https://www.facebook.com/121928357668057/

Japan Yamu ජපන් යමු, Colombo (2026)

25/09/2026

ප්‍රථම වරට ජපානය සහ රුමේනියාව යන රටවල රැකියා සඳහා පිටත්ව යාමට බලාපොරොත්තු වන සියලුම ශ්‍රමිකයන් සඳහා 'පෙර විගමණික' පුහුණු පාඨමාලාව හැදෑරීම අනිවාර්ය කර ඇත.

කාර්යාංශයේ ලියාපදිංචිය ලබා ගැනීමට පෙර මෙම පුහුණුව සම්පූර්ණ කිරීම අනිවාර්ය වන අතර, අදාල රටවල සියලුම රැකියා කාණ්ඩ සඳහා මෙය බලපැවැත්වේ.

පාඨමාලා කාලසීමාවන් -

ජපන් රැකියා අපේක්ෂිතයන්ට - දින 02ක පුහුණුවක්
🔹 රුමේනියා රැකියා අපේක්ෂිතයන්ට - දින 03ක පුහුණුවක්

පුහුණුව පැවැත්වෙන ස්ථාන -

• පන්නිපිටිය පුහුණු මධ්‍යස්ථානය
• සබරගමුව පළාත් විගමනික සම්පත් මධ්‍යස්ථානය (පුහුණු මධ්‍යස්ථානය)

පාඨමාලාවෙන් ආවරණය වන කරුණු

අදාල රටවල සංස්කෘතිය, නීතිරීති, ආගම, මුදල් පරිහරණය සහ රැකියා ස්ථානයේ හැසිරීම ඇතුළු අත්‍යවශ්‍ය දැනුම ලබාදීම මෙහිදී සිදුකෙරේ. (මේ සඳහා නියමිත පුහුණු ගාස්තුවක් අය කෙරේ)

ලියාපදිංචිය සහ වැඩිදුර තොරතුරු

විදේශ සේවා නියුක්ති කාර්යාංශයේ සියලුම ශාඛා කාර්යාලවලින් ලියාපදිංචි විය හැක.

දුරකථන අංක - 011 2366457 / 1989
වෙබ් අඩවිය - www.slbfe.lk

ජපන් හෝ රුමේනියා යන්න බලන් ඉන්න ඔයාගේ යාලුවන්ටත් දැනගන්න Share කරන්න

🇯🇵🇱🇰

24/09/2026

මුල් අනාවැකි පරදා වේගයෙන් බලවත් වන 26 වන ටයිෆූන් කුණාටුව (Surigae), දැනට පිලිපීනයට නැගෙනහිරින් පිහිටි උණුසුම් මුහුදු ජලය හරහා වයඹ දෙසට ගමන් කරමින් පවතී.

සැප්තැම්බර් 27 (ඉරිදා) කුණාටුව "ඉතා බලවත්" (Strong) තත්ත්වයට පත්වනු ඇතැයි අපේක්ෂා කෙරේ..

ඔකිනාවා (Okinawa) කලාපයට බලපෑම් - මධ්‍යම පීඩනය 975 ක් සහ ක්ෂණික සුළං වේගය තත්පරයට මීටර් 50 දක්වා වැඩිවෙමින් දැඩි කාලගුණ තත්ත්වයක් ඇති කරනු ඇත.

ලබන සතියේ ගමන් මග ලෙස (ඔක්තෝබර් 1 - 02) :-

දකුණු කියුෂූ (Kyushu) ආසන්නයෙන් පසුව නැගෙනහිරට හැරී, හොන්ෂූ හි කින්කි (Kinki), ටෝකායි (Tokai) සහ කන්ටෝ (Kanto) යන ප්‍රදේශ දෙසට සෘජුවම ගමන් කිරීමට ඉඩ ඇත.

