Bunrong -BR

25/08/2026

🌱 #ធ្វើបែបណាខ្លះទើបអាចកែកំហុសនិងបន្តធ្វើអំពើត្រឹមត្រូវ?
១. បែងចែកអ្វីទៅខុស អ្វីខ្លះត្រូវ និងហេតុផល៖
~ ការពិតទាំងអស់កើតមកមានខុសនិងត្រូវ។ ខុសឬត្រូវផ្ទៀងផ្ទាត់និងច្បាប់សម្រាប់មនុស្ស។

~ ហេតុបង្កើតផល ឯផលទាំងឡាយកើតពីហេតុ។ ដូចនេះខុសព្រោះហេតុនិងផល មិនផ្ទៀងផ្ទាត់គ្នា ត្រូវព្រោះហេតុនិងផលត្រូវគ្នា។

18/08/2026

🌿 #ធ្វើបែបណាកើតទម្លាប់ល្អក្នុងជីវិត?
១. សិក្សានិងឈ្វេងយល់ទម្លាប់ល្អ : ទម្លាប់គិត និយាយ និងធ្វើល្អគឺ៖
#គិតត្រូវ៖
~ គោរពច្បាប់សម្រាប់មនុស្ស
~ គោរពច្បាប់ និងនីតិវិធីច្បាប់
~ ម្ចាស់ការជីវិត។

#និយាយត្រូវ៖
~ រៀន និងនិយាយពីច្បាប់សម្រាប់មនុស្ស ច្បាប់ជាតិ និងច្បាប់អន្តរជាតិ នីតិវិធីនៃការអនុវត្តច្បាប់ទាំងនោះ។
~ ទន្ទេញ និងនិយាយផ្សព្វផ្សាយអប់រំច្បាប់សម្រាប់មនុស្ស ច្បាប់ជាតិ ច្បាប់អន្តរជាតិ និងនីតិវិធី។

#ធ្វើត្រូវ៖
~ អនុវត្តជាប្រចាំដូចអាហារ និងអុកស៊ីហ្សែន នូវអ្វីដែលបានគិត និងបាននិយាយទាក់ទិន។

14/08/2026

14/08/2026

🌾 #ប្រាជ្ញាបង្កើតអ្នកប្រាជ្ញ #បញ្ញាបង្កើតបណ្ឌិត

#អ្នកប្រាជ្ញ៖ មានប្រាជ្ញខ្ពស់ និងបុិនប្រសប់អាចបង្កើតអ្វីមួយដើម្បីបម្រើ ឬបំផ្លាញប្រយោជន៍មនុស្សជាតិ ឬពិភពលោកបាន។

~ ឧទាហរណ៍៖ អ្នកប្រាជ្ញភាសានិងអក្សរខ្មែរ អ្នកប្រាជ្ញទស្សនវិជ្ជាដូចជាព្រះពុទ្ធ អ្នកប្រាជ្ញអាវុធគីមី បរមាណូ...។

⭐ ដូច្នេះ ប្រាជ្ញបង្កើតអ្នកប្រាជ្ញ អ្នកប្រាជ្ញអាចជាបណ្ឌិត ឬក៏អាចជាពាលដែរ។ បើអ្នកប្រាជ្ញហើយមានបញ្ញា នោះអ្នកប្រាជ្ញគឺជាបណ្ឌិតដ៏អស្ចារ្យ។

#បណ្ឌិត៖ អ្នកទាំងឡាយដែលមាន និងចេះប្រើបញ្ញា ហើយបញ្ញានាំឲ្យមានសីល និងសមាធិ។

⭐ បញ្ញានាំឲ្យអ្នកក្លាយជាបណ្ឌិតព្រោះអ្វី?
~ កាយ វាចា និងចិត្ត រួមគ្នាតែមួយលុះត្រាមានបញ្ញា។
~ បញ្ញានាំឲ្យគោរព និងធ្វើបាននូវព្រហ្មវិហារធម៌ មេត្តា ករុណា មុទិតា ឧបេក្ខា។
~ បញ្ញាអាចនាំឲ្យលះចោលនូវ លោភៈ ទោសៈ មោហៈ និងការវិនិច្ឆ័យ។

12/08/2026

តម្កល់ប្រយោជន៍រួមជាធំ

12/08/2026

🌾 #វៀរចាកការវិនិច្ឆ័យ
#ការវិនិច្ឆ័យ គឺជាការមើលបំណាំគេ និងប្រចាំគេដោយឈរលើអារម្មណ៍ និងបទពិសោធន៍ផ្ទាល់ខ្លួន។
~ ការមើលបំណាំ គឺការចាប់កំហុសគេដោយយកអារម្មណ៍ និងបទពិសោធន៍ផ្ទាល់ខ្លួនធ្វើជាម៉ែត្រវាស់ថាគេខុស រួចពង្រីកកំហុសនោះឲ្យធំទៅៗ ហើយមើលរំលងដំណោះស្រាយ។
ឧទាហរណ៍៖ ជេរស្ដីគេដែលធ្វើខុសនូវអ្វីដែលខ្លួនយល់ថាត្រូវ ឬយល់ថាខុស ដោយមិនពិចារណាលើច្បាប់ ឬការមិនយល់ព្រមទាំងសងខាង។

