ທັນຂ່າວ

17/07/2026

17/07/2026

15/07/2026

25-26ກັນຍາ2026ຈະຈັດມະຫະກຳ ການຄ້າທາງເອເລັກໂຕຣນິກ (Lao E- Commerce Festival 2026) ..........

ກະຊວງອຸດສາຫະກຳ ແລະ ການຄ້າ (ອຄ) ໄດ້ຈັດພິທີ ຖະແຫຼງຂ່າວກຽມຄວາມພ້ອມຈັດງານບຸນມະຫະກຳການຄ້າທາງເອເລັກໂຕຣນິກ ຫຼື "Lao E-Commerce Festival 2026"ຂຶ້ນໃນວັນທີ15ກໍລະກົດ2026 ເພື່ອເປັນການຂັບເຄື່ອນເສດຖະກິດດິຈິຕອນ ແລະ ສົ່ງເສີມຫົວໜ່ວຍ ທຸລະກິດລາວ ໃຫ້ສາມາດແຂ່ງຂັນໄດ້ໃນຍຸກສະໄໝໃໝ່ ເຊິ່ງງານດັ່ງກ່າວຈະໄດ້ຈັດຂຶ້ນ ລະຫວ່າງ ວັນທີ 25-26 ກັນຍາ 2026 ທີ່ຫໍປະຊຸມແຫ່ງຊາດ.

ໃນພິທີຖະແຫຼງຂ່າວ, ທ່ານ ພຸດທະວັນ ນັນທະວົງ ຮອງລັດຖະມົນຕີ ກະຊວງອຸດສາຫະກຳ ແລະ ກາຍຄ້າ, ໄດ້ເນັ້ນຢໍ້າເຖິງຄວາມສໍາຄັນຂອງ ເສດຖະກິດດິຈິຕອນ ທີ່ໄດ້ກາຍເປັນປັດໄຈຫຼັກໃນການຂັບເຄື່ອນການເຕີບໂຕທາງເສດຖະກິດຂອງ ສປປ ລາວ. ການຈັດງານໃນຄັ້ງນີ້ ແມ່ນການຜັນຂະຫຍາຍມະຕິກອງປະຊຸມໃຫຍ່ຜູ້ແທນອົງຄະນະພັກກະຊວງ ອຄ ຄັ້ງທີ VI, ມະຕິ 04/ ກມສພ ວ່າດ້ວຍການສ້າງເສດຖະກິດເອກະລາດ ເປັນເຈົ້າຕົນເອງ, ພ້ອມທັງສອດຄ່ອງກັບວິໄສທັດ ແລະ ແຜນພັດທະນາເສດຖະກິດດິຈິຕອນຂອງລັດຖະບານ.

ຈຸດປະສົງຫຼັກຂອງງານ Lao E-Commerce Festival 2026:
- ເຊື່ອມໂຍງລະບົບນິເວດການຄ້າອອນລາຍ: ຮວບຮວມເອົາຜູ້ໃຫ້ບໍລິການແພລດຟອມຊື້-ຂາຍ, ລະບົບການ ຊຳລະເງິນດິຈິຕອນ, ບໍລິສັດຂົນສົ່ງ-ໂລຈິສຕິກ ແລະ ຜູ້ປະກອບການຕົວຈິງ ມາໄວ້ໃນບ່ອນດຽວ.

- ຍົກລະດັບ MSMEs ແລະ ສິນຄ້າ ODOP: ເພີ່ມຂີດຄວາມສາມາດໃຫ້ວິສາຫະກິດຂະໜາດນ້ອຍ ແລະ ກາງ ພ້ອມທັງສິນຄ້າທ້ອງຖິ່ນ ໃຫ້ສາມາດເຂົ້າເຖິງຕະຫຼາດທັງພາຍໃນ ແລະ ຕ່າງປະເທດໄດ້ຢ່າງກວ້າງຂວາງ.

- ສ້າງຄວາມເຊື່ອໝັ້ນ: ສົ່ງເສີມການດໍາເນີນທຸລະກິດທີ່ ຖືກຕ້ອງຕາມລະບຽບກົດໝາຍ, ປົກປ້ອງ ສິດຜົນປະໂຫຍດຂອງຜູ້ຊົມໃຊ້ ແລະ ຕ້ານປະກົດການຫຍໍ້ທໍ້ຕ່າງໆໃນວົງການຄ້າອອນລາຍ.

