29/04/2026
ජය ශ්රී මහා බෝධි අංකුරය විදේශගත කිරීම සඳහා සූදානම් කිරීම
ශ්රී ලංකා ප්රජාතාන්ත්රික සමාජවාදී ජනරජයේ අතිගරු ජනාධිපතිතුමන් විසින් 'සාමය සඳහා වූ එහිපස්සිකෝ පාගමන' (Ehipassiko Walk for Peace) කණ්ඩායම වෙත පිරිනමන ලද උතුම් වූ ජය ශ්රී මහා බෝධි අංකුරය සූදානම් කිරීම.
එක්සත් ජනපදය වෙත මෙම බෝධි අංකුරය ආරක්ෂිතව රැගෙන යාම සඳහා, කෘෂිකර්ම දෙපාර්තමේන්තුවේ ජාතික ශාක නිරෝධායන සේවයේ (NPQS) නිලධාරීන් විසින් එරට ශාක සෞඛ්ය හා නිරෝධායන රෙගුලාසිවලට අනුකූලව ඉතා සූක්ෂ්ම ලෙස අවශ්ය කටයුතු සම්පාදනය කරන ලදී. ජාත්යන්තර ශාක සෞඛ්ය ප්රමිතීන්ට අනුකූලව සිදු කෙරුණු මෙම ක්රියාවලිය හරහා, සාමයේ සහ ප්රඥාවේ සංකේතය වූ මෙම බෝධි අංකුරය නව භූමියක සාර්ථකව රෝපණය කිරීම සහතික කෙරේ.
මෙම සුවිශේෂී කාර්යය ඉතා ගෞරවනීය අයුරින් සහ වෘත්තීය නිපුණත්වයෙන් යුතුව නියමිත වේලාවට නිම කිරීමට කැප වූ නිලධාරී මණ්ඩලය වෙත මගේ හෘදයාංගම ස්තූතිය පිරිනමමි.
මෙම පූජනීය ත්යාගය සාමයේ සහ මිත්රත්වයේ සදාකාලික සංකේතයක් ලෙස ලෝකය තුළ විරාජමාන වේවා!
