Ung Dipola - អុឹង ឌីប៉ូឡា

27/09/2026

បងប្អូនវីរៈកងទ័ពរបស់យើងមានឆន្ទៈមុះមុត ស្មារតីទទួលខុសត្រូវខ្ពស់ តស៊ូឥតរាថយ លះបង់គ្រប់យ៉ាង សាច់ស្រស់ឈាមស្រស់ ពលីជីវិត ដើម្បីការពារបូរណភាពទឹកដី អធិបតេយ្យជាតិ និងថែរក្សាសុខសន្តិភាពជូនប្រជាពលរដ្ឋយើង។ នេះបង្ហាញអំពីគំរូវីរភាព និងស្មារតីស្នេហាជាតិដែលទទួលបានការកោតសរសើរ ការដឹងគុណពីសំណាក់ប្រជាពលរដ្ឋយើងគ្រប់រូប៕

#វីរៈកងទ័ពកម្ពុជា
#កម្ពុជាមាតុភូមិខ្ញុំ

24/09/2026

បុគ្គលិក-កម្មករ គឺជាធនធានដ៏មានតម្លៃ និងជាកម្លាំងចលករដ៏សំខាន់សម្រាប់ជំរុញដល់ការរីកចម្រើនអាជីវកម្មរបស់ក្រុមហ៊ុន។ ដូច្នេះការយកចិត្តទុកដាក់លើការគាំពារសុខុមាលភាពរបស់បុគ្គលិក-កម្មករ មិនមែនគ្រាន់តែជាការចំណាយ ឬជាបន្ទុកចំណាយបន្ថែមរបស់ក្រុមហ៊ុននោះទេ ប៉ុន្តែគួរត្រូវបានចាត់ទុកថាជាការវិនិយោគដ៏ត្រឹមត្រូវលើការអភិវឌ្ឍធនធានមនុស្ស។

យើងបានកំណត់ឱ្យគ្រប់ការដ្ឋានរ៉ែត្រូវអនុវត្តយន្តការក្នុងការធានា ការពារ និងលើកកម្ពស់សុវត្ថិភាពនិងសុខភាពរបស់បុគ្គលិក-កម្មករនៅក្នុងគ្រប់ការដ្ឋានរ៉ែ។

“សិក្ខាសាលាស្ដីពីការផ្សព្វផ្សាយគោលការណ៍និងអត្ថប្រយោជន៍នៃបេឡាជាតិសន្តិសុខសង្គម (ប.ស.ស)” ។

#កម្ពុជាមាតុភូមិខ្ញុំ
#កម្ពុជា

19/09/2026

កម្មវិធី «ផ្ទះ១ខ្នងយ៉ាងហោចណាស់ដើមឈើហូបផ្លែ២ដើម» បានឈានដល់ភូមិទី10ហើយ នៅសល់10ភូមិទៀត។
សូមអរគុណក្រុមការងារនិងពុកម៉ែបងប្អូនទាំងអស់បានចូលរួមដាំដើមឈើហូបផ្លែជុំវិញផ្ទះ។ ថ្ងៃនេះ មានដើមមៀន និងខ្នុរ។
"ចូលរួមទាំងអស់គ្នាដើម្បីបរិស្ថានជុំវិញផ្ទះបៃតង"

ភូមិថ្មី និងភូមិស្នាយទោល ឃុំត្រពាំងជង ស្រុកបាកាន ខេត្តពោធិ៍សាត់

#កម្ពុជាមាតុភូមិខ្ញុំ
#កម្ពុជា

14/09/2026

"វេទិការដ្ឋមន្ត្រី ស្តីពីកិច្ចសហប្រតិបត្តិការរ៉ែអន្តរជាតិ" និង "ពិធីបើកសន្និសីទនិងពិព័រណ៍រ៉ែអន្តរជាតិចិន លើកទី២៨ ឆ្នាំ២០២៦"

កម្មវិធីនេះ ត្រូវបានរៀបចំឡើងក្នុងគោលបំណងពង្រឹងនិងពង្រីកកិច្ចសហប្រតិបត្តិការអន្តរជាតិ ការផ្លាស់ប្តូរបទពិសោធន៍ និងបច្ចេកវិទ្យាថ្មីៗ ព្រមទាំងជំរុញការវិនិយោគប្រកបដោយការទទួលខុសត្រូវនិងចីរភាពក្នុងវិស័យរ៉ែ។

ទីក្រុងធានជីន សាធារណរដ្ឋប្រជាមានិតចិន
ថ្ងៃទី១០-១២ ខែកញ្ញា ឆ្នាំ២០២៦៕

#កម្ពុជាមាតុភូមិខ្ញុំ
#កម្ពុជា

08/09/2026

អបអរសាទរ! កម្ពុជាជាប់ចំណាត់ថ្នាក់លេខ១ជាប្រទេសល្អបំផុតសម្រាប់អេកូទេសចរណ៍ក្នុងតំបន់អាស៊ីអាគ្នេយ៍ និងឈរលេខ១៧លើពិភពលោក។ នេះបើយោងតាមចំណាត់ថ្នាក់របស់ U.S. News & World Report។

