07/09/2022
සබඳ අපි කඳු නොවෙමු
උනුන් පරයා නැගෙන
සුනිල දිය දහර වෙමු
එකම ගඟකට වැටෙන…//
වියරු ගිනි දැල් නොවෙමු
වනය අවුලා තබන
සිහිල දෙන වැස්ස වෙමු
දැවෙන කැලයට වසින
සබඳ අපි කඳු නොවෙමු …
නපුරු හීනය නොවෙමු
ළමුන් නිදි සුව බිඳින
සොඳුරු අඬහැරය වෙමු
දනන් නින්දෙන් මුදන
සබඳ අපි කඳු නොවෙමු …
අපි යන්නේ විශාරද ගුණදාස කපුගේ මහත්මයා විසින් ගායනය කරන ලද දර්ශන මෙන්ඩිස් නැමති ගී පද රචකයා විසින් රචනා කරන ලද විශාරද ගුණදාස කපුගේ මහත්මයා විසින් ම තණු හා සංගීත නිර්මාණය කරන ලද සබද අපි කඳු නොවෙමු ගීතය යි.
මේ ගීතය අපි බොහෝ අවස්ථා වල ශ්රවණය කරල තියෙනවා. විශාරද ගුණදාස කපුගේ මහත්මයා ගේ ගී වලින් විශේෂයෙන් ම ජනතාව අතරට ගිය ගීතයක් හැටියට මේ ගීතය දක්වන්නට පුළුවන්. ඒ වගේම මේ ගීතය වැඩිපුරම ගියේ තරුණ පිරිස අතරට. විශේෂයෙන් විශ්ව විද්යාල වල ඉගෙන ගන්න දරුවන් අතරේ මේ ගීතය විශේෂයෙන් ජනප්රිය වුනා.
මේ ගීතය තුල මතුකරන්න උත්සහ ගන්නේ සමාජවාදී මතවාදයක් බව බැලූ බැල්මට පෙනුනත් . අපට හැඟෙන අදහස නම් පරාර්ථකාමී චර්යාව මතු කිරීමට උත්සහ දරපු ගීතයක් බවයි.මිනිසෙක් හැටියට මේ ලොකයේ උප්පත්තිය ලබන්නෙ සංසාරයේ කරපු පින් මහිමය හින්දා. පෙර සංසාරයේ පින්මහිමය නිසා උප්පත්තිය ලබන පුද්ගලයා විසින් කළයුතු ප්රධාන කාර්යය තමයි තමන්ගේ දියුණුව පිණිස යම් කිසිවක් කිරීම, පොදු සමාජයේ දියුණුව යහපත වෙනුවෙන් යම් කිසිවක් කිරීම.තමාගේ දියුණුවත් සමාජයේ දියුණුවත් එකසේ කල්පනා කිරීම. කිසි කෙනෙකුට අයිතියක් නැහැ තව පුද්ගලයෙක් පාගලා නැගිටින්න. පුද්ගලයාගේ යුතුකම තමයි අනෙක් කෙනා සමග අත්වැල් බැඳගෙන ඉදිරියට යන්න.
අපි කවුරුත් යන්නෙ එකම ගමන කොතනද එතන …..නිවන ගැඹුරින් කල්පනා කරල බැලුවහම මේ ගීතයෙන් මතු කරන අදහස් බොහොම වැදගත් . ගීතයෙන් මතු කරල දෙන්නේ අපේ සිංහල චින්තනය. අපේ සිංහල සිතුවිලි. සිංහලයා බලාපොරොත්තු වන දේ
http://www.gazilanka.co/2022/09/07/%e0%b7%83%e0%b6%b6%e0%b6%b3-%e0%b6%85%e0%b6%b4%e0%b7%92-%e0%b6%9a%e0%b6%b3%e0%b7%94-%e0%b6%b1%e0%b7%9c%e0%b7%80%e0%b7%99%e0%b6%b8%e0%b7%94/
