27/06/2025
මහා රාජතරංගනී තෛලයට අමතරව මහා රාජතරංගනී යන්ත්ර පන්තියක් ද වේ. එහි ඒ ඒ කරුණට නියමිත පරිදි යන්ත්ර 7ක් තිබේ. එහි ඇති බලය ද අපරිමිතය.
මහා රාජතරංගනී තෙල සිඳ ගන්න ආකාරය දැන් සලකා බලමු. ක්රමානුකූලව සකස් කර ගන්නා මෙම තෙලට නියමිත ආකාරයට ගුප්ත බලය හා මන්ත්ර බලය කැවිමෙන් අනතුරුව විශේෂයෙන්ම පහත සඳහන් ගුණ දෙනබව ප්රකාශිතය. මෙම තෙල නමට මනා නැකතකින් ජීවන් කර සිද්ධිකර පැළඳ ගැනීමෙන් රාජ වශීයට යහපත් වෙයි. ශ්රියාවයට දියුණුවට වෙළඳ ව්යාපාර දියුණුවට රැකියා දියුණුවට තම බසට අන් අය අවනතවීමට රජගෙදර පවා ගරු බුහුමන් ලැබීම, නඩුහබ, සතුරු උවදුරු නපුරු වන මෘගයන්ගෙන් වන උවදුරු දුරුවීම, අණවින හදි හූනියන් නොවැදිම යක්ෂ ප්රේත බය දුරුවීම, තමා ඉස්මතුවී පෙනීම, දෙවියන් සතුටුවීම සහ තම සියලු බලාපොරොත්තු සඵලවී කීර්තිමත් සෞභාග්ය්ය සම්පන්න ජීවිතයකට තමා පත්වන බව සඳහන් වේ.
පැරණි පොත පතේ මේ තෙල ගැන දක්වා ඇත්තේ මෙසේය.
මෙම තෙලින් මංචාඩියක් පානය කිරීමෙන් සියලු ලෙඩ රෝග පිළිකා කාය රෝග දුරුවෙයි. සර්ප විෂ, කෙටුම්, කපාල, වාත, ඉරුවාරද, කුෂ්ට රෝග, උදර, ඉදිරෙට්ටු සියල් දුරුවෙයි. දරුවන් නොමැති අය මෙම තෙල මංචාඩියක් ගෙන එළකිරි නැළියකට මිශ්ර කර උදය පානය කරවනු මංචාඩියක් ගෙන නිදන් ඇති තැන්වල පැඟිරි දරින් ගිනි මොළවා එළකිරි නැලියකට තෙල කලවම් කර ගිනි දැමු ගල මත දමනු. තුන් වටයක් යට තිබුණු නිදන් පෙනෙයි. බහිරවයෝ දුරුවෙති. තම ඉඩමට සතුරන් පැමිණිවිට තෙල් බිඳක් දමා පනහක් දල්වනු සතුරෝ වැඳගෙන සිටිති. පහන නිවූ පසු සතුරෝ ඉවත යති. කැපුම් කෙටුම් වෙඩි සැර නොවැදි දමනය වෙයි. තෙල් ගිරයක ගා පුවක් කපනු. මුවහත බිඳෙයි. මෙයින් තිලක දී රජගෙදර නඩුවලට ගොස් බොරු කීවත් කරදර නොවෙයි. සූදුවෙන් පවා ජය ලැබෙයි. මේ ආදි තවත් දහසක් දේට ගුණදෙන මෙම මහා තෛල රාජයා මහා රාජතරංගනි තෛල රාජයායි. පොත්පත්වල දක්වා ඇත්තේ එසේය.
තත්ත්වය මෙසේ වුවත් සමාජයේ සිටින කූට පුද්ගලයන් මෙම තෛලයේ නාමයෙන් මොනවාදෝ කුඩා කුප්පිවල දමා ගෙන විකුණමින් මහජනයා රවටා විශාල ලෙස මුදල් ගරා ගැනීමේ ව්යාපාරයක යෙදි සිටින බව පෙනේ. නගර මධ්යයේ ජනයා රැස්වන තැන්වල පේමන්ට්වල යන එන ජනයා තමන්ගේ මුකරිකම ප්රයෝජනයට ගනිමින් තමන් වෙත අද්දවාගෙන දෙවියන් බුදුන්ට පවා නිගා දෙමින් මහජනයා රවටනු මම දිටිමි.
