https://www.facebook.com/153334344525636/

Malimbada Api, Malimbada, Matara (2026)

12/05/2026

🔴 ගාල්ලේ, දංගෙදර, ඩික්සන් හන්දිය ප්‍රදේශයේදී අද (12) උදෑසන වෙඩි තැබීමක් සිදුවී තිබෙනවා. මෝටර් රථයකින් පැමිණි තුවක්කුකරුවෙක් විසින් පුද්ගලයෙකුට වෙඩි තැබීම සිදුකර ඇති අතර, තුවාල ලැබූ පුද්ගලයා මේ වනවිට කරාපිටිය රෝහලට ඇතුළත් කර ඇති බවයි පොලීසිය සඳහන් කළේ.

11/05/2026

💚 MADE WITH LOVE 💚
Delicious Sri Lankan foods made with fresh ingredients and lots of love 🥰🥰

📍Godagama, Matara.

🤙0715604590

11/05/2026

දෙනියාය නගරයට සහ පාසල්වලට ජලය සපයන ජල මූලාශ්‍ර අනාරක්ෂිත බව අනාවරණය වී ඇතැයි දකුණු පළාත් සෞඛ්‍ය සේවා අධ්‍යක්ෂ වෛද්‍ය එන්. ජී. එස්. පණ්ඩිතරත්න මහතා පවසනවා.

පැතිර යන රෝගී තත්ත්වය පිළිබඳ විමර්ශනය කිරීමට යොමු කළ විශේෂඥ වෛද්‍ය කණ්ඩායම විසින් සිය වාර්තාව මඟින් ඒ පිළිබඳ අනාවරණය කර ඇති බවයි ඔහු සඳහන් කළේ.

අදාළ ජල මූලාශ්‍ර ක්ලෝරිනීකරණය කිරීමට මේ වන විටත් පියවර ගෙන ඇති බව ද වෛද්‍ය එන්. ජී. එස්. පණ්ඩිතරත්න මහතා ප්‍රකාශ කළා.

ප්‍රදේශය පුරා පැතිර යන වෛරස් උණ රෝගය වැළඳුණු රෝගීන් 50 දෙනෙකු මේ වන විට වාර්තා වී තිබෙන අතර, රෝගීන්ගේ ජෛව සාම්පල කරාපිටිය ශික්ෂණ රෝහල වෙත යොමු කර සිදු කළ පරීක්ෂණවලට අනුව, එය මිනිස් සිරුරේ ආහාර මාර්ගය ආශ්‍රිතව බහුලව දක්නට ලැබෙන වෛරස් කාණ්ඩයක් බවට හඳුනාගෙන ඇති බවයි වාර්තා වන්නේ.

මේ අතර, පවතින වෛරස් රෝගී තත්ත්වය සැලකිල්ලට ගෙන දෙනියාය අධ්‍යාපන කලාපයේ පාසල් හතරකට අද (11) සහ හෙට (12) නිවාඩු ලබා දුන් බව දකුණු පළාත් ආණ්ඩුකාර සුසිරිපාල මානවඩු මහතා ප්‍රකාශ කර සිටියා.

11/05/2026

ශ්‍රී ලංකාව ආශ්‍රිතව පවතින අඩු පීඩන කලාපය පිළිබඳ අවවාදාත්මක නිවේදනයක් කාලගුණ විද්‍යා දෙපාර්තමේන්තුව විසින් නිකුත් කර තිබෙනවා.

බෙංගාල බොක්ක මුහුදු ප්‍රදේශයේ පැවති පහළ වායුගෝලීය කැළඹිලි ස්වභාවය අඩු පීඩන කලාපයක් දක්වා වර්ධනය වී පවතින බවයි එම දෙපාර්තමේන්තුව සඳහන් කළේ. මෙම පද්ධතියේ බලපෑම හේතුවෙන් දිවයිනේ දැනට පවතින වැසි තත්ත්වය ඉදිරි දින කිහිපයේදී තවදුරටත් අපේක්ෂා කළ හැකි බවත්, මුහුදු ප්‍රදේශ රළුවීමේ හැකියාවක් පවතින බවත් එම නිවේදනයේ සඳහන් වනවා. එබැවින් ඉදිරි කාලගුණ නිවේදන පිළිබඳව දැඩි අවධානයෙන් පසුවන ලෙස කාලගුණ විද්‍යා දෙපාර්තමේන්තුව විසින් ධීවර හා නාවික ප්‍රජාවගෙන් හා මහජනතාවගෙන් ඉල්ලා සිටිනවා.