ලබන සතියේ මුහුණ දීමට සිදුවිය හැකි දැවැන්ත විනාශකාරී තත්ත්වයෙන් ආරක්ෂා වීමට, මෙයට පෙර එළඹෙන සති අන්තයේදීම එළිමහනේ ඇති දේපළ සුරක්ෂිත කිරීම ඇතුළු පූර්ව සූදානම්වීම් සම්පූර්ණ කරන ලෙස ජපාන කාලගුණ විද්‍යා නියෝජිතායතනය (JMA) ජනතාවට දැඩි ලෙස උපදෙස් දෙයි..!

ජපානයේ වෙසෙන ඔබගේ මිතුරන් සහ නෑදෑයින් දැනුවත් කිරීමට මෙම පෝස්ට් එක Share කරන්න..

ස්භාවික විපත් වලින් කිසිදු ජීවිත හෝ දේපල හානියක් නොවේවා ! ජපානයේ සිටින අපේ කොල්ලො කොල්ලෝ සියලුදෙනා ආරක්ෂා වේවා ! 🇱🇰❤🇯🇵

මූලාශ්‍ර (Sources) -

ජපාන කාලගුණ විද්‍යා නියෝජිතායතනය (Japan Meteorological Agency - JMA)
ඒකාබද්ධ ටයිෆූන් අනතුරු ඇඟවීමේ මධ්‍යස්ථානය (Joint Typhoon Warning Center - JTWC)

22/09/2026

වරදකරුවන් වූ විත්තිකරුවන් 15 දෙනාට එක් අයෙකුට වසර 220 බැගින් වූ බරපතල වැඩ සහිත සිර දඬුවම් නියම වී තිබෙනවා.

සියලුම විත්තිකරුවන්ගේ දේපළ රාජසන්තක කිරීමට අධිකරණය නියෝග කළ අතර
විත්තිකරුවන්ගේ ඇඟිලි සලකුණු ලබා ගැනීමටද නියෝග කෙරිණි.

මෙම නියෝගය නවරත්න මාරසිංහ (සභාපති විනිසුරු), සුජීව නිශ්ශංක සහ රාමනාදන් කන්නන් යන මහත්වරුන්ගෙන් සමන්විත විශේෂ ත්‍රිපුද්ගල මහාධිකරණ විනිසුරු මඬුල්ල විසින් නිකුත් කරන ලදී.

(2021 දී සිදු වූ අවාසනාවන්ත සිදුවීමෙන්, ජීවිත හැර ගිය අපේම සහෝදර සහෝදරියන්ට, දෙමාපියන්ට, දුවා දරුවන්ට යලි කිසිදු භවයක මෙවන් අකල් මරණයක් අත් නොවේවා යන්න ජපානයේ සිටින අපගේ මෙන්ම මුළුමහත් ලංකාවාසීන්ගේ ප්‍රාර්ථනාවයි ! 🇯🇵🇱🇰😑

22/09/2026

සුභ උපන්දිනයක් වේවා ෂින්සෝ අබේ මැතිතුමනි

ජපානය සහ ලාංකික අපි කිසිදා අමතක නොකරන නාමය ඔබයි..🇯🇵🇱🇰🌸

ලාංකික අපට ආදරණීය ලෙස සැලකූ ජපන් නායකයා ඔබ පමණයි.😑❤

ඔබ තබා ගිය මතකයන් සෑම ජපන් ජාතිකයෙකුගේම මෙන්ම ලෝකවාසී හදවත් තුළ සදාකාලිකව රැඳී තියෙනවා. 🇯🇵

ඔබේ ජීවන ගමන නිමාවුවද, ඔබ ජපානය වෙනුවෙන් සහ ලෝක සාමය වෙනුවෙන් කළ මෙහෙවර, ඔබේ නාමය සහ මතකයන් කිසිදිනක මකාලිය නොහැකියි.

