04/11/2024
සදහටම අපෙන් සමුගත් දකුණේ මානව හිතවාදී කෘතහස්ත දේශපාලඥයා
යූ.ජී.පියදාස(75).
නාකියාදෙණිය ඉතිහාසයේ විශ්වවිද්යාල අධ්යාපනය ලැබීමට සුදුසුකම් ලැබූ පළමු කිහිප දෙනා අතර යූ.ජී. පියදාස මහත්තයත් ඉන්න ඇති.
පේරාදෙණිය විශ්වවිද්යාලයෙන් ශ්රාස්ත්රවේදී ගෞරව උපාධියක් ගත්ත පියදාස මහත්තය තරුණ වියේදී ම රාජ්ය සේවයට ගියා.
පියදාස මහත්තයට ඔහුගේ සමකාලීනයෝ කවුරුත් කතා කළේ යූ.ජී. කියල.
යූ.ජී ගේ ලමා කාලය එච්චරම සුන්දර එකක් නෙවෙයි කියලා අපි එක්ක ඒකාලෙ කිව්වා. ඒත් ඒ දුෂ්කරතා මැද උසස් අධ්යාපනය ජයගන්න ඔහු තුල
දක්ෂකමක් තිබුණා.
රාජ්ය සේවයේ දී යූ.ජී, කොළඹ සමූපකාර සංවර්ධන දෙපාර්තමේන්තුව ඇතුළු ආයතන වල ලිපිකරුවකු ලෙස සේවය කළා.
පියදාස මහත්තයාගේ ළමා කාලයේ ඉඳල ඔහු ලැබූ සමාජ ආර්ථික පීඩනයත්, චරිත ස්වභාවයත් නිසා ඔහු විශ්වවිද්යාලයේ දිම ශ්රී ලංකාවේ සම සමාජ පක්ෂයට සම්බන්ධ වෙන්න හේතු වෙන්න ඇති.
80 ජුලි වර්ජනය ට සහභාගි වීම නිසා JR ජයවර්ධන ආණ්ඩුව එක රැයකින් පියදාස මහත්තයා රස්සාවෙන් ගෙදර යැව්වා.
ඒ සිදුවීම පියදාස මහත්තයා තවත් ක්රියාකාරී දේශපාලනයට තල්ලු කළා. බද්දෙගම ආසනයේ දේශපාලන නායකයින් වූ
නීල් ද අල්විස්, අමරසිරි දොඩන්ගොඩ නායකත්වයෙන් ගාල්ලේ පක්ෂ දේශපාලනයට පූර්ණ කාලීනව එක්වුනා.
ගාල්ලේ වාමාංශික දේශපාලනයේ ඉතා අසීරු යුගයන්හි යක්කලමුල්ලේ ප්රාදේශීය සභාව වරක් නොව කීප වරක් ජයග්රහණය කරන්නට ඔහුට අපූරු දේශපාලන සංවිධාන ශක්තියක් තිබුණා.
1994 චන්ද්රිකා බණ්ඩාරනායක ආණ්ඩුවේ සිට පසුගිය 2024 ජනාධිපතිවරණය දක්වාම පියදාස මහත්තයා ක්රියාකාරී දේශපාලනයේ හිටියා.
එක්සත් ජාතික පක්ෂයේ දේශපාලන ගෙරවිලි වලට තර්ජන වලට අප්රකට ඝාතන කුමන්ත්රණවලට හොඳින් මුහුණ දෙන්න ඔහුට හැකියාවක් තිබුණා.
1994 මැතිවරණ ජයග්රහණ සමඟ අමාත්ය අමරසිරි දොඩන්ගොඩ සමග අමාත්යංශ කීපයක ලේකම්වරයා උනා.
රාජ්ය පරිපාලන හා අධිකරණ අමාත්යංශ වලදී ඔහු අමාත්ය පුද්ගලික ලේකම් ධූරයන්හි කටයුතු කළා. ඒ කාලෙ ඔහු අමාත්ය කාර්ය මණ්ඩලවල අමාත්යාංශ පරිපාලනයේ දක්ෂයෙක්.
ඒනිසා ලංකාවේ සිවිල් සේවයේ බොහෝ නිලධාරීන් ඔහුට ප්රිය කලා.
යූ.ජී. හැමදාම පුද්ගලික යාළුකම් පසෙක තියලා AR එක FR එක හරියටම ක්රියාත්මක කලා.
අභිමානී වැනි දැවැන්ත වෘත්තිය අධ්යාපන ප්රදර්ශන ලංකාව පුරා සංවිධානය කලා.
පස්සේ පියදාස මහත්තයා දකුණු පළාත් සංචාරක කාර්යාංශයේ සභාපති පදවියට පත් කලා.
දෙනියාය ප්රධාන සංචාරක කලාපයක් ලෙස ලෝකයට හඳුන්වා දුන්නෙ පියදාස මහත්තයා සභාපතිත්වයෙන්
Hikkaduwa Beach Festival
Galle Fort cultural festival
සහ ගාලු පැරණි වරායේ කිමිදුම් සංචාරක වැඩසටහන වගේ ව්යාපෘති ක්රියාත්මක කරන්න නිර්මාණශීලී ගුණ ඔහු තුළ තිබුණා.
