14/09/2024
මිනිස්සුන්ට වෙනස් වෙන්න බැරිද?
හොඳට කන්න අඳින්න ඕන එක පැලැන්තියක් විතරද?
නායකත්වය ගන්න ඕන එක පැලැන්තියක් විතරද?
නැති බැරි තැන ඉඳලා ඇති හැකි තැනට එන්න එපාද ?
සමාජවාදයේ උපත සිද්ද වෙච්ච රටවල්නුත් අද මිශ්ර හෝ නැත්නම් ධනවාදී ආර්ථික ප්රතිපත්ති ඇති රටවල් බවට පත්වෙලා නව ලෝක බලවතුන් බවට පත්වෙලා නම් ලංකාවෙත් ඒක සිද්ද වෙන එක වැරදි ද?
මේක අනුරට කියපු කතාවක් විතරක් විදියට මට පේන්නේ නෑ. පහුගිය සති 2ක තිස්සේ පහළ සමාජ පන්තියේ කෙනෙක් රටේ නායකත්වයට සුදුසු නෑ කියන කතාවක් මතු කරනවා. අපි රැකියා කරපු සමහර තැන් වලදිත් මේක අත්දැකලා තියනවා. දුර පැත්තකින් ආපු එකෙක් කොච්චර දක්ෂයෙක් වුනත් "ඌ ආපු පැත්ත, ගියපු ඉස්කෝලේ" එක්ක තමයි පිළිගැනීම හැදෙන්නේ. දේශපාලනය ඇතුලෙත් ඒ තත්ත්වය තාමත් එහෙමම දකින්න ලැබීම කණගාටුයි. ලංකාවේ ඉතිහාසයේ ජනාධිපතිවරු, අග්රාමාත්යවරු, හමුදාපතිවරු, පොලිස්පතිවරු අරන් බැලුවම අපිට පේන්නේ කොළඹ ප්රධාන ඉස්කෝල 5ක 6ක, නැත්නම් පිට පළාතක වුනත් ඒ පළාතේ තියෙන ලොකුම ඉස්කෝලේ ගියපු එකෙක් තමයි ඒ තැනට එන්නේ. එතකොට නායකත්වය එක සමාජ පන්තියක අයිතියක්ද?
හැබැයි ඒ පන්තියෙන් ආපු උන් හොරකම් නොකර හිටියද? මිනී නොමරා හිටියද? නීතිය අවභාවිතා නොකර හිටියද?
ප්රතිපත්ති දුර්වලයි නම්, වැඩපිළිවෙළ සහ ක්රියාත්මක වීම දුර්වලයි නම් නොසලකා හැරීම වෙනම දෙයක්. හැබැයි සුජීව සේනසිංහලාගේ මේ වචන දෙකයි පනහේ ජන්ද කැම්පේන් වලට හොඳයි.
ඇයි මේ කුහකත්වය.?
