សឿន Soeurn

សឿន Soeurn សូមអរគុណចំពោះការស្រឡាញ់​ពេញចិត្តរបស់បងប្អូនទាំងអស់គ្នា​ ជូនពរបងប្អូនសូមមានសុខភាពល្អ​ សំណាងល្អ​ មានសេចក្ដីសុខ​ សុភមង្គលពរមទាំងក្រុមគ្រួសារ។ 🌱🙏

ដោយក្ដីគោរព 🇰🇭💙🎁
09/08/2026

ដោយក្ដីគោរព 🇰🇭💙🎁

🚨នារីថៃ ម្នាក់ទៀតហើយ ត្រូវឃាត់ខ្លួននៅបរទេស ពាក់ព័ន្ធ ការរត់ពន្ធគ្រឿងញៀនថៃ អាម៉ាស់មុខពេញពិភពលោកសាជាថ្មី ក្រោយនារីជាជនជាតិ...
27/07/2026

🚨នារីថៃ ម្នាក់ទៀតហើយ ត្រូវឃាត់ខ្លួននៅបរទេស ពាក់ព័ន្ធ ការរត់ពន្ធគ្រឿងញៀន

ថៃ អាម៉ាស់មុខពេញពិភពលោកសាជាថ្មី ក្រោយនារីជាជនជាតិខ្លួនម្នាក់ទៀតហើយ ត្រូវបានឃាត់ខ្លួននៅឯប្រទេសជប៉ុន ពាក់ព័ន្ធការលួចលាក់ រត់ពន្ធគ្រឿងញៀន។

ទូរទស្សន៍ The Nation ផ្សាយនៅថ្ងៃចន្ទ ទី២៧ ខែកក្កដា ឆ្នាំ២០២៦ ថា នារីម្នាក់នេះមានឈ្មោះ Jutathip អាយុ ២៨ឆ្នាំ ត្រូវបានអាជ្ញាធរជប៉ុន ឃាត់ខ្លួននៅឯអាកាសយានដ្ឋាន Fukuoka ពាក់ព័ន្ធការកាន់ម៉ាទឹកកក លាក់ក្នុងកញ្ចប់កាហ្វេ ដាក់ក្នុងប្រអប់ទម្ងន់ ១២គីឡូក្រាម។

តាមពិតទៅ ករណីនេះ កើតឡើងតាំងតែពីថ្ងៃទី១២ ខែកក្កដា មកម្ល៉េះ ប៉ុន្តែព័ត៌មាន ទើបត្រូវបានផ្សាយជាសាធារណៈ នៅថ្ងៃចន្ទ ប៉ុណ្ណោះ។

ប្រភពខាងលើបានឲ្យដឹងថា នារីរូបនេះ បានទៅដល់ប្រទេសជប៉ុន ជាមួយមិត្តប្រុស និងមិត្តម្នាក់ទៀត នៅថ្ងៃទី១២ ហើយក្រោយអាជ្ញាធរ រកឃើញគ្រឿងញៀន នាងនិងគូកន ត្រូវបានឃាត់ខ្លួនទៅសួរនាំ។ ក្រោយការសាកសួរចប់ អាជ្ញាធរ បានដោះលែងមិត្តប្រុស និងមិត្តម្នាក់ទៀតវិញ ប៉ុន្តែនាង ត្រូវឃុំខ្លួនជាបណ្តោះអាសន្នសិន។

ទោះបីជាយ៉ាងណាក៏ដោយ ករណីនេះ មិនទាន់ត្រូវបានទម្លាយឲ្យច្បាស់ជាងហ្នឹងឡើយ ដ្បិតតែឪពុកម្តាយរបស់ Jutathip អះអាងថា កូនស្រីរបស់ខ្លួន គឺត្រូវបានគេបោក ឲ្យកាន់វ៉ាលិសឲ្យគេប៉ុណ្ណោះ។

រឿងនេះកើតឡើងមិនដល់មួយខែផង បន្ទាប់ពី នារីបម្រើការលើយន្តហោះក្រុមហ៊ុន Thai Airways ក៏ត្រូវបានចាប់ខ្លួន ក្នុងប្រទេសអូស្រ្តាលី ពាក់ព័ន្ធការរត់ពន្ធគ្រឿងញៀន ផងដែរ។

