Vathanak Offcial

21/05/2026

[Part I] ដំណើរទស្សន:​កិច្ចនៅរោងចក្ររបស់អែលខេននៅប្រទេសម៉ាឡេស៊ី

29/04/2026

📱 ចង់កាត់តវីដេអូ "ឡូយបែបនេះទេ" ដូចអ្នកអាជីព ដោយប្រើតែទូរស័ព្ទដៃមែនទេ?
_____________
រៀនតាំងពីបច្ចេកទេសថត ចាប់ប្លង់ មូលដ្នានគ្រឹះពន្លឺ ចលនា លំនឹង រហូតដល់ការកាត់តវីដេអូ ឱ្យទាក់ទាញបំផុត!

មិនថាអ្នកលក់អនឡាញ ឬចង់ក្លាយជា Content Creator ទេ វគ្គសិក្សាមួយនេះនឹងផ្លាស់ប្តូរការងាររបស់អ្នកឱ្យកាន់តែប្រសើរ!
👉 ចុះឈ្មោះតាម រយះវីដេអូ ខាងលើវីដេអូឥឡូវនេះ (ចំនួនមានកំណត់)! 📲 https://t.me/Koy_Vathanak_Empire

29/04/2026

🚨 ឈប់សិន! បើមិនចង់ខាតលុយហ្វ្រីៗ!
តម្លៃ $15 ជិតផុតកំណត់ហើយ! ឆាប់ៗនេះនឹងឡើងដល់ $30។

🎬ចេះកាត់តវីដេអូស្អាតដូចគេ ក្នុងតម្លៃទាបបំផុតដែលមិនធ្លាប់មាន។
👉 ខមិន "ចងរៀន" ឬផ្ញើសារមកឥឡូវនេះ!
📲 https://t.me/Koy_Vathanak_Empire

29/04/2026

មេរៀនដ៏ចាក់ដោតទាំង ៥ ពីសៀវភៅ "សេដ្ឋីចង្អុលផ្លូវមាន" The Richest Man in Babylon

១. វិនិយោគលើខ្លួនឯងមុនគេបង្អស់
ចង់មានបានមែនទេ? ត្រូវចាប់ផ្តើមពីខ្លួនឯងមុនគេ! សុខភាពគឺជារឿងសំខាន់បំផុត ព្រោះបើសុខភាពទ្រុឌទ្រោម ទោះមានលុយច្រើនប៉ុណ្ណាក៏គ្មានន័យ ហើយអ្នកមិនអាចធ្វើអ្វីបានឡើយ។ បន្ទាប់មក កុំភ្លេចអភិវឌ្ឍសមត្ថភាពខ្លួនឯង និងរៀនសូត្រជំនាញថ្មីៗជាប្រចាំ។ កាលណាអ្នកកាន់តែពូកែ ចំណូលវានឹងរត់មករកអ្នកដោយស្វ័យប្រវត្តិ។

២. នៅក្បែរមនុស្សពូកែ ថាមពលអាចចម្លងគ្នាបាន
មនុស្សនៅជុំវិញខ្លួនមានឥទ្ធិពលខ្លាំងណាស់លើជីវិតយើង។ បើអ្នកនៅក្បែរមនុស្សពូកែ អ្នកនឹងស្រូបយកទម្លាប់ និងរបៀបគិតរបស់ពួកគេមកអនុវត្តដោយមិនដឹងខ្លួន រួចអ្នកនឹងក្លាយជាមនុស្សពូកែតាមគេជាមិនខាន។ កុំចំណាយពេលឥតប្រយោជន៍ ទៅនៅក្បែរមនុស្សដែលពោរពេញដោយថាមពលអវិជ្ជមានឱ្យសោះ។

៣. ត្រូវមានវិន័យក្នុងការសន្សំ
ការសន្សំប្រាក់ដំបូងៗប្រហែលជារឿងពិបាក តែអ្នកដាច់ខាតត្រូវតែធ្វើវាឱ្យបាន។ យ៉ាងហោចណាស់ ត្រូវដក ១០% នៃចំណូលរបស់អ្នកមករក្សាទុកមុនគេជានិច្ចនៅពេលបើកប្រាក់ខែ ឬរកលុយបាន។ ហ្វឹកហាត់ធ្វើវាឱ្យក្លាយជាទម្លាប់ នោះជីវិតរបស់អ្នកនៅថ្ងៃមុខ នឹងមានស្ថិរភាពផ្លូវចិត្ត និងហិរញ្ញវត្ថុយ៉ាងរឹងមាំបំផុត។

៤. ប្រើលុយឱ្យធ្វើការជំនួសអ្នក
អ្នកមិនអាចពឹងផ្អែកតែលើកម្លាំងញើសឈាម ដើម្បីធ្វើការរហូតដល់ចាស់បានទេ។ ចូរចាប់ផ្តើមរៀនសូត្រពីការវិនិយោគ ទិញទ្រព្យសកម្មដែលអាចបង្កើតចំណូលបន្ថែម (ដូចជា ភាគហ៊ុន មូលនិធិ អចលនទ្រព្យ ជាដើម)។ កុំយកលុយទៅដុតចោលជាមួយរបស់ប្រណីតៗដែលមិនចាំបាច់។ លុយត្រូវតែប្រើដើម្បីបង្កើតលុយ មិនមែនរលាយបាត់ទៅតាមចំណង់មួយឆាវនោះទេ។

៥. គ្រប់គ្រងចំណាយ បើមិនដូច្នេះទេ លុយនឹងគ្រប់គ្រងអ្នកទោះបីជាអ្នករកចំណូលបានច្រើនប៉ុណ្ណាក៏គ្មានន័យដែរ បើអ្នកចាយអស់រលីងគ្មានសល់។ ចូរកត់ត្រាការចំណាយរបស់អ្នកឱ្យបានច្បាស់លាស់ ហើយកាត់ចោលនូវអ្វីដែលមិនចាំបាច់ ទុកតែរបស់ណាដែលត្រូវការប្រើប្រាស់ពិតប្រាកដ។ ធ្វើបែបនេះ អ្នកនឹងសល់លុយយ៉ាងច្រើន ដើម្បីយកទៅពង្រីកឱកាសក្នុងជីវិត។

លន់-Lun
#ចំណេះដឹងហិរញ្ញវត្ថុ #សេដ្ឋីចង្អុលផ្លូវមាន #ការអភិវឌ្ឍខ្លួន #ហិរញ្ញវត្ថុផ្ទាល់ខ្លួន #ការវិនិយោគ #វិន័យសន្សំប្រាក់

