ទស្សនវិជ្ជា

ទស្សនវិជ្ជា Contact information, map and directions, contact form, opening hours, services, ratings, photos, videos and announcements from ទស្សនវិជ្ជា, Phnom Penh.

ការអានមិនសុទ្ធតែធ្វើឱ្យយើងក្លាយទៅជាអ្នកដឹកនាំបានក៏ពិតមែន ប៉ុន្តែវាអាចធ្វើឱ្យយើងដឹងថា តើមេដឹកនាំប្រភេទណាដែលយើងគួរដើរតាម។ អានដើម្បីខ្លួនឯង អានដើម្បីគ្រួសារ អានដើម្បីសង្គមជាតិ។ ជាតិខ្លាំង ដោយសារមានជនសង្គមខ្លាំង។

ព្រះរាជក្រឹត្យ លើកលែងទោសឱ្យអតីតបក្សប្រឆាំង លោកកឹម សុខា ។
25/05/2026

ព្រះរាជក្រឹត្យ លើកលែងទោសឱ្យអតីតបក្សប្រឆាំង លោកកឹម សុខា ។

24/05/2026

ទោះបីជាអស់តំណែងនៅខេត្តពិតមែន តែបានកៅអីនៅក្រសួងដដែលទេ ក្មួយ😐

#មូលហេតុប្រព័ន្ធអប់រំហ្វាំងឡង់ល្អជាងគេលើលោកមិនមែនជារឿងភ្ញាក់ផ្អើលឡើយដែលប្រទេសអឺរ៉ុបមួយនេះក្លាយជាប្រទេសមានប្រព័ន្ធអប់រំល...
23/05/2026

#មូលហេតុប្រព័ន្ធអប់រំហ្វាំងឡង់ល្អជាងគេលើលោក

មិនមែនជារឿងភ្ញាក់ផ្អើលឡើយដែលប្រទេសអឺរ៉ុបមួយនេះ
ក្លាយជាប្រទេសមានប្រព័ន្ធអប់រំល្អជាងគេបំផុតក្នុងលោក ត្បិតអីហ្វាំងឡង់បានធ្វើកំណែទម្រង់ប្រព័ន្ធអប់រំរបស់ខ្លួនរយៈពេលជាងបួនទសវត្សរ៍មកហើយ។
មានយុទ្ធសាស្ត្រ និងសកម្មភាពជាច្រើនដែលប្រទេសដែលមានប្រជាជនសរុបជាង៥លាននាក់នេះបានអនុវត្តន៍។
ខាងក្រោមគឺជារឿង២២ចំណុច ដែលទាំងអស់គ្នាត្រូវដឹងអំពីប្រព័ន្ធអប់រំនៅប្រទេហ្វាំងឡង់។