នាងម្នាក់នោះ មានឈ្មោះ Meena អាយុ ២៦ឆ្នាំ ត្រូវបានចាប់ខ្លួននៅអាកាសយានដ្ឋានអន្តរជាតិ Melbourne កាលពីថ្ងៃទី២៥ ខែមិថុនា ឆ្នាំ២០២៦ ពីបទរត់ពន្ធហេរ៉ូអ៊ីន ទម្ងន់ជាង ១ គីឡូក្រាម មានតម្លៃប្រហែល ៣៤៣ ៣០០ ដុល្លារអាមេរិក លាក់ទុកក្នុងកាបូបយួរដៃ ចំនួន ១២។

រឿងកើតឡើងជាបន្តបន្ទាប់នេះ សបញ្ជាក់យ៉ាងច្បាស់ថា, បន្ថែមពីលើករណី Scam ដែលកំពុងរីកដូចផ្សិតស្រាប់ទៅហើយនោះ ប្រទេសថៃ គឺពោរពេញទៅដោយគ្រឿងញៀន ដែលចែកចាយលក់ក្នុងស្រុកផង និងរត់ពន្ធទៅក្រៅប្រទេសផង ហើយក៏ជាស្ពានចម្លងសម្រាប់ឧក្រិដ្ឋជន អន្តរជាតិផងដែរ៕

ប្រភព៖ The Nation

📲 JOIN កម្ពុជាថ្មី International (https://t.me/kpt_international)

🌷 **យើងទាំងពីរបានក្លាយជាឪពុកម្តាយក្នុងពេលតែមួយ... ប៉ុន្តែហេតុអ្វីបានជាមានតែជីវិតរបស់ម៉ាក់ ដែលផ្លាស់ប្តូរទាំងស្រុង?** 🥹🤍ព...
23/07/2026

🌷 **យើងទាំងពីរបានក្លាយជាឪពុកម្តាយក្នុងពេលតែមួយ... ប៉ុន្តែហេតុអ្វីបានជាមានតែជីវិតរបស់ម៉ាក់ ដែលផ្លាស់ប្តូរទាំងស្រុង?** 🥹🤍

ពេលកូនភ្ញាក់នៅម៉ោង ៣ ទៀបភ្លឺ ម៉ាក់ក្រោកឡើងភ្លាមៗ ខណៈម្នាក់ទៀតនៅតែគេងលក់យ៉ាងស្កប់ស្កល់ ដូចជាគ្មានអ្វីកើតឡើង។ 🌙🍼

ម៉ាក់មិនរាប់រាត្រីតាមចំនួនម៉ោងដែលបានគេងទេ...

ប៉ុន្តែរាប់តាមសំឡេងយំរបស់កូន។ 😴💔

ពេញមួយថ្ងៃ គ្មានម៉ោងចេញពីការងារ

ញ៉ាំបាយមិនទៀងម៉ោង

សូម្បីតែងូតទឹក ក៏ត្រូវប្រញាប់ដែរ

ព្រោះ **កូនគឺជារឿងសំខាន់បំផុត**។ 🌼💛

មនុស្សជាច្រើនឃើញថាម៉ាក់នៅផ្ទះ

ហើយគិតថាស្រួល...

ប៉ុន្តែមិនដែលឃើញការងារ

ដែល **គ្មានថ្ងៃឈប់សម្រាកសូម្បីតែមួយថ្ងៃ**។ 🏡🌧️

គ្មាននរណាម្នាក់ឃើញទឹកភ្នែក

ដែលហូរស្ងាត់ៗ ពេលកូនដេកលក់

ហើយក៏គ្មាននរណាឮសំឡេងបេះដូង

ដែលកំពុងនឿយហត់នោះដែរ។ 🤍🍃

ទោះអស់កម្លាំងប៉ុណ្ណា

ម៉ាក់នៅតែក្រោកឡើងឱបកូន

ព្រោះនៅក្នុងកែវភ្នែករបស់កូន...

