អេង សុវណ្ណ-Eng Sovan

16/12/2025

រឿងគាត់ផ្តាច់ការគឺជារឿងដោយឡែក ប៉ុន្តែ​ខ្ញុំ​ពេញចិត្ត​សំដីមួយឃ្លាដែលគាត់បាននិយាយ ÷ ផ្ទះតូចមិនស្អាត ប៉ុន្តែ​របងផ្ទះរឹងមាំ គ្មានអ្នកណាអាចយកដីយើងបានឡើយ,​ ផ្ទះមិនស្អាតថ្ងៃក្រោយពេលមានលទ្ធភាពយើងក៏អាចសង់ផ្ទះថ្មីឱ្យបានស្អាត ប៉ុន្តែ​បើបាត់ដីហើយទោះបីយើងមានលុយធ្វើផ្ទះថ្មីតើមានន័យអីទៀត?​ សុខចិត្តនៅផ្ទះខ្ទមបណ្តោះអាសន្ន ប៉ុន្តែ​ត្រូវ​សង់របងដែក ថ្ម​ ដែលរឹងមាំ។

✍️ ផ្ទះតូចមិនស្អាត​ គឺសំដៅលើប្រទេសជាតិមិនទាន់មានការអភិវឌ្ឍន៍ជឿនលឿន។
✍️ របងផ្ទះ គឺសំដៅលើកម្លាំងកងទ័ព និងអាវុធ​ យុទ្ធភណ្ឌ​ ដែលជារបងការពារជាតិ។

ឧត្តមសេនីយ៍​ មីន​ អោងហ្លាំង មេដឹកនាំយោធាភូមា 🇲🇲

12/12/2025

ពូជខ្មែរមិនដែលចេះខ្លាច​ 💪

11/12/2025

ចាប់អារម្មណ៍ទេ

- ពេលចោរសៀមឈ្លានពានលើកទី១ គឺ អាមេទ័ពភូមិភាគ២ ជាអ្នកចេញមុខមាត់ណាស់ នាយករដ្ឋមន្ត្រីកាលណោះមិនសូវឃើញចេញមុខរឿងសង្គ្រាមទេ គេថាមេទ័ពវាមានសិទ្ធិធំណាស់

- ដល់ពេលវាឈ្លានពានលើកនេះ អាភូមិភាគទី២វាចូលនិវត្តន៍បាត់ហើយ អត់សូវមានមេទ័ពណាចេញមុខទេ ប៉ុន្តែគឺនាយកមន្ត្រីវាវិញម្តងជាអ្នកចេញមកចេញមាត់

* យើងត្រូវចាំអោយច្បាស់ កុំភ្លេចអាជាតិសាសន៍អាក្រក់នេះ វាធ្វើឆ្កួតឡប់ៗ ប្តូរតួចុះឡើងៗ មានអាខ្លះអាក្រក់ល្អ ប៉ុន្តែចុងក្រោយវានៅតែធ្វើបាបយើងរហូត 💔

មានតែយើងខ្លាំងខ្លួនឯងទេ ទើបថ្ងៃមុខការពារកុំអោយវាមើលងាយយើងទៀត ក្មេងៗ ប្អូនៗ ក្មួយៗអើយប្រឹងឡើង 🇰🇭

11/12/2025

យុទ្ធជនក្រាញននៀល ការពារទឹកដី រៀបក្បួនយកជ័យ ប្រល័យពួកខ្មាំង។ នេះជាតម្លៃប្រវត្ដិសាស្ដ្រដែលបណ្ដុះឆន្ទៈកូនខ្មែរ ឱ្យក្លាហាន និងចងចាំរាល់ទង្វើឈ្លានពានរបស់ចោរ។ សូមវីរៈកងទ័ពបន្ដឈ្នះគ្រប់សមរភូមិ! 🙏🏻

11/12/2025

11/12/2025

គ្រាន់តែប៉ុណ្ណឹងមិនដឹងនិយាយប៉ុន្មានដងកូន....