១. ក្មេងៗហ្វាំងឡង់ អាចចូលរៀនបានទាល់តែមានអាយុ៧ឆ្នាំ។
២. ក្មេងៗកម្រនឹងតម្រូវឲ្យធ្វើកិច្ចការផ្ទះ(Homework )ឬការប្រលងអ្វីនោះទេ រហូតដល់វ័យធំបន្តិច។
៣. ក្មេងៗមិនត្រូវបានវាស់វែង ឬវាយតម្លៃសមត្ថភាពក្នុងការសិក្សាសម្រាប់រយៈពេល៦ឆ្នាំដំបូងនៃការអប់រំរបស់ពួកគេ។
៤. នៅហ្វាំងឡង់មានការប្រលងស្តង់ដារតែមួយគត់ គឺនៅពេលសិស្សមានអាយុ១៦ឆ្នាំ។
៥. ក្មេងគ្រប់រូបទោះបីឆ្លាត ឬមិនឆ្លាតក្តី ត្រូវបានបង្រៀនក្នុងថ្នាក់ជាមួយគ្នា។
៦. សិស្សហ្វាំងឡង់ចំណាយលុយតិចជាងសិស្សអាមេរិក ៣០%។
៧. ក្មេងៗ៣០%ត្រូវទទួលបានការជួយជ្រោមជ្រែងបន្ថែមនៅថ្នាក់ទី៩។
៨. ៦៦%ត្រូវបានចូលសិក្សានៅសកលវិទ្យាល័យ ដែលអត្រានេះខ្ពស់ជាងគេបំផុតនៅអឺរ៉ុប។
៩. គម្លាតរវាងសិស្សខ្លាំង និងសិស្សខ្សោយនៅហ្វាំងឡង់ មានកម្រិតទាបជាងគេបំផុតក្នុងលោក។
១០. ថ្នាក់វិទ្យាសាស្ត្រអនុញ្ញាត្តឲ្យមានសិស្សតែ១៦នាក់ប៉ុណ្ណោះក្នុង១ថ្នាក់ ដែលអនុញ្ញាត្តឲ្យពួកគេបានអនុវត្តច្រើន។
១១. សិស្សរហូតដល់ ៩៣%បានបញ្ចប់ថ្នាក់វិទ្យាល័យ ដែលអត្រានេះខ្ពស់ជាងអាមេរិក ១៧.៥០%ឯណោះ។
១២. ៤៣%នៃសិស្សវិទ្យាល័យហ្វាំងឡង់ បានចូលសិក្សាសាលាបណ្តុះបណ្តាលវិជ្ជាជីវៈ។
១៣. សិស្សបឋមសិក្សា សម្រាកបាន៧៥នាទីក្នុងមួយថ្ងៃ ស្របពេលនៅអាមេរិសម្រាកបានតែ២៧នាទីប៉ុណ្ណោះ។
១៤. គ្រូបង្រៀនវិញ ចំណាយពេលបង្រៀនក្នុងថ្នាក់តែ៤ម៉ោងប៉ុណ្ណោះក្នុងមួយថ្ងៃ ហើយត្រូវចំណាយពេលយ៉ាងតិច២ម៉ោងក្នុងមួយសប្តាហ៍ ដើម្បីអភិវឌ្ឍន៍ជំនាញរបស់ខ្លួន។
១៥. ចំនួនគ្រូបង្រៀននៅហ្វាំងឡង់ ប្រហែលចំនួនគ្រូបង្រៀននៅក្រុងញូយ៉ក ប៉ុន្តែចំនួនសិស្សតិចជាងច្រើន។នៅហ្វាំងឡង់មានសិស្សប្រហែល ៦០០.០០០នាក់ ឯញូយ៉កមាន ១.១លាននាក់។
១៦. ១០០%គឺមិនបង់ថ្លៃសិក្សាឡើយ ពោលគឺរដ្ឋជាអ្នករាប់រងទាំងស្រុង។
១៧. គ្រូបង្រៀនទាំងអស់នៅហ្វាំងឡង់ ត្រូវតែមានសញ្ញាបត្របរិញ្ញាបត្រជាន់ខ្ពស់(អនុបណ្ឌិត) ដែលអង់គ្លេសហៅថា Master Degree ។
១៨. គ្រូបង្រៀនត្រូវបានជ្រើសរើសចេញពីសិស្សពូកែ ពោលគឺ១០%នៃសិស្សកំពូលតារាង។
១៩. ប្រាក់ខែតិចបំផុតសម្រាប់គ្រូបង្រៀនហ្វាំងឡង់ គឺ ២៩.០០០ដុល្លារអាមេរិក(២០០៨)។
២០. គ្មានប្រាក់លើកទឹកចិត្តបន្ថែម អ្វីទៀតឡើយសម្រាប់គ្រូបង្រៀន។
២១. គ្រូបង្រៀនត្រូវបានទទួលស្គាល់ និងឲ្យតម្លៃដូចគ្នានឹងវេជ្ជបណ្ឌិត និងមេធាវីដែរ។
២២. កាលពីឆ្នាំ២០០១ក្មេងៗហ្វាំងឡង់ ត្រូវបានវាយតម្លៃថា
ពូកែបំផុត ផ្នែកវិទ្យាសាស្ត្រ ការអាន និងគណិតវិទ្យា។