21/04/2026

គិតធំ គិតឆ្ងាយ គិតបែបអ្នកគ្មានដើមទុន

នៅក្នុងបច្ចុប្បន្ន មនុស្សជាច្រើនតែងតែគិតថា ដើម្បីចាប់ផ្តើមអាជីវកម្ម ឬធ្វើរឿងធំដុំមួយបាន លុះត្រាតែមានដើមទុនច្រើននៅក្នុងដៃ ពួកគាត់តែងតែយកពាក្យថា "គ្មានលុយ" មកធ្វើជាលេសដើម្បីរារាំងក្តីស្រមៃរបស់ខ្លួន ប៉ុន្តែតាមពិតទៅ ភាពជោគជ័យដ៏អស្ចារ្យភាគច្រើន សុទ្ធតែចាប់កំណើតឡើងពីចំណុចតូចតាច ការមិនចុះចាញ់ និងពីការគិតដ៏វៃឆ្លាតរបស់បុគ្គលដែលពុំសូវមានធនធាន សុវត្ថន៍នឹងផ្ដល់នូវទស្សនៈខ្លះៗ ជាបទបង្ហាញ ដើម្បីជាត្រីវិស័យបង្ហាញផ្លូវ និងជាកម្លាំងចិត្តសម្រាប់អ្នកដែលកំពុងតស៊ូចាប់ផ្តើមពីបាតដៃទទេ....

១. គ្មានដើមទុន មិនមែនមានន័យថាគ្មានផ្លូវនោះទេ
អ្នកខ្លះប្រហែលជាគ្មានលុយគ្រប់គ្រាន់ដើម្បីចាប់ផ្តើមធ្វើអ្វីឱ្យធំដុំ តែនៅមានកម្លាំង មានពេលវេលា និងមានការតាំងចិត្ត ដែលអាចបណ្តុះរឿងតូចតាចឱ្យធំធាត់បានបន្តិចម្តងៗ។ សុវត្ថន៍ក៏ធ្លាប់ជួបបញ្ហាបែបនេះជាច្រើនដងផងដែរ តែចុងក្រោយក៏អាចឆ្លងកាត់ផុតបាន ដោយការតាំងចិត្ត មានវិន័យលើខ្លួនឯង និងការផ្ដល់កម្លាំងចិត្តដល់ខ្លួនឯង។
ឧទាហរណ៍... អ្នកគ្មានលុយរាប់ម៉ឺនដុល្លារដើម្បីបើកហាងកាហ្វេទំនើប តែអ្នកអាចចាប់ផ្តើមពីការឆុងកាហ្វេលក់តាមរទេះតូចមួយ ឬម៉ូតូកង់បីនៅមុខផ្ទះ ឬតាមដងផ្លូវសាធារណៈ ដោយប្រើកម្លាំង និងការញញឹមរួសរាយជាដើមទុន។

២. អ្នកគ្មានដើមទុន ត្រូវគិតឱ្យបានឆ្ងាយជាងលុយដែលមានក្នុងដៃ
ប្រសិនបើមើលត្រឹមថ្ងៃនេះ យើងអាចឃើញតែចំណុចខ្វះខាត និងឧបសគ្គ តែបើមើលឱ្យឆ្ងាយបន្តិច យើងនឹងឃើញថារបស់ខ្លះអាចសាងសង់បន្តិចម្តងៗបាន មិនបាច់ចាំមានព្រមគ្នាក្នុងពេលតែមួយនោះទេ។
ឧទាហរណ៍... អ្នកចង់បង្កើតកម្មវិធីទូរស័ព្ទ (App) តែគ្មានលុយជួលគេសរសេរកូដ អ្នកអាចចាប់ផ្តើមរៀនសរសេរកូដដោយខ្លួនឯងតាម Youtube ជារៀងរាល់យប់ ទោះចំណាយពេលយូរ តែថ្ងៃមុខអ្នកនឹងធ្វើវាបានដោយខ្លួនឯង។

៣. ចាប់ផ្តើមពីអ្វីដែលមាន ជាជាងរង់ចាំអ្វីដែលខ្វះ
មនុស្សជាច្រើនខាតពេលរង់ចាំឧបករណ៍ រង់ចាំឱកាស រង់ចាំអ្នកជួយ ទាំងដែលពេលខ្លះ អ្វីដែលយើងមាននៅក្នុងដៃពេលនេះ គឺគ្រប់គ្រាន់សម្រាប់ឈានជើងជំហានដំបូងបាត់ទៅហើយ។
ឧទាហរណ៍... ចង់ធ្វើវីដេអូបង្ហាត់បង្រៀន តែគ្មានកាមេរ៉ាទំនើប អ្នកអាចប្រើប្រាស់ទូរស័ព្ទដៃដែលកំពុងប្រើប្រចាំថ្ងៃថតសិន និងប្រើពន្លឺព្រះអាទិត្យជំនួសភ្លើងស្ទូឌីយោ ដោយមិនបាច់រង់ចាំមានលុយទិញរបស់ថ្លៃៗនោះទេ។

៤. គិតធំបាន តែត្រូវព្រមចាប់ផ្តើមពីតូច
គ្មាននរណាម្នាក់បើកទ្វារថ្ងៃដំបូងហើយល្បី ឬពូកែតែម្តងនោះទេ វាដូចជាហាងតូចៗដែលថ្ងៃដំបូងមានអតិថិជនតិចតួច តែបើអ្នកធ្វើវាបានល្អ យកចិត្តទុកដាក់ ថ្ងៃណាមួយវានឹងរីកចម្រើនពីចំណុចតូចនោះឯង។
ឧទាហរណ៍... ក្តីស្រមៃអ្នកគឺចង់មានភោជនីយដ្ឋានដ៏ធំមួយ តែពេលនេះអ្នកអាចចាប់ផ្តើមពីការធ្វើម្ហូបលក់តាមអនឡាញ ទទួលការកុម្ម៉ង់តិចតួចសិន ដើម្បីស្ទាបស្ទង់រសជាតិ និងសន្សំដើមទុនបណ្តើរៗ។