07/08/2025

សេចក្តីប្រកាសព័ត៌មាន

ក្រសួងការពារជាតិសូមជម្រាបជូនដល់សាធារណជន និងអ្នកសារព័ត៌មានជាតិ និងអន្តរជាតិអំពី លទ្ធផលកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) នៅប្រទេសម៉ាឡេស៊ី ដែលដឹកនាំដោយ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៃព្រះរាជាណាចក្រកម្ពុជា និងឯកឧត្តម ណាត់ថាក់ផុន ណាកផានីត រដ្ឋមន្រ្តីស្តីទី ក្រសួងការពារជាតិ នៃព្រះរាជាណាចក្រថៃ បានប្រព្រឹត្តទៅក្នុងបរិយាកាសស្ថាបនា និងវិជ្ជមាន ដែលនាំមកនូវលទ្ធផលប្រកបដោយផ្លែផ្កា ភាគីទាំងពីរក៏បានឯកភាពលើលក្ខខណ្ឌនៃបទឈប់បាញ់ និងការរៀបចំយន្តការសម្រាប់អនុវត្ត។ ភាគីកម្ពុជា និងភាគីថៃបានឯកភាពអនុម័តនូវកំណត់ហេតុនៃកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) រវាងកម្ពុជា និងថៃ និងសេចក្តីថ្លែងការណ៍រួម។

អាស្រ័យដូចបានជម្រាបជូនខាងលើ សូមសាធារណជន និងអ្នកសារព័ត៌មានជាតិនិងអន្តរជាតិជ្រាបជាព័ត៌មាន៕
ថ្ងៃព្រហស្បតិ៍ ១៣កើត ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩
កូឡាឡាំពួ ថ្ងៃទី៧ ខែសីហា ឆ្នាំ២០២៥

The Ministry of National Defence would like to inform the public and both domestic and international media about the results of the Extraordinary meeting of the Cambodia-Thailand General Border Committee (GBC) held in Malaysia. The meeting was co-chaired by His Excellency General Tea Seiha, Deputy Prime Minister and Minister of National Defense of the Kingdom of Cambodia, and His Excellency Nattaphon Nakphanit, Deputy Minister of National Defense Kingdom of Thailand. The atmosphere of the meeting was constructive and positive, resulting in fruitful outcomes. Cambodia and Thailand agreed on the terms of the ceasefire arrangement, and mechanism for the implementation of the ceasefire arrangement. Both sides also agreed to adopt the minutes of the extraordinary meeting of the Cambodia-Thailand General Border Committee (GBC) and issued a joint statement.

Based on the information provided above, the public and media are advised to stay informed.

Kuala Lumpur, 7 August 2025

#ក្រសួងការពារជាតិ #កម្ពុជា #សន្តិភាពនៅកម្ពុជា

07/08/2025

27/05/2025

ផែនទីប្រទេសកម្ពុជា

14/05/2025

#ល្បិច6យ៉ាងរបស់ថ្នាក់ដឹកនាំ💔👊🔥

1- ដាក់មនុស្សខុសកន្លែង
ជាយុទ្ធសាស្ត្រមួយដែលគេចង់ដេញអ្នកចេញ តែគេចង់ឃើញ អ្នកដើរចេញដោយខ្លួនឯង ប្តូរអ្នកទៅដាក់នៅកន្លែងការងារណា ដែលអ្នកមិនចង់ធ្វើ រហូតដល់អ្នកធុញ សុំលាឈប់ខ្លួនឯង

2- ថែមការងារ តែមិនថែមលុយ
ដាក់សម្ពាធការងារអោយអ្នក គ្មានសៅរ៍ គ្មានអាទិត្យ រហូតដល់ អ្នកទន់ដៃ សុំឈប់ខ្លួនឯង

3- ខ្ចីដាវសម្លាប់មនុស្ស
គេមិនចាំបាច់និយាយពាក្យគ្រោតគ្រាតជាមួយអ្នកទេ គ្រាន់តែ គេរៀបចំអោយក្រុមការងារអ្នក ធ្វើទុក្ខបុកម្នីញអ្នក ក៏អ្នកដើរ ចេញឯងដែរ

4- មិនបានស៊ីសាច់ យកឆ្អឹងព្យួរក
រឿងខ្លះអ្នកមិនបានធ្វើទេ តែគ្រប់គ្នាសុទ្ធតែទម្លាក់កំហុសអោយ អ្នក បកស្រាយយ៉ាងណាក៏អត់ប្រយោជន៍ដែរ

5- សម្លាប់មាន់បំភ័យស្វា
មានម្នាក់សុំឡើងប្រាក់ខែ មេដេញចេញភ្លាម តើអ្នកហ៊ានទេ?

