រដ្ឋបាលឃុំកោះខ្សាច់ទន្លា

21/09/2026

សមរាត្រី នៅថ្ងៃទី ២១, ២២ និង ២៣ ខែកញ្ញា ខាងមុខនេះ ព្រះអាទិត្យរះនៅតាមអ័ក្សកណ្ដាលកំពូលប្រាសាទអង្គរវត្ត

ទិដ្ឋភាពដ៏អស្ចារ្យ និងពិសេស នេះជាពេលវេលាដ៏ស្រស់ស្អាតមួយ ដែលអាចឃើញ ព្រះអាទិត្យរះនៅចំកណ្ដាលប្រាសាទ ហើយពន្លឺពណ៌មាសចាំងលើកំពូលប្រាសាទបង្កើតជាទេសភាពដ៏អស្ចារ្យ។

Get ready for the September Equinox From September 21–23, the sunrise creates a beautiful alignment along the central axis of Angkor Wat.

#សៀមរាប #សៀមរាបអង្គរវត្ត #សៀមរាបផ្ទះខ្ញុំ

Connect with Samdech Hun Sen :
🗳Facebook
✈️Telegram
📱TikTok
🫥 CoolApp
📱Twitter
🎞YouTube
📷Instagram
🖥Website

21/09/2026

មន្ទីរអភិវឌ្ឍន៍ជនបទខេត្តកណ្តាល មានកិត្តិយសសូមគោរព ជម្រាបជូនដំណឹងដល់ ឯកឧត្តម លោកជំទាវ លោក លោកស្រី និងសាធារណៈជនទាំងអស់ មេត្តាជ្រាបថាៈ គម្រោងផ្លូវបេតុង ០១ខ្សែ ប្រវែង១០០០ម៉ែត្រ ទទឹង ៦ម៉ែត្រ ស្ថិតនៅភូមិស្រែ អំពិល ឃុំឃាំង ស្រុកពញាឮ ខេត្តកណ្តាល បានបញ្ចប់ការងារ ចាក់បេតុងរួចរាល់ជាស្ថាពរ ១០០% ដោយឡែកនៅសេសសល់ តែការងារជើងទេរ ដែលត្រូវចាក់ដី និងកៀរទៅចំហៀង ប៉ុន្ត ដោយសារស្ថានភាពភ្លៀងធ្លាក់ជោគជាំពេក ធ្វើអោយការងារនេះ
យឺតយ៉ាវ។
មន្ទីរអភិវឌ្ឍន៍ជនបទខេត្តកណ្ដាល សូមការ អធ្យាស្រ័យ និង យោគយល់ ពីសំណាក់ ឯកឧត្តម លោកជំទាវ លោក លោកស្រី និងសាធារណៈជនទាំងរស់ ចំពោះការកកស្ទះចរាចណ៍ និង រំខានដល់ការធ្វើដំណើររបស់បងប្អូនប្រជាពលរដ្ឋ ហើយការងារ នេះ ក្រុមការងារការដ្ឋានផ្លូវ នឹងដោះស្រាយបញ្ចប់រួចរាល់ត្រឹម ថ្ងៃទី២០ ខែកញ្ញា ឆ្នាំ២០២៦។
សេចក្តីដូចបានគោរពជម្រាបជូនដំណឹងនេះ សូម ឯកឧត្តម លោកជំទាវ លោក លោកស្រី និងសាធារណៈជនទាំងអស់ មេត្តា ជ្រាប និងយោគយល់ ដោយសេចក្ដីអនុគ្រោះ
។

21/09/2026

សារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាស «ទិវាសន្តិភាពអន្តរជាតិ» ថ្ងៃទី២១ ខែកញ្ញា ឆ្នាំ២០២៦
📱 App iOS 📱 App Android
👉 Facebook 👉 Telegram
👉 YouTube 👉 TikTok
👉 Twitter 👉 Instagram
👉 LinkedIn 👉 Website