- ກິດຈະກໍາພາຍໃນງານ: ພາຍໃນງານຈະມີກິດຈະກຳທີ່ໜ້າສົນໃຈຫຼາກຫຼາຍ ເຊັ່ນ: ການວາງສະແດງ ແລະ ຈໍາໜ່າຍສິນຄ້າອອນລາຍຊັ້ນນໍາ, ເວທີສໍາມະນາແລກປ່ຽນບົດຮຽນຈາກຊ່ຽວຊານລະດັບແນວໜ້າ, ແລະ ກິດຈະກຳຈັບຄູທຸລະກິດ (Business Matching) ເພື່ອສ້າງເຄືອຂ່າຍການຮ່ວມມືທາງທຸລະກິດໃນ ອະນາຄົດ.

ກະຊວງ ຂໍເຊີນຊວນຜູ້ປະກອບການ, ນັກສຶກສາ ແລະ ພໍ່ແມ່ປະຊາຊົນບັນດາເຜົ່າ ເຂົ້າຮ່ວມງານດັ່ງກ່າວຢ່າງພ້ອມພຽງ ເພື່ອຮ່ວມກັນພັດທະນາ ແລະ ສ້າງຄວາມເຂັ້ມແຂງໃຫ້ແກ່ເສດຖະກິດດີຈິຕອນ ຂອງ ສປປ ລາວ ໃຫ້ເຕີບໂຕຢ່າງໝັ້ນຄົງ ແລະ ຍືນຍົງ.