මෙවැනි රැවටීම් නිසා අපට උරුම හිමිකම් ඇති පුරාණ වෙද පඬිවරුන් සෘෂිවරුන්ගෙන් දායාද ලෙස ලැබූ ඉතා බලවත් ශාස්ත්රවල තෙල් බෙහෙත්වල බලය නොදැන එම පැරණි දේවලට ගැරහීමත් ඒවා සත්යයෙන් තොර දේවල් ලෙස බැහැර කිරීමත් නිසා අපට හිමි රන් මිණි මුතු හා සමාන වටිනාකම මිනිය නොහැකි දේවල් විශාල ලෙස අභාවයට යමින් තිබේ. එසේම යම් යම් ශාස්ත්ර ලෝභීන් තමන් දන්නාදේ පවා සඟවා තබා ජනතාව අතරට පත් නොකිරීම නිසාද මෙම ගුප්ත ක්රම සමාජයෙන් අෑත් වීමෙන් කෛරාටික පුද්ගලයන්ගේ මඩි තරකර ගැනීමේ වංචාවලට තවදුරටත් මගපෑදී ඇත.
ජනතාව සුරාකන පුද්ගලයන්ගේ ග්රහණයෙන් ඈත්වීම උදෙසා පාඨකයින්ට මේ ගැන දැනුමක් ලබාදෙනු පිණිසත් ශාස්ත්රයේ උන්නතිය පිණිසත් මෙම අවස්ථාවේ මම මෙම පුවත්පත මගින් මේ තෛල රාජයා සකස් කර ගන්නා ආකාරය හෙළි කිරීමට ඉටාගතිමි. මෙතැන් සිට දක්වන මුලික කරුණු කුමන තෙල් බෙහෙත් වර්ගයක් සිඳ ගැනීමේ දී වුවද පිළිපැදිය යුතු කරුණු බවද අවධාරණය කරගත යුතුවෙයි.
පුරාණ සෘෂි මතය අනුව රාජතරංගනී හෝ වෙනත් බෙහෙත් තෛලයක් සකස් කර ගන්නා විටකදී එයට අවශ්ය වර්ග ගැනීමේ පටන් කළයුතු ක්රියා පිළිවෙත් රාශියක් දක්වා ඇත. බෙහෙත් වර්ග ගැනීමේදී මුල් ගන්නා බෙහෙත් වර්ග සිසිර, ගිම්හාන, කාලයේත් අරටු සහිත කොටස් ගන්නා බෙහෙත්, හේමන්ත කාලයේදීත් අල කිරි පොතු ආදිය ගන්නා බෙහෙත් වර්ග සරත් සෘතුවේදීත් ගතයුතු අතර යම් යම් ඖෂධයක් ගන්නේ කුමන කොටසක්ද යන්න සඳහන් කර නොමැති අවස්ථාවක එම ඖෂධයේ මුල් ගැනීමත් කළ යුතුවෙයි. එමෙන්ම මල්පල ආදිය ගන්නා ඖෂධ සඳහා ඒ ඒ කාලවලදී ඒවා ලබාගත යුතුවෙයි. මුල් ගන්නා ඖෂධ වර්ගයන්හි මුල් ගැනීම රාත්රී කාලයේදී ගතයුතු අතර පුරපස අලුයම කාලය මෙයට ඉතාම යෝග්ය කාලයයි. පොතු, අල, කිරි, ආදියද ගැනීම අලුයම් කාලයේ කළ යුතු වෙයි. එසේම දළු කොළ ආදියද පුරපස උදය වරුෙව් නෙළා ගැනීම යෝග්ය වෙයි. මොනම බෙහෙත් ඖෂධයක් වුවත් අවපස ගැනීම නොකළ යුතුයි.
ඔෟෂධ වර්ග ගැනීමේ දී එම ඖෂධ සොහොන් පලවල මහාමාර්ගයක් අසල තුන්මං සරමං හන්දිවල දේවාල පන්සල් භූමි තුඹස්පිට පාළු ගෙවල ගිරිශිඛර මුදුන ඇති ඖෂධ වර්ග නොගත යුතුය. එසේම ගසක් මැරී අභාවයට යමින් තිබියදී හෝ මැරුණු හෝ හෙණ ගැසු ගසේ කොටස් නොගත යුතු අතර පැළය ඉතාම ළපටි කාලයේදීත් ඖෂධ ලෙස නොගත යුතුය.
මුල් ගන්නා බෙහෙත් වර්ග ගැනීමේදී සඳු භූමියේ සිටින දිනක ශුභ හෝරාවක බෙහෙත් මුල් ගැනීමත් කොළ, පොතු, කිරි ආදිය ගන්නා ඖෂධ සඳු භූමියේ නොසිටි අවස්ථාවක් තෝරා ගැනීමක් කළ යුතු යුතුය. ශුභ හෝරාවක බෙහෙත් වර්ග ගැනීම කළ යුතු අතර ඉතාම පිරිසිදුව බෙහෙත් වර්ග සොයා ගැනීම කෙරෙහිත් උනන්දු විය යුතුය.
මොනම තෙලක් හෝ සිඳීමෙන් ඖෂධයන්හි ප්රමාණයක් දක්වා නොමැතිවිටෙක යුෂ ගත නොහැකි ද්රව්යෙව් නම් එම ද්රව්ය ප්රමාණය මෙන් සතර ගුණයක් ජලය ෙයාදා සතරින් එකට සිඳ ගත යුතුය. යොදන තෙල් වර්ගවල ප්රමාණයක් කියා නොමැති විටෙක සිඳගත් කසාය ජලයෙන් සතරෙන් එකක් තෙල් සිඳගත යුතුය. තෙලින් සතරෙන් එකක් කල්ක යෙදීමද කළ යුතුය. මෙම අයුරින් සැදිය යුතු තෙලට කිරි දැමීම අවශ්ය නම් තෙල් ප්රමාණයටම කිරිද දැමිය යුතුය. යම්කිසි තෙලකට ජලය හෝ කසාය හෝ යුෂ හෝ නොයොදා කිරි දැමීමට ඇත්නම් තෙල මෙන් සිව් ගුණයක් කිරි යෙදිය යුතුය.
බෙහෙත් වර්ගයන්ද 04ක් පමණක් තෙලට දැමීමට ඇත්නම් එයද තෙල මෙන් සිව් ගුණයක් යෙදිය යුතුය. 5 වර්ගයක් වේ නම් සියල්ල තෙල මෙන් සිව් ගුණයක්ද ගතයුතුය. වර්ග 5ට වඩා වැඩි නම් සියල්ලම තෙල් ප්රමාණයට ගැනීම වරදක් නොවේ. යුෂ වර්ග ගැනීමේදී සියල්ල ජලය සතර ගුණයක් යොදා සිඳ ප්රමාණ සකසා ගත යුතුයි.
තෙලට කල්ක යෙදීමේදී තෙලින් සතරෙන් එකක් වන සේ කල්ක යෙදිය යුතුය. තෙල් කකාරන විටදී පෙන නොනගිද රස සුවඳ හමාද එක් ලතාවකට තෙල පැසවේද කල්කය ඇඟිලි තුඩුවලින් ඇඹරූ කල වැටියක් සෑදේද ගින්නට දැමු කල ශබ්ද ඇති වේද එකල තෙල බෑමට යෝග්ය වේලාවයි. තෙලට ගිනි දැමීමේදී සැලකිය යුතුවෙයි. නෙලුම් පොහොට්ටුවක ආකාර ගිනි දැමීම කළ යුතුය.
නැකත් යෝග අනුව තෙල සිඳගන්නා විට තෙල ළිප තැබීමේ සිට ගිනි දැමීම, කල්ක යෙදීම ආදී සැම දෙයටම හා තෙල බෑමටද් නැකත් යෝග අනුගමනය කිරීම වඩාත් යෝග්ය වෙයි. මහා රාජතරංගනී තෛලය සිඳිමේදී ඒ සඳහා බෙහෙත් වර්ග සොයා සම්පූර්ණ කර ගැනීම ඉතාම බාරදුර කාර්යයෙකි. කිසිම බෙහෙත් වර්ගයක් මාස 09කට වඩා පරණ නම් එම බෙහෙත යෙදීම යෝග්ය නොවේ.