20/09/2026

ថ្ងៃនេះខ្ញុំមានចំណាប់អារម្មណ៍ទៅលើអត្ថបទរបស់ លោកសាស្រ្តាចារ្យ Surachart Bamrunsuk (សុរ៉ាឆាត បាំរុងសុខ) នៅក្នុងកាសែតម៉ាទិឈុនប្រចាំសប្តាហ៍ (matichon Weekly) ក្រោមចំណងជើងថា ស្កប់ចិត្ត តែនៅមិនឈ្នះ!
ខ្ញុំសូម​ចូលរួមចែករំលែក​នូវ​អត្ថបទ​នេះដោយបកប្រែក្រៅផ្លូវការ ដើម្បីជូនប្រជាជននៃប្រទេស​ទាំងពីរ​កម្ពុជានិងថៃ បាន​ជ្រាបនិងយល់ដឹង​បន្ថែម ដោយខ្ញុំសូមមិនមានការធ្វើអត្ថាធិប្បាយ បន្ថែមអ្វីទេទៅ​លើអត្ថបទ​របស់លោកនោះទេ សូមទុកឱ្យ​ប្រជា​ជនទាំងពីរពិចារណាលើសំណេរដែលមានខ្លឹមសារ អត្ថបទរៀបរាប់ទាំងស្រុង៖
ស្កប់ចិត្ត តែនៅមិនឈ្នះ!
ប្រធានបទជម្លោះរវាងប្រទេសថៃ និងកម្ពុជា នៅតែជាបញ្ហាដែលប្រជាជនក្នុងសង្គមថៃផ្តល់ការចាប់អារម្មណ៍ និងតាមដានយ៉ាងខ្លាំង ជាពិសេសនៅតាមបណ្តាញប្រព័ន្ធផ្សព្វផ្សាយមួយចំនួន ព្រោះថាបញ្ហានេះគឺជារឿងដែលអាចដុះខាត់ និងលក់បាននៅតាមសាធារណៈ។ ហើយប្រធានបទក្តៅនាពេលនេះ គឺនៅជាមួយជម្លោះវិវាទព្រំដែនសមុទ្រ។
នៅក្នុងវេទិកាប្រជុំគណៈកម្មការផ្សះផ្សារដោយបង្ខំ(Compulsory Conciliation)នូវជម្លោះសមុទ្រ រវាងថៃ និងកម្ពុជា ដែលអាចហៅកាត់ថា «UNCLOS ថៃ-កម្ពុជា» លើកទី១ បានចាប់ផ្តើមឡើងនៅថ្ងៃទី១៤ ដល់ទី១៦ ខែកញ្ញា នៅសិង្ហបុរី បានធ្វើឱ្យវេទិកាប្រជុំនេះក្លាយជាទីចាប់អារម្មណ៍យ៉ាងខ្លាំង។ មូលហេតុគឺដោយសាររឿងនេះគឺជាបញ្ហាសំខាន់មួយរបស់អាស៊ាន ហើយទស្សនៈរបស់គណៈកម្មការឈុតនេះនឹងមានអត្ថន័យសំខាន់ខ្លាំងចំពោះការដោះស្រាយបញ្ហាសមុទ្ររវាងថៃ និងកម្ពុជា ទោះបីជាមានការនិយាយលួងចិត្តខ្លួនឯងនៅភាគីថៃជានិច្ចថា ទស្សនៈនេះនឹងមិនចងកាតព្វកិច្ចផ្លូវច្បាប់មកលើប្រទេសថៃក៏ដោយ។
ថៃបើកវេទិកាដោយការជេរប្រមាទ
ការបើកវេទិកាប្រជុំលើកដំបូងនេះ គឺប្រៀបដូចជាការបង្ហាញឥរិយាបថឱ្យវេទិកាអន្តរជាតិបានឃើញ ឬយ៉ាងហោចណាស់ក៏ជាការបង្ហាញឱ្យឃើញពី «ឥរិយាបថ និងទិសដៅ» របស់ថ្នាក់ដឹកនាំនៃភាគីនីមួយៗក្នុងការដោះស្រាយបញ្ហា ដែលភាគីនីមួយៗត្រូវតែបង្កើតឱ្យមាន «រូបភាពល្អ» ក្នុងក្រសែភ្នែកគណៈកម្មការនៃការប្រជុំនេះ ក៏ដូចជាក្រសែភ្នែកប្រព័ន្ធផ្សព្វផ្សាយអន្តរជាតិ។
សង្គមថៃប្រហែលជាត្រូវទទួលស្គាល់ថា ទស្សនៈរបស់វេទិកាអន្តរជាតិ និងវេទិកាក្នុងស្រុក គឺខុសគ្នាស្រឡះ។ ឧទាហរណ៍ នៅតាមវេទិកាអន្តរជាតិប្រហែលជាគេអាចមិនចាប់អារម្មណ៍លើព័ត៌មានលម្អិតនៃការប្រយុទ្ធគ្នា ដូចដែលតំណាងថៃបានថ្លែងនោះទេ ប៉ុន្តែគេចាប់អារម្មណ៍ថា តើដ្ឋភាគីជម្លោះនឹងអាចបញ្ចប់ការប្រយុទ្ធគ្នាដោយរបៀបណា? ឬមួយក៏វេទិកាអន្តរជាតិមិនចាប់អារម្មណ៍លើបញ្ហាដែលជានាមធម៌ ដូចជា «ភាពស្មោះត្រង់» នោះទេ ព្រោះក្នុងពេលអនុវត្តជាក់ស្តែង គ្មាននរណាម្នាក់អាចឆ្លើយបានថា រដ្ឋណាមួយមានភាពស្មោះត្រង់ជាងរដ្ឋណាមួយឡើយ។
