30/05/2026
✨ ඇත්තටම ඇයි වෙසක් මෙච්චරම අසිරමත් 😍
🌕 වෙසක් පුරපසළොස්වක පොහෝ දිනය යනු, බෞද්ධයන්ගේ ප්රධානතම සැමරුමයි. ඒ සඳහා මූලිකම හේතුව වනුයේ,
🪷 බෝසතාණන් වහන්සේගේ උපත
🪷 බෝසතාණන් වහන්සේ බුද්ධත්වයට පත්වීම
🪷 බුදුරජාණන් වහන්සේගේ පරිනිර්වාණය
යන තෙමඟුල ස්මරණය කිරීමයි.
☸️ ඊට සමගාමීව මේ පින්බර පොහොය දිනයේ තවත් සුවිශේෂී ආගමික සංධිස්ථානයන් සිහි කෙරේ.
🌛 ශාස්තෲවරයාණන් වහන්සේගේ තෙමඟුල.
🌛 බෝසතාණන් වහන්සේ සතර පෙරනිමිති වල ව්යාධි රූපය දැකීම.
🌛 බුදුරජාණන් වහන්සේ යමාමහ පෙළහර පෑම.
🌛 ආනන්ද හිමියන් පිරිනිවන් පෑම.
🌛 බුදුරජාණන් වහන්සේ තෙවන වරට ලංකාද්වීපයට වැඩම කිරීම.
🌛 විජය කුමරුගේ ලංකාගමනය.
🌛 දේවානම්පියතිස්ස රජුගේ දෙවන රාජාභිෂේකය සිදු වීම.
🌛 මහා විහාරයේ උපසම්පදා උත්සවය මුල්ම වරට ආරම්භ වීම.
🌛 සුමේධ තාපසතුමා දීපංකර බුදුන් වහන්සේගෙන් නියත විවරණ ලැබීම.
🙏 ශාසනික වශයෙන් එවැනි වැදගත් සිදුවීම් රාශියක් වෙසක් පොහොය දිනයන්හි සිදුවී ඇති නිසා ලොව පුරා වෙසෙන බෞද්ධ ජනතාව මෙම පොහොය දිනයේ වැදගත්කම මනාව වටහාගෙන වතාවත් සිදු කරමින් සැදැහැ සිතින් යුතුව මෙම සැමරුම සිදු කරයි.
🌸 විහාරස්ථාන වෙත පැමිණ බෞද්ධ කොඩි ඔසවා බුදුන්, දහම්, සඟුන් ගුණ ගායනා කිරිම.
🌸 එලෙස පුදන මල් මඳ වේලාවකින් වියලි පරවී යන්නාක් මෙන්, හඳුන් කූරු සහ ඉටිපන්දම් දැවී අවසන්වන්නාක් මෙන් ජිවිතයද ජරාවට පත් වී අවසාන වන බව සංකේතවත් කිරීම.
🌸 ඇතැම් බැතිමත්හු අටසිල් සමාදන්ව දෛනිකව ඒවා සුරකිමින් ධාර්මිකව කල් ගත කිරීමට කැප වීම.
🌸 අතිරේක ශික්ෂාවන් සමාදන් වෙමින් නිහතමානී බව, අල්පේච්ඡතාවය, සදාචාරය සුරැකීම සඳහා ශික්ෂණයක් ලැබීම.
🌸 බුදුන් වහන්සේගේ ඉගැන්වීම්වලදී කියා ඇති පරිදි සමගියෙන් ජීවත් වීමටත්, අනෙකුත් ආගම් වලට සහ විශ්වාසයන්ට ගරු කිරීමටත් කටයුතු කිරීම.
🌸 අනුනට සතුට උදා කිරීම.
🌸 බුද්ධ, ධම්ම සහ සංඝ යන උතුම් ත්රිත්වයේ ආලෝකය සංකේතවත් කරමින් නිවෙස් සහ වෙහෙර විහාර පන්සල් භූමි වෙසක් පහන් කූඩු සහ තොරණ් මඟින් ආලෝකමත් කිරීම.
ඒ අතරින් ප්රමුඛ වේ.
🙏 මේ පින්බර වෙසක් දිනය අප සැමද එලෙස බැතිසිතින්, අර්ථවත්ව සමරමු. සියලු බලාපොරොත්තු ඉටුවන ඒ පින්බර අනාගතය ඉක්මනින්ම උදාවේවායි එකසිතින් පතමු 🙏
🪔 සැම සිත්සතන් නිවී සුවපත් වන, රෝ දුක් මුළු ලෝකයෙන්ම තුරන් වන, සියලු සත්වයන්ගේ යහපත් පැතුම් ඉටුවන පින්බර වෙසඟකට බැති සිතින් ආසිරි 🙏
❣️
