Panhinda Solutions

10/04/2026

ඔබ කවදහරි කෝච්චියක යද්දී, නැත්නම් ස්ටේෂන් එකක ඉඳන් කෝච්චි​යේ යකඩ රෝද දිහා විමසිල්ලෙන් බලලා තියෙනවද? අපි හැමෝම හිතන් ඉන්නේ කෝච්චි රෝදත් හරියටම අපේ කාර් එකේ, බයිසිකලේ රෝද වගේම සම්පූර්ණයෙන්ම පැතලි, සිලින්ඩරාකාර හැඩයක් තියෙනවා කියලා. හැබැයි ඒක සම්පූර්ණයෙන්ම වැරදියි! 🚂🤔

ඇත්තටම කෝච්චි රෝද හදලා තියෙන්නේ කේතුවක හැඩයට. ඒ කියන්නේ රෝදයේ ඇතුල් පැත්ත මහතයි, පිටතට යන්න යන්න ඒක හීනි වෙනවා. බැලූ බැල්මට මේක මෝඩ ඩිසයින් එකක් වගේ පෙනුණත්, මේ පුංචි හැඩයේ වෙනස නැත්නම් අද ලෝකයේ කිසිම කෝච්චියකට පීලි පැනීමකින් තොරව වංගුවක් ගන්න බෑ. ඒ ඇයි කියලා අපි ඉංජිනේරු ඇහැකින් බලමු. 🛤️🔧

මුලින්ම ​මේ ටොන් දහස් ගාණක් බර කෝච්චියක් ඇදගෙන යන්න සාමාන්‍ය රබර් ටයර් පාවිච්චි කරන්න බැරි ඇයි? රබර් ටයර් ලොකු බරක් වැටුණාම පැතලි වෙනවා. මේ නිසා පාරත් එක්ක තියෙන ඝර්ෂණය (Rolling resistance) ගොඩක් වැඩියි. හැබැයි යකඩ රෝදයක් යකඩ පීල්ලක් උඩින් යද්දී එහෙම පැතලි වෙන්නේ නෑ. එතකො​ට ඝර්ෂණය ගොඩක් අඩුයි. ඒ නිසා තමයි එක එන්ජිමකට පෙට්ටි ගාණක් ලේසියෙන්ම ඇදගෙන යන්න පුළුවන් වෙලා තියෙන්නේ. ⚙️

හැබැයි යකඩ රෝදයක් යකඩ පීල්ලක් උඩින් යද්දී ලොකුම ප්‍රශ්නය වෙන්නේ, රෝදය පීල්ලෙන් පිට පනින්නේ නැතුව තියාගන්නේ කොහොමද කියන එක.

​මේ කෝච්චි රෝදයක් පීල්ලෙන් පනින්නේ නැතුව තියාගන්න, රෝදයේ ඇතුල් පැත්තේ පොඩි ගැටිත්තක් (Fl**ge) තියෙනවා. මේ ගැටිත්​ත තියෙන්නේ රෝද දෙකේම ඇතුල් පැත්තේ (Inside). ඇයි මේ​ක එළියෙන් දැම්මේ නැත්තේ? හේතුව තමයි එළියෙන් දැම්මා නම් වංගුවක් ගනිද්දී එක රෝදයක් පොඩ්ඩක් ඉස්සුණොත් අනිවාර්යයෙන්ම කෝච්චිය පීලි පනිනවා. ඇතුළෙන් දැම්මාම ඒ අවදානම අඩුයි. 🚫

හැබැයි මේ Fl**ge එක නිසා තවත් ප්‍රශ්නයක් එනවා. කෝච්චියක් වංගුවක් ගනිද්දී මේ යකඩ ගැටිය පීල්ලේ ඇතිල්ලීගෙ​න යනවා. අර කෝච්චි වංගු ගනිද්දී ඇහෙන කන් බිහිරි කරවන සද්දයක් එන්නේ මේ නිසයි! මේකෙන් රෝදයයි පීල්ලයි දෙකම ඉක්මනින් ගෙවිලා යනවා. එතකො​ට මේකට විසඳුම මොකක්ද?

කාර් එකක් නම් වංගුවක් ගනිද්දී වංගු​වේ ඇතුල් පැත්තේ රෝදයට වඩා, පිට පැත්​තේ තියෙන රෝදය වැඩි දුරක් ගමන් කරනවා. මේක බැලන්ස් කරන්න කාර් වල "Differential Gearbox" එකක් තියෙනවා. ඒකෙන් රෝද දෙක​ට වේග දෙකකින් කැරකෙන්න ඉ​ඩ සලස්වනවා. 🚂

හැබැයි කෝච්චි වලට එහෙම බෑ. කෝච්චියක රෝද දෙකම එකම යකඩ කූරකට (Solid Axle) හයි කරල​නේ තියෙන්නේ. ඒ කියන්නේ වංගුවකදී වුණත් රෝද දෙකම කැරකෙන්නේ එකම වේගයෙන්! ඉතින් පිටතින් තියෙන රෝදයට වැඩි දුරක් යන්න වෙන නිසා, අනිවාර්යයෙන්ම එක රෝදයක් පීල්ල උඩ ලිස්සන්න (Slip) ගන්නවා. මේකෙන් කෝච්චිය පීලි පනින්න ලොකු ඉඩක් තියෙනවා.

