26/08/2026
තනියෙන් ට්‍රිප් යන එක කම්මැලිද? එපාවෙනවද? එහෙම හිතනවනම් මේ ලිපිය කියවලා බලන්න. තනියෙන් සංචාරයක් යද්දි ලැබෙන අත්දැකීම් හා වාසි ගැන කියන්නම්.. තනියෙන් සංචාරයක් යන්න බය හිතෙනවනම් මේක බලල බය නැති කරගෙන තනියම ට්‍රිප් එකක් යන්න කැමැත්තක් ඇතිවේවි..
1. කාගෙන්වත් අහන්න ඕනේ නෑ, කවුරුත් එනකන් බලන් ඉන්න ඕනේ නෑ, කොහෙද යන්නේ අහන්න ඕනේ නෑ, කැමති තැනක කැමති වේලාවක ගියා. පරක්කු වෙනවා කියලා හිතන්න දෙයක් නෑ.. කැමති වේලාවක ආපහු එන්න පුලුවන්...
2. කැමති දෙයක් කරන්න පුලුවන් : කට්ටියක් එක්ක ගියාම වැඩි දෙනා කැමති දේවල් , ක්‍රියාකාරකම් තමයි කරන්න වෙන්නෙ.. තමන්ට කැමති දේ අනෙක් බහුතරය අකමැති නම් කරන්න වෙන්නෙ නෑනෙ.. නිදසුනක් විදිහට කන්දක් නගින්න, පිහිනීමට, යම් ස්ථානයක් බලන්න යන්න, බෝට්ටු සවාරියක් යන්න, ආගමික ස්ථානයකට යන්න.. වගේ දේවල් කරන්න බැරි වෙන්න පුලුවන්.
3. ආහාර පාන : තමන්ට කැමති තැනකින්, කැමති කෑමක් බීමක්, අතේ ඇති මුදලට අඩුවෙන් හෝ වැඩියෙන් වියදම් කරලා කන්න බොන්න පුලුවන්..
4. සංචාරය කල ස්ථාන හා මගදි දකින දේවල් වෙනස් විධිහට දකින්න විදින්න පුලුවන්. පිරිසක් එක්ක යද්දි සමහර විට ඔවුන් සමග කථා කරමින්, විහිලුවෙන් යන නිසා පරිසරයේ දකින දේවල් මගහැරිලා යනවා.. නැත්නම් ඔවුන් විදින විදිහටම විදින්න වෙනවා..
5. තමන් ගැන හිතන්න නියම වේලාව : තනියම යන නිසා කථා කරන්නත් කවුරුත්නැති නිසා තමන් එක්කම හිතින් කථා කරන්න පුලුවන්. අතීත සිදුවීම්, අනාගතයේ කරන්න පුලුවන් නව සැලසුම් ගැන හිතන්න පුලුවන්.
6. මිනිස්සුත් එක්ක වැඩිපුර කතාබහ : අපේ කට්ටියක් එක්ක ට්‍රිප් එකක් ගියාම අපි ඔවුන් එක්කම විතරනේ කථා කරකර ඉන්නේ. එත් තනියම ගියාම කෝච්චියේ බස් එකේ , මගතොටදි , සංචාරක ස්ථානවල , කෑම කන තැනදි හමුවන,.. නොහදුනන මිනිස්සු එක්කත් කථාබස් කරන්න අවස්ථා තියනවා. එමෙන්ම විවිධ පැතිවල මිනිස්සු එක්ක කථා කරද්දි ඒ ප්‍රදේශ ගැන විවිධ තොරතුරු එහෙම දැන ගන්න පුලුවන්.