៥. អ្នកមានដើមទុនតិច ត្រូវប្រើភាពជាប់លាប់ ជំនួសភាពស៊ីវិល័យ
ចំណុចនេះសុវត្ថន៍ចង់ឱ្យលោកអ្នកចងចាំថា... ភាពជាប់លាប់ គឺសំខាន់ខ្លាំងណាស់ យើងប្រហែលជាគ្មានថវិកាដើម្បីសាកល្បងខុសច្រើនដងទេ តែយើងនៅមាន "វិន័យ" ដែលចេះធ្វើបន្តិចម្តងៗ កែច្នៃបន្តិចម្តងៗ រហូតរបស់ធម្មតាក្លាយជាចំណុចខ្លាំង។
ឧទាហរណ៍... អ្នកមិនមានលុយបង់ថ្លៃផ្សព្វផ្សាយ (Boost Ads) រាប់រយដុល្លារលើ Facebook ទេ តែអ្នកមានវិន័យក្នុងការបង្ហោះខ្លឹមសារ (Content) ដែលមានប្រយោជន៍ និងទាក់ទាញជារៀងរាល់ថ្ងៃដោយមិនរំលង រហូតទទួលបានអ្នកគាំទ្រយ៉ាងច្រើន។

៦. កុំយកចំណុចចាប់ផ្តើមរបស់ខ្លួនឯង ទៅប្រៀបធៀបនឹងគោលដៅចុងក្រោយរបស់អ្នកដទៃ
សុវត្ថន៍តែងសង្កេតឃើញមនុស្សជាច្រើនតែងតែចុះចាញ់ខ្លួនឯងដោយការយកខ្លួនឯងទៅប្រៀបធៀបនឹងអ្នកដទៃ ចុងក្រោយបាក់ទឹកចិត្តហើយបរាជ័យ។ អ្នកផ្សេងអាចមានលុយ មានក្រុមការងារ មានពេលវេលា មានផ្លូវកាត់ច្រើនជាងយើង តែជីវិតយើង មិនចាំបាច់ត្រូវតែដូចគេទេ គ្រាន់តែបន្តដំណើរទៅមុខក្នុងបែបបទដែលខ្លួនយើងអាចធ្វើបាន នោះចាត់ទុកថាអស្ចារ្យណាស់ទៅហើយ។
ឧទាហរណ៍... កុំបាក់ទឹកចិត្តពេលឃើញដៃគូប្រកួតប្រជែងមានឡានដឹកទំនិញធំៗ ខណៈយើងទើបចាប់ផ្តើមដឹកជញ្ជូនតាមម៉ូតូ ព្រោះគេអាចចាយពេល១០ឆ្នាំទើបបានប៉ុណ្ណឹង ចំណែកយើងទើបតែចាប់ផ្តើមបាន១ខែប៉ុណ្ណោះ។

៧. ភាពខ្វះខាត ពេលខ្លះបង្រៀនយើងឱ្យកាន់តែមុតស្រួច
ពេលជម្រើសមានមិនច្រើន យើងនឹងចាប់ផ្តើមចេះជ្រើសរើស ចាប់ផ្តើមដឹងច្បាស់ថាអ្វីដែលសំខាន់ពិតប្រាកដ អ្វីដែលគ្រាន់តែមើលទៅល្អតែមិនចាំបាច់ទាល់តែសោះ។
ឧទាហរណ៍... ពេលមានលុយតិច មុននឹងទិញអីវ៉ាន់យកមកលក់បន្ត អ្នកនឹងសិក្សាទីផ្សារយ៉ាងច្បាស់លាស់បំផុត ស្ទាបស្ទង់ចំណូលចិត្តភ្ញៀវ ដើម្បីជៀសវាងការខាតបង់ ផ្ទុយពីអ្នកមានលុយច្រើនដែលអាចទិញស្តុកចោលដោយមិនខ្វល់ខាតបន្តិចបន្តួច។

៨. គិតត្រៀមសម្រាប់អនាគត ទោះបីថ្ងៃនេះយើងនៅតូចតាចក្តី
ទោះបីពេលនេះយើងនៅលក់បានតិច នៅមានមនុស្សស្គាល់មិនច្រើន តែបើគិតត្រៀមទុកថា ថ្ងៃណាមួយយើងនឹងរីកចម្រើន យើងនឹងចេះរៀបចំប្រព័ន្ធការងារ រៀបចំពាក្យសម្តី រៀបចំផ្លូវដើរបានខុសប្លែកពីមុន។
ឧទាហរណ៍... ទោះបើកតូបលក់នំតូចមួយ តែអ្នកមានការកត់ត្រាចំណូលចំណាយច្បាស់លាស់ មានអនាម័យខ្ពស់ និងរចនាស្លាកសញ្ញា ឱ្យមានស្តង់ដារ តាំងពីថ្ងៃដំបូង ដើម្បីត្រៀមខ្លួនពង្រីកធ្វើជា Franchise នៅថ្ងៃអនាគត។

៩. ភាពភ័យខ្លាចរឿងដើមទុន ធ្វើឱ្យមនុស្សជាច្រើនមិនហ៊ានចាប់ផ្តើម
ខ្លាចខាតលុយ ខ្លាចខុស ខ្លាចចាប់ផ្តើមហើយទៅមុខមិនរួច តែពេលខ្លះ ការមិនបានចាប់ផ្តើមធ្វើអ្វីសោះ វាធ្វើឱ្យយើងខាតបង់ពេលវេលា និងឱកាសច្រើនជាងអ្វីដែលយើងគិតទៅទៀត។
ឧទាហរណ៍... មានគំនិតចង់លក់សម្លៀកបំពាក់ តែខ្លាចខាតលុយទិញស្តុក។ ជំនួសឱ្យការបោះបង់ អ្នកអាចធ្វើជាតំណាងចែកចាយដោយមិនបាច់ចំណាយដើមទុនទិញស្តុកជាមុន ដើម្បីរៀនពីរបៀបលក់សិន។

១០. អ្នកគ្មានដើមទុន រឹតតែត្រូវជឿជាក់លើអ្វីដែលខ្លួនកំពុងសាង
ព្រោះកំឡុងពេលដំបូង អាចនៅមិនទាន់មាននរណាជឿជាក់លើអ្នក គ្មាននរណាមើលឃើញ គ្មាននរណារង់ចាំគាំទ្រអ្នកទេ ប្រសិនបើយើងខ្លួនឯង មិនទាន់ជឿជាក់លើអ្វីដែលខ្លួនឯងធ្វើជាមុនទេ វានឹងពិបាកបន្តដំណើរទៅមុខណាស់។
ឧទាហរណ៍... អ្នកផលិតសាប៊ូដុសខ្លួនពីរុក្ខជាតិធម្មជាតិដោយខ្លួនឯង ពេលដំបូងប្រហែលជាគ្មានអ្នកទិញទេ តែដោយសារអ្នកជឿជាក់ថាវាពិតជាល្អចំពោះស្បែក អ្នកនៅតែបន្តណែនាំ និងចែករំលែកដោយមិនចុះចាញ់ រហូតមានអ្នកប្រើហើយឃើញលទ្ធផលល្អតៗគ្នា។