මෙන්න මේ මහා ප්‍රශ්නය විසඳන්න තමයි ඉංජිනේරුවෝ අර අපි කලින් කිව්ව කේතු හැඩය පාවිච්චි කළේ!

කෝච්චි රෝදයක ඇතුල් පැත්ත (Fl**ge එකට කිට්ටුව) මහතයි (විෂ්කම්භය වැඩියි). පිටතට යන්න යන්න ඒක හීනි වෙනවා (විෂ්කම්භය අඩුයි). මේ හැඩය නිසා කෝච්චියක් පීල්ල උඩ යද්දී පුදුම දේවල් දෙකක් සිද්ධ වෙනවා. 📐✨

1. Self-Balancing (ස්වයං සමතුලිතතාවය): කෝච්චිය කෙලින් පීල්ලක යද්දී, මොකක් හරි හේතුවකට කෝච්චිය එක පැත්තකට (උදාහරණයක් විදිහට දකුණට) බර වුණොත්, දකුණු රෝදයේ මහත කොටස පීල්ලට සෙට් වෙනවා. ඒ කියන්නේ දකුණු රෝදයේ විෂ්කම්භය ලොකු වෙනවා. වම් රෝදයේ හීනි කොටස පීල්ලට සෙට් වෙනවා (විෂ්කම්භය අඩු වෙනවා). මේ නිසා දකුණු රෝදය එක රවුමකට වැඩි දුරක් යනවා. එතකොට කෝච්චිය ඉබේම ආයෙත් වමට හැරිලා පීල්ලේ හරි මැදට එනවා. කෝච්චියක් කෙලින් යද්දී නිතරම වමට දකුණට හෙල්ලෙන්නේ, පැද්දෙන්​නෙ (Sinusoidal motion / Hunting behavior) මේ නිසයි!

2. Differential Action (වංගු ගැනීමේ රහස):
කෝච්චියක් වම් පැත්තට වංගුවක් ගන්නවා කියලා හිතමු. කෝච්චියේ වේගය නිසා මුළු කෝච්චියම දකුණු පැත්තට බර වෙනවා. එතකොට දකුණු රෝදයේ අර මහත කොටස (විෂ්කම්භය වැඩි කොටස) පීල්ල උඩට එනවා. වම් රෝදයේ හීනි කොටස (විෂ්කම්භය අඩු කොටස) පීල්ල උඩට එනවා.
දැන් රෝද දෙකම කැරකෙන්නේ එකම වේගයෙන් වුණත්, දකුණු රෝද​ය පීල්ලේ ගෑවෙන තැ​න විශ්කම්භය වැඩි නිසා ඒක එක රවුමකින් වැඩි දුරක් යනවා. වම් රෝදය පීල්ලේ ගෑවෙන තැ​න විශ්කම්භ​ය අඩු නිසා ඒක අඩු දුරක් යනවා. මේක හරියටම කාර් එකක Differential එකෙන් කරන දේමයි! මේ පුංචි හැඩයේ වෙනස නිසා කෝච්චිය කිසිම ලිස්සීමක් නැතුව ලස්සනට වංගුව ගන්නවා.

නිකමට හිතන්න මේ රෝද වල හැඩය අනිත් පැත්තට හැරෙව්වා (ඇතුළත හීනි වෙලා, පිටත මහත වුණා) කියලා. එතකොට වංගුවක් ගනිද්දී කෝච්චිය කෙලින්ම පීල්ලෙන් එළියටම විසිවෙලා යනවා!

රෝද වල විතරක් නෙවෙයි, රේල් පීලි (Rails) වල හැඩයෙත් ලොකු රහසක් තියෙනවා. රේල් පීල්ලක් හරස්කඩක් විදිහට කැපුවොත් ඒක හරියට ඉංග්‍රීසි කැපිටල් 'I' අකුරක් වගේ. 🛤️💡

යටින් තියෙන පළල් කොටසෙන් කරන්නේ කෝච්චියේ මහා බර සිල්පර කොටන් වලට (Sleepers) සමානව බෙදා හරින එක.

මැද තියෙන හීනි කොටසෙන් පීල්ල පොළව මට්ටමෙන් උඩ​ට උස් කරනවා.

උඩම තියෙන මහත රවුම් කොටස තමයි රෝදයත් එක්ක ගැටෙන්නේ.