ក្រសួង ដែលមិនសូវមានភាពចាំបាច់គឺមានច្រើនណាស់ តែគេបែរជាជ្រើសរើសយកវិស័យអប់រំ និងសុខាភិបាលទៅវិញ💔មិនទាន់កាត់បន្ថយផងប្រទេសជាតិ...
23/05/2026

ក្រសួង ដែលមិនសូវមានភាពចាំបាច់គឺមានច្រើនណាស់ តែគេបែរជាជ្រើសរើសយកវិស័យអប់រំ និងសុខាភិបាលទៅវិញ💔មិនទាន់កាត់បន្ថយផងប្រទេសជាតិយ៉ាប់យុឺនប៉ុនហ្នឹងហើយ ចុះទម្រាំតែកាត់បន្ថយទៀត តើនឹងទៅជាយ៉ាងណា? បើកភ្នែកស្រមៃ ឬបិទភ្នែកស្រមៃក៏មើលមិនឃើញអនាគតដែរកូន😐

ក្រោយពេលមានសង្គ្រាមជាមួយថៃ ខ្ញុំគិតថារដ្ឋាភិបាលកម្ពុជាអាចនឹងគិតគូរកែទម្រង់លើ វិស័យអប់រំ ការពារជាតិ និងសុខាភិបាលមិនខាន ដ្...
23/05/2026

ក្រោយពេលមានសង្គ្រាមជាមួយថៃ ខ្ញុំគិតថារដ្ឋាភិបាលកម្ពុជាអាចនឹងគិតគូរកែទម្រង់លើ វិស័យអប់រំ ការពារជាតិ និងសុខាភិបាលមិនខាន ដ្បិតអីប្រទេសកម្ពុជាគឺខ្សោយលើវិស័យទាំងនេះជាខ្លាំង ។ តែឥឡូវ គេបែរជាកាត់បន្ថយថវិការលើវិស័យអប់រំ និងសុខាភិបាល ដើម្បីយកទៅពង្រឹងវិស័យការពារជាតិ? ក្រសួង ឬស្ថាប័នផ្សេងៗដែលមិនសូវមានភាពចាំបាច់ គឺមានច្រើនណាស់ ចុះហេតុអ្វីបានជាមកកាត់បន្ថយលើកន្លែងដែលជួយឱ្យជាតិខ្លាំងទៅវិញ?

ការកែទម្រង់ពិតប្រាកដគឺកែពីថ្នាក់លើចុះមកក្រោម មិនមែនកែត្រឹមថ្នាក់ក្រោមៗតែប៉ុនហ្នឹងនោះទេ។ ប្រទេសកម្ពុជាមានប្រជាជនតែប្រមាណ ១៧លាននាក់ប៉ុណ្ណោះ តែមានឧបនាយករដ្ឋមន្ត្រីដល់ទៅ១២នាក់ មានរដ្ឋមន្ត្រីប្រតិភូអមនាយករដ្ឋមន្ត្រី ២៩នាក់ ទេសរដ្ឋមន្រ្តី ២២នាក់ រដ្ឋមន្ត្រី៣០នាក់ រដ្ឋលេខាធិការជាង ៨០០នាក់ អនុរដ្ឋលេខាធិការប្រមាណ ១០០០នាក់ និងទីប្រឹក្សារាប់ពាន់នាក់ទៀត។ ខណៈដែលវៀតណាម មានប្រជាជនជាង ១០០លាននាក់ តែមានមន្ត្រីរដ្ឋាភិបាលតែជាងម្ភៃនាក់ប៉ុណ្ណោះ។

22/05/2026

ការកែទម្រង់ពិតប្រាកដ គឺកែពីថ្នាក់លើចុះមកក្រោម មិនមែនកែត្រឹមតែថ្នាក់ក្រោមប៉ុនហ្នឹងនោះទេ។ តែក៏សាទរទៅនឹងចំណាត់ការនេះ។

ស្រណោះអ៊ំស្រីនៅជិតផ្ទះខ្ញុំ មកទល់នឹងពេលនេះទៅហើយគាត់នៅតែជឿថា លោកចន្ទ មុន្នី ចេះហោះដដែល😒ដោយសារគាត់ធ្លាប់មើលឃើញ នៅក្នុងទូរស...
21/05/2026

