្ងាញ់ យកមកឆីដែរ?
បងប្រុសបង្អស់ឆ្លើយវឹងថា ៖
- យកឆ្នាំងបាយអ្នកម៉ែ វាយបំបែកមួយ ហើយយកទៅដុតនំទៅ ឆ្ងាញ់ដូចគ្នាហើយប្អូន!

លុះឃើញលោកសេដ្ឋី បញ្ជាអោយចុងភៅ វាយបំបែកឆ្នាំងដី ដើម្បីយកអំបែងមកធ្វើនំ តាមមីងសោម អ្នកស្រុកគ្រប់គ្នា ក៏តាំងនាំគ្នាឈូឆរ រើសអំបែងឆ្នាំងកំបែករបស់ខ្លួន ដែលខ្លួនបានគ្រវាត់ចោល នៅក្រោយផ្ទះ យកមកដុសលាង ទុកគ្រាន់នឹងប្រើវិញ នៅពេលណា គេចង់ឆីនំអំបែង។

មានគ្រួសារខ្លះទៀត ក៏នាំគ្នាសាកធ្វើនំនេះ ច្នៃតាមបែបផ្សេងៗទៀត យូរទៅកាន់ឆ្ងាញ់ឡើងៗ រហូតដល់ធ្វើដាក់ច្រែង កណ្តៀតដើរលក់ដូរ ពីដើមភូមិ ទៅចុងភូមិ ចែកគ្នាឆី យ៉ាងសប្បាយអ៊ូអរ ជាពិសេស នៅពេលមានបុណ្យទាន នៅក្នុងភូមិរបស់ខ្លួន ជាទម្លាប់ហូរហែ តរៀងមក។

៣- កំណាព្យ៖ នំអំបែង

អំបែងសែនឆ្ងាញ់ បាតខ្ទះលាបខ្លាញ់ ស្រឡាញ់លេងភ្លើង
នំដុតដាក់ខ្ទិះ រសជាតិឈ្ងុយឡើង ហៅបងប្អូនយើង ចូលឆីជុំគ្នា។

អំបែងនំខ្មែរ ស្នាដៃផន់ម៉ែ ឆ្ងាញ់ពេញទ័យា
បងប្អូនមូលមុំ ជុំគ្រប់អង្គា ឆីនំជុំគ្នា រីករាយក្នុងចិត្ត។

អំបែងនំដូង ចែកញាតិទាំងហ្វូង ចោមរោមជុំជិត
សើចលេងខ្ញៀវខ្ញា ក្នុងភាពស្នាលស្និទ្ធ ជាភាតរមិត្ត ភូមិជោគភូមិជ័យ។

អំបែងនំដុត សញ្ញាណមរកត កត់បវេណី
ប្រចាំគ្រួសារ ត្រកូលក្រុមក្រៃ អង្គររង្សី ដែនជ័យរុងរឿង។

និពន្ធដោយ អ្នកស្រី កែវ ច័ន្ទបូរណ៍

30/04/2019

នំខ្មែរ អាហារសំរន់ខ្មែរ នំគ្រក់នំអំបែង បងប្អូនភ្លេចរសជាតិដើមរបស់ខ្មែរយើង តោះអាចមករំលឹកបាន

នៅហាង” ផ្ទះនំអំបែងនំគ្រក់ ១៩៩៣ “
តំលៃ ៥០០៛
បង្អែមខ្មែរ បាញ់ឌុកស្លឹកតយ ២០០០៛

ទីតាំង ផ្ទះលេខ១១c ផ្លូវ១១២ ជិតសាលាបញ្ញាសាស្រ្តដេអិន
Tel : 096 83 49 472 012 542 562