ඔබව අපට කිසිදා අමතක වන්නේ නැත 🇱🇰❤️🙏

ඔබට සුබ උපන්දිනයක් වේවා !
Happy Birthday Abe sir 🎂

🇱🇰🇯🇵

21/09/2026

Dujuan (25 වන චණ්ඩ මාරුතය) හේතුවෙන් කන්තෝ (Kanto), කනගාවා (Kanagawa) සහ චිබා (Chiba) ඇතුළු නැගෙනහිර ජපාන ප්‍රදේශවලට දැඩි බලපෑම් එල්ල වී තිබෙනවා.

චිබා සහ කනගාවා ප්‍රදේශවල නායයෑම් සහ නිවාස හානි වාර්තා වී ඇත.

දැනට ගුවන් වාර 270කට අධික සංඛ්‍යාවක් සහ ප්‍රවාහන සේවාවලට බාධා සිදුවී ඇත.

ජපාන කාලගුණ විද්‍යා ඒජන්සිය (JMA) විසින් අධික නායයෑම්, ගංවතුර සහ සැර සුළං පිළිබඳව Level 4 සහ Level 5 අනතුරු ඇඟවීම් නිකුත් කර ඇත.

චිබා සහ කනගාවා ප්‍රදේශවල සිදුවූ නායයෑම් හේතුවෙන් පුද්ගල මරණයක් වාර්තා වී ඇති අතර නිවාස කිහිපයකට හානි සිදුවී ඇත.

කරුණාකර ප්‍රදේශයේ පාලන අධිකාරීන් ලබාදෙන උපදෙස් පිළිපදිමින්, ජපානයේ සිටින ශ්‍රී ලාංකික ඔබ අවධානයෙන් සහ ආරක්ෂිතව සිටින්න. 🇱🇰🙏❤️

21/09/2026

ජපානයට බලපා ඇති ප්‍රබල "ටයිෆූන්" සුළි කුණාටුව හේතුවෙන් ඉදිරි දින කිහිපයේ දී එරට ප්‍රදේශ කිහිපයකට මිලිමීටර් 300කට අධික වාර්තාගත වර්ෂාපතනයක් ඇතිවිය හැකි බවට කාලගුණ බලධාරීන් අනතුරු අඟවා තිබෙනවා...!

විශේෂයෙන්ම ටෝකියෝ කලාපයට මිලිමීටර් 350ක පමණ තද වැසි ඇදහැලීමේ හැකියාවක් පවතින අතර, පහත් බිම් රැසකට ගංවතුර තත්ත්වයක් ඇතිවීමේ අවදානමක් ද පවතින බව ද වාර්තා වෙනවා

මේ පිළිබඳ ජපන් මූලාශ වල තොරතුරු අනුව දැනට

ජපාන කාලගුණ විද්‍යා ඒජන්සිය (JMA) විසින් ටෝකියෝ හි ඉසු දූපත් සමූහයට අයත් ඔෂිමා (Oshima) නගරය සඳහා 'Level 4' මට්ටමේ දැඩි නායයෑමේ අනතුරු ඇඟවීමක් නිකුත් කර තිබේ..

වත්මන් තත්ත්වය -

'දුජුවාන්' (Dujuan) චක්‍රවාතය හේතුවෙන් ඉසු දූපත් සහ කන්ටෝ (Kanto) කලාපයට දැනට තද වැසි ඇද හැලෙමින් පවතී.

අධික නායයෑම්, ගංවතුර, සැර සුළං සහ ගංගා පිටාර ගැලීම් පිළිබඳව දැඩි අවධානයෙන් පසුවන ලෙසත්, ආරක්ෂිත ස්ථාන වෙත යොමු වන ලෙසත් බලධාරීන් ප්‍රදේශවාසීන්ගෙන් ඉල්ලා සිටියි.