១១. វិនិយោគលើចំណេះដឹង ព្រោះវាជាដើមទុនដែលមិនចេះរីងស្ងួត
ពេលអ្នកអត់លុយ ចំណេះដឹង និងជំនាញ គឺជាអាវុធតែមួយគត់ដែលអាចយកទៅប្តូរជាលុយបាន អ្នកអាចបាត់បង់លុយ តែគ្មាននរណាម្នាក់អាចលួចចំណេះដឹងពីខួរក្បាលអ្នកបានទេ។
ឧទាហរណ៍... ចំណាយពេលអានសៀវភៅឥតគិតថ្លៃនៅបណ្ណាល័យ ឬរៀនពីរបៀបធ្វើទីផ្សារឌីជីថល (Digital Marketing) តាមអ៊ីនធឺណិត ហើយយកជំនាញនោះទៅផ្តល់សេវាកម្មរៀបចំផេកឱ្យក្រុមហ៊ុនតូចៗដើម្បីប្តូរយកប្រាក់ចំណូល។

១២. កសាងបណ្តាញទំនាក់ទំនងឱ្យបានល្អ
បណ្តាញទំនាក់ទំនង គឺជារូបិយប័ណ្ណប្រភេទថ្មី។ ការមានមិត្តភក្តិល្អ អ្នកណែនាំល្អ ឬអតិថិជនដែលស្រឡាញ់ពេញចិត្តយើង អាចជួយបើកឱកាសធំៗដោយមិនបាច់ចំណាយប្រាក់សូម្បីមួយរៀល។
ឧទាហរណ៍... ចូលរួមកម្មវិធីសិក្ខាសាលា ឬព្រឹត្តិការណ៍សង្គមដោយឥតគិតថ្លៃ ដើម្បីស្គាល់មនុស្សក្នុងវិស័យដែលអ្នកចង់រកស៊ី។ ថ្ងៃណាមួយពួកគេអាចជាអ្នកណែនាំម៉ូយ ឬជាដៃគូសហការដ៏សំខាន់របស់អ្នក។

១៣. ប្រើប្រាស់ភាពបត់បែនជាអត្ថប្រយោជន៍
ក្រុមហ៊ុនធំៗមានរចនាសម្ព័ន្ធស្មុគស្មាញ ត្រូវការពេលយូរដើម្បីផ្លាស់ប្តូរផែនការម្តងៗ។ តែអ្នកដែលទើបចាប់ផ្តើមតូចតាច អាចផ្លាស់ប្តូរយុទ្ធសាស្ត្របានភ្លាមៗនៅពេលដឹងថាផ្លូវចាស់ដើរមិនរួច។
ឧទាហរណ៍... បើកលក់អាហារពេលព្រឹកនៅមុខផ្ទះមិនសូវដាច់ ដោយសារផ្លូវស្ងាត់ អ្នកអាចប្តូរភ្លាមៗទៅជាការធ្វើប្រអប់អាហារថ្ងៃត្រង់ ផ្ញើទៅលក់តាមការិយាល័យក្បែរៗនោះវិញ ដោយមិនបាច់រង់ចាំការអនុញ្ញាតពីនរណា។

១៤. ចាត់ទុក "ពេលវេលា" ជាដើមទុនដ៏មានតម្លៃបំផុត
អ្នកមានលុយ គេយកលុយទៅទិញពេលវេលា។ ឯអ្នកគ្មានលុយ ត្រូវយកពេលវេលាទៅបង្កើតលុយ ដោយការប្រឹងប្រែងធ្វើការឱ្យខ្លាំងជាងមុនទ្វេដង។
ឧទាហរណ៍... ខណៈពេលដែលអ្នកដទៃកំពុងគេង ឬដើរលេងចុងសប្តាហ៍ អ្នកយកម៉ោងសម្រាកពីការងារប្រចាំថ្ងៃ មកស្រាវជ្រាវ សរសេរគម្រោង និងសាកល្បងផលិតផលថ្មីៗរហូតដល់យប់ជ្រៅ។

១៥. ភាពស្មោះត្រង់ គឺជាម៉ាកសញ្ញា (Branding) ដែលចំណាយលុយតិចបំផុត
ភាពស្មោះត្រង់ និងទំនួលខុសត្រូវ នឹងធ្វើឱ្យអតិថិជនជឿទុកចិត្ត និងជួយផ្សព្វផ្សាយបន្តពីមាត់មួយទៅមាត់មួយ ដោយអ្នកមិនបាច់ចំណាយលុយធ្វើទីផ្សារ។
ឧទាហរណ៍... អ្នកជាជាងជួសជុលម៉ាស៊ីនត្រជាក់ ពេលទៅជួសជុល អ្នកប្រាប់ពីបញ្ហាពិតប្រាកដ ប្រាប់ពីតម្លៃច្បាស់លាស់ និងមិនកេងចំណេញលើគ្រឿងបន្លាស់ ធ្វើបែបនេះ ភ្ញៀវនឹងហៅអ្នកម្តងទៀត ហើយប្រាកដជាណែនាំអ្នកទៅអ្នកជិតខាងបន្តទៀត។

១៦. កុំលក់របស់ដែលខ្លួនចង់លក់ តែត្រូវលក់ដំណោះស្រាយ
អាជីវកម្មធំដុំកើតចេញពីការដោះស្រាយបញ្ហាឱ្យមនុស្ស បើយើងអាចដោះស្រាយបញ្ហាឱ្យគេបាន ទោះអាជីវកម្មយើងតូចតាច ក៏គេនៅតែមករកយើងដែរ។
ឧទាហរណ៍... សង្កេតឃើញសិស្សសាលាក្បែរផ្ទះពិបាករកកន្លែងថតចម្លងឯកសារដែលមានតម្លៃថោក និងបើកព្រឹកព្រលឹម អ្នកក៏ទិញម៉ាស៊ីនព្រីនមួយទឹកមកតម្លើង ហើយបើកសេវាកម្មនេះដើម្បីដោះស្រាយបញ្ហាជូនពួកគេ។

១៧. ហ៊ានប្រថុយ ប៉ុន្តែប្រថុយក្នុងកម្រិតដែលអាចគ្រប់គ្រងបាន
អ្នកគ្មានដើមទុន មិនអាចប្រថុយងងឹតងងល់បានទេ មុននឹងសម្រេចចិត្តធ្វើអ្វីមួយ ត្រូវសួរខ្លួនឯងថា "បើបរាជ័យ តើយើងអាចទ្រាំទ្រនឹងការខាតបង់នេះបានកម្រិតណា?" រួចរៀបចំផែនការការពារ។
ឧទាហរណ៍... ចង់សាកល្បងលក់អីវ៉ាន់អនឡាញ អ្នកសម្រេចចិត្តយកប្រាក់សន្សំត្រឹមតែ ២០% ប៉ុណ្ណោះមកទិញទំនិញសាកល្បងលក់សិន ដើម្បីស្ទាបស្ទង់ទីផ្សារ ជាជាងទៅខ្ចីលុយធនាគារមកចាក់ចោលទាំងអស់តែម្តង។