ඇයි මේ උඩ කොටස පොඩ්ඩක් රවුම් කරලා තියෙන්නේ? රෝදයයි පීල්ලයි ගැටෙන තැන හරියට රුපියල් දෙ​කේ කාසියක් තරම් පුංචි තැනක්! මේ පුංචි තැනට තමයි කෝච්චියේ මුළු බරම වැටෙන්නේ. පීල්ල පොඩ්ඩක් උඩින් රවුම් කළාම මේ Contact patch එක ගොඩක් පොඩි වෙනවා. ඒකෙන් ඝර්ෂණය අඩුවෙලා රෝද සහ පීලි ගෙවෙන එක ගොඩක් දුරට පාලනය වෙනවා. ඒ විතරක් නෙවෙයි වංගු තියන තැන් වලට දාන පීලි සාමාන්‍ය පීලි වලට වඩා ගොඩක් ඝනකමට සහ ශක්තිමත්වයි හදන්නේ.

මේ​ක අවුරුදු 200කට වඩා පරණ තාක්ෂණයක් වුණත්, අදටත් ඉංජිනේරුවෝ මේ රෝද වල සහ පීලි වල හැඩය ගැන පර්යේෂණ කරනවා. මෑතකදී ඇමරිකාවේ හඳුන්වා දුන්න AAR-2A කියන අලුත් රෝද හැඩය නිසා පරණ රෝද වලට වඩා 40% කින් ගෙවීම් අඩු වුණා. අද නවීන මෘදුකාංගත් පාවිච්චි කරලා මේ රෝද සහ පීලි එකිනෙක ගැටෙන විදිහ ගැන තවදුරටත් අධ්‍යයනය කරනවා. 🚀

කෝච්චියක් යද්දී අපි දකින්නේ නිකන්ම නිකන් යකඩ ගොඩක් පීලි උඩ යනවා වුනා​ට, ඒ රෝදයක පොඩි ආනතිය (Taper angle - සාමාන්‍යයෙන් 1:20 අනුපාතයට තියෙන) ඇතුළේ හැංගිලා තියෙන්නේ ලෝකයේ ප්‍රවාහන ක්ෂේත්‍රයම වෙනස් කරපු මහා ඉංජිනේරු මොළයක්. මේ සරල, හැබැයි අතිවිශිෂ්ට ජ්‍යාමිතික හැඩය නැත්නම්, අද අපිට මේ තරම් බරක් මේ තරම් වේගයෙන් ආරක්ෂිතව ගෙනියන්න කවදාවත් බැරි වෙනවා! 🌟

ඔබ කෝච්චි රෝදයක් ඇතුළේ මෙච්චර ලොකු විද්‍යාවක් තියෙනවා කියලා හිතුවාද? මේ අදහාගන්න බැරි ඉංජිනේරු රහස ගැන ඔයාට හිතෙන්නේ මොකක්ද? මේ වගේ එදිනෙදා දකින දේවල් පිටිපස්සේ හැංගිලා තියෙන විද්‍යාත්මක කතා ගැන තව දැනගන්න ඔයා කැමතිද? ඔයාගේ අදහස පල්ලෙහායින් Comment කරන්න. ඒ වගේම මේ වටිනා ලිපියට Like එකක් දාලා, විද්‍යාවට සහ කෝච්චි වලට ආස ඔයාගේ යාළුවන්ටත් අනිවාර්යයෙන්ම Share කරන්න අමතක කරන්න එපා! 🚂👍💬🗣️

​මේ ලිපි ලියන මට ඔයාලගේ පොඩි Comment එකත් ගොඩක් වටිනවා. ඒ නිසා පුංචි තත්පර 10ක් වැය කරලා Comment එකක් දාගෙන යන්න!

Written By : Sulochana Dissanayake
Source : Internet

07/04/2026

06/04/2026

05/04/2026

🇱🇰🚀 අවුරුදු 22න් රොකට් හදලා 'Jaguar' සමාගම පවා
ඇයව හොයාගෙන ආපු ලංකාවේ ආඩම්බරය! 🚀🇱🇰
ලෝකයේ දැවැන්තම සමාගම්වල රැකියාවක් හොයාගෙන අපි යනවා වෙනුවට, ඒ සමාගම් අපිව හොයාගෙන එනවා නම් ඒක කොච්චර විශිෂ්ට ජයග්‍රහණයක්ද? වයස අවුරුදු 22ක් වැනි ඉතාම තරුණ වයසකදී ඒ හාස්කම කළේ අපේ රටේ දියණියක්!

❤️ මේ ඉන්නේ කවිනි නිම්තරා ඉඳුරුව.
ඇයගේ කතාව පටන් ගන්නේ එංගලන්තයේ ශෙෆීල්ඩ් (Sheffield) විශ්වවිද්‍යාලයෙන්. ඇය තම ඉගෙනුම් කටයුතු අතරතුරදී විශ්වවිද්‍යාල ඉතිහාසයම අලුත් කරමින් "රොකට්ටුවක් නිර්මාණය කළ පළමු කාන්තාව" ලෙස වාර්තා අතරට එක්වෙනවා.

එතැනින් නොනැවතුණු කවිනි, 'Newton Launch Systems' ආයතනයේ රොකට් නිෂ්පාදන පුහුණුව ලබන අතරතුර තමන්ගේ වෘත්තීය දක්ෂතා ලෝකයටම පෙනෙන්නට 'LinkedIn' ජාලයට එක් කරනවා.