මූලාශ්‍ර (Sources) - Japan Meteorological Agency (JMA) / NHK World Japan News

#ජපානය #තොරතුරු

19/09/2026

ජපානයේ පැවැත්වෙන ආසියානු ක්‍රීඩා උළෙලේ (Asian Games) දකුණු කොරියාව සහ බංග්ලාදේශය අතර පැවැති පිරිමි හොකී තරගයට පෙර, සංවිධායකයන්ගේ අතපසුවීමකින් දකුණු කොරියානු ජාතික ගීය වෙනුවට උතුරු කොරියානු ජාතික ගීය වාදනය වී ඇත.

18/09/2026

ජපානයේ ණය ගැනීමේ පිරිවැය වසර 31කට පසු ඉහළම මට්ටමට 🇯🇵

දශක ගණනාවක් පුරා පැවති අඩු පොලී අනුපාත ප්‍රතිපත්තියෙන් තවදුරටත් ඉවත් වෙමින්, ජපාන මහ බැංකුව (Bank of Japan) සිය ප්‍රතිපත්ති පොලී අනුපාතය තවත් සියයට 0.25කින් ඉහළ දමා තිබෙනවා.

ඒ අනුව ජපානයේ නව පොලී අනුපාතය සියයට 1.25ක් දක්වා ඉහළ යන අතර, මෙය වසර 31කට පසු ජපානයේ ණය ගැනීමේ පිරිවැය වාර්තා වූ ඉහළම මට්ටමයි.

මෙම තීරණයට බලපෑ ප්‍රධාන හේතු -

ජපානය තුළ බලශක්ති මිල, ගෝලීය සැපයුම් පීඩනය සහ ආහාර/දෛනික භාණ්ඩ මිල ඉහළ යාම නිසා උද්ධමනය පාලනය කිරීම අභියෝගයක් වීම.

ජපානයේ ශ්‍රම බලකාය අඩුවීම හේතුවෙන් ව්‍යුහාත්මක ලෙස වැටුප් ඉහළ යාම.

ඇමෙරිකාවෙන් එල්ල වන ආර්ථික පීඩනය.

අගෝස්තු මාසයේදී ජපානයේ පාරිභෝගික උද්ධමනය 2% සීමාවේ ස්ථාවරව පැවතුණද, සමාගම් විසින් පිරිවැය ඉහළ යාමේ බර පාරිභෝගිකයන් වෙත මාරු කිරීම මෙලෙස මුදල් ප්‍රතිපත්තිය තද කිරීමට මහ බැංකුවට හේතු වී තිබෙනවා.

මූලාශ්‍රය - රොයිටර් පුවත් සේවය

ජපානයේ පොලී අනුපාත සහ ණය ගැනීමේ පිරිවැය මෙලෙස ඉහළ යාම හේතුවෙන් ඇතිවන ප්‍රධාන බලපෑම් කිහිපය පහත පරිදිය.

ණය වාරික සහ වියදම් ඉහළ යාම - ජපානයේ වැසියන්ට සහ ව්‍යාපාරවලට ලබාගෙන ඇති නිවාස, පුද්ගලික හෝ ව්‍යාපාරික ණය සඳහා වැඩි පොලියක් ගෙවීමට සිදුවීම.

ජපන් යෙන් (Yen) අගය ශක්තිමත් වීම - පොලී අනුපාත ඉහළ යාමත් සමග අමෙරිකානු ඩොලරයට සහ අනෙකුත් මුදල් ඒකකවලට සාපේක්ෂව ජපන් යෙන් මුදලේ අගය ඉහළ යාම.

අපනයන අංශයට බලපෑම - යෙන් මුදල ශක්තිමත් වීම නිසා ජපානයෙන් පිටරටවලට යවන භාණ්ඩවල මිල ඉහළ ගොස් අපනයන සමාගම්වල ලාභයට යම් අභියෝගයක් එල්ල වීම.

දේශීය පාරිභෝගිකයන් මත පීඩනය - භාණ්ඩ හා සේවා මිල ගණන් (උද්ධමනය) ඉහළ යාම සහ ණය පිරිවැය වැඩිවීම නිසා සාමාන්‍ය ජනතාවගේ දෛනික වියදම් බර වැඩිවීම.

