Galgamuwa Ads

14/04/2026

අනුන් සුවකර තමන් නික්ම ගියේය...
වෛද්‍ය මංජුල සේමසිංහ
මංජුල සේමසිංහ කිට්ටුම හිතෛෂි පුද්ගලයෙකි. හෘද රෝග වෛද්‍ය වරයකු වුවද ඔහුට මම ඇමතුවේ මල්ලී යනුවෙනි..
මංජුල දක්ෂ වෛද්‍යවරයෙකි.. ඔහු එයටත් වඩා උඩින් ගිය මානුෂිය හදවතක් ඇති දයාබර ආදරණීය මිනිසෙකි.
වෘත්තියෙන් මුදල් සෙව්වා නම් ඔහු සුඛෝපභෝගි ජීවිතයකට උරුමකම් කියන්න තිබුනත් ඔහු එසේ කලේ නැත.
මිනිසත්කම පමණක් අගය කල ඔහු සැබෑ මානව හිතවාදියෙකි..
මෙතරම් ඉක්මනට ඔහු ජීවිතය හැරයාවි යැයි කිසිවකුත් හිතුවේ නැත. ඒත්.. උපතේදී හිමිවන මරණය මංජුල මල්ලී ටද හිමිවිය.එය ස්වභාවයයි. එයට එරෙහිවන්නට ලොව කිසිවකුටත් බැරිය.
දයාබරත්වයේ සංකේතයක් බදු වූ
දයාබර මංජු මල්ලියේ..
ඔබට කෙළවර අමා මහ නිර්වාණ සුවයම සාක්ෂාත් වේවා!
චන්ද්‍රරත්න ඉලංගකෝන්

14/04/2026

27/03/2026

ඇය?
ඇය නමින් අනුලා බස්නායකය..
ගල්ගමුව මැතිවරණ කොට්ඨාශයක් බවට නම්කිරීමේන් අනතුරුව පැවැති පළමු මැතිවරණය වූයේ 1977 මහ මැතිවරණයයි. එහිදී ගල්ගමුව ආසනයේ පාර්ලිමේන්තු මන්ත්‍රීවරයා ලෙස තේරි පත්වූයේ එච් එම් ඒ ලොකුබංඩා මහතායි.. එතුමාගේ දයාබර බිරිඳ අනුලා බස්නායක නොහොත් අනුලා ලොකුබංඩායි.
තම සැමියාට මහජන බලතල කෙතරම් තිබුනත් එයින් හිස උදුම්මානොගත් ආදරණීය චරිතයක් වන්නට අනුලක්කට ( අපි එදා සිට ආමන්ත්‍රණය කල අයුරු) හැකිවූයේ ඈ තුල පැවැති ග්‍රාමීය හැදියාවක වටිනාකමයි.
මැඩම් කියනවාට දැඩි සේ විරුද්ධවූ ඇය දයාබර මිනිසුන් හට නංගී-මල්ලී-- දුවේ පුතේ යන ආමන්ත්‍රණය නිසා අක්කේ-- නංගියේ-- නැන්දේ යනුවෙන් මිනිසුනට ඇයව හදුන්වන්නටම සිදුවිය.
සැමියාගේ බලතල වලින් පුද්ගලික වාසි නොගත් අනුලක්කා සැබෑම වූ නිහතමානි චරිතයක් වූවාය.
දරුවන් තිදෙනෙකුගේ ආදරණීය අම්මා කෙනෙකු ලෙස ත් දයාබර බිරිඳක ලෙසත් තම වගකීම් නිසි ලෙස ඉටුකල ඇය පසුගියදා ජීවන ගමන නතරකලාය.
දයාබර අනුලක්කේ...
උපත සමග උරුම වන මරණය හමුවේ සිනාවකින් පිළිතුරු දුන් ඔබට නිවන් සුවයම සාක්ෂාත් වේවා!!!
චන්ද්‍රරත්න ඉලංගකෝන්
(මාලබේ-තලාහේන දී 29 වන දින අවසන් කටුයුතු සිදුකෙරේ)

09/03/2026

‘කතරගම ප්‍රේමා...
ඒක තවත් වේදිකා නාට්‍යයක්..
ගල්ගමුව කියන්නේ ඉතා උසස් රසවින්දනයක් තියෙන ප්‍රේක්ෂකයින් ඉන්න තැනක් කියන්න අමුතුවෙන් සාක්ෂි අවශ්‍ය නැහැ.
ගල්ගමුව නාට්‍ය ප්‍රේක්ෂකයින්ට වේදිකා නාට්‍යක් තමන් කැමති නම් නැරඹිමේ අයිතිය තියෙනවා.
එහෙනම් “කතරගම ප්‍රේමා“ වේදිකා නාට්‍යට මෙතරම් කෙණහිලිකම් ආවේ ඇයි?කවුද මේ නාට්‍ය පෙන්වන්න ඉඩ දෙන්න එපා කියලා ඉසුරුපායට පෙත්සමක් යැව්වෙ.
ඒකට විමර්ශනයකුත් තිබුනා අධ්‍යාපන පලාත් කාර්යාලයේ..කුමාරදාස ගිරිබාව එයට ඉදිරිපත් වෙලා කරුණු දැක්වූවා ගල්ගමුව වෙනුවෙන්..
ඊට පසුව මට දුරකථන ඇමතුමක් එනවා 07704676++ අංකයෙන් කාන්තා සංවිධානයකින් කියලා. මැරුණු ගැහැනියෙක් ගැන කතාවක් තියෙන නාට්‍යයක් ගල්ගමුවේ පෙන්වන්න එපාලු.මගෙන් අහනවා එයාලා දන්නේ නැතිව කොහොමද ගල්ගමුවෙ නාට්‍ය පෙන්වන්නේ කියලා..
මම මේකට කොතනැනින්ද හිනාවෙන්න ඕන කියලා තවමත් හිතන ගමන්..
ගල්ගමුවේ වේදිකා නාට්‍යයක් සංවිධානය කරන්න ඕනෙම අයෙකුට අයිතියක් තියෙනවා.
පසුගිය කාලය පුරාවට කී දෙනෙක් වේදිකා නාට්‍ය සංවිධානය කලාද? අබුද්දස්ස කොලම-අන්දරේලා-මම නොවෙයි වෙන කෙනෙක්.. මල් වඩම් අනවශ්‍යයි--ඒ හැම නාට්‍යයකටම මට පුලුවන් විධියට මම සහයෝගය ලබාදුන්නා.කිසිම දෙයක් බලාපොරොත්තුව නොවෙයි.. ගල්ගමුව ප්‍රේක්ෂකයින් වෙනුවෙන් වචනයකින් හරි මට දායකත්වයක් ලබා දෙන්න හැකිවුනා කියන සතුටින්..

“කතරගම ප්‍රේමා“ නාට්‍ය වෙනුවෙන් දායක වුන - ප්‍රවේශපත් මිලදී ගත් සියලු දෙනා-සහයෝගය දුන් ජාතික පාසලේ විදුහල්පති තුමා ඇතුලු සියලු දෙනා-නගරයේ ව්‍යාපාරික මහත්වරුන් -ආරාධනා පිළි අරන් නැරඹීමට පැමිනි අය- ඇතුලු සියලු දෙනා ගෞරවයෙන් සිහිපත් කරනවා.

පෙත්සමටත්-- තර්ජනයටත් --මම මේ දෙපලටම බෙහෙවින්ම ස්තුතිවන්ත වෙනවා..
මොකද ඔවුන් හිතන මේ බාධාමය සත්කාර්ය ඉදිරියේ පෙන්වන නාට්‍යවලටත් කරන්න හැකිවේවා කියලා..
නාට්‍ය ගැන කෙටි නිහඬතාවයකට අවසර......
චන්ද්‍රරත්න ඉලංගකෝන්