ស្រណោះអ៊ំស្រីនៅជិតផ្ទះខ្ញុំ មកទល់នឹងពេលនេះទៅហើយគាត់នៅតែជឿថា លោកចន្ទ មុន្នី ចេះហោះដដែល😒ដោយសារគាត់ធ្លាប់មើលឃើញ នៅក្នុងទូរសព្ទចៅរបស់គាត់។ ដែលគេកាត់តឱ្យលោកចន្ទ មុន្នី ចេះហោះ ហើយបញ្ចេញពន្លឺប្រៀបបីដូចជាយុទ្ធសីលអុីចឹង។ គាត់សរសើមិនដាច់ពីមាត់ទេថា លោកនេះពិតជាពូកែមែន😆

កម្ពុជា ប្រជាធិបតេយ្យ សេរីពហុបក្ស និងមិនចូលបក្សសម្ព័ន្ធ😁
21/05/2026

កម្ពុជា ប្រជាធិបតេយ្យ សេរីពហុបក្ស និងមិនចូលបក្សសម្ព័ន្ធ😁

ចោលម្សៀតរបស់បុរស គឺការដែលខ្លួនមានប្រពន្ធកូនហើយ តែបែរជាទៅលួចលាក់មានស្រីនៅខាងក្រៅ ធ្វើបាបចិត្តប្រពន្ធកូន។បុរសភាគច្រើន តែងត...
20/05/2026

ចោលម្សៀតរបស់បុរស គឺការដែលខ្លួនមានប្រពន្ធកូនហើយ តែបែរជាទៅលួចលាក់មានស្រីនៅខាងក្រៅ ធ្វើបាបចិត្តប្រពន្ធកូន។បុរសភាគច្រើន តែងតែនិយាយការពារទង្វើរបស់ខ្លួន ដោយលើកឡើងថា គេគឺជាមនុស្សប្រុស ការដែលលួចមានស្រីនៅខាងក្រៅ វាគឺជារឿងធម្មតាៗរបស់មនុស្សប្រុសទៅហើយ ។ តែបើសិនជាមនុស្សស្រីធ្វើបែបហ្នឹងវិញ នាងប្រាកដជាត្រូវគេជេរតិះដៀលថាជាស្រីមិនល្អ ឬស្រីកាកី ស្រ្តីផិតប្តីមិនខាន។

ស្រ្តីគ្រប់រូប តែងតែប្រាថ្នាចង់បានបុរសល្អម្នាក់ ដែលអាចមើលថែ និងផ្តល់សេចក្តីសុខឱ្យនាងបាន មិនចាំបាច់ល្អឥតខ្ចោះ សុំត្រឹមមានចិត្តស្មោះត្រង់ និងផ្តល់តម្លៃឱ្យនាង។
ជោគជ័យដ៏ធំរបស់មនុស្សស្រី គឺការអាចមានក្រសែភ្នែកល្អ អាចជ្រើសរើសបុរសល្អម្នាក់ មកធ្វើជាស្វាមីបាន។

ជូនចំពោះស្ត្រីទាំងឡាយ មុនអ្នកសម្រេចចិត្តជ្រើសរើសបុរសណាម្នាក់ មករួមដំណើរជីវិត អ្នកត្រូវគិតពិចារណាឱ្យបានច្បាស់លាស់ ។ ត្រូវប្រើចំណេះដឹង និងខួរក្បាលឱ្យច្រើនជាងបេះដូង ដ្បិតបើអ្នកប្រើតែបេះដូងមួយមុខ ច្បាស់ណាស់អ្នកប្រាកដជាមិនអាចមើលឃើញធាតុពិត របស់មនុស្សម្នាក់បានឡើយ។ ហើយក៏ចង់បញ្ជាក់ប្រាប់ទៅកាន់នារីគ្រប់រូបដែរថា ការរៀបការខុស មិនមែនជាចំណុចបញ្ចប់នៃជីវិតរបស់អ្នកឡើយ បើប្តីមួយមិនកើត លែងក្បាលចោល ហើយយកមួយទៀតទៅ🌚