ផ្ទុយទៅវិញ ពួកគេចាប់អារម្មណ៍ថា តើវាមានលទ្ធភាពកម្រិតណាដែលរដ្ឋគូជម្លោះនឹងស្វែងរកផ្លូវចេញរួមគ្នា ជាជាងការយកវេទិកានេះមកជាការជេរប្រមាថភាគីម្ខាងទៀត។ ការដែលត្រូវយករឿងនេះមកជាការសង្កេតបែបនេះ គឺដោយសារតែជំហាននៃការដោះស្រាយបញ្ហាក្នុងផ្នែកនៃការប្រជុំនេះ គួរតែហួសពីជំហាននៃការអង្គុយទម្លាក់កំហុស ឬជេរគ្នាទៅវិញទៅមកហើយ។ ការទៅបង្ហាញថាខ្លួនមានប្រាជ្ញាក្នុងការជេរប្រមាថនៅលើវេទិកាបែបនេះ មិនបានជួយឱ្យមានប្រៀបអ្វីឡើយ ប៉ុន្តែវាអាចធ្វើឱ្យមានគេឃើញរូបភាពត្រឡប់វិញ នោះគឺចរិយាសម្បត្តិ របស់អ្នកការទូតថៃ។
ប្រសិនបើការប្រជុំនៅលើវេទិកាអន្តរជាតិប្រើប្រាស់ការ «ជេរ» ជាឧបករណ៍ និងជាផលលទ្ធផលល្អដូចដែលរដ្ឋមន្ត្រីការបរទេសថៃបានសម្តែងនៅលើវេទិកា UNCLOS ហើយធ្វើឱ្យយើងមានប្រៀបជាងនៅលើតុចរចាបានពិតប្រាកដមែននោះ ការសិក្សាមុខវិជ្ជា «ការចរចាអន្តរជាតិ» នៅក្នុងដេប៉ាតឺម៉ង់ទំនាក់ទំនងអន្តរជាតិ ក៏គួរតែឈប់បង្រៀនទៅ ហើយស្វែងរក «វាគ្មិនដែលមានមាត់ពូកែៗ» មកបង្រៀនជំនួសវិញ ដោយមិនចាំបាច់ផ្អែកលើគោលវិជ្ជាណាមួយឡើយ។
បញ្ហាប្រឈមមុខនឹងអន្ទាក់ជាតិនិយម
ស្របពេលជាមួយគ្នានេះ អ្នកនយោបាយដែលជារដ្ឋមន្ត្រីការបរទេសរូបនេះ ប្រហែលជានៅតែប្រកាន់ខ្ជាប់នូវគំនិតជាតិនិយមថៃតាំងពីឆ្នាំ ២០២៥ ដែលជឿដោយងាយថានិន្នាការជាតិនិយមនេះហើយនឹងជួយក្នុងការបង្កើតសំឡេងគាំទ្រផ្នែកនយោបាយដល់រដ្ឋាភិបាល ហើយថែមទាំងជួយបង្កើតរូបភាពដល់ខ្លួនឯងក្នុងនាមជា «រដ្ឋមន្ត្រីជាតិនិយម» ផងដែរ។
អ្នកនយោបាយដែលជារដ្ឋមន្ត្រីការបរទេសរូបនេះ ប្រហែលជាភ្លេចទៅថា លទ្ធិជាតិនិយមអាចជួយ ចិញ្ចឹមបន្ថែមកម្លាំងរដ្ឋាភិបាល ឬបន្តដង្ហើមនយោបាយរដ្ឋាភិបាលឈុតនេះបានក្នុងឆ្នាំ ២០២៥ ព្រោះមានស្ថានការណ៍ប្រយុទ្ធគ្នាជាឧបករណ៍ដុតបញ្ឆេះ ប៉ុន្តែសម្រាប់ឆ្នាំ ២០២៦ គួរតែជាឆ្នាំនៃការដោះស្រាយបញ្ហា និងស្វែងរកផ្លូវឱ្យប្រទេសថៃផុតពី «អន្ទាក់សង្គ្រាមកម្ពុជា» ព្រោះសង្គ្រាមនេះ មិនបានបង្កើតផលតបស្នងជាយុទ្ធសាស្ត្រដល់ប្រទេសថៃឡើយ ហើយថែមទាំងផ្ដល់ផលប៉ះពាល់ដល់សេដ្ឋកិច្ចខាងក្នុងរបស់ថៃយ៉ាងខ្លាំងទៀតផង ដែលផលប៉ះពាល់បែបនេះ ភាគីជាតិនិយមអាចមិនទទួលស្គាល់ រួមទាំងរឿងនៃការបន្ធូរបន្ថយវិបត្តិ ពាណិជ្ជកម្មតាមព្រំដែន។