7. වියදම : තමන්ට වියදම් කරන්න පුලුවන් සීමාව ඇතුලත වියදම් කරන්න පුලුවන්. අනවශ්ය දේට වියදම නොකර අවශ්ය දේට වියදම් කරන්නත් පුලුවන්. තමන්ට සැපපහසු හෝටලයක ඉන්න ඕනෙනම් එහෙමත්. සාමාන්ය කාමරයක ඉන්න ඕනනම් එහෙමත් වියදම් කරන්නත්. AC සහිත හෝ රහිත බස් එකක / කෝච්චියේ පළමු පංතියේ යන්න ඕනෙනම් එහෙම වියදම් කරන්නත්. 3වීල් එකක යන්න වියදම් කරන්න හෝ වියදම් නොකර පයින් යන්නත් පුලුවන්.. කට්ටියක් එක්ක ගියානම් ඔවුන්ගේ කැමැත්ත අනුව වියදම් කරන්න වෙන්නෙ.
8. ගමන ආරම්භය : කට්ටියක් එක්ක ගියාම සියලු දෙනාම ලෑස්ති වෙලා එකතුවෙනකන් ඉන්න වෙනවා ගමන් ආරම්භ කරන්න. කාන්තාවන් එහෙම මේකප් දාලා හැඩවෙලා එන්න එහෙම ගොඩක් වෙලාගන්නවනෙ. තනියම ගියාම කැමතිනම් පාන්දරම ගමන් ආරම්භ කරන්නත්.. නැත්නම් කැමතිවෙලාවක් නිදාගෙන ඉදලා දවල් වෙලා ආරම්භ කරන්නත් පුලුවන්.
9. නවාතැන් ගැනීම : කට්ටියක් එක්ක ගියාම, පවුල් ඉන්නවනම්, කාන්තාවන් ළමයි ඉන්නවනම් ඔවුන් ගැන හිතලා නවතින තැන් ගැන බලන්න ඕනා. විවිධ පහසුකම් ගැන බලන්න වෙනවා. ඒත් තනියම ගියාම එහෙම නෑ.. ඕනනම් සාමාන්ය කාමරයක, විශ්‍රාම ශාලාවක, දුම් රිය ස්ථානයේ, බස් ටෑන්ඩ් එකේ උනත් රෑට නැවතිලා නිදා ගන්න පුලුවන්. පහසුකම් ගැන වද වෙන්න දෙයක් නෑ.
10. ආත්ම විශ්වාසය වැඩිවෙනවා : අලුත් ගමනක්, අලුත් නගරයක්, අලුත් මිනිස්සුන් අතර තමන්ම මැනේජ් කරනකොට විශ්වාසය සහ ස්වයංපරමාර්ථය වැඩි වෙනවා.
11. මානසික විවේකය : එකිනෙකට ගැටෙන, රැකියාවේ හෝ ගෙදර ප්‍රශ්න වලින් දුරස්වෙලා, තනියෙන් යන ගමනකදී මනසට සන්සුන් බව ලැබෙනවා.
12. තනියම සංචාරය කිරීමේන් මනසේ බිය පහව යනවා. සැලසුම් කිරීමේ හැකියාව , තනිවම තීරණ ගැනීමේ හැකියාව වැඩි වෙනවා.
# මෙම ලිපියේ අරමුණ තනියම ට්‍රිප් යාමේ වාසි කීපයක් ගැන සදහන් කිරීම පමනි. එහි අවාසිද ඇත. මෙමගින් කණ්ඩායමක් එක්ක ට්‍රිප් යාම කිසිසේත්ම ප්‍රතික්ශේප නොකෙරේ.
* Travel කරන කෙනෙකුට අත්‍යවශ්‍යම Travel Items කීපයක් ගැන බලන්න : https://www.facebook.com/share/p/1Ca223q5jF/
* යාලුවන්ටත් බලන්න Share කරන්න... තනියම පාරේ බස් එකේ, කෝච්චියේ ට්‍රිප් යන හැටි දැන ගන්න. මේ Page එක බලන්න. Follow කරන්න.. 52,000+ Followers !
* මම තනියම ගිය මේ වගේ ට්‍රිප් 100 ගනනක් බලන්න...පසුගිය සියලුම සංචාරයන් Index : https://www.facebook.com/share/1CXR2dx6ZD/