අදාළ නිවේදනය පළමු කමෙන්ටුවේ

11/05/2026

මාලිම්බඩ, නාගොඩ ප්‍රදේශයේ ගොඩනැගිලි ඉදිකිරීම් ද්‍රව්‍ය බෙදා හැරීමේ ආයතනයක් වන ජයමිණී හාඩ්වෙයාර් ආයතයේ ඇති වූ ගිනි ගැනිමක් හේතුවෙන් එම ආයතනයට දැඩි හානි සිදුව ඇතැයි මාලිමිබඩ පොලිසිය පවසනවා. අද පෙරවරු 6.30 පමණ ගින්න හට ගෙන ඇති අතර, එම අවස්ථාවේ දි එම වෙළද සැල වසා තිබු බවද සදහන්. මෙම ගින්නෙන් කිසිවෙකුටත් අනතුරක් සිදු වී නොමැති අතර, ගින්නෙන් දේපළ සම්පූර්ණයෙන් විනාශ වී ඇති බව සඳහන්. ගින්න නිවා දැමීම සඳහා ප්‍රදේශවාසීන්, මාතර, ගාල්ල ගිනි නිවීමේ ඒකක සහ මාලිම්බඩ, අතුරලිය ප්‍රාදේශීය සභා, මාලිම්බඩ පොලිසිය ඇතුළු ආයතන සහය ලබා දී තිබෙනවා.

11/05/2026

⭕️ නාගොඩ ජයමිණී හාඩ්වෙයාර් ආයතනය අසල සිදුවීමේ තත්වය >>
මාතර ගි #ණි නිවීමේ ඒකකය සහ මාලිම්බඩ පොලීසිය එක්ව ගි #න්න මැඩපැවැත්වීමට අදාල කටයුතු මේ වන විට සිදුකරමින් පවතිනවා...

11/05/2026

⭕️ නාගොඩ ජයමිණී හාඩ්වෙයාර් ආයතනය අසල තත්වය >>>

10/05/2026

🔴 දක්ෂිණ අධිවේගී මාර්ගයේ බෙලිඅත්ත හා කසාගල අතර කොටසේ 154 වන කණුව ආසන්නයේ සිදු වූ රිය අ^තුරකින් පුද්ගයින් දස දෙනෙකු තු^ල ලබා තිබේ. ඔවුන් මේ වනවිට තංගල්ල මූලික රෝහලට ඇතුළත් කිරීමට පියවර ගෙන ඇත.

මෙම අ^තුර සිදුව ඇත්තේ, පානදුර ප්‍රදේශයේ විදුලිබල මණ්ඩලයේ සේවකයින් පිරිසක් රැගෙන කතරගම බලා ගමන් කරමින් තිබු වෑන් රථයක් ඉදිරියෙන් ගමන් කළ ලොරි රථයක පිටුපස ගැටීමෙනි. එහිදී ලොරි රථය ද පෙරලී ගොස් ඇති බව සඳහන්.

10/05/2026

මැයි පළමු වනදා සිට ක්‍රියාත්මක වනු ලබන ඩිජිටල් මෝටර් රථ රක්ෂණ කාඩ්පත් නිකුත් කිරීම සම්බන්ධයෙන් පොලීසිය විසින් විශේෂ නිවේදනයක් නිකුත් කර තිබේ.

ශ්‍රී ලංකා රක්ෂණ නියාමන කොමිෂන් සභාව, ශ්‍රී ලංකා රක්ෂණ සංගමය සහ රක්ෂණ කර්මාන්තයේ අනෙකුත් පාර්ශවකරුවන් එක්ව ගනු ලැබූ තීරණයකට අනුව රක්ෂණ ආයතන මඟින් මෙලෙස මෝටර් රථ රක්ෂණ සහතික පත්‍ර වෙනුවට, ඩිජිටල් මෝටර් රථ රක්ෂණ කාඩ්පත් හඳුන්වා දී ඇත.

ඒ අනුව ජාතික රක්ෂණ සත්‍යාපන පද්ධතිය හඳුන්වා දී ඇති අතර, එයට පහත සඳහන් ක්‍රම මඟින් ප්‍රවේශ විය හැක.

මෙමඟින් මෝටර් රථ රක්ෂණයේ වලංගුභාවය පරීක්ෂා කිරීමේ හැකියාව ඇති බව ද දන්වා ඇත.

i). USSD Code: *1338 # ඔස්සේ පහත පියවර අනුගමනය කළ හැකි බව දැනුම් දී ඇත. ඕනෑම ජංගම දුරකථන සම්බන්ධතාවක් මඟින් *1338 # අංකයට ඇමතීම. වාහන අංකය හෝ රක්ෂණ සහතික අංකය ඇතුළත් කිරීම.
අදාළ රක්ෂණ ඔප්පුවෙහි වත්මන් තත්ත්වය ක්ෂණිකව ලබාගත හැකි බව සඳහන් කර ඇත.

ii). SMS: 1338 කෙටි පණිවිඩ සේවාව.
ඕනෑම ජංගම දුරකථනයක් මඟින් වාහන අංකය හෝ රක්ෂණ පත්‍ර අංකය කෙටි පණිවිඩයක් මඟින් 1338 වෙත යොමු කළ හැක.
එවිට රක්ෂණ ඔප්පුව සක්‍රීයව වලංගුව පවතින්නේ ද යන්න කෙටි පණිවිඩයක් මඟින් ක්ෂණිකව පිළිතුරු ලබා ගැනීමට හැකියාව ඇති බව දන්වා ඇත.

iii). ක්ෂණික දුරකථන අංකය වන 1338 අංකයට ඇමතීම.
ඇමතුම ලබා ගත් පසුව ලැබෙන උපදෙස් අනුව අදාළ රක්ෂණ ආයතනය තෝරා ගන්න.
එවිට අදාළ රක්