១៨. ប្រែក្លាយការបដិសេធ ទៅជាថាមពលកែលម្អខ្លួន
នៅពេលចាប់ផ្តើមពីបាតដៃទទេ ការត្រូវគេបដិសេធ ការត្រូវគេមើលរំលង គឺជារឿងធម្មតា កុំយកវាធ្វើជាឧបសគ្គបាក់ទឹកចិត្ត តែត្រូវយកវាធ្វើជាកញ្ចក់ឆ្លុះ ដើម្បីកែលម្អផលិតផល ឬសេវាកម្មឱ្យល្អជាងមុន។
ឧទាហរណ៍... យកនំដែលខ្លួនធ្វើទៅស្នើសុំដាក់លក់នៅម៉ាតតូចមួយ តែថៅកែបដិសេធ។ អ្នកមិនបោះបង់ តែបានសុំយោបល់ពីគាត់ រួចយកនំនោះទៅកែលម្អការវេចខ្ចប់ឱ្យស្អាត ទាក់ទាញជាងមុន ហើយយកទៅស្នើសុំដាក់ម៉ាតមួយផ្សេងទៀត។

១៩. រក្សាចំណាយប្រតិបត្តិការឱ្យនៅទាបបំផុតជានិច្ច
កុំទាន់ប្រញាប់ទិញសម្ភារៈទំនើបៗ ឬជួលកន្លែងធំដុំនៅពេលដែលចំណូលមិនទាន់មានលំនឹង ភាពសាមញ្ញ និងការសន្សំសំចៃ នឹងជួយឱ្យអ្នកអាចរស់រានមានជីវិតបានយូរក្នុងទីផ្សារ។
ឧទាហរណ៍... ជំនួសឱ្យការជួលការិយាល័យថ្លៃៗដើម្បីបើកសេវាកម្មរចនាក្រាហ្វិក។ អ្នកជ្រើសរើសធ្វើការពីផ្ទះ ឬតាមហាងកាហ្វេ និងប្រើប្រាស់កម្មវិធីឥតគិតថ្លៃដើម្បីទាក់ទងការងារជាមួយភ្ញៀវសិន។

២០. ការតស៊ូដោយគ្មានដើមទុន គឺប្រៀបដូចជាការរត់ម៉ារ៉ាតុងដ៏វែងឆ្ងាយ ដូច្នេះ ការផ្តល់កម្លាំងចិត្តឱ្យខ្លួនឯងនៅរាល់ពេលធ្វើបានសម្រេចរឿងតូចតាច គឺជាប្រេងឥន្ធនៈជួយឱ្យអ្នកមានកម្លាំងបន្តដំណើរទៅមុខ។
ឧទាហរណ៍ ថ្ងៃនេះទទួលបានការកុម្ម៉ង់ទិញដំបូងបំផុតពីអតិថិជនដែលមិនធ្លាប់ស្គាល់គ្នាទាល់តែសោះ។ អ្នកទិញភេសជ្ជៈដែលខ្លួនឯងចូលចិត្តមួយកែវដើម្បីជប់លៀងឱ្យខ្លួនឯង និងអរគុណខ្លួនឯងដែលមិនបោះបង់ ហើយបន្តប្រឹងប្រែងនៅថ្ងៃស្អែកទៀត។

_____សុវត្ថន៍-Sovathn

#សុវត្ថន៍_Sovathn #អ្នកគ្មានដើមទុន #ចាប់ផ្តើមពីសូន្យ #សាងគ្រួសារ #អភិវឌ្ឍន៍ខ្លួនឯង #គំនិតអាជីវកម្ម #គំនិតអ្នកតស៊ូជីវិត #គិតធំ #គិតឆ្ងាយ #ក្ដីសង្ឃឹម #ក្ដីសុខ #ផ្នត់គំនិត #គ្រប់គ្រងចិត្ត #កម្លាំងចិត្ត #ខ្លួនឯង #បទពិសោធន៍ #ការអត់ធ្មត់ #ការអភិវឌ្ឍខ្លួន #ជំហានដំបូង #តស៊ូបន្ដ #ញញឹម #អារម្មណ៍ល្អ #អភិវឌ្ឍខ្លួនឯង #វិន័យ #អភិវឌ្ឍខ្លួនឯង #ភាពភ័យខ្លាច #ហ៊ានរស់នៅ #ទស្សនៈជីវិត #ដើមទុន

03/04/2026

កុំខ្លាចដេីរយឺត.......ខ្លាច​តែឈប់ដេីរ

03/04/2026

😱អាថ៌កំបាំងនៃការភ្ញាក់នៅម៉ោង 5 ព្រឹក -book motivation 2026
👉Video ពេញ​នៅក្នុង​ YouTube 👇
https://www.youtube.com/watch?v=8CgDeLV16hY

03/04/2026

យុទ្ធសាស្ត្រ "ដាក់ស្នេហ៍ភ្ញៀវ ឱ្យត្រឡប់មកទិញម្ដងទៀត"