ලංකාවට වන බලපෑම - ජපන් යෙන් අගය වැඩි වීම නිසා ජපානයෙන් ආනයනය කරන වාහන සහ භාණ්ඩ සඳහා ලංකාවේ මුදලින් වැඩි පිරිවැයක් දැරීමට සිදුවීම

#ජපානය

17/09/2026

ජපානයේ දැවැන්ත ශ්‍රම හිඟයක් - විදේශීය ශ්‍රමිකයන් සඳහා දොරටු වැඩිදුරටත් විවෘත වන ලකුණු 🇯🇵

ජපාන වාණිජ හා කර්මාන්ත මණ්ඩලය (JCCI) සහ ටෝකියෝ වාණිජ හා කර්මාන්ත මණ්ඩලය (TCCI) එක්ව පැවැත්වූ නවතම දීපව්‍යාප්ත සමීක්ෂණයකින් ජපානයේ ව්‍යාපාර මුහුණ දෙන බරපතල සේවක හිඟය පිළිබඳ වැදගත් තොරතුරු රැසක් අනාවරණය වී තිබෙනවා.

සමීක්ෂණයේ ප්‍රධාන සොයාගැනීම් -

සේවක හිඟයේ වත්මන් තත්ත්වය- සමීක්ෂණයට ලක්කළ සමාගම් 2,654 න් 60.0% ක්ම දැනටමත් දැඩි සේවක හිඟයකින් පීඩා විඳිති.

වැඩිපුරම බලපෑම් එල්ල වී ඇති ක්ෂේත්‍ර -
ගොඩනැගිලි හා ක්ෂේත්‍ර නිර්මාණ (Construction): 77.4%

🚛 ප්‍රවාහන ක්ෂේත්‍රය (Transportation) - 72.2%

රෝගී සත්කාර හා සෞඛ්‍ය (Nursing & Healthcare) - 70.5%

දැනටමත් විදේශිකයන් සේවයේ යොදවා ඇති සමාගම් අතුරින් 65.9% ක් ප්‍රකාශ කළේ ඉදිරියේදී විදේශීය සේවකයන් සොයාගැනීමට නොහැකි වුවහොත් තම ව්‍යාපාරික කටයුතු සම්පූර්ණයෙන්ම අඩාල වන බවයි.

මෙම තත්ත්වය සෞඛ්‍ය හා රෝගී සත්කාර ක්ෂේත්‍රයේ 93.8% ක්, ප්‍රවාහන ක්ෂේත්‍රයේ 73.7% ක් සහ නිෂ්පාදන ක්ෂේත්‍රයේ (Manufacturing) 73.1% ක් ලෙස ඉහළ අගයක් ගනී. එමෙන්ම ප්‍රධාන නගරවල පිහිටි සමාගම්වලට (53.1%) වඩා ග්‍රාමීය හා ප්‍රාදේශීය ව්‍යාපාර (68.9%) විදේශීය ශ්‍රමිකයන් මත වැඩි වශයෙන් යැපෙන බව හඳුනාගෙන ඇත.

විදේශීය ශ්‍රමිකයන් බඳවා ගැනීම - 55.6% ක පිරිසක් ශ්‍රම හිඟය පවතින ක්ෂේත්‍ර සඳහා විදේශීය ශ්‍රමිකයන් ලබාගැනීම ලිහිල් කිරීමට පක්ෂව අදහස් දක්වා ඇත.

පදිංචි කාලය හා පවුල් එකතු කිරීම - සේවකයන්ට ජපානයේ රැඳී සිටිය හැකි කාලය දීර්ඝ කිරීම, පවුලේ සාමාජිකයන් ගෙන්වා ගැනීමට අවස්ථාව දීම සහ ජපන් භාෂා/ජීවන රටා පුහුණුව ලබාදීමට රජයේ සහය ඉල්ලා සිටී.