පුදුමය කියන්නේ, ඇයගේ මේ සුවිශේෂී දක්ෂතාවය දුටු ලෝකප්‍රකට 'Jaguar & Land Rover' (JLR) සමාගමේ පාලනාධිකාරිය වහාම ඇයව සම්බන්ධ කර ගැනීමයි! සම්මුඛ පරීක්ෂණයේදී සහ ඇයගේ පූර්ව අත්දැකීම් දෙස බැලූ සැනින් ඇයව තම සමාගමේ ස්ථීර සේවයට බඳවා ගැනීමට ඔවුන් දෙපාරක් හිතුවේ නැහැ.

අද වන විට කවිනි එම දැවැන්ත සමාගමේ System Engineer කෙනෙක්! ලංකාවේ කෙල්ලෙක් ලෝකයේ ඉහළම තාක්ෂණික සමාගමක මෙවැනි තනතුරක් දැරීම සැබවින්ම අපිට හදවතින්ම ආඩම්බර විය හැකි කරුණක්. 💪🔥
ඇයගේ ඉදිරි ගමනට අපි හදවතින්ම සුබ පතමු! 🌸👇
(ඔබත් මේ ආඩම්බරකාරී කතාව Share කරලා අනිත් අයටත් බලන්න දෙන්න)

05/04/2026

🔴 මේ ඉස්කෝලෙ විදුහල්පතිට මොළයක් කියලා දෙයක් ගෑවිලාවත් නෑ වගේ..!
අඩුම ඉස්කෝලෙ එක ගුරුවරයෙක් හිටියෙ නැද්ද මේ වැඩේ කරන්න එපා කියන්න...
ඉස්සෙල්ලම කරන්න ඕන ඉස්කෝලෙ විදුහල්පතිව මොන්ටිසෝරි යවන එක..මුල් ළමාවිය සංවර්ධනය වුනේ නැති මිනිස්සුන්ට පාසලක් භාරදෙන්න සුදුසු නෑ..
නිවාසාන්තර ක්‍රීඩා උත්සවයක් තියෙන්නෙ වහනවලින් සර්කස් පෙන්නන්න නෙමෙයි..දවස ගානෙ වාහන හැප්පිලා තැන් තැන්වල මිනිස්සු මැරෙනවා...ඉස්කෝලයකින් වෙන්න ඕන අන්න ඒ අන්තුරු අවම කරගන්න ළමයි හුරු කරන එක...
ළමයි ඉන්න තැනක පොඩි අතපසුවීමකින් ලොකු විනාසයක් වෙන්න පුලුවන් කියලා මොළේ කලදක් තියෙන ඕන මනුස්සයෙක්ට තේරෙනවා..
මීට කලින් ඔය වගේම බදුල්ලෙ ඉස්කෝලෙක පෙරඩ් එකකදි වාහනයක් පෙරලිලා ළමයි දෙන්නෙක් නැති වුනා..
අඩුම ඒ දේවල්වලින්වත් පාඩමක් ඉගෙනගන්න ඕන...
අධ්‍යාපන අමාත්‍යංශයත් මේ වගේ 🐂 ට ඉස්කෝලවල ඕන ඕන දේවල් කරන්න දීලා උඩබලන් ඉන්නවා...
දෙයක් වුනාට පස්සෙ නටලා වැඩක් නෑ..ඒ දේ වළක්වගන්නයි වැඩ කරන්න ඕන..!
කව්රු වුනත් "පිනා" කියන නමට සර්ව සාදාරණයක් කරන විදුහල්පති 🐂ක්..!
Harini Amarasuriya Ministry of Education, Sri Lanka

05/04/2026

🚨 අවුරුදු 53කට පසු මානව ඉතිහාසයේ දැවැන්තම සහ භයානකම අභ්‍යවකාශ ගමන.
⠀
🌍 1972 දෙසැම්බර් මාසයේ ඇපලෝ 17 යානයෙන් පසුව කිසිම මිනිසෙක් පෘථිවියේ ගුරුත්වාකර්ෂණයෙන් මිදී සඳ වෙත ගොස් නැහැ.
⠀
⏳ සම්පූර්ණ පරම්පරාවක්ම ඉපිද, වයසට ගොස් අවසන් වූ මේ දීර්ඝ කාලයෙන් පසු, 2026 අප්‍රේල් මාසයේදී නැවතත් මිනිසුන් සඳ බලා පිටත් වෙනවා.
⠀
🚀 ආටිමිස් 2 ලෙස නම් කර ඇති මේ මෙහෙයුම හරහා ගගනගාමීන් හතර දෙනෙක් සඳ දෙසට ගමන් කරන්නේ කුඩා වෑන් රථ දෙකක පමණ ඉඩක් ඇති කැප්සියුලයක සිටයි.
⠀
👨‍🚀 රීඩ් වයිස්මන්, වික්ටර් ග්ලෝවර්, ක්‍රිස්ටිනා කුක් සහ ජෙරම් හැන්සන් මේ ඓතිහාසික ගමනට එක්වෙනවා.
⠀
👩‍🚀 චන්ද්‍ර මෙහෙයුමකට එක්වන පළමු කාන්තාව ලෙස ක්‍රිස්ටිනා කුක් ඉතිහාසගත වන අතර, වික්ටර් ග්ලෝවර් සඳට යන පළමු කළු ජාතිකයා බවට පත්වෙනවා.
⠀
⚠️ දින 10ක් පුරා පැසිෆික් සාගරයට පතිත වන තුරු ඔවුන් අත්විඳින මේ ගමන හුඟක් අය හිතනවාට වඩා අතිශය භයානක මෙන්ම දැඩි අවදානම් සහගත එකක්.
⠀
🏥 ගමනට පෙර ෆ්ලොරිඩාවේ කෙනඩි අභ්‍යවකාශ මධ්‍යස්ථානයේදී ඔවුන් තම පවුල් වලින් වෙන්ව දැඩි නිරෝධායන ක්‍රියාවලියකට ලක් වෙනවා.
⠀
🩺 වෛද්‍ය පරීක්ෂණ කරමින්, නිසි නින්දක් ලබා ගනිමින් සහ කැලරි ගණනය කළ ආහාර වේලක් ගනිමින් ඔවුන් මේ අභියෝගයට සූදානම් වෙනවා.
⠀
🧑‍🚀 ඔවුන් පළඳින ඔරායන් අභ්‍යවකාශ ඇඳුම් චිත්‍රපට වල දකින තරම් සුවපහසු ඒවා නොව, පීඩනය පාලනය කරන අධික බරකින් යුක්ත ඇඳුම් කට්ටලයක්.
⠀
🔥 ගමන ආරම්භ වන්නේ ඓතිහාසික ඇපලෝ යානා අභ්‍යවකාශගත කළ 39B ලෝන්ච් පෑඩ් එකේ ඇති කුළුණේ විදුලි සෝපානයෙන් ඉහළට යාමෙන් පසුවයි.
⠀
🚀 නාසා ආයතනය මෙතෙක් අභ්‍යවකාශගත කරන ප්‍රබලම රොකට්ටුව වන SLS මත ඇති ඉන්ටග්‍රිටි නම් ඔරායන් යානයට ඔවුන් ගොඩවෙනවා.
⠀
🏢 මේ රොකට්ටුව අඩි 322ක් උසැති අතර, ඉන්ධන පිරවූ පසු රාත්තල් මිලියන 5.75ක් බරයි, එය නිදහස් ප්‍රතිමාවටත් වඩා උස, බෝයිං 747 ජෙට් යානා අටකටත් වඩා බර දැවැන්තයෙක්.
⠀
💥 දශක තුනක් තිස්සේ ස්පේස් ෂටල් සඳහා භාවිතා කළ RS-25 එන්ජින් සහ ප්‍රබල බූස්ටර් මගින් රාත්තල් මිලියන 8.8ක දැවැන්ත තෙරපුමක් ඇති කරනවා.
⠀
⏱️ ගණන් කිරීම බිංදුවෙන් අවසන් වී රොකට්ටුව ඉහළට යද්දී, ගගනගාමීන්ගේ පපුව මත කෙනෙකු වාඩි වී සිටිනවා වැනි අතිශය දැඩි පීඩනයක් දැනෙනවා.
⠀
📈 ඔවුන්ගේ සිරුරේ බර මෙන් තුන් ගුණයක පීඩනයක් දැනෙන අතර, හුස්ම ගැනීම පවා මේ මොහොතේ අපහසු වන තරමට මුළු යානයම දැඩි ලෙස වෙවුලනවා.
⠀
🌌 විනාඩි දෙකකින් බූස්ටර් ගැලවී ගොස්, විනාඩි අටකට පසු ප්‍රධාන එන්ජින් ක්‍රියා විරහිත වූ විට එකවරම දැඩි නිශ්ශබ්දතාවයක් සමගින් ඔවුන්ට පාවෙන ස්වභාවය අත්විඳින්නට ලැබෙනවා.
⠀
🌍 ඔරායන් යානයේ ඇති කුඩා ජනේල හතරෙන් ඔවුන්ට මේ මොහොතේ පළමු වරට පෘථිවියේ සුන්දර වක්‍රය පැහැදිලිව දැකගත හැකියි.
⠀
⚙️ පෘථිවි කක්ෂයේදී ජීවරක්ෂක, සන්නිවේදන සහ උෂ්ණත්ව පාලන පද්ධති සියල්ලම දැඩි පරීක්ෂාවකට ලක් කරන අතර, වයිස්මන් සහ ග්ලෝවර් යානය අතින් පාලනය කරමින් එහි ක්‍රියාකාරීත්වය බලනවා.
⠀
⚡ යුරෝපා අභ්‍යවකාශ ඒජන්සිය වෙනුවෙන් එයාර්බස් සමාගම නිපදවූ සර්විස් මොඩියුලය හරහායි යානයට අවශ්‍ය බලය, ජලය සහ ඔක්සිජන් සම්පූර්ණයෙන්ම සැපයෙන්නේ.
⠀
🌑 ඉන්පසු SLS රොකට්ටුවේ ඉහළ කොටස අවසන් වරට ක්‍රියාත්මක වී, පෘථිවි ගුරුත්වාකර්ෂණයෙන් මිදී පැයට සැතපුම් 24,000ක වේගයෙන් යානය සඳ දෙසට විදිනවා.
⠀
📡 පෘථිවියෙන් ඈතට යත්ම තත්පර 1.3ක පමණ සන්නිවේදන ප්‍රමාදයන් ඇති වන අතර, තමන් ලෝකයෙන් කොතරම් ඈතට යනවාදැයි ඔවුන්ට හොඳින්ම වැටහෙනවා.
⠀
💧 යානය තුළ ජීවිතය කිසිසේත්ම පහසු නැහැ, වැසිකිළිය කුඩා අල්මාරියක් වැනි අතර, ඝන අපද්‍රව්‍ය සීල් කර තබාගෙන මූත්‍ර පමණක් අභ්‍යවකාශයට මුදාහරිනවා.
⠀
🍝 ජලය ප්‍රතිචක්‍රීකරණය නොකරන බැවින් සෑම ජල බිඳුවක්ම පිරිමැස්මෙන් භාවිතා කරන අතර, කුඩා බෑග් වල බහා ඇති මැකරෝනි වැනි කෑම පාවෙමින් සිටින අතරතුර ආහාරයට ගන්නවා.
⠀
💤 දිනකට පැය 8ක් බිත්තියක සවිකළ නිදන බෑග් තුළ ඔවුන් එකවර නිදාගන්නා අතර, ජීවරක්ෂක පංකා වල ඝෝෂාව නිරන්තරයෙන්ම එහි ඇහෙනවා.
⠀
🏃‍♂️ බර රහිත පරිසරය නිසා මාංශ පේශි සහ අස්ථි දියවීම වළක්වා ගැනීමට දිනකට විනාඩි 30ක් ෆ්ලයි වීල් උපකරණය මගින් ව්‍යායාම කිරීම අනිවාර්යයි.
⠀
🚿 ස්නානය සඳහා කාමර නැති අතර, තෙත ටිෂූ සහ ඩ්‍රයි ශැම්පූ වලින් පිරිසිදු වන ඔවුන් දත් මැද අවසන් වූ පසු එම කෙළ පවා ටිෂූ එකකට දමා ඉවත් කරනවා.
⠀
🌑 දින හතරකට පසු ඔවුන් සඳේ අඳුරු පැත්ත හෙවත් 1972න් පසු කිසිවෙකු නොදුටු පෘථිවියට නොපෙනෙන පැත්ත වෙත ළඟා වෙනවා.
⠀
🚀 ඔරායන් යානය සඳේ පිටුපස සිට සැතපුම් 4700ක් දුරින් ගමන් කරන අතර, එය මිනිසෙකු පෘථිවියේ සිට ගමන් කළ වැඩිම දුර ලෙස ඉතිහාසගත වෙනවා.
⠀
🌍 සැතපුම් 268,000ක් ඈතින් ඇති එම ස්ථානයේ සිට බලන විට මුළු පෘථිවියම තමන්ගේ මහපට ඇඟිල්ලෙන් වසා ගත හැකි තරම් කුඩා තිතක් සේ දිස්වෙනවා.
⠀
☀️ චුම්භක ක්ෂේත්‍රයේ ආරක්ෂාව නැති බැවින්, හදිසි සූර්ය කුණාටුවක් ඇතිවුණහොත් විකිරණ වලින් බේරීමට ඔවුන්ට යානයේ වැසිකිළිය අසල ආරක්ෂිත ස්ථානයේ සැඟවීමට සිදුවෙනවා.
⠀
🔥 දින කිහිපයකින් පසු ආපසු එන මේ මෙහෙයුමේ භයානකම කොටස වන්නේ නැවත පෘථිවි වායුගෝලයට ඇතුළු වීමයි.
⠀
☄️ පැයට කිලෝමීටර් 40,000ක අතිශය වේගයකින් එනම් ශබ්දයේ වේගය මෙන් 32 ගුණයකින් වායුගෝලයට ඇතුළු වෙද්දී යානය වටා සූර්යයාගේ මතුපිට උෂ්ණත්වයෙන් අඩක් තරම් රස්නයක් නිර්මාණය වෙනවා.
⠀
🛡️ 2022දී ආටිමිස් 1 යානයේ තාප ආවරණයට හානි සිදුවූ නිසා, මෙවර යානය කෙලින්ම වායුගෝලයට ඇතුළු වන සේ සැලසුම් කර ඇති අතර ඉන් ගගනගාමීන්ට දැනෙන තෙරපුම අතිශය දරුණු වෙනවා.
⠀
🪂 අවසානයේ විනාඩි කිහිපයක සන්නිවේදන බිඳවැටීමකින් පසු පැරෂුට් දිග හැරී සැන්ඩියාගෝ අසල පැසිෆික් සාගරයට පතිත වන යානය නාවික හමුදාව විසින් බේරාගන්නවා.
⠀
🚪 සැතපුම් 650,000ක ගමනක් අවසන් කරන ආටිමිස් 2 යනු හුදෙක් සඳට යන ගමනක් පමණක් නොව, අනාගත අභ්‍යවකාශ ගවේෂණයේ නව දොරටු විවර කරන දැවැන්ත වික්‍රමයක්!
⠀
👇 මේ ඓතිහාසික සහ භයානක සඳ ගමන ගැන ඔයාට හිතෙන දේ පහළින් කමෙන්ට් කරන්න. මේ තොරතුරු යාළුවන් එක්කත් අනිවාර්යයෙන්ම ෂෙයාර් කරන්න

01/04/2026

✈️ ශ්‍රී ලාංකේය ගුවනට නම් මේක ඇත්තටම Quad-Jet යුගයක නිමාවක්💔

පසුගිය මාස කිහිපය පුරාවටම ස්විට්සර්ලන්තයේ සූරිච් (Zurich) ඉඳන් එන Edelweiss ගුවන් සමාගමට අයත් Airbus A340 යානයන් අතිවිශිෂ්ට විදිහට කොළඹට ගොඩබසින දසුන දැකගන්න අපිට අවස්ථාව ලැබුණා. මේ සුවිශේෂී එන්ජින් හතරේ දැවැන්තයන් යොදාගනිමින් අපේ දිවයිනට පියාසර කළ එකම ගුවන් සේවය විදිහට Edelweiss ගුවන් සේවය, අපේ රටේ plane spotters ලට නම් ලොකු අත්දැකීමක් ලබා දුන්නා. කොහොම වුණත්, quad-jet යුගය දැන් නිහඬවම නිමාවට පත්වෙමින් යනවා🥲 පසුගිය සෙනසුරාදා, ඒ කියන්නේ මාර්තු 28 (ඊයේ) වෙනිදා, Edelweiss තමන්ගේ A340 යානයන් යොදාගනිමින් ලංකාව වෙත සිදුකරන අවසාන ගුවන් ගමන බණ්ඩාරනායක ජාත්‍යන්තර ගුවන් තොටුපළෙන් ක්‍රියාත්මක කළා. ඒ දැවැන්තයා අවසන් වරට සූරිච් බලා ඊයේ දින පිටත් වුණා. වෙරළබඩ තීරය හරහා ඇහෙන ඒ එන්ජින් හතරේ සුවිශේෂී ගර්ජනාව සහ ඒ සම්භාව්‍ය හැඩය අනිවාර්යයෙන්ම මඟහැරෙන නිසා අපේ රටේ ගුවන් සේවා ලෝලීන්ටනම් මේක ටිකක් සංවේදී මොහොතක්🥺🛫

හැබැයි,එක දොරක් වැහෙනකොට, අලුත්ම දොරටුවක් විවෘත වෙනවා😌 මේ එන බ්‍රහස්පතින්දා, ඒ කියන්නේ අප්‍රේල් 2වෙනිදා ඉඳන්, Edelweiss ඔවුන්ගේ ශ්‍රී ලංකා ගමන් මාර්ගය යාවත්කාලීන කරමින් අති නවීන Airbus A350 යානයක් හඳුන්වා දෙනවා. මේ වෙනසත් එක්කම, ස්විට්සර්ලන්තය සහ කොළඹ අතර පියාසර කරන මගීන්ට මීළඟ පරම්පරාවේ පහසුකම්, අසමසම සුවපහසුව සහ ඉහළම තලයේ නවීන ගුවන් තාක්ෂණය අත්විඳින්න අවස්ථාව ලැබෙනවා. A350 යානයේ ඒ නවීන, හැඩකාර නිමාව සහ අතිශය නිහඬ එන්ජින් අපේ ගුවන් පථයට පිළිගන්න අපි ගොඩක් උද්යෝගයෙන් හිටියත්, ඒ ජනප්‍රිය A340 යානයට ශ්‍රී ලාංකේය plane spotters ලගේ හිත්වල හැමදාමත් සුවිශේෂී ඉඩක් අනිවාර්යයෙන්ම තියේවි🛬💙

📸 දැන් අපිට දැනගන්න ඕනේ ඔයාලගේ අත්දැකීම්... කොළඹට පියාසර කරපු Edelweiss A340 යානයේ ඒ අවසාන දවස්වල දසුනක් දැකගන්න ඔයාලා කීදෙනෙකුට පුළුවන් වුණාද? ඔයා Edelweissලගෙ A340
යානා Flight Radar 24 එකෙන් ට්‍රැක් කරපු කෙනෙක් වෙන්න පුළුවන්, ගුවන් තොටුපළේ ඉඳන් බලපු කෙනෙක් වෙන්න පුළුවන්, එහෙමත් නැත්නම් ගෙදර මිදුලේ ඉඳන් ෆොටෝස් ගත්ත කෙනෙක් වෙන්න පුළුවන්. කොහොම වුණත්, මේ දැවැන්තයා ගැන ඔයාලා ගාව තියෙන හොඳම මතකයන් සහ පින්තූර පහළින් කමෙන්ට් කරන්න අමතක කරන්න එපා...👇✈️

ශ්‍රී ලංකාවේ පළවෙනි Virtual Cabin Crew girlව follow කරන්න අමතක කරන්නත් එපා👉 Anya Virtual - Sri Lanka’s First AI Cabin Crew

01/04/2026

දික්කසාද වුනු සැමියෙක්,තමන්ගෙ හිටපු බිරිඳට
හදිසියේ ලියපු ලියුමක්_____________

දැනන් උන්නා නොපෑහෙන බව
දුටුව දා හිඳ මුල් දිනේ
ඒක හින්දයි උඹේ බැල්ලමට
එච්චරක් මං බය උනේ
"සුවඳ විහිදෙන කඩුපුලක්
කවදාද වගුරක නැවතුනේ"
අනේ ඒ "ආදරේ" වෙන්නැති
එහෙමමයි මට සිත්වුනේ..................

මැටි පොළොවෙ මගෙ පපුවෙ රස්නෙට
හැමදාම උඹ ගුලිවුනේ
තුන් වේල බත් මුට්ටියේ කොස්
පොලොස් විතරයි තැම්බුනේ
සීත පිණි දිය නාපු කුසුමක්,
හේනෙ අවුවට කරවුනේ
එහෙව් නුපුරුදු දුක් දරාගෙන
ආදරෙයි උඹ ඉල්ලුවේ...................

එදා මතකද පෝය දවසක්
උඹේ ඇස් අර දිළිසුනේ
එකෙක් වෙනුවට පැටව් දෙන්නෙක්
මගේ අත් උඩ හිනහුනේ
සතුටු වෙන්නට කාලයක් වත්
අපිට නැහැ නොවැ හිමිවුනේ
මහා කන්දක බර දරාගෙන
අහසටයි උඹ පියඹුවේ.................

එක දිගට හත් මාහයක් උඹ
ලියා එව් කඩදාසියේ
ආදරේ මහ ගොඩක් තිබුනා
බිඳක්වත් නැහැ අඩු වුනේ
මොනර පැටවුන් ඉගිලෙද්දි
මැටි බිත්ති ගලවන් අතු පැලේ
තුන් වේල බත තැම්බුනා
පින් දිදී උඹටම කුස්සියේ...............

හෙමි හෙමින් උඹ එව්ව කඩදහි
කෝලේ උස දිග අඩු උනේ
මට නොතේරෙන අමුතු වචනත්
හුඟක් තැන් වල එහි තියේ
"ඇහැකි නම් දැන් ඇවිත් පලයන්"
නොමැත පිළිතුරු හිමි වුනේ
මක්කා හරි ලොකු දෙයක් වෙනවා
හිතට නැහැ විසුමක් උනේ.................

මතක විදියට වසර හතරක්
ගෙවෙන දා ඇති මයෙ හිතේ
අහස් යන්තරේ කැරකුනා
මහ දවල් හිඳ අපෙ ගේ වටේ
දුවන් විත් පොඩි පැටව් දෙන්නම
එල්ලෙද්දි උඹෙ උරහිසේ
උන්ව උස්සන් බිමින් තිව්වේ
කවුරුදැයි ඒ හදිසියේ...................

"සුවඳ විහිදෙන කඩුපුලක්
කවදාද වගුරක නැවතුනේ"
සිහිවුනා මට දහස් වර,මම
එදා බියවුනු කාරනේ
පෙළක් විට උඹ වැරදි නැතුවැති
මගෙයි කළු සුදු ජීවිතේ
උඹට දේදුනු හීන ලොකු ඇති
ඉතිං පලයන් හාමිනේ...................

කොච්චරක් නම් ගෙවුනාද කල්
කටු ගෑව දීගෙට අපේ
වහන් වී පැටවුන්ගෙ දෑහින්
පිස්සා හැමදා දුක හිතේ
බඩක් එක්කලා උඹව දුටුවලු,
කතා ඇහුනම හන්දියේ
හිතා ගත්තා අපිව මරලම
දාලා ඇති පපුවෙන් උඹේ....................

කියන්නට ලොකු දෙයක් තියෙනවා
ඒකමයි මේ සැල කරේ
තරහ නැත්තම් ඇවිත් පලයන්
ගෙවල් පැත්තට හෙට උදේ
8.35 නැකත කුසුමේ....
උඹත් හිටියොත් හරි අගේ

"දන්නවද ලොකු කෙල්ල ගෙට වී
හෙටයි ඒකිගෙ මල්වරේ..............."

Shashika sadeep______

01/04/2026