យុទ្ធសាស្ត្រដែលធ្វើឱ្យអតិថិជនត្រឡប់មកហាងរបស់អ្នកម្តងទៀត

អតិថិជននឹងក្លាយជាម៉ូយប្រចាំហាង ប្រសិនបើអ្នកយកចិត្តទុកដាក់លើចំណុចទាំង ២៣ នេះ...
១. រសជាតិត្រូវតែថេរ
មិនមែនឆ្ងាញ់តែថ្ងៃដំបូង ឬឆ្ងាញ់តែពេលម្ចាស់ហាងនៅមើលការខុសត្រូវនោះទេ។ បើថ្ងៃខ្លះឆ្ងាញ់ ថ្ងៃខ្លះសាប ភ្ញៀវនឹងមិនហ៊ានប្រថុយត្រឡប់មកវិញឡើយ។
២. បម្រើសេវាឱ្យលឿនសមរម្យ
មិនបាច់លឿនបំផុតដូចហាង Fast Food ក៏បានដែរ ប៉ុន្តែត្រូវឱ្យភ្ញៀវមានអារម្មណ៍ថាអ្នកកំពុងយកចិត្តទុកដាក់ និងមិនទុកឱ្យភ្ញៀវអង្គុយចាំទាំងងឿងឆ្ងល់។
៣. សេវាកម្មរួសរាយរាក់ទាក់
មិនបាច់ធ្វើរឹកពារសម្ដែងហួសហេតុពេកទេ គ្រាន់តែចេះញញឹម រាក់ទាក់ និងចាំមុខភ្ញៀវខ្លះ។ រឿងតូចតាចទាំងនេះហើយដែលធ្វើឱ្យភ្ញៀវចងចាំបានយូរ។
៤. ហាងត្រូវតែស្អាត និងមានផាសុកភាព
ភ្ញៀវប្រហែលជាមិនសរសើរទេបើហាងអ្នកស្អាត ប៉ុន្តែបើហាងកខ្វក់ ពួកគេប្រាកដជាមិនត្រឡប់មកវិញជាលើកទីពីរឡើយ។
៥. មុខម្ហូបដែលគេចូលចិត្ត ត្រូវតែនៅដដែល
គ្មានអ្វីដែលខកចិត្តជាងការមកដល់ហាង ដើម្បីញ៉ាំមុខម្ហូបដែលខ្លួនចូលចិត្តបំផុត ហើយស្រាប់តែបុគ្គលិកប្រាប់ថា "មុខម្ហូបហ្នឹងអត់មានទៀតទេ"។
៦. តម្លៃ "សមរម្យ"
តម្លៃសមរម្យ មិនមែនមានន័យថាថោកបំផុតនោះទេ ប៉ុន្តែគឺធ្វើឱ្យភ្ញៀវមានអារម្មណ៍ថា "ចំណាយទៅសមនឹងអ្វីដែលទទួលបាន" កុំធ្វើឱ្យភ្ញៀវមានអារម្មណ៍ថាត្រូវគេ "កាប់"។
៧. បុគ្គលិកចេះចាំមុខភ្ញៀវ
គ្រាន់តែចាំបានថាគេធ្លាប់មក ឬចាំបានថាគេចូលចិត្តញ៉ាំអី ភ្ញៀវនឹងមានអារម្មណ៍ថាខ្លួនគេជាមនុស្សពិសេសភ្លាម។
៨. មានអ្វីថ្មីៗបន្តិចបន្តួចដើម្បីកុំឱ្យសាំ
មិនបាច់ផ្លាស់ប្តូរទាំងហាងនោះទេ គ្រាន់តែមានមុខម្ហូបប្រចាំខែ ឬការរៀបចំបន្តិចបន្តួច ក៏អាចជួយកាត់បន្ថយភាពសាំញ៉ាំបានដែរ។
៩. កុំធ្វើឱ្យភ្ញៀវខ្មាសគេពេលមានបញ្ហា
កំហុសអាចកើតមានឡើងបាន ប៉ុន្តែវិធីដោះស្រាយត្រូវតែធ្វើឡើងដោយភាពថ្លៃថ្នូរ និងដោះស្រាយឱ្យបានល្អនៅចំពោះមុខភ្ញៀវ។
១០. ធ្វើឱ្យភ្ញៀវមានអារម្មណ៍ថាសំឡេងរបស់គេមានតម្លៃ
ពេលភ្ញៀវរិះគន់ ត្រូវចេះស្ដាប់ និងយកមកកែម្ដងបន្តិចៗ ពេលគេឃើញអ្នកផ្លាស់ប្តូរតាមការណែនាំ គេនឹងត្រឡប់មកវិញដោយខ្លួនឯង។
១១. កុំបាត់ខ្លួនពីជីវិតរបស់ពួកគេ
មិនបាច់បង្ហោះរូបភាពក្នុងបណ្ដាញសង្គមច្រើនពេកទេ គ្រាន់តែបង្ហាញវត្តមានឱ្យគេឃើញខ្លះៗ ដើម្បីឱ្យគេនឹកឃើញដល់ហាងអ្នកពេលឃ្លាន។
១២. ផ្ដល់ហេតុផលតូចតាចឱ្យគេត្រឡប់មកវិញ
ការសន្សំពិន្ទុ មុខម្ហូបពិសេសសម្រាប់សមាជិក ឬការផ្ដល់ជូនផ្សេងៗ គឺជា "លេសដ៏ល្អ" ក្នុងការនាំភ្ញៀវឱ្យត្រឡប់មកម្ដងទៀត។
១៣. បង្ហាញពី "ភាពស្មោះត្រង់"
កុំធ្វើពុត កុំផ្សព្វផ្សាយលើសពីការពិត ភាពស្មោះត្រង់នឹងធ្វើឱ្យអតិថិជនយោគយល់ និងអត់ឱនចំពោះកំហុសអចេតនាផ្សេងៗរបស់អ្នកបាន។
១៤. បរិយាកាសត្រូវមានតុល្យភាព
ពន្លឺមិនត្រូវចាំងពេក សំឡេងភ្លេងមិនត្រូវខ្លាំងពេក ហើយសីតុណ្ហភាពម៉ាស៊ីនត្រជាក់ត្រូវតែល្មម។ បរិយាកាសដែលស្រួលខ្លួន ធ្វើឱ្យភ្ញៀវចង់អង្គុយយូរ និងកុម្ម៉ង់ថែម។
១៥. ការរៀបចំម្ហូបត្រូវតែមានស្ដង់ដារ
រូបរាងម្ហូបដែលលើកមកដាក់លើតុ ត្រូវតែដូចទៅនឹងរូបភាពក្នុងម៉ឺនុយ។ កុំឱ្យភ្ញៀវមានអារម្មណ៍ថា "រូបភាពសម្រាប់តែការផ្សាយពាណិជ្ជកម្ម" ព្រោះវាធ្វើឱ្យប៉ះពាល់ដល់ទំនុកចិត្ត។
១៦. បន្ទប់ទឹកគឺជា "មុខមាត់ទីពីរ"
ភ្ញៀវច្រើនតែវាយតម្លៃអនាម័យក្នុងផ្ទះបាយ តាមរយៈភាពស្អាតនៃបន្ទប់ទឹក។ បើបន្ទប់ទឹកមានក្លិនក្រអូប ស្ងួត និងមានសាប៊ូលាងដៃជានិច្ច ភ្ញៀវនឹងមានអារម្មណ៍សុវត្ថិភាពក្នុងការញ៉ាំ។ (ចំណុចនេះសំខាន់ណាស់ ខ្មែរយើងមួយចំនួនមិនសូវចាប់អារម្មណ៍ចំណុចនេះ ត្រូវរៀបចំបន្ទប់ទឹកឱ្យស្អាតៗ)
១៧. បុគ្គលិកត្រូវយល់ច្បាស់ពី "ផលិតផល"
បុគ្គលិកផ្នែកសេវាត្រូវតែដឹងថាម្ហូបនីមួយៗមានគ្រឿងផ្សំអ្វីខ្លះ រសជាតិបែបណា ដើម្បីអាចណែនាំភ្ញៀវបានត្រឹមត្រូវ ជាពិសេសសម្រាប់ភ្ញៀវដែលមានបញ្ហាអាឡែស៊ីជាមួយអាហារ។
១៨. ផ្ដល់ភាពងាយស្រួលក្នុងការបង់ប្រាក់
ការបង់ប្រាក់ត្រូវតែរហ័ស និងមានច្រើនជម្រើស មិនថាការស្កេន QR Code, ការប្រើកាត ឬសាច់ប្រាក់។ កុំទុកឱ្យភ្ញៀវអង្គុយចាំវិក្កយបត្រយូរពេក ព្រោះវាជាចំណុចចុងក្រោយនៃសេវាកម្ម។
១៩. សម្ភារៈប្រើប្រាស់ត្រូវតែស្អាតគ្មានស្នាម
ស្លាបព្រា សម កែវទឹក និងចាន ត្រូវតែមានពន្លឺថ្លា គ្មានស្នាមក្រយៅដៃ ឬស្នាមតំណក់ទឹក។ សម្ភារៈដែលស្អាតឥតខ្ចោះ បង្ហាញពីភាពហ្មត់ចត់នៃម្ចាស់ហាង។
២០. ភាពស្មោះត្រង់រឿងពេលវេលា
បើម្ហូបត្រូវប្រើពេលរង់ចាំយូរ (ឧទាហរណ៍... ម្ហូបអាំង) ត្រូវប្រាប់ភ្ញៀវឱ្យបានដឹងមុន។ កុំប្រាប់ថា "ជិតឆ្អិនហើយ" ទាំងដែលមិនទាន់បានដាក់ចម្អិន ព្រោះភ្ញៀវនឹងមានអារម្មណ៍ថាត្រូវគេបោក។
២១. ការផ្ដល់ជូនតូចតាច "លើសពីការរំពឹងទុក"
ការថែមទឹកតែត្រជាក់ៗដោយមិនគិតថ្លៃ ឬបង្អែមលាងមាត់តូចមួយក្រោយញ៉ាំរួច គឺជាសកម្មភាពតូចតាចដែលធ្វើឱ្យភ្ញៀវមានអារម្មណ៍ថា "ចំណេញ" និងមានក្តីសុខ។
២២. ការរក្សាការសម្ងាត់ និងភាពឯកជន
ត្រូវចេះសង្កេតមើលភ្ញៀវ បើគេមកជជែកការងារ ឬមកជាគូស្នេហ៍ដែលចង់បានភាពស្ងប់ស្ងាត់ មិនត្រូវឱ្យបុគ្គលិកទៅរំខាន ឬឈរមើលជិតពេកនោះទេ។
២៣. ពាក្យលា និងការជូនពរ
ចំណាប់អារម្មណ៍ចុងក្រោយគឺសំខាន់ណាស់ នៅពេលភ្ញៀវដើរចេញពីហាង ការញញឹម និងពាក្យថា "សូមអរគុណ សូមធ្វើដំណើរមានសុវត្ថិភាព" នឹងធ្វើឱ្យគេចាកចេញទៅដោយស្នាមញញឹម និងចង់ត្រឡប់មកវិញ។