វិស័យទេសចរណ៍កម្ពុជាត្រូវបានរាជរដ្ឋាភិបាលកម្ពុជា ចាត់ទុកជាវិស័យអាទិភាពមួយ ដើរតួជា “មាសបៃតង” រួមចំណែកដល់ការអភិវឌ្ឍសេដ្ឋកិច្ចសង្គម និងការការពារបរិស្ថាន។ ចំណាត់ថ្នាក់នេះ បានបង្ហាញពីសក្តានុពលរបស់កម្ពុជា ក្នុងការអភិវឌ្ឍវិស័យអេកូទេសចរណ៍ ដោយកម្ពុជាមានធនធានធម្មជាតិដ៏សម្បូរបែប រួមមាន ព្រៃឈើ ភ្នំ ទឹកជ្រោះ បឹង ទន្លេ និងតំបន់ធម្មជាតិជាច្រើន ដែលអាចទាក់ទាញភ្ញៀវទេសចរជាតិ និងអន្តរជាតិ។

#កម្ពុជាមាតុភូមិខ្ញុំ
#កម្ពុជា

05/09/2026

ព្រឹកនេះឯ.ឧ កែវ រតនៈ រដ្ឋមន្ត្រីក្រសួងរ៉ែនិងថាមពល បានជួបសំណេះសំណាលលើកទឹកចិត្តក្មួយៗទាំង36នាក់ ដែលបានប្រឡង​បាក់ឌុបជាប់និទ្ទេស A នៅខេត្តពោធិ៍សាត់។
ក្មួយៗសិក្សានៅវិទ្យាល័យបាកាន ឃុំត្រពាំងជង 6នាក់បានជាប់និទ្ទេស A។ ពិតជាមោទនភាពណាស់ និងសូមអបអរសាទរដល់ក្មួយៗទាំងអស់គ្នាដែលបានប្រឡងជាប់។ ចំពោះក្មួយៗដែលមិនបានជោគជ័យ សូមកុំអស់សង្ឃឹមអោយសោះ។ ការប្រឡងជាប់ឬធ្លាក់នៅពេលនេះ មិនមែនបញ្ជាក់ពីភាពជោគជ័យនៃជីវិតទៅអនាគតនោះទេ។ អ្នកជាប់ និងអ្នកធ្លាក់ត្រូវតែប្រឹងប្រែងបន្តទៀត។

#កម្ពុជាមាតុភូមិខ្ញុំ
#យុវជនកម្ពុជា

03/09/2026

03/09/2026

ក្មួយៗបានរត់ភៀសខ្លួនគេចពីតំបន់ឈ្លានពាន តំបន់សង្គ្រាម ចេញពីទ្រនំដ៏កក់ក្តៅ និងពីសាលារៀនដែលធ្លាប់តែរៀន សប្បាយសើចក្អាកក្អាយជាមួយមិត្តភក្តិ។
បានជួបក្មួយៗតែរយៈពេលខ្លីមែនពិត តែភាពរាក់ទាក់ និងស្នាមញញឹមរបស់ក្មួយៗបានដក់ក្នុងអារម្មណ៍ពូជានិច្ច។
សូមចូលរួមទាំងអស់គ្នា ! កុមារត្រូវបានការពារនៅក្នុងគ្រប់កាលៈទេសៈ។
" កុមារជាអនាគតរបស់ជាតិ និងជាអ្នកបន្តវេនពីមនុស្សជំនាន់មុន"

#កុមារជាទំពាំងស្នងឬស្សី
#កម្ពុជាមាតុភូមិខ្ញ៉ំ

03/09/2026

So Sad! So Painful!
Unforgettable!

30/08/2026

សង្គ្រាម និងអំពើឈ្លានពានរបស់ថៃបានធ្វើអោយប្រជាជនយើងមួយចំនួន មិនទាន់អាចត្រលប់ទៅរស់នៅលើទឹកដីភូមិដ្ឋានរបស់ខ្លួនវិញបាននៅឡើយ ដូចជាករណីពុកម៉ែបងប្អូនភាសសឹក73គ្រួសារពីតំបន់ថ្មដា ស្រុកវាលវែង។

សប្បាយចិត្តដែលបានជួបសំណេះសំណាលរំលែកទុក្ខជាមួយពួកគាត់ តែអ្វីដែលធ្វើអោយយើងសប្បាយរីករាយបំផុត អស់ពីដួងចិត្ត គឺនៅពេលពួកគាត់អាចទៅរស់នៅប្រកបមុខរបរនៅភូមិដ្ឋានរបស់ពួកគាត់វិញ។

យើងទាំងអស់គ្នាត្រូវតែរឹងមាំ មានសាមគ្គីភាព និងចូលរួមជាមួយរាជរដ្ឋាភិបាលក្នុងការដោះស្រាយបញ្ហានេះដោយសន្តិវិធី ឈរលើគោលការណ៍ច្បាប់។
សូមថ្លែងអំណរគុណដល់ក្រុមហ៊ុន ទឹករ៉ែធម្មជាតិកាយា ,វ៉ែនតាអាយឃ៊ែរ , វិទ្យុវាយោ , ថ្នាំដុសធ្មេញ គីរីសាន់ ចំពោះទឹកចិត្តដ៏ប្រពៃក្នុងការចូលរួមសកម្មភាពនេះ។

#កម្ពុជាមាតុភូមិខ្ញុំ
#កម្ពុជា