នៅក្នុងវិស័យការងារជាកន្លែងដែលអ្នកលក់កម្លាំង ដូរយក លុយ ធ្វើការខ្លួនឯងអោយបានល្អ ធ្វើជាមនុស្សមានតម្លៃក្នុង ស្ថាប័ន អ្នកណាៗក៏ចង់បានអ្នកដែរ។

11/05/2025

មូលហេតុនាំអោយកើតមហារីក

បារី ធាត់ សុរា កាំរស្មីអ៊ុលត្រាវីយូឡែត អត់ហាត់ប្រាណ អត់សូវហូបបន្លែ/ផ្លែឈើ ឆ្លងមេរោគ HPV ។ល។

និយាយអោយស្រួលស្តាប់ មហារីក មកពីពាក្យ មហា បូក រីក គឺ រីកលឿន។ រីកលឿន គឺសំដៅ កោសិការីកធំ កើតកូនលឿនខុសធម្មតា រួចប្រមូលកើតបានជាដុំ និងមានសមត្ថភាពរាលដាលទៅកន្លែងជិតខាង រួចរាលតាមសរសៃឈាម តាមសរសៃទឹករងៃទៅកន្លែងផ្សេងទៀតបាន។

កោសិកាធម្មតាមិនមែនកោសិកាមហារីក វាមានភ្នាក់ងារត្រួតពិនិត្យ ៣កន្លែង កន្លែងអោយកើតកូន កន្លែងមិនអោយកើតកូនបន្តទៀត និងកន្លែងជាងជួសជុលបើមានខូចអីមួយ។

មូលហេតុខាងលើ នាំអោយខូចភ្នាក់ងារណាមួយ នាំអោយកោសិកាធម្មតា ក្លាយជាកោសិកា មហារីក។ មូលហេតុខាងលើជាកត្តាអាចកែបាន ដូចជាហាត់ប្រាណជាប់លាប់ មានសុខភាពល្អ មានភាពស៊ាំល្អ តមបារី តមស្រា តមធាត់ ហូបបន្លែ ផ្លែឈើ ចាក់វ៉ាក់សាំងតាមពេទ្យប្រាប់ ។ល។

មានមូលហេតុ តពូជដែរ ដែលជាមូលហេតុមិនអាចកែបាន។

ស្រង់ចាកពី DynaMed, Cancer Prevention, Modifiable Risk Factors. DynaMed is free for ACP members.

08/05/2025

“រៀនប្តូររបៀបនិយាយ” 💬 អោយជាមនុស្សមានសីលធម៏ក្នុងសង្គម

1- “ខ្ញុំគ្មានពេលទេ” ប្រែជា “ស្អែកខ្ញុំទំនេរម៉ោង 8 ព្រឹក”

2- “ម៉េចក៏បាន” ប្រែជា “ខ្ញុំស្តាប់តាមយោបល់អ្នក”

3- “មានអី” ប្រែជា “ម៉្យាងដែរតើ”

4- “យល់នៅ” ប្រែជា “ខ្ញុំនិយាយច្បាស់ហើយមែនទេ?”

5- “អ៊ីចឹងក៏បានដែរ”ប្រែជា “អត់បញ្ហាទេ”

6- “អរគុណ” ប្រែជា “អរគុណ + ឈ្មោះ”

7- “ខ្ញុំមិនចេះទេ” ប្រែជា “ចាំខ្ញុំស្រាវជ្រាវមើលសិន”

8- “ធុញណាស់” ប្រែជា “ខ្ញុំចង់នៅស្ងប់ស្ងាត់ម្នាក់ឯង”

9- “អ្នកធ្វើវាមិនកើតទេ” ប្រែជា “អ្នកអាចសាកធ្វើវាសិនមើល”

10- “និយាយអ៊ីចឹងមិនត្រូវទេ” ប្រែជា “និយាយអ៊ីចឹងក៏បានដែរ ប៉ុន្តែ...”