09/09/2026
ඉතිං ඒ මල පර වූවායින් පසු යලි කිසි දිනක මේ හිතේ ප්රේමයක් ඉපදුනේ නැත !
තනියම ඉන්න එක ප්රශ්නයක් නැද්ද ?
අපෝ නෑ ....
ඇයි ජීවිතේ බෙදාගන්න කැමති නැද්ද ?
ම්ම් ගොඩක් ....
එහෙනම් මොකද තනියම ඉස්සරහට යන්නෙ ?
ඒක ලොකු කතාවක් ...
ම්ම් කියන්න මට අහන් ඉන්න පුලුවන් !
කාලෙකට කලින් මං ආදරේ කරා .... මන්දාකිනි තරුකැට ඇස් අස්සෙ හංගලා තිබුනු ඇහි පිහාටු දිග හාදයෙක්ට 🥰
නපුරුකමක් ගෑවිලාවත් නැති අහිංසක හිතක් අස්සෙ මාව එච්චර රිද්දන්න තරම් ශක්තියක් කොයි අස්සක හංගලා තිබුනද කියන එක අදටත් මට හිතාගන්න බෑ...
ඉතින් කාලයක් අපි ආදරේ කලා ජීවිතේ සතුට දුක තනිකම අපි දෙන්නත් එක්ක ලස්සනට දරාගත්තා...
මගේ නපුරු වැඩ , මගේ එක එක කෑමවල රස , අහස ගැන , මුහුද ගැන , කාටූන් ගැන ඒවගෙ ඉන්න චරිත ගැන , මගෙ සෙල්ලම් බඩු ගැන පැය ගානක් උනත් අහන් ඉදපු එකම පිරිමි ලමයා එයා....
හොදම කාරනේ තමයි එයාගෙ වයසයි එයා ඉන්න ප්රොෆෙශන් එකයි දන්න මනුස්සෙක්ට එයා මේ වගේ කිව්වට විශ්වාස කරන එකකුත් නෑ...
ඉතින් ඊට පස්සෙ මොකද උනේ ?
මං දන්නෙ නෑ හැමදේම හොදින් සිද්ද උනා මං ගොඩක් ආදරේ හොයන කෙනෙක් ගොඩක් ඒක මං ලගින් ඉන්න හැමෝම දන්නවා ඉතින් අර මනුස්සයගෙ හදවත අස්සෙ ඒ මං හොයපු ආදරේ තිබුනා ...
ඒත් අන්තිමට අපි දෙන්නගෙ ආත්ම අස්සෙ මොන මොනවදෝ උනා... මගෙ හිත සතුටින් පුරෝලා තිබුනු ඒ ලස්සන ඇස් දෙක එක පාරටම කොහෙදෝ මන්දා අතුරුදහන් උනා....මාව අපේ මතක අස්සෙ හිර උනා ... දවස් / මාස ඔහේ ගත උනා....
ඉතින් ඇයි එහෙම උනේ ?
මං දන්නෙ නෑ අදටත් මං දන්නෙ නෑ ! හේතුවක් කියලා ගියෙ නැති නිසා යනවාවත් කියපු නැති නිසා මං ඒ ආදරේ ආයෙ එනකම් ගොඩක් කල් බලන් හිටියා !
ඊට පස්සෙ මොකද උනේ ?
මං දන්නෙ නැති උනාට එයා වෙන කෙනෙක් එක්ක අලුත් ජීවිතයක් පටන් අරං තිබුනා... එයා ගොඩක් දුර ගිහින් තිබුනා...
ඉතින් මං එහෙම්මම හිටියා ! ❤️🩹
✍️ Rishmi Yatikindha
