16/09/2026
កាលពីយប់ថ្ងៃទី១៤ខែកញ្ញា ឆ្នាំ២០២៦ នៅវេលាម៉ោងប្រហែល ៨:៣០នាទីយប់បណ្តាញសហគមន៍ព្រៃឡង់ខេត្តព្រះវិហារបានដេញតាមឃាត់គោយន្តដឹកឈើខុសច្បាប់ចេញតំបន់ព្រៃឡង់ចំនួន១គ្រឿងដែលដឹកក្តារបន្ទះចំនួន៣៤សន្លឹកព្យាយាមរត់គេចនៅម្តុំភូមិស្រែវាលចូលផ្ទះមួយកន្លែងដែលគ្មានមនុស្សរស់នៅ ហើយក៏ប្រទះឃើញគំនរឈើនៅក្រោមផ្ទះនោះមានក្តារបន្ទះចំនួន៨១សន្លឹកដែលម្ចាស់គោយន្តដឹកនោះបានបញ្ជាក់ថាឈើនៅក្រោមផ្ទះនោះមិនដឹងថាជាឈើរបស់អ្នកណាទេ។ ក្រោយពីបានឃាត់ និងសាកសួររួចមកបណ្តាញសហគមន៍ព្រៃឡង់ខេត្តព្រះវិហារបានរាយការណ៍ទៅមន្រ្តីបរិស្ថានស្នាក់ការស្រែវាលដើម្បីជួយអន្តរាគមន៍ និងប្រមូលវត្ថុតាងបញ្ជូនទៅស្នាក់បរិស្ថានស្រែវាលបន្តនីតិវិធីតាមច្បាប់។ អរគុណពូៗមន្ត្រីបរិស្ថានដែលបានសហការ និងមកយ៉ាងឆាប់រហ័ស។
សូមបងប្អូនទាំងអស់គ្នាចូលរួមថែរក្សាបរិស្ថាន និងព្រៃឈើយើងទាំងអស់គ្នា។
#ព្រៃឡង់