**ម៉ាក់គឺជាពិភពលោកទាំងមូល។** 🌏💖

**ភាពជាម្តាយ មិនមែនវាស់ត្រឹមពាក្យថា «អត់ធ្មត់» នោះទេ...**

ប៉ុន្តែគឺការសុខចិត្តលះបង់ជីវិតបែបចាស់របស់ខ្លួនឯង

ដើម្បីបង្កើតជីវិតថ្មីមួយ

ឱ្យកូនបានធំធាត់ឡើង

យ៉ាងល្អបំផុត។ 🐯♥️

Cr: MomVichra

#តតាំងដល់ទីបញ្ចប់ ទោះពុំសូវមានអ្នកជួយជ្រុំជ្រែងយ៉ាងពេញទំហឹងក៏ពិតមែន តែ អ៊ុយក្រែន ប្រយុទ្ធដល់ទីបញ្ចប់ ចុងក្រោយ អ៊ុយក្រែន...
07/07/2026

#តតាំងដល់ទីបញ្ចប់ ទោះពុំសូវមានអ្នកជួយជ្រុំជ្រែងយ៉ាងពេញទំហឹងក៏ពិតមែន តែ អ៊ុយក្រែន ប្រយុទ្ធដល់ទីបញ្ចប់ ចុងក្រោយ អ៊ុយក្រែន បានធ្វើឱ្យពិភពលោកមានការភ្ញាក់ផ្អើល រយៈពេលក្រោយមកនេះ....។

📍ខាងក្រោមនេះគឺជាការបរិច្ឆេទព្រិត្តិការណ៍សំខាន់ៗក្នុងការវិវាទនិងរុស្សីដែលអ៊ុយក្រែនបានឆ្លងកាត់និងតតាំងរហូតមករួមមាន៖

#សរុបមក ជម្លោះរវាង រុស្ស៊ី និង អ៊ុយក្រែន អាចបែងចែកជាពីរដំណាក់កាលធំៗ៖

១. ការចាប់ផ្ដើមជម្លោះ (ឆ្នាំ ២០១៤)
ថ្ងៃទី២០ ខែកុម្ភៈ ឆ្នាំ២០១៤ ត្រូវបានរុស្ស៊ីចាត់ទុកជាកាលបរិច្ឆេទចាប់ផ្ដើមប្រតិបត្តិការនៅតំបន់ គ្រីមៀ។
ខែមីនា ឆ្នាំ២០១៤ រុស្ស៊ីបានដាក់កងទ័ពចូលគ្រីមៀ ហើយក្រោយមកបានប្រកាសបញ្ចូលគ្រីមៀជាផ្នែកនៃប្រទេសខ្លួន។ អ៊ុយក្រែន និងប្រទេសភាគច្រើនក្នុងពិភពលោកមិនទទួលស្គាល់ការបញ្ចូលនេះទេ។
បន្ទាប់មក ជម្លោះប្រដាប់អាវុធបានផ្ទុះឡើងនៅតំបន់ ដុនបាស (ខេត្តដូណេតស្ក៍ និងលូហាន់ស្ក៍) រវាងកងទ័ពអ៊ុយក្រែន និងក្រុមបំបែកខ្លួនដែលរុស្ស៊ីគាំទ្រ។

២. សង្គ្រាមទ្រង់ទ្រាយធំ (ឆ្នាំ ២០២២)
ថ្ងៃទី២៤ ខែកុម្ភៈ ឆ្នាំ២០២២ វ្ល៉ាឌីមៀ ពូទីន បានប្រកាស "ប្រតិបត្តិការយោធាពិសេស" ហើយកងទ័ពរុស្ស៊ីបានវាយលុកអ៊ុយក្រែនពីទិសជាច្រើន។ នេះជាការចាប់ផ្ដើមនៃសង្គ្រាមទ្រង់ទ្រាយធំដែលបន្តមកដល់សព្វថ្ងៃ។ ការវាយលុកនេះត្រូវបានអង្គការអន្តរជាតិ និងប្រទេសជាច្រើនចាត់ទុកថាជាការរំលោភច្បាប់អន្តរជាតិ។