_____សុវត្ថន៍-Sovathn

#សុវត្ថន៍_Sovathn #អតិថិជន #ការលក់ដូរ #ទាក់ទាញភ្ញៀវ #បុគ្គលិក #សេវាកម្ម #ភ្ញៀវ #ទីផ្សារកម្ពុជា #លក់ដូរ #យុទ្ធសាស្ត្រទីផ្សារ #ចិត្តវិទ្យាអតិថិជន #ផលិតផល #ដាក់ស្នេហ៍អ្នកទិញ

02/04/2026

សម្រាប់បងប្អូនស្រ្តីមេផ្ទះចង់លក់ផលិតផល តាមអនឡាញ លក់ស៉ីភាគរយជាមួួយក្រុមហ៊ុន បងប្អូនមកយក ហ្វេសបុកផេក នៅក្រុមហ៊ុនផ្ទាល់ដោយមិនចំណាយដេីមទុនច្រេីនទេ
🎯ក្រុមហ៊ុនមានអ្នកជំនាញបច្ចេកទេស បង្កើតផេកនិងរៀបចំផេកស្តង់ដាអោយផ្ទាល់
🎯ក្រុមហ៊ុនមានអ្នកជំនាញផលិតផលជួួយបង្រៀន ងាយឆាប់ចេះលក់
🎯ពេលបងប្អូនបានទទូលផេកហើយ បងប្អូនលក់នៅផ្ទះក៏បានដែរ
✅ចាប់អារម្មណ៍ ទំនាក់ទំនងតាម តេលេក្រាមខាងក្រោម
https://t.me/Koy_Vathanak_Empire

01/04/2026

#សកម្មភាពទាំង6កាន់តែធ្វើកាន់តែរីកចម្រើន

1. ឆាប់គេង ឆាប់ភ្ញាក់
នេះជាសកម្មភាពធម្មតាតែមនុស្សធម្មតាពិបាកធ្វើបាន។ ការគេងលឿន ភ្ញាក់លឿនជាទម្លាប់ល្អមួយដែលជំនួយដល់ខួរក្បាលឱ្យស្រឡះល្អ ចងចាំបានច្រើន សម្រស់មិនងាយចាស់ មានពេលវេលាច្រើនក្នុងការធ្វើកិច្ចការរបស់យើង។