20/09/2026

បទវិចារណកថា៖ សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា នឹងបង្ហាញអន្តរជាតិកាន់តែច្បាស់ពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា
----------
កម្ពុជានឹងរៀបចំ “សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា” នៅរាជធានីភ្នំពេញ ដែលនឹងប្រារព្ធឡើងក្រោមប្រធានបទ “រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា”។ជាការពិតណាស់ យើងជឿជាក់ថា នៅក្នុងសន្និសីទដ៏មានសារៈសំខាន់នេះ រាជរដ្ឋាភិបាលកម្ពុជានឹងបញ្ជូនសារយ៉ាងជាក់ច្បាស់លាស់ស្តីពីឆន្ទៈនយោបាយ និងលទ្ធផលជាក់ស្ដែងក្នុងការប្រយុទ្ធប្រឆាំង និងលុបបំបាត់បទល្មើសឆបោកតាមប្រព័ន្ធបច្ចេកវិទ្យា (Online Scams) ដើម្បីធានាសន្តិសុខជាតិ សណ្តាប់ធ្នាប់សង្គម និងការពារកិត្តិយសជាតិលើឆាកអន្តរជាតិ។សន្និសីទអន្តរជាតិនេះ ជាពេលវេលាសម្រាប់រាជរដ្ឋាភិបាល បង្ហាញជំហរប្រាកដប្រជារបស់អាជ្ញាធរមានសមត្ថកិច្ចរបស់កម្ពុជា ក្នុងការបន្តវិធានការក្តៅ និងមិនបន្ធូរដៃ ដើម្បីបោសសម្អាត Online Scams ក្នុងនោះគឺការអនុវត្តវិធានការច្បាប់យ៉ាងម៉ឺងម៉ាត់ ដើម្បីលុបបំបាត់ និងកាត់ផ្តាច់ឫសគល់នៃបទល្មើសនេះឱ្យអស់ពីទឹកដីកម្ពុជា។ទន្ទឹមគ្នានេះ វាក៏ជាឱកាសសម្រាប់កម្ពុជា បង្ហាញពីការចូលរួមយ៉ាងសកម្ម និងការទទួលខុសត្រូវខ្ពស់ ក្នុងកិច្ចខិតខំជាសកលដើម្បីទប់ទល់នឹងវិបត្តិឧក្រិដ្ឋកម្មឆ្លងដែន ដែលជាបញ្ហារួមរបស់ពិភពលោក។បន្ថែមពីនេះ នោះក៏ជាឱកាសដើម្បីស្តារមុខមាត់ និងស្តារកេរ្តិ៍ឈ្មោះ របស់ព្រះរាជាណាចក្រកម្ពុជាឡើងវិញ បន្ទាប់ពីត្រូវបានប្រទេសជិតខាងមួយបានប្រើប្រាស់បញ្ហាជាសកលនេះ ជាលេសដើម្បីបំផ្លាញកិត្តិយសកម្ពុជា និងឈ្លានពានកម្ពុជា កាលពីឆ្នាំ២០២៥ បើទោះបីជាប្រទេសខ្លួនឯងជា មជ្ឈមណ្ឌល Online Scams ដ៏ធំមួយនៅអាស៊ីផងដែរ ដោយមានទាំងករណីបោកប្រាស់តាមរយៈការលក់ទំនិញក្លែងក្លាយ ការឆបោកស្នេហា និងការបោកបញ្ឆោតឱ្យវិនិយោគលើរូបិយប័ណ្ណគ្រីពតូ (Crypto Scams) និងជាមជ្ឈមណ្ឌលហៅទូរស័ព្ទ (Call Center Gangs) ជាដើម។យោងតាមការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្ម (UNODC) បានឱ្យដឹងថា ក្រុមឧក្រិដ្ឋកម្មដែលមានអង្គការចាត់តាំងឆ្លងដែន និងមានមូលដ្ឋាននៅតំបន់អាស៊ីអាគ្នេយ៍ កំពុងប្រែក្លាយខ្លួនទៅជា «អ្នកផ្តល់សេវាកម្មឧក្រិដ្ឋកម្ម» ដែលមានសកម្មភាពខុសច្បាប់ជាច្រើនប្រភេទ ក្នុងនោះក៏មានការឆបោកតាមប្រព័ន្ធបច្ចេកវិទ្យាផងដែរ។ប្រតិបត្តិការការខុសច្បាប់ដែលគេស្គាល់ថាជា «ការឆបោកតាមប្រព័ន្ធបច្ចេកវិទ្យា» មាននៅស្ទើរគ្រប់ប្រទេសនៅតំបន់អាស៊ីអាគ្នេយ៍ ដែលជាកន្លែងដែលប្រតិបត្តិការ ទន្ទឹមគ្នាជាមួយអាជីវកម្មល្បែងស៊ីសងស្របច្បាប់។ ចំពោះមុខបញ្ហានេះ កម្ពុជាមិនដែលព្រងើយកន្តើយសោះឡើយ នៅពេលដឹងថាក្រុមឧក្រិដ្ឋជនបានប្រើប្រាស់ទឹកដីខ្លួន ជាទីតាំងឆបោកនោះ។យើងត្រូវដឹងដែរថា Online Scams ជាបទល្មើសឆ្លងដែន ដែលមេខ្លោងឧក្រិដ្ឋជន និងជនរងគ្រោះនៅកន្លែងផ្សេងគ្នា។ ដោយហេតុថា Online Scams ជាវិបត្តិសកល វាទាមទារឱ្យមានកិច្ចសហប្រតិបត្តិការអន្តរជាតិ និងគ្មានប្រទេសណាមួយអាចដោះស្រាយបានតែឯងនោះឡើយ។ជាឧទាហរណ៍ ជាមួយនឹងការដាក់ចេញនូវវិធានការដ៏មុតស្រួច និងម៉ឺងម៉ាត់បំផុតរបស់សម្តេចប្រមុខរាជរដ្ឋាភិបាល អាជ្ញាធរមានសមត្ថកិច្ចកម្ពុជាបានគាស់រំលើងក្រុមឧក្រិដ្ឋជនទាំងនេះ រួមទាំងការចាប់ខ្លួន ដាក់ទោស និងខ្លះត្រូវបានចាប់បញ្ជូនចេញទៅប្រទេសកំណើតរបស់ខ្លួនវិញជាបន្តបន្ទាប់។“បច្ចុប្បន្ននេះ កម្ពុជាគ្មានទៀតទេ ទីតាំងបទល្មើសឆបោកទ្រង់ទ្រាយធំ”។ នេះជាការបញ្ជាក់របស់ ឯកឧត្តម ឆៃ ស៊ីណារិទ្ធ ទេសរដ្ឋមន្ត្រី និងជាប្រធានលេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ឯកឧត្តមក៏បានបន្ថែមផងដែរ៖ “សកម្មភាពឆបោកបន្តកើតមាន និងកំពុងផ្លាស់ប្តូររូបភាព ទៅជាប្រតិបត្តិការទ្រង់ទ្រាយតូចៗ ធ្វើសកម្មភាពតាមបន្ទប់ជួល ផ្ទះសំណាក់ ខុនដូ តាមផ្ទះ តាមរថយន្ត ហាងកាហ្វេជាដើម”។ជាការពិតណាស់ កម្ពុជាមិនដែលបដិសេធថាខ្លួនមិនមាន Online Scams នោះទេ ប៉ុន្តែកម្ពុជាក៏មិនបាននៅស្ងៀមនោះដែរ។ យុទ្ធនាការបង្រ្កាបយ៉ាងសស្រាក់សស្រាំ និងជាក់ស្តែងនាពេលកន្លងមក បានបង្ហាញយ៉ាងច្បាស់ពីឆន្ទៈមុតស្រួចរបស់កម្ពុជាក្នុងការលុបបំបាត់ឧក្រិដ្ឋកម្មឆ្លងដែននេះ បើទោះជាក្រុមឧក្រិដ្ឋជនបានប្រើប្រាស់គ្រប់វិធីក៏ដោយ។អាជ្ញាធរមានសមត្ថកិច្ចកម្ពុជា ពិតណាស់នឹងមិនបណ្តោយឱ្យក្រុមនេះបន្តរស់រាននៅលើទឹកដីកម្ពុជាទៀតទេ!ដូច្នេះហើយ នៅក្នុងសន្និសីទនៅសប្តាហ៍ក្រោយនេះ កម្ពុជានឹងចែករំលែកជាមួយសហគមន៍អន្តរជាតិនូវលទ្ធផលនៃកិច្ចខិតខំប្រឹងប្រែងក្នុងការបង្រ្កាប Online Scams។ម្យ៉ាងវិញទៀត នៅក្នុងសន្និសីទ ដែលនឹងចូលរួមដោយថ្នាក់ដឹកនាំ មន្ត្រីជាន់ខ្ពស់រដ្ឋាភិបាល អង្គការអន្តរជាតិ ស្ថាប័នអនុវត្តច្បាប់ អ្នកជំនាញសន្តិសុខបច្ចេកវិទ្យា (Cybersecurity) គ្រឹះស្ថានហិរញ្ញវត្ថុ ក្រុមហ៊ុនបច្ចេកវិទ្យា និងដៃគូអន្តរជាតិនានាមកពីជុំវិញពិភពលោក កម្ពុជាក៏នឹងផ្ញើសារយ៉ាងច្បាស់ទៅកាន់ពិភពលោក អំពីការប្តេជ្ញាចិត្តដ៏ម៉ឺងម៉ាត់របស់រាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា

ក្នុងការបន្តចូលរួមចំណែកយ៉ាងសកម្មក្នុងកិច្ចខិតខំរបស់ពិភពលោកក្នុងការប្រយុទ្ធប្រឆាំងឧក្រិដ្ឋកម្មឆ្លងដែនដែលជាវិបត្តិនៃសកលលោក។សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានមានប្រសាសន៍ថា៖ “កម្ពុជានឹងធ្វើឱ្យពិភពលោកបានស្គាល់ថា កម្ពុជាបានបំផ្លាញ Online Scams”។ សម្តេចតេជោ ថ្លែងដូច្នេះ ក្នុងពិធីជួបសំណេះសំណាលជាមួយថ្នាក់ដឹកនាំក្រសួង-ស្ថាប័ន និងក្រុមប្រឹក្សារាជធានី ខណ្ឌ សង្កាត់ មន្ទីរ អង្គភាពនានាជុំវិញរដ្ឋបាលរាជធានីភ្នំពេញ នៅមជ្ឈមណ្ឌលសន្និបាត និងពិព័រណ៍កោះពេជ្រ កាលពីថ្ងៃទី២៤ ខែឧសភា ឆ្នាំ២០២៦។នៅចំពោះមុខថ្នាក់ដឹកនាំព្រឹទ្ធសភា រដ្ឋសភា ចំនួន ២៦ប្រទេស និងអង្គការអន្តរជាតិពាក់ព័ន្ធមួយចំនួនក្នុងសន្និសីទប្រធានសភា នៃអន្តរសភាលើកទី២ (ISC-2) នាថ្ងៃទី២៧ ខែសីហា ឆ្នាំ២០២៧ កន្លងទៅនេះ នៅរាជធានីភ្នំពេញ សម្ដេចតេជោ ហ៊ុន សែន បានថ្លែងថា “ការប្រើប្រាស់ និងការអនុវត្តច្បាប់ក្រៅដែនអធិបតេយ្យ ចំពោះបទល្មើសឆ្លងដែន ដូចជាការឆបោកតាមប្រព័ន្ធបច្ចេកវិទ្យា ដើម្បីជាលេសកាន់កាប់ទឹកដីប្រទេសដទៃដោយខុសច្បាប់ គឺជាទម្រង់សង្គ្រាមទំនើបមួយ នៅក្នុងយុគសម័យនេះឯង។ សង្គ្រាមតាមព្រំដែនកម្ពុជា-ថៃ គឺស្ថិតក្នុងស្ថានភាពនេះ! គេកំពុងកំពុងកាន់កាប់ទឹកដីរបស់យើងខ្ញុំ ដោយផ្អែកថា ទឹកដីយើងខ្ញុំខ្លះជាផ្នែកនៃល្បែងឆបោក!”