៣. ព្រឹត្តិការណ៍សំខាន់ៗ (២០២២–២០២៦)
ឆ្នាំ២០២២៖ រុស្ស៊ីដណ្តើមបានតំបន់មួយចំនួននៅភាគខាងត្បូង និងភាគខាងកើតអ៊ុយក្រែន ប៉ុន្តែអ៊ុយក្រែនក៏បានវាយបកដណ្តើមយកទឹកដីមួយចំនួនមកវិញ។
ឆ្នាំ២០២៣៖ សង្គ្រាមបានបន្តដោយការវាយប្រហារតាមកាំជ្រួច ដ្រូន និងសមរភូមិលើដី ប៉ុន្តែគ្មានភាគីណាទទួលបានជ័យជម្នះដាច់ខាត។
ឆ្នាំ២០២៤–២០២៥៖ ការប្រយុទ្ធនៅតែបន្ត ជាមួយនឹងការប្រើប្រាស់ដ្រូន កាំជ្រួច និងការគាំទ្រផ្នែកយោធាពីបណ្តាប្រទេសលោកខាងលិចដល់អ៊ុយក្រែន។ មានកិច្ចពិភាក្សាសន្តិភាពខ្លះៗ ប៉ុន្តែមិនទាន់ទទួលបានកិច្ចព្រមព្រៀងបញ្ចប់សង្គ្រាមទេ។

៤. ស្ថានភាពបច្ចុប្បន្ន (គិតត្រឹមខែកក្កដា ឆ្នាំ២០២៦)
សង្គ្រាមនៅតែបន្តនៅតំបន់ភាគខាងកើត និងភាគខាងត្បូងអ៊ុយក្រែន។
ភាគីទាំងពីរនៅតែបន្តវាយប្រហារគ្នាទៅវិញទៅមកដោយដ្រូន កាំជ្រួច និងកងទ័ពលើដី។
ប្រទេសលោកខាងលិចជាច្រើននៅតែបន្តផ្តល់ជំនួយផ្នែកយោធា ហិរញ្ញវត្ថុ និងមនុស្សធម៌ដល់អ៊ុយក្រែន ខណៈរុស្ស៊ីបន្តពង្រឹងសមត្ថភាពយោធារបស់ខ្លួន។
មកដល់ពេលនេះ មិនទាន់មានកិច្ចព្រមព្រៀងសន្តិភាពដែលអាចបញ្ចប់សង្គ្រាមបាននៅឡើយទេ។

ជម្លោះនេះបានបណ្ដាលឱ្យមានអ្នកស្លាប់ និងរបួសជាច្រើននាក់ ប្រជាពលរដ្ឋរាប់លាននាក់ត្រូវភៀសខ្លួន និងបង្កផលប៉ះពាល់យ៉ាងខ្លាំងដល់សេដ្ឋកិច្ច និងសន្តិសុខពិភពលោក។

#រូបភាព CNC
#អត្ថបទ ChatGPT
#ចំណងជើង និងកែសម្រួល សំ សឿន។

នៅពេលដែលអ្នកលើកដៃសរសេរអក្សរអង់គ្លេសសំនៀងខ្មែរ ជំនួសឱ្យអក្សរខ្មែរដែលមានស្រាប់តែមិនលើកស្ទួយសរសេរអក្សរខ្មែររបស់ខ្លួន សូមអ្ន...
07/07/2026

នៅពេលដែលអ្នកលើកដៃសរសេរអក្សរអង់គ្លេសសំនៀងខ្មែរ ជំនួសឱ្យអក្សរខ្មែរដែលមានស្រាប់តែមិនលើកស្ទួយសរសេរអក្សរខ្មែររបស់ខ្លួន សូមអ្នកបែរមកគិតដល់រឿង១នេះ ពេលនេះសៀមបាននឹងកំពុងយកអក្សរខ្មែរទៅធ្វើជាកម្មសិទ្ធិរបស់ខ្លួនទុកឱ្យកូនចៅគេរៀនហើយ !