වඩාත්ම අවධානයට ලක්වූ කරුණ නම්, 60.6% ක පිරිසක් වීසා සහ පදිංචි තත්ත්වයන් අවභාවිත කරන පිරිස්වලට එරෙහිව නීතිය තදින් ක්‍රියාත්මක කරන ලෙස ඉල්ලා සිටීමයි.

මේ අනුව පෙනී යන්නේ ජපාන ව්‍යාපාරික ප්‍රජාවට වැඩි වශයෙන් විදේශීය ශ්‍රමිකයන් අවශ්‍ය වන අතරම, එම ක්‍රියාවලිය දැඩි නීතිරීති සහ විනයානුකූල රාමුවක් යටතේ සිදුවිය යුතු බවට ඔවුන් විශ්වාස කරන බවයි.

මූලාශ්‍රය (Source) -
Survey by The Japan Chamber of Commerce and Industry (JCCI) & Tokyo Chamber of Commerce and Industry (TCCI) [July 21 – August 21 Survey, 2,654 Member Companies].

17/09/2026

ඕස්ට්‍රේලියාවේ අධ්‍යාපනය ලබන විදේශීය සිසුන්ට තම සහකරු/සහකාරිය (Spouse) හෝ දරුවන් (Dependents) රට තුළට ගෙන්වා ගැනීම සීමා කිරීමට/තහනම් කිරීමට ඕස්ට්‍රේලියානු රජය තීරණය කර තිබෙනවා.

ඕස්ට්‍රේලියානු ස්වදේශ කටයුතු අමාත්‍ය ටෝනි බර්ක් (Tony Burke) විසින් නිල වශයෙන් ඉදිරිපත් කරන ලද නව සංක්‍රමණික ප්‍රතිපත්තියට අනුව මෙම තීරණය ගෙන තිබෙනවා.

අලුතින් ශිෂ්‍ය වීසා මත පැමිණෙන පිරිසට තම සහකරුට හෝ දරුවන්ට Dependent වීසා ලබාදීමේ පහසුකම සීමා වේ.

සංචාරක (Visitor) හෝ උපාධිධාරී (Graduate) වීසා මත ඕස්ට්‍රේලියාවේ සිටින අයට, නැවත ශිෂ්‍ය වීසා වෙත මාරු වී (Visa Hopping) කාලය දීර්ඝ කරගැනීමේ ක්‍රමය සම්පූර්ණයෙන්ම අහෝසි කෙරේ.

දැනට වසරකට 300,000ක් පමණ වන ශුද්ධ සංක්‍රමණික සංඛ්‍යාව 2028 වන විට 225,000 දක්වා අඩු කිරීම රජයේ ප්‍රධාන ඉලක්කයයි.

ඔබත් ඉදිරියේදී ඕස්ට්‍රේලියාවට උසස් අධ්‍යාපනය සඳහා යාමට බලාපොරොත්තුවෙන් සිටිනවා නම්, මෙම නව නීති සහ රෙගුලාසි පිළිබඳව හොඳින් දැනුවත් වන්න !

(මූලාශ්‍ර - ABC News Australia / Reuters / Department of Home Affairs Australia - Sep 2026)

ජපානයේ සිටින බොහෝ අය ඕස්ට්‍රේලියා යාමට උත්සහ කරන නිසා මෙය ජපානයේ සිටින ශ්‍රීලාංකික ඔබට වැදගත් පුවතක් වනු ඇත. 🇯🇵🙋🇱🇰

Japan Yamu ජපන් යමු

25/09/2026

24/09/2026

22/09/2026

22/09/2026

21/09/2026

21/09/2026

19/09/2026

18/09/2026

17/09/2026

17/09/2026

Address

Website

Alerts

Shortcuts

Share

Listing takedown request