។ជាមួយគ្នានេះ សម្តេចធិបតីនាយករដ្ឋមន្ត្រី ក៏បានថ្លែងសារជាច្រើនលើកច្រើនសារ រួមទាំងការផ្តល់បទសម្ភាសន៍ដល់ស្ថាប័នសារព័ត៌មានអន្តរជាតិធំៗជាច្រើនកន្លងមកដែរ ដោយគូសបញ្ជាក់ពីការប្តេជ្ញាចិត្តរបស់កម្ពុជាក្នុងការបោសសម្អាត Online Scams ឱ្យខាងតែបាន។កម្ពុជាគឺជាប្រទេសរងគ្រោះមួយដោយសារវិបត្តិសកលនេះ។ បទពិសោធនៃប្រតិបត្តិការរបស់កម្ពុជា ដែលបាននិងកំពុងអនុវត្តយ៉ាងម៉ឺងម៉ាត់ ស្តែងឱ្យឃើញថា នោះគឺការកំណត់យុទ្ធសាស្ត្រច្បាស់លាស់ ប្រព័ន្ធច្បាប់រឹងមាំ ការសម្របសម្រួលដោយយន្តការជាតិ និងកិច្ចសហប្រតិបត្តិការអន្តរជាតិយ៉ាងជិតស្និទ្ធ ទើបអាចបំបែកបណ្តាញឆ្លងដែននេះបាន។ដូច្នេះ កម្ពុជារំពឹងថា “សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា” ដែលកម្ពុជារៀបចំឡើងនាពេលនេះ នឹងក្លាយជាវេទិកាដើម្បីបង្កើតកិច្ចសហប្រតិបត្តិការជាក់ស្តែង រួមគ្នាផ្លាស់ប្តូរព័ត៌មាន គិតគូរកំណត់វិធានការដើម្បីកាត់ផ្តាច់ច្រវាក់ឧក្រិដ្ឋកម្ម និងលុបបំបាត់ការឆបោកតាមប្រព័ន្ធបច្ចេកវិទ្យាឱ្យអស់ កុំឱ្យបន្តក្លាយជាវិបត្តិសកលលោក។ក្នុងន័យនេះ កម្ពុជា សូមអំពាវនាវឱ្យប្រទេសទាំងអស់រួមគ្នាកាត់ផ្តាច់ច្រវាក់ និងបញ្ចប់ Online Scams ដើម្បីសន្តិសុខ ស្ថិរភាព និងការអភិវឌ្ឍប្រកបដោយនិរន្តរភាពសម្រាប់ទាំងអស់គ្នា!សរុបសេចក្តីមក កម្ពុជានៅតែបន្តប្រតិបត្តិការបោសសម្អាតការឆបោកតាមប្រព័ន្ធបច្ចេកវិទ្យានេះ ឱ្យទាល់តែអស់ពីទឹកដីខ្លួន និងមិនអនុញ្ញាតឱ្យប្រទេសណាមួយបន្តបំភ័ន្តសហគមន៍អន្តរជាតិទៀតនោះទេ ព្រោះថាកិត្តិយសប្រទេសជាតិ និងភាពសុខសាន្តរបស់ប្រជាពលរដ្ឋ គឺជាការងារអាទិភាពរបស់រាជរដ្ឋាភិបាល ដូចសុភាសិតខ្មែរនិយាយថា «មាសសុទ្ធមិនខ្លាចភ្លើង» ឡើយ៕

AKP

20/09/2026