~ ការប្រចាំ គឺចាត់ទុកការងារ ឬភារកិច្ចដែលបង្កើតប្រយោជន៍រួមចោល ដោយអះអាងថាខ្លួនគ្មានតួនាទី និងករណីកិច្ចទទួលខុសត្រូវ។
ឧទាហរណ៍៖ ទុកការងារទាក់ទិននឹងនយោបាយជាតិចោលព្រោះចាត់ទុកថា នយោបាយជាតិជារបស់មេដឹកនាំ។
ឧទាហរណ៍៖ ទុកការងារផ្ទះចោល ទោះគ្មានអ្នកធ្វើ ព្រោះចាត់ទុកថាការងារផ្ទះជារបស់ស្ត្រី។ល។

#ដើម្បីវៀរចាកការវិនិច្ឆ័យអ្នកដទៃ៖
~ ហ្វឹកហាត់ការគោរព និងអនុវត្តតាមច្បាប់សម្រាប់មនុស្ស។

~ ហ្វឹកហាត់ឆ្លុះបញ្ចាំងចំពោះ កាយ វាចា និងចិត្តឲ្យតាំងនៅហេតុនិងផល សុខនិងទុក្ខ ខុសនិងត្រូវ គុណសម្បត្តិនិងគុណវិបត្តិ ពាលនិងបណ្ឌិតជាដើម ទើបអស់ពេលវិនិច្ឆ័យគេ ទោះតាមរូបភាពណាក៏ដោយ។

~ ប្រើនីតិវិធី សន្តិវិធី និងច្បាប់សម្រាប់មនុស្ស ដើម្បីដោះស្រាយបញ្ហាទាំងឡាយដែលកើតពីការមើលបំណាំ និងប្រចាំ។

11/08/2026

🪷 #វៀរចាកមោហៈ៖
👉 មោហៈ គឺភាពល្ងង់ខ្លៅ មិនចេះ មិនដឹង មិនយល់ វង្វេងខុសជាត្រូវ ត្រូវជាខុស ភាន់ច្រឡំ ឬមានះនាំឲ្យធ្វើអំពើទោសៈ មោហៈ និងទ្រុស្តច្បាប់។

~ឧទាហរណ៍៖ តួនាទីជាមន្ត្រីអនុវត្តច្បាប់ តែមិនគោរពនិងធ្វើតាមច្បាប់។
~ ឧទាហរណ៍៖ រស់នៅជាមនុស្សបែរជាមិនចេះ មិនដឹងមិនយល់ច្បាប់ នាំឲ្យធ្វើខុសច្បាប់ដោយអចេតនា ឬចូលរួមជាមួយ បិសាចកៅអី បិសាចបក្សពួក បិសាចទ្រព្យសម្បត្តិ ប្រព្រឹត្តអំពើអាក្រក់ដោយហិង្សា និងលោភលន់។

⭐វៀរចាកមោហៈ អាចអនុវត្តដូចការវៀរចាកទោសៈដែរ។ តែមោហៈនេះត្រូវការគេអប់រំទូន្មានបានល្អនិងអាចកែប្រែបានខុសពីទោសៈ ដែលត្រូវការច្បាប់អាជ្ញាដាក់ទោស។

08/08/2026

🪷 #វៀរចាកទោសៈ៖
🌾~ ទោស: ៖ គឺការប្រើហិង្សាទាំងកាយ វាចា ឬចិត្ត បង្កើតទុក្ខទោសដល់អ្នកដទៃ ព្រោះដោយលោភៈ មោហៈ និងទ្រុស្តច្បាប់សម្រាប់មនុស្ស។
💥 វៀរចាកទោសៈបានគឺ
~ ប្រើកាយ វាចា ចិត្ត គោរពប្រតិបត្តិដោយខន្តី និងមិនប្រហែសចំពោះច្បាប់សម្រាប់មនុស្ស។
~ ដោះស្រាយទំនាស់ដោយប្រើនីតិវិធី និងសន្តិវិធីជានិច្ច។
~ ចេះអប់រំ និងផ្សព្វផ្សាយអំពីច្បាប់សម្រាប់មនុស្ស នីតិវិធី និងសន្តិវិធីឲ្យបានសម្បូរបែប នោះនឹងអស់ពាលប្រព្រឹត្តទោសៈ។