24/06/2026

ເຈົ້າໜ້າທີ່ສະເພາະກິດ ລົງຕັດ ນໍ້າປະປາ-ໄຟຟ້າ ອາຄານທີ່ລະເມີດລະບຽບຜັງເມືອງ ພາຍໃນເມືອງສີໂຄດຕະບອງ.........
ເພື່ອຜັນຂະຫຍາຍຂໍ້ຕົກລົງຂອງທ່ານເຈົ້າຄອງນະຄອນຫຼວງວຽງຈັນວ່າດ້ວຍການຈັດສັນຄວາມບໍ່ເປັນລະບຽບຮຽບຮ້ອຍໃນຕົວເມືອງ ແລະ ຊານເມືອງລົງວັນທີ 20 ທັນວາ 2017 ໃນວັນທີ 24 ມິຖຸນາ 2026 ທ່ານ ຄໍາໝອນ ຈອມມະນີວົງ ຫົວໜ້າຂະແໜງ ເຄຫາຜັງເມືອງ ນໍ້າປະປາ ແລະ ສຸຂະພິບານ ພະແນກໂຍທາທິການ ແລະ ຂົນສົ່ງນະຄອນຫຼວງວຽງຈັນ ພ້ອມດ້ວຍຄະນະຈັດສັນຄວາມບໍ່ເປັນລະບຽບຮຽບຮ້ອບໃນຕົວເມືອງ ແລະ ຊານເມືອງນະຄອນຫຼວງວຽງຈັນ ໄດ້ສົມທົບ ກັບ ລັດວິສາຫະກິດນໍ້າປະປາ ແລະ ລັດວິສາຫະກິດ ໄຟຟ້າ ນະຄອນຫຼວງວຽງຈັນ, ຄະນະຈັດສັນ ແລະ ອົງການປົກຄອງ ບ້ານ ອຸມົງ ແລະ ບ້ານ ປາກທ້າງ ເມືອງ ສີໂຄດຕະບອງ ນະຄອນຫຼວງວຽງຈັນ ໄດ້ລົງແກ້ໄຂ ການປຸກສ້າງ ເທີບ-ເງີບ ກວມເຂດສະຫງວນຂອງທາງ ໂດຍໄດ້ລົງຕັດ ນໍ້າປະປາ ແລະ ຕັດໄຟຟ້າ ຕໍ່ອາຄານທີ່ລະເມີດຂອບເຂດສະຫງວນທາງໃນບ້ານດັ່ງກ່າວ,
ຈາກນັ້ນ ຄະນະ ໄດ້ລົງຕັດນໍ້າ-ຕັດກະແສໄຟຟ້າ ພາຍໃນຕືກອາຄານອາພັດເມັ້ນ ຢູ່ບ້ານ ອຸມົງ (ຖະໜົນ ເຕ 2) ເມືອງສີໂຄດຕະບອງ ທີ່ ເຈົ້າຂອງອາຄານ ບໍ່ປະຕິບັດລະບຽບ ມີການຕໍ່ເຕີມອາຄານເອົາຝາກໍາແພງເປັນຜາເຮືອນ, ເຮັດໃຫ້ ນໍ້າຫຼັງຄາຕົກລົງໃສ່ດີນເຮືອນປະຊາຊົນອ້ອມຂ້າງ, ມີການປ່ອຍນໍ້າເສຍ ໄປໃສ່ຜູ້ຢູ່ຂ້າງຄຽງ ສົ່ງຜົນກະທົບຕໍ່ສິ່ງແວດລ້ອມ ມີຄວາມສ່ຽງທີ່ເກີດການແຜ່ລະບາດຂອງພະຍາດ ບໍ່ຖືກສຫຼັກສຸຂະອະນາໄມ້, ນອກນັ້ນ ເວລາເຈົ້າໜ້າທີ່ກ່ຽວຂ້ອງສົມທົບກັບເມືອງ, ບ້ານ ລົງມາເອົາຂໍ້ມູນ ເຈົ້າຂອງອາຄານບໍ່ເຂົ້າຮ່ວມໃຫ້ການຮ່ວມມື ມີບົດກ່າວເຕື່ອນຫຼາຍຄັ້ງ ບໍ່ໃຫ້ການຮ່ວມມື ລະເມີດ, ບໍ່ປະຕິບັດລະບຽບຜັງເມືອງ, ມີການກໍ່ສ້າງອາຄານ ທີ່ບໍ່ໄດ້ຜ່ານຜັງເມືອງ, ປ່ອຍນໍ້າເປື້ອນ ໂດຍບໍ່ມີການບໍາບັດ ແລະ ອື່ນໆ
ຫຼັງຈາກນັ້ນ ກໍໄດ້ລົງຕັດກະແສໄຟຟ້າ ແລະ ນໍ້າປະປາ ຢູ່ບ້ານປາກທາງ ໃນຂອບເຂດໂຄງການກໍ່ສ້າງອາພັດເມັ້ນແຫ່ງໜຶ່ງ ໂດຍລະເມີດລະບຽບຜັງເມືອງ, ມີການປຸກສ້າງທີ່ບໍ່ໄດ້ຮັບອະນຸຍາດ, ບໍ່ມີຄວາມຮັບຜິດຊອບຕໍ່ສັງຄົມ, ສ້າງຜົນກະທົບຕໍ່ ລະບົບຄົມມະນາຄົມ, ບໍ່ມີການຈັດການຮ່ອງລະບາຍນໍ້າ ອັນສ້າງຜົນກະທົບຕໍ່ຊຸມຊົນໂດຍສະເພາະເວລາຝົນຕົກ ນໍ້າ ບໍ່ມີຮ່ອງລະບາຍ.
ໃນໄລຍະຜ່ານມາຄະນະສະເພາະກິດ ລົງກວດກາ, ກ່າວເຕື່ອນຫຼາຍຄັ້ງ ແຕ່ເຈົ້າຂອງຕຶກອາຄານ ບໍ່ທັນຕື່ນຕົວເປັນເຈົ້າການໃນການຮ່ວມມື, ບໍ່ສະແດງຕົວ ພ້ອມທັງຍັງ ມີການລະເມີດຄຳສັ່ງບໍ່ປະຕິບັດຕາມແຈ້ງການ, ເມື່ອເປັນແນວນັ້ນ ມື້ນີ້ຄະນະສະເພາະກິດ ລົງມາປະຕິບັດມາດຕະການເດັດຂາດ ຕັດນໍ້າ - ຕັດກະແສໄຟຟ້າ ທັງ 3 ຈຸດ ເພື່ອໃຫ້ເຈົ້າຂອງອາຄານທັງ 3 ແຫ່ງເຂົ້າໄປພົວພັນ ໃຫ້ການຮ່ວມມືນໍາເຈົ້າໜ້າທີ່ກ່ຽວຂ້ອງ ແກ້ໄຂຜົນກະທົບທີ່ເກີດຂຶ້ນຕໍ່ສັງຄົມ ພາຍຫຼັງທີ່ ຜູ້ລະເມີດ ສາມາດແກ້ໄຂແລ້ວ ເຈົ້າໜ້າທີ່ຈະໄດ້ລົງມາກວດກາ ແລະ ຕິດຕາມຖ້າປະຕິບັດຖືກຕ້ອງຕາມລະບຽບແລ້ວ ຈຶ່ງຈະອະນຸຍາດ ນໍາໃຊ້ ນໍ້າປະປາ ແລະ ກະແສໄຟຟ້າໄດ້.
ຂໍ້ມູນ: ຂ່າວເສດຖະກິດການຄ້າ