04/07/2026

កាសែតអន្តរជាតិ CBS របស់អាម៉េរិកបកអាក្រាតថៃចំៗថាជាអ្នកនៅពីក្រោយក្រុមចោរដែលលួ.ចវត្ថុបុរាណខ្មែរ​ យកទៅលក់ក្នុងទីផ្សារងងឹត​ និងសារមន្ទីរល្បីៗទូទាំងពិភពលោក

06/06/2026

#សម្រង់ប្រសាសន៍លោកបណ្ឌិត
#កែមឡី

មាតិកាដែល BA ផ្សាយគ្រឿងស្រវឹង មាតិកាផ្សាយថ្នាំបូរាណ ផ្សំម្តងៗច្រើនមុខ ផ្សាយឡេលាបពីយប់ រហូតដល់ព្រឹកឡើងស កាហ្វេព្យាបាលជំងឺ...
04/06/2026

មាតិកាដែល BA ផ្សាយគ្រឿងស្រវឹង មាតិកាផ្សាយថ្នាំបូរាណ ផ្សំម្តងៗច្រើនមុខ ផ្សាយឡេលាបពីយប់ រហូតដល់ព្រឹកឡើងស កាហ្វេព្យាបាលជំងឺ១០០មុខ ដែលBA ខ្លះរៀនមិនទាំងចប់ថ្នាក់ទី១២ផង ជាពិសេសមាតិការណ៍ផ្សាយល្បែងអនឡាញ ដូចអត់មានបញ្ហា បែរជាទៅមានបញ្ហាវិជ្ជបណ្ឌិតម្នាក់ទៅវិញ អ៊ីចឹងក៏អ៊ីចឹងទៅ។

ខណៈពេលដែលមនុស្សភាគច្រើនកំពុងលង់លក់ក្នុងដំណេកដ៏ស្កប់ស្កល់នៅឡើយ នាឡិការោទ៍ម៉ោង ៣ ឬម៉ោង ៤ ភ្លឺ បានដាស់រាងកាយដ៏នឿយហត់ឲ្យភ្ញា...
26/05/2026

ខណៈពេលដែលមនុស្សភាគច្រើនកំពុងលង់លក់ក្នុងដំណេកដ៏ស្កប់ស្កល់នៅឡើយ នាឡិការោទ៍ម៉ោង ៣ ឬម៉ោង ៤ ភ្លឺ បានដាស់រាងកាយដ៏នឿយហត់ឲ្យភ្ញាក់ឡើងទាំងបង្ខំ។ មិនទាន់ទាំងមានពន្លឺព្រះអាទិត្យចាំងមកផង ជើងទាំងគូត្រូវឈានចេញពីផ្ទះទាំងប្រញាប់ប្រញាល់ ព្រោះខ្លាចមិនទាន់ឡានឈ្នួល។

ការធ្វើដំណើរទៅកាន់កន្លែងធ្វើការ មិនមែនជាការអង្គុយលើពូកឡានដ៏ស្រួលនោះទេ គឺការ «ឈរណែនណាន់តាន់តាប់» លើឡានទ្រុង ហាលខ្យល់ ហាលលំអងធូលី និងផ្សែងឡានតាមដងផ្លូវ។ ដៃម្ខាងតោងបង្កាន់ដៃឡានយ៉ាងជាប់ ឯចិត្តភ័យអរៗ ខ្លាចតែក្រឡាប់ ឬមានគ្រោះថ្នាក់ និងខ្លាចមួយទៀតគឺ "ខ្លាចទៅយឺតម៉ោង" ព្រោះការយឺតតែមួយនាទី មានន័យថាប្រាក់ខែដ៏តិចតួចនោះនឹងត្រូវកាត់បង់។

ពេលទៅដល់រោងចក្រ ជើងដែលឈររាប់ម៉ោងនៅលើឡានអម្បាញ់មិញ ត្រូវបន្តឈរ ឬអង្គុយចំពោះមុខម៉ាស៊ីនដេរ ឬខ្សែសង្វាក់ផលិតកម្មយ៉ាងហត់នឿយ។ សំឡេងម៉ាស៊ីនលាន់រំពងពេញត្រចៀក ដៃត្រូវរហ័ស ភ្នែកត្រូវមុត។ ៨ ម៉ោង ទៅ ១០ ម៉ោង ហាក់ដូចជាយូរអង្វែងណាស់សម្រាប់រាងកាយដែលទន់ជ្រាយ។