2. កត់ត្រាទុកនូវអ្វីដែលយើងត្រូវធ្វើ និង​ អ្វីដែលយើងបានធ្វើ​
ការរៀបចំផែនការទុកមុនសម្រាប់ថ្ងៃស្អែកថាយើងត្រូវធ្វើអ្វីខ្លះ វាជាសកម្មភាពដែលជួយរៀបចំរបៀបរស់នៅនិងធ្វើឱ្យជីវិតយើងកាន់តែមានវិន័យនិងសណ្ដាប់ធ្នាប់។ យើងអាចត្រៀមខ្លួនរួចជាស្រេច ដឹងកាន់តែច្បាស់ថាយើងត្រូវធ្វើអ្វីខ្លះនៅថ្ងៃបន្ទាប់​សកម្មភាពនេះនឹងជួយឱ្យយើងចេះរៀបចំកិច្ចការឱ្យស្របទៅនឹងពេលវេលា​មិនធ្វើឱ្យយើងខ្ជិលខាតពេលនោះទេ។
កត់ទុកនូវអ្វីដែលយើងបានធ្វើរួច វិធីនេះនឹងជួយឱ្យយើងមានអារម្មណ៍ល្អទោះយើងធ្វើការហត់​ បើយើងបានកត់ត្រារៀបរាប់នូវអ្វីដែលយើងបានធ្វើនៅក្នុងថ្ងៃនេះយើងនឹងដឹងថាយើងបានធ្វើកិច្ចការមួយណាបានសម្រេចដូចអ្វីដែលបានគ្រោងទុកនៅថ្ងៃម្សិលមិញ​ ហើយអាចឱ្យយើងអភិវឌ្ឍផ្លាស់ប្ដូរចំណុចខ្វះខាតបន្ថែមបាន មួយវិញទៀតពេលដែលយើងបានកត់នូវអ្វីដែលយើងបានធ្វើនោះ យើងនឹងមានអារម្មណ៍ល្អចំពោះខ្លួនឯង​ព្រោះយើងនឹងយល់ថាខ្លួនយើងបានធ្វើរឿងមានប្រយោជន៍បានច្រើននៅក្នុងថ្ងៃនេះ។

3. អានសៀវភៅទាក់ទងពីការអភិវឌ្ឍខ្លួន និងជំនាញរបស់យើង
ស្ដាប់ទៅធម្មតា​ តែតាមការពិតវាមិនធម្មតាដូចដែលយើងយល់នោះទេ។ ការអានសៀវភៅជារឿងដែលពិបាកធ្វើសម្រាប់អ្នកមិនមានទម្លាប់ក្នុងការអាន តែបើអ្នកចង់ឃើញខ្លួនឯងផ្លាស់ប្ដូរចង់ឱ្យខ្លួនឯងរីកចម្រើន គឺត្រូវតែអានសៀវភៅ។ ការអាននឹងជួយឱ្យយើងមានគំនិតច្រើនជាងមុនយល់ពីខ្លឹមសារ​ជីវិ​ត ចេះពីរបៀបដោះស្រាយ ហើយធ្វើឱ្យយើងមានគំនិតចាស់ទុំមិនឆេវឆាវ មិនធ្វើការដោយតក់ក្រហល់​។ នៅក្នុងសៀវភៅមានគំនិតអប់រំទ្រឹស្ដីល្អៗបទពិសោធជីវិតដែលយើងអាចយកមកវិភាគពិចារណាធ្វើតាមកាលៈទេសៈបាន។ បើចង់រីកចម្រើនកុំខ្ជិលក្នុងការអានសៀវភៅ។

4. ស្ដាប់ឬមើលវីដេអូអប់រំនិងលើកទឹកចិត្ត
ក្រៅពីការអាន ការស្ដាប់ការមើលក៏ជួយឱ្យជីវិតយើងផ្លាស់ប្ដូរបានដែរ ឱ្យតែយើងចេះជ្រើសរើសយកមាតិកាល្អនិងមានប្រយោជន៍សម្រាប់យើង។ ការស្ដាប់ឬមើលវីដេអូ ប្រភេទអប់រំលើកទឹកចិត្ត​ វាជួយឱ្យចិត្តគំនិតយើងគិតវិជ្ជមានច្រើន មាន​កម្លាំងចិត្ត​ធ្វើ​ មាន​ផ្នត់គំនិតទូលំទូលាយ​ មានចក្ខុវិស័យវែងឆ្ងាយ។

5. ចេញក្រៅឱ្យបានច្រើន
សកម្មភាពនេះមិនមែនគ្មានប្រយោជន៍​ទេការចេញក្រៅលំហែកាយ វាមិនត្រឹមតែជាពេលវេលាសម្រាកដើរលេងឱ្យសប្បាយចិត្តតែម្យ៉ាង តែវាបានជួយធ្វើឱ្យចិត្តគំនិតយើងកាន់តែសម្លឹងបានវែងឆ្ងាយជាងមុន ធ្វើឱ្យយើងដឹងថាតើយើងគួរធ្វើអ្វីបន្ទាប់មកទៀត​ ធ្វើឱ្យយើងបានស្គាល់បានដឹងពីខ្លឹមសារជីវិតនិងស្គាល់ពីសង្គមខាងក្រៅបានកាន់តែច្បាស់។

6. សរសើរខ្លួនឯងឱ្យបានច្រើន
ស្ដាប់ទៅដូចមានអំនួតនិងជឿជាក់លើខ្លួនឯងពេក​តែតាមពិតសកម្មភាពនេះជាអ្វីដែលយើងគួរធ្វើមិនគួររំលង។ ការ​សរសើរ​ខ្លួនឯ​ង មិនមែនយើងដើរនិយាយប្រាប់គេថាយើងល្អនោះទេ តែជាការនិយាយជាមួយខ្លួនឯងជារៀងរាល់ថ្ងៃ ថា​ យើង​ពូកែ​ យើងអាចធ្វើបាន យើងពិតជាអាចទៅរួច​ យើងធ្វើបានល្អហើយថ្ងៃនេះ យើងបានធ្វើអស់ពីសមត្ថភាពហើយ យើងពិតជាមនុស្សឆ្លាតដែលនឹងអាចដោះស្រាយបញ្ហាបានអាចធ្វើវាឱ្យចេញជាលទ្ធផលបាន... ពាក្យទាំងនេះវាជួយជំរុញផ្លូវចិត្តយើងកាន់តែរឹងមាំ កាន់តែហ៊ាន​សាកល្បង​ធ្វើ​ និងមានកម្លាំងចិត្តគ្រប់គ្រាន់ក្នុងការតតាំងជាមួយឧបសគ្គ កុំកំណាញ់ត្រឹមពាក្យសរសើរដើម្បីលើកទឹកចិត្តខ្លួនឯងនោះ​វាមិនបង់ខាតអ្វីទេ ផ្ទុយពីនេះវាកាន់តែធ្វើឱ្យយើងមានចិត្តក្លាហាននិងចេះស្រឡាញ់ខ្លួនឯងបានច្រើនជាងមុនទៀត។
#អានហើយកុំភ្លេចសាកល្បងធ្វើណា៎...
👇https://youtube.com/channel/UCLB7BjsBv8jP_lj9HBBNHQg?si=3kO5ysMm8rCZKqMn
👇https://www.tiktok.com/?_r=1&_t=ZS-94yopvqTAWX..
#តំណក់ទឹក
#សុលីដា_តំណក់ទឹក

30/03/2026