10/06/2026

ຄວາມຮັກຂອງແມ່

19/05/2026

19/05/2026

ບໍ່ລອດສາຍຕາເຈົ້າໜ້າທີ່ ພົບໜໍ່ແຮດ10ກີໂລ ເຊື່ອງມານໍາຮູບປັ້ນ.................
ຮູບປົ້ນຄົນຖືກທຸບຖີ້ມທັນທີ ຫຼັງເຈົ້າໜ້າທີ່ກວດພົບວ່າມີຊິ້ນສ່ວນສັດປ່າຫວງຫ້າມຢັດໃສ້ມານໍາ.
ໃນວັນທີ 15 ພຶດສະພາ 2026, ຄະນະເຈົ້າໜ້າທີ່ກ່ຽວຂ້ອງປະຈຳສະໜາມບິນສາກົນວັດໄຕ ມີ : ເຈົ້າໜ້າທີ່ພາສີ , ເຈົ້າໜ້າທີ່ຕຳຫຼວດ ຕມ ແລະ ເຈົ້າໜ້າທີື່ກັກກັນພືດ-ສັດ ໄດ້ດຳເນີນການກວດກາ ແລະ ສາມາດສະກັດກັ້ນການ ລັກລອບຂົນສົ່ງຊິ້ນສ່ວນສັດປ່າຫວງຫ້າມຂ້າມຊາດ. ການປະຕິບັດງານໃນຄັ້ງນີິ້ ແມ່ນຜົນສຳເລັດຂອງການປະສານງານ ແລະ ສົມທົບກັນຢ່າງກົມກຽວລະຫວ່າງ ເຄືອຂ່າຍບັງຄັບໃຊ້ກົດໝາຍ LAO-WEN ຮ່ວມກັນ ຄື : ກົມພາສີ, ກົມກວດກາຊັບພະຍາກອນທາມະຊາດ ແລະ ສິ່ງແວດລ້ອມ, ກົມຕຳຫຼວດສິ່ງແວດລ້ອມ, ເຈົ້າໜ້າທີ່ຕຳຫຼວດກວດຄົນເຂົ້າ-ອອກເມືອງ ແລະ ເຈົ້າໜ້າທີ່ກັກກັນສັດ.
ຜ່ານການກວດກາເຄື່ອງໂດຍສານດ້ວຍເຄື່ອງເອັກສະເລ (X-ray) ຂອງຖ້ຽວບິນ QV 924 ເວລາປະມານ 15:30 ນາທີ, ເຊິ່ງເດີນທາງອອກຈາກປະເທດອັງໂກລາ ໃນວັນທີ 12 ພຶດສະພາ 2026 ດ້ວຍຖ້ຽວບິນ EK 794 ຜ່ານປະເທດ ທີ 2 ແລະ ທີ 3 ເຂົ້າມາ ສປປ ລາວ. ເຈົ້າໜ້າທີ່ໄດ້ພົບເຫັນວັດຖຸຕ້ອງສົງໄສຊຸກເຊື່ອງຢູ່ໃນຮູບປັ້ນເຄື່ອງທີ່ລະນຶກ. ຈາກການກວດກາຕົວຈິງ ພົບເຫັນຊິິ້ນສ່ວນຄ່າຍຄືສັດປ່າຫວງຫ້າມ ຊຶື່ງປະກອບມີ: ຊິ້ນສວ່ນຄ່າຍຄືໜໍ່ແຮດ ຈຳນວນ 4 ອັນ, ນ້ຳໜັກ 10.1 ກິໂລກຣາມ (ລວມວັດສະດຸຫຸ້ມຫໍ່). ຜູ້ຖືກສົງໄສໃນຄັ້ງນີິ້ແມ່ນ ເພດຊາຍ, ສັນຊາດຫວຽດນາມ. ຕໍ່ກັບເຫດການດັ່ງກ່າວ, ທາງເຈົ້າໜ້າທີ່ບັງຄັບໃຊ້ກົດໝາຍ ພາຍໃຕ້ເຄືອຂ່າຍ LAO-WEN ຈະດຳເນີນການສືບສວນ-ສອບສວນ ຕາມຂັ້ນຕອນກົດໝາຍ ແລະ ລະບຽບການ.
ຂ່າວໂດຍ: ກົມກວດກາຊັບພະຍາກອນທຳມະຊາດ ແລະ ສິ່ງແວດລ້ອມ