20/05/2026

មនុស្សល្បីតែម្នាក់ ប្រព្រឹត្តខ្លួនជាគំរូមិនល្អនៅក្នុងសង្គម នោះនឹងបង្កើតបានអ្នកគាំទ្រឥតប្រយោជន៍ជាច្រើននាក់។ ដោយសារអ្នកគាំទ្រទាំងនោះ ចង់ដឹងរឿងគេច្រើនពេក និងតែងទុក idolរបស់ខ្លួន ជាធំ។ វាក៏បានបង្កជាភាពចលាចលនៅលើបណ្តាញសង្គមផងដែរ។

នៅពេលដែលមនុស្សល្បីក្នុងសង្គម ឈ្លោះជេរបញ្ចោរគ្នាតាមបណ្តាញសង្គម នោះនឹងបណ្តុះបានភាពអនាធិបតេយ្យ និងកំពុងតែបង្រៀនក្មេងៗជំនាន់...
19/05/2026

នៅពេលដែលមនុស្សល្បីក្នុងសង្គម ឈ្លោះជេរបញ្ចោរគ្នាតាមបណ្តាញសង្គម នោះនឹងបណ្តុះបានភាពអនាធិបតេយ្យ និងកំពុងតែបង្រៀនក្មេងៗជំនាន់ក្រោយ ឱ្យចេះជេរដូចខ្លួនដែរ។

សុភាសិតអាល្លឺម៉ង់មួយ បានលើកឡើងថា( មេដឹកនាំកំសាកម្នាក់ នឹងបង្កើតអ្នកដើរតាមកំសាករាប់រយនាក់)។ មនុស្សល្បីលេចធ្លោនៅក្នុងសង្គមតែម្នាក់ថត video ជេរប្រទេចគ្នាតាមបណ្តាញសង្គម នោះប្រាកដជាបង្កើតបានអ្នកគាំទ្រដែលចូលចិត្តជេរប្រមាថគ្នារាប់លាននាក់ ដោយសារមនុស្សល្បីទាំងនោះ មានអ្នកគាំទ្រច្រើន។

នៅពេលមានព្រឹត្តិការណ៍អ្វីថ្មីកើតឡើង អ្នកលេងអុីនធឺណិតភាគច្រើនតែងនិងយាយថា (តាមអត់ទាន់ ឬទាន់ហើយរឿងហ្នឹង ) អ្នកខ្លះអួតអាងគ្នាលើរឿងតាមដានព្រឹត្តិការដ៏អត់ប្រយោជន៍ទាំងនោះទាន់ដាក់គ្នាថែមទៀត។ សង្គមមួយដែលឱ្យតម្លៃ ទៅលើរឿងអត់ប្រយោជន៍ច្រើនពេក ប្រាកដជាបង្កើតបានតែមនុស្សអត់ប្រយោជន៍យ៉ាងពិតប្រាកដ។

យើងទាំងអស់គ្នាត្រូវចេះរស់នៅក្នុងភាពជាគំរូដល់់អ្នកផ្សេងទៀត គំរូភាពល្អពិតជាមានសារៈសំខាន់ណាស់សម្រាប់សង្គមរបស់យើង។ យើងតែងនិយាយថា ចង់ឱ្យសង្គមយើងមានភាពរីកចម្រើន ចង់បានសង្គមមួយមានភាពថ្លៃថ្នូរ ចង់ឃើញពលរដ្ឋយើងមានសីលធម៌ សុជីវធម៌ល្អក្នុងការរស់នៅ តែបែរជាយើងខ្លួនឯង មិនព្រមចាប់ផ្តើមអនុវត្តចំណុចនោះមុនគេទៅវិញ។

Address

Phnom Penh

Website

Alerts

Be the first to know and let us send you an email when ទស្សនវិជ្ជា posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ទស្សនវិជ្ជា:

Shortcuts

Share