ඔහු නැවත ප්රාදේශීය සභාවේ සභාපති බවට පත්වුණා.
යක්කලමුල්ල ප්රාදේශීය සභාවේ කුණු ප්රතිචක්රීය කරන භූමිය වෙළෙන්දාව, කාබනික ගොවිපළක් බවට පත්කළා.
එහි හොරකම සහ නාස්තිය අවම කරලා සභාවේ ප්රධාන ආදායම් මාර්ගයක් බවට පත් කළා.
යූ.ජී යක්කලමුල්ල ප්රාදේශීය සභා අංග සම්පූර්ණ පුස්තකාලයක් කලා.
කරාගොඩ උඩුවැල්ල ඇල්ල ඉහළ ,තෙල්ලඹුර -වඳුරඹ වැනි යක්කල මුල්ලේ ග්රාමීය
දැවැන්ත මාර්ග විදුලි ව්යාපෘති රැසක් ඔහු ක්රියාත්මක කළා.
මේ ප්රදේශවල බොහෝ තරුණ තරුණියන් රැකියාවලට යොමු කළා.
පස්සේ දේශපාලනයේදී හබරාදුව කුලතුංගල ඕටීල අපි එක්ක දේශපාලන නෑකමක් පියදාස මහත්තයලගේ අපේ ඇතිවුණා.
රත්නශ්රී සර්,සෝමසිරි ගමගේ
අනිල් හා සිසිර
පියදාස මහත්තයලා අපි එකට කාලයක් ජීවත් වුණා.
ඒ අපේ ජීවිතේ සුන්දරම කාලයක්.
අපි ඔවුන් ඇසුරේ ජීවිතය ඉගෙන ගත්තා.
අපි බොහෝ පිරිසකට කන්න බොන්න ඉඳුම් හිටුම් දීලා ඔවුන්ගේ බංගලාවලම නවත්ත ගත්තා.
මොකද ඔහු දන්නවා අපිට ලැබුණු පඩියෙන් කොළඹ ඉන්න බෑ කියල.
පියදාස මහත්තයා ඔහුගේ අතින් අපි ඔක්කොටම උයලා කන්න දුන්නා.
පියදාස මහත්තයාගේ ගෙදරට ආපු හැමෝටමත් ලංකාවේ කොහේ හරි හිටියොත් ඉන්න තැන පිරිසටත් කෑම දෙන්න ඔහු මැලි වුණේ නෑ.
ඒත් මියෙන විටත්
බැංකු ණය අරන් හදපු නිවසත්, ජනතා ආදරෙත් හැර ඔහුට වෙන පෝසත් කමක් නෑ.
ඔහු සතුව ලොකු පුස්තකාලයක් ගෙදර තිබුණා.
ලෝක ඉතිහාසය, දර්ශනය ජාත්යන්තර දේශපාලන ආදී විෂයයන් ඔහු හොඳට කියවලා තිබුණා.
ශ්රාස්ත්රීය දේශපාලන සංවාද
පියදාස මහත්තයාගේ ගෙදර ඉස්තෝප්පුවෙ හරි සුළබයි.
ඒ හමුවීම් අදින් පස්සෙ නෑ.
නමුත් ඒ කාලේ ගාල්ලේ දේශපාලන නායකත්වය පියදාස මහත්තයට ගාල්ලේ පළාත් සභාවටවත් එන්න ඉඩ තිබ්බේ නෑ.
ඒත් බොහෝ අය ඔහුගෙන් වැඩ ගන්නවා කියලා ඔහු නොදැන නොවෙයි හිටියෙ.
වයස 74 ක් ජීවත්ව ඔහු අද මිය යන්නේ දේශපාලනයෙන් හම්බ කරනොගත් වීරයෙක් විදියට.
මානව හිතුවාදියෙක් විදියට.
අපි අන්තිමට හම්බුනේ පහුගිය සැප්තැම්බර් 11.
ඒත් ඔහු කතා කළේ හෙට මේ රටට වඩා යහපත් අනාගතයක් සඳහා අපි කළ යුතු දේශපාලනය මොකක්ද කියන එක.
පියදාස මහත්තයා ඔබ අවසන් කලේ බද්දේගම ප්රගතිශීලී දේශපාලනයේ එක යුගයක්.
මේ අද ගැලව යන්නේ බද්දෙගම ප්රගතිශීලී දේශපාලනයේ අවසන් පුරුක.
මම ඇතුළු අප බොහෝ පිරිසකට පියෙක්, සහෝදරයෙක් වූ
සුබට ගමන් පියදාස මහත්තයා.
ඒත් ඔබ අපේ හදවත් තුළ
අප මියෙන තුරුම ජීවත් වේවි.
යූ.ජී. පියදාසයන්ගේ වියෝවින් කම්පිත සමීප මිත්ර
රත්නශ්රී විජේසිංහයන් ගේ
උපහාර සටහනින් නිම කරමි.
රැය ගෙවී ගිය
විගස
අපෙන් සමුගත් මිතුර
වියෝගය පමණක් ද
අපට හිමි දිව මතුර
රත්නශ්රී විජේසිංහ.