22/04/2026

ດ່ວນ! ລົດເມປີ້ນຢູ່ປາກກະດິງ....
ຕອນເຊົ້າວັນທີ 22 ເມສາ 2026 ໄດ້ມີອຸປະຕິເຫດ ລົດເມປີ້ນ ຢູ່ບໍລິເວນທາງໂຄ້ງ ບ້ານນ້ຳເດື່ອ ເມືອງປາກກະດິງ ແຂວງບໍລິຄຳໄຊ, ປັດຈຸບັນຍັງຢູ່ໃນຂັ້ນຕອນ ການຊ່ວຍເຫຼືອ ແລະ ສືບສວນ-ສອບສວນ ຫາສາເຫດຂອງອຸປະຕິເຫດ, ພາຍຫຼັງໄດ້ຮັບຂໍ້ມູນ ທີ່ຖືກຕ້ອງ, ຊັດເຈນແລ້ວຈະລາຍງານຕື່ມ.
ຂໍໃຫ້ທຸກຄົນປອດໄພ.

29/03/2026

ເກີດເຫດຄົນຈົມນ້ຳ ເສຍຊີວິດ ຢູ່ບ້ານຂາມງອຍ ເມືອງໄຊເສດຖາ

ທີມດຳນໍ້ານາກນ້ອຍ ລາຍງານວ່າ: ວັນທີ 29 ມີນາ 2026 ເວລາ 12:45 ນາທີ ເກີດເຫດມີຄົນຈົມນ້ຳເສຍຊີວິດ ຢູ່ບ້ານຂາມງອຍ ເມືອງໄຊເສດຖາ ນະຄອນຫລວງວຽງຈັນ ທີມດຳນໍ້າໃຊ້ເວລາຄົ້ນຫາ 40 ນາທີ ຈຶ່ງພົບຮ່າງຜູ້ເສຍຊີວິດເພດຊາຍຊື່: ທ້າວ ຈັນເຈົ່າ ອາຍຸ 31 ປີ.

ປັດຈຸບັນ, ໄດ້ນຳຮ່າງຜູ້ເສຍຊີວິດຂຶ້ນຈາກນ້ຳ ເພື່ອມອບໃຫ້ພີ່ນ້ອງເປັນເຮັດພິທີທາງສາສະໜາ ຂໍສະແດງຄວາມເສຍໃຈກັບຄອບຄົວຜູ້ເສຍຊີວິດໃນເຫດການຄັ້ງນີ້ດ້ວຍ.

25/03/2026

ເຕືອນໄພສະພາບອາກາດ
ໃນວັນທີ 29-30/03/2026
ທ່ານຈະພົບກັບມໍລະສຸມພະຍຸໝູນເຂດຮ້ອນ " ບົວລອຍ "
ທີ່ຈະພັດຜ່ານຈາກຫວຽດນາມ ມາສູ່ ສປປ ລາວ ໃຫ້ທຸກທ່ານເຝົ້າລະວັງ ‼️