13/08/2026
Anura Kumara Dissanayake ජනාධිපතිතුමනි,ඉතා ඉක්මනින් ඔබගේ අවධානය යොමුකර පරිසර සහ සංචාරක අමාත්‍යංශ දැනුවත් කරන්න....
🚨 ඇල්ලේ සුන්දරත්වයට මුවා වූ අසුන්දර සත්‍යය: සංචාරක ව්‍යාපාරයේ හදවතට එල්ල වන මාරාන්තික ප්‍රහාරය සහ ඊට තිරසාර විසඳුමක්! 🚨
පසුගිය දිනක මම ඇල්ල නගරයේ සංචාරයක නිරත වුණා. ලෝකයේ නානාප්‍රකාර රටවලින් පැමිණි සංචාරකයන් දහස් ගණනින් පිරී ඉතිරී යන, ලංකාවට ඩොලර් ගෙනෙන ප්‍රධානම සංචාරක මධ්‍යස්ථානයක් වෙන ඇල්ල නගරයේදී මට මුහුණ දෙන්න සිදුවුණේ ඉතාමත් කණගාටුදායක අත්දැකීමකට.
රෑ බෝවෙද්දී මුළු ඇල්ල නගරය පුරාම හමන්නේ දරාගත නොහැකි කුණු දුර්ගන්ධයක්! 🤢
විමසා බලද්දී දැනගන්න ලැබුණේ නගර මධ්‍යයේ සිට මීටර් 300-500 වැනි ඉතා කෙටි දුරකින් නගර සභාවේ එකතු වන කුණු එළිමහනේ ඩම්ප් කරන බවයි.
කාලගුණය සහ සොබාදහම කොතරම් ලස්සන වුවත්, "ඇල්ල ලස්සනයි, ඒත් නගරයේ රෑට ඉන්න බෑ ගඳයි" කියලා එක විදේශිකයෙක් හෝ Social Media වල සටහනක් තැබුවහොත්, අපේ රටේ සංචාරක ව්‍යාපාරයට වෙන හානිය වචනයෙන් තක්සේරු කරන්න පුළුවන්ද?
අපට අවශ්‍ය කරන්නේ මේ කුණු ටික ඇල්ලෙන් අරන් ගිහින් වෙනත් ගමකට හෝ පරිසර පද්ධතියකට දමා ඒ ජනතාව අසරණ කිරීම නොවේ! කුණු ප්‍රශ්නයට විසඳුම තවත් තැනක කුණු කන්දක් නිර්මාණය කිරීම නෙවෙයි.
---
💡 අපගේ යෝජනාව සහ තිරසාර විසඳුම..
ලංකාවේ දැනටමත් සාර්ථකව ක්‍රියාත්මක වන Waste-to-Energy (අපද්‍රව්‍ය දහනයෙන් විදුලිය නිපදවන බලාගාර)තාක්ෂණය මධ්‍යම කඳුකරයටත් ක්ෂණිකව ආදේශ කළ යුතුයි!
1. ඒකාබද්ධ අපද්‍රව්‍ය කළමනාකරණය:
ඇල්ල, බණ්ඩාරවෙල, බදුල්ල, දියතලාව ඇතුළු සමස්ත ප්‍රදේශයේම එකතු වන කුණු ජල පෝෂක ප්‍රදේශවලට හෝ පරිසරයට මුදා නොහැර එක් විද්‍යාත්මක මධ්‍යස්ථානයකට රැස් කිරීම.
2. විදුලි බල උත්පාදනය:
කෙරවලපිටිය වැනි බලාගාර ආකෘතියකට අනුව, මෙම අපද්‍රව්‍ය අධි උෂ්ණත්වයන් යටතේ දහනය කර, ලැබෙන තාපයෙන් ජලය වාෂ්ප කර ටර්බයින් මගින් ජාතික පද්ධතියට විදුලිය එකතු කිරීම.
3. පරිසර ආරක්ෂණය:
පරිසරයට දුර්ගන්ධයක්, ප්ලාස්ටික් හෝ රසායනික එකතු වීම සම්පූර්ණයෙන්ම නතර කිරීම.
මේ සඳහා අවශ්‍ය තාක්ෂණික දැනුම, සැලසුම්කරණය සහ ශක්තිය අප සතුව ඇත. අවශ්‍ය වන්නේ වගකිවයුතු රාජ්‍ය නිලධාරීන්ගේ සහ දේශපාලන අධිකාරියේ නිවැරදි දැක්ම සහ ඉක්මන් ක්‍රියාමාර්ග පමණි.
සංචාරක ව්‍යාපාරයෙන් ඩොලර් සෙවීමට පෙර, ඩොලර් ගෙනෙන පාරාදීස කුණු ගඳෙන් මුදාගනිමු! 🇱🇰♻️
වගකිවයුතු බලධාරීන්ගේ අවධානය පිණිස Share කරන්න!
copied from Nuwan Chamara Kudagala