អ្វីដែលគួរឲ្យខ្លាចបំផុតសម្រាប់អ្នករោងចក្រ មិនមែនជាការងារហត់នោះទេ គឺ «ការមិនហ៊ានឈឺ»។

ទោះបីជាក្តៅខ្លួន ស្រុតកម្លាំង ឬឈឺក្បាលចង់ផ្ទុះ ក៏ត្រូវលេបថ្នាំសង្កត់ដើម្បីគ្របដណ្តប់ការឈឺចាប់ រួចដើរចូលរោងចក្រទាំងរាងកាយញ័រទទ្រើត។ ព្រោះពួកគេដឹងច្បាស់ថា បើសុំច្បាប់ឈប់តែមួយថ្ងៃ លុយអត្ថប្រយោជន៍ និង «លុយវត្តមាន» ដែលខំសន្សំពេញមួយខែនឹងត្រូវរលាយបាត់ភ្លាមៗ។ ២១០ ដុល្លារ គ្មានចំណែកសម្រាប់ភាពទន់ជ្រាយឡើយ។

"បាយមិនត្រង់មាត់" មិនមែនជាពាក្យបំផ្លើសឡើយ។ ម៉ោងបាយថ្ងៃត្រង់ដែលមានពេលដ៏ខ្លី ត្រូវប្រជែងគ្នាដណ្តើមពេលវេលា បាយញ៉ាំទាំងប្រញាប់ប្រញាល់ ញ៉ាំបណ្តើរភ្នែកសម្លឹងមើលម៉ោងបណ្តើរ គ្មានឡើយភាពរីករាយក្នុងការភ្លក់រសជាតិម្ហូបអាហារ មានតែការញ៉ាំដើម្បីរស់ និងដើម្បីមានកម្លាំងបន្តការងារនៅម៉ោងបន្ទាប់។

លុះដល់ម៉ោងចេញពីធ្វើការ នៅពេលដែលជួងរោងចក្របន្លឺឡើង វាមិនមែនជាពេលវេលាសម្រាកលំហែកាយឡើយ។ គ្រប់គ្នាត្រូវរត់សស្រាក់សស្រាំ ចេញមកក្រៅរោងចក្រ ទាំងភ័យផងអរផង ព្រោះ "ខ្លាចឡានទៅចោល"។ បើឡានទៅចោល មានន័យថាគ្មានផ្លូវត្រឡប់ទៅផ្ទះ ឬត្រូវចំណាយលុយបន្ថែមដែលមិនគួរចំណាយ។

មុនឡើងឡាន ត្រូវឆៀងចូលផ្សារក្បែរនោះទាំងប្រញាប់ ទិញម្ហូបកញ្ចប់ ឬបន្លែត្រីសាច់បន្តិចបន្តួចយកទៅផ្ទះ។ ចេញពីល្ងាចម៉ោង ៦ ទម្រាំឡានហែកកាត់ការកកស្ទះ ធ្វើដំណើររាប់សិបគីឡូម៉ែត្រ ដល់ផ្ទះវិញគឺម៉ោង ៨ ឬ ៩ យប់ទៅហើយ។ ពេលត្រឡប់មកដល់ផ្ទះវិញទាំងល្វើយនៅម៉ោង ៨ ឬ ៩ យប់ បន្ទាប់ពីការរត់ប្រជែង ប្រផិតប្រផើយខ្លាចឡានទៅចោល សេរីភាពតែមួយគត់គឺការបានដោះស្បែកជើងដែលហប់ពេញមួយថ្ងៃចេញ។ ម្ហូបល្ងាចដែលទិញតាមផ្លូវ ជារឿយៗគឺជារបស់ដដែលៗ៖ ត្រីខមួយកំប៉ុង ស៊ុតចៀន ឬស៊ុបបន្លែមួយថង់ ដែលញ៉ាំគ្រាន់តែឲ្យរួចពីពោះ។

២១០ ដុល្លារ ឬ ៨៤០០០០៛ លេខមួយខ្ទង់នេះមើលទៅប្រហែលជាលុយតិចតួចសម្រាប់អ្នកដទៃ តែវាជា «ដង្ហើម» របស់គ្រួសារកម្មកររោងចក្រ។

អ្វីដែលចាក់ដោតបំផុតនោះគឺ៖

សម្រាប់អ្នកដែលមានកូន៖ ពេលទៅដល់ផ្ទះ កូនៗលង់លក់ក្នុងដំណេកបាត់ទៅហើយ។ មិនទាន់ទាំងបានពរ បំពេរ ឬនិយាយលេងជាមួយកូនផង ក៏ត្រូវត្រៀមខ្លួនគេង ដើម្បីងើបចោលកូនទាំងព្រលឹមសាជាថ្មី។ កូនធំដឹងក្តីដោយមិនសូវស្គាល់កំដៅទ្រូងម្តាយឡើយ។

សម្រាប់អ្នកដែលនៅឆ្ងាយពីម៉ែឪ៖ ពេលទូរស័ព្ទទៅស្រុក តែងតែប្រាប់ថា «កូនមិនអីទេម៉ែ កូនធ្វើការស្រួលណាស់ លុយប្រាក់ខែបើកភ្លាម កូនផ្ញើទៅឲ្យម៉ែភ្លែត»។ មាត់និយាយប្រាប់ថាស្រួល និងញញឹមដាក់ទូរស័ព្ទ តែទឹកភ្នែកហូរស្រក់កាត់ថ្ពាល់ព្រោះភាពឯកោ និងការនឿយហត់ហួសប្រមាណ។

សន្លឹកលុយ ២១០ ដុល្លារ ដែលដូរមកវិញដោយភាពឈឺចាប់នៃរាងកាយ ការបាត់បង់សេរីភាព និងការលះបង់ក្តីសុខផ្ទាល់ខ្លួន គឺជានិមិត្តរូបនៃក្តីស្រឡាញ់ដ៏កំពូល។ គ្មានអ្នកណាខ្លាំងពូកែជាងបងប្អូនកម្មករកម្មការិនីឡើយ ព្រោះគ្រប់តំណក់ញើសដែលស្រក់ចុះដី គឺដើម្បីជួយយោងជីវិតមនុស្សជាច្រើននាក់នៅពីក្រោយខ្នង។ សូមលំឱនកាយគោរព និងផ្តល់កម្លាំងចិត្តដ៏កក់ក្តៅបំផុតជូនដល់វីរជនដេរស្បែកជើង និងសម្លៀកបំពាក់គ្រប់ៗរូប!

ព្រឹត្តិការណ៍ដ៏ជូរចត់កាលពីព្រឹកមិញនេះ បានដាស់តឿនយើងគ្រប់គ្នា និងគ្រប់ភាគីពាក់ព័ន្ធទាំងអស់ ឲ្យកាន់តែយកចិត្តទុកដាក់ខ្លាំងឡើងលើបញ្ហាសុវត្ថិភាពនៃការធ្វើដំណើររបស់បងប្អូនកម្មករ។ ពីព្រោះនៅពីក្រោយកម្មករម្នាក់ៗ គឺមានជីវិតមនុស្សជាច្រើននាក់ទៀតដែលកំពុងរង់ចាំ និងសង្ឃឹមលើពួកគាត់។

សូមបងប្អូនកម្មករកម្មការិនីទាំងអស់ មេត្តាបង្កើនការប្រុងប្រយ័ត្ន និងសូមឲ្យការធ្វើដំណើរទៅមកទីជិតទីឆ្ងាយជួបតែសេចក្តីសុខ និងសុវត្ថិភាពគ្រប់ៗគ្នា។ ចូលរួមរំលែកទុក្ខ និងសម្តែងការសោកស្តាយ និងផ្ដល់កម្លាំងចិត្តដ៏កក់ក្តៅបំផុតជូនដល់ក្រុមគ្រួសាររងគ្រោះទាំងអស់ក្នុងគ្រាដ៏លំបាកនេះ!🙏🏻

#ប្រភបអត្ថបទនិងរូបភាព ទាំងស្រុង https://www.facebook.com/share/p/17npdAoc5S/
#អត្ថបទ: ជន រតនៈ

Address

Phnom Penh

Telephone

+85586413277

Website

Alerts

Be the first to know and let us send you an email when សឿន Soeurn posts news and promotions. Your email address will not be used for any other purpose, and you can unsubscribe at any time.

Shortcuts

Share