07/01/2026
மோட்டார் போக்குவரத்து திணைக்களம் (DMT/RMV) 31.12.2025 அன்று வெளியிட்ட சுற்றறிக்கையின் பிரகாரம் வாகன உரிமை மாற்றத்தின் போது TIN சான்றிதழ் சமர்ப்பிப்பது கட்டாயமாக்கப்பட்டுள்ளது.
மோட்டார் போக்குவரத்து திணைக்களத்தின் அறிவுறுத்தலின்படி, 2026 ஜனவரி 05 முதல் நடைமுறைக்கு வரும் வகையில், வாகனப் பதிவு அல்லது வாகன உரிமை மாற்றத்தின் போது (Transfer), வாகனத்தைப் பெற்றுக்கொள்பவர் (Transferee) தனது TIN பதிவுச் சான்றிதழின் தெளிவான நிழற்படப் பிரதியை (Copy of TIN Certificate) ஏனைய ஆவணங்களுடன் சேர்த்து சமர்ப்பிப்பது கட்டாயமாக்கப்பட்டுள்ளது.
பின்வரும் வாகன வகைகளைப் பதிவு செய்யும் போது அல்லது உரிமை மாற்றும் போது TIN சான்றிதழ் சமர்ப்பிக்க வேண்டிய அவசியமில்லை..
* மோட்டார் சைக்கிள்கள் (Motorbikes)
* த்ரீ-வீலர்கள் / முச்சக்கர வண்டிகள் (Three-wheelers)
* டிராக்டர்கள் (Tractors)
* டிராக்டர் ட்ரெய்லர்கள் (Tractor Trailers)
* கை டிராக்டர்கள் (Hand Tractors)
மேலே குறிப்பிட்டுள்ள வாகனங்களைத் தவிர ஏனைய அனைத்து வாகனங்களுக்கும் (உதாரணமாக: கார், வேன், லொறி போன்றவை) TIN சான்றிதழ் சமர்ப்பிப்பது 05.01.2026 முதல் கட்டாயமாகும்.
உரிமை மாற்றும் விண்ணப்பப் படிவத்துடன் (Transfer Set) இந்தச் சான்றிதழை கட்டாயம் இணைக்க வேண்டும் என RMV அறிவுறுத்தியுள்ளது. இது புதிய, பழைய (பதிவுசெய்யப்பட்ட, பதிவுசெய்ப்படாத) வாகனங்கள் இரண்டிற்கும் பொருந்தும்.
M. R. Roshan Firas
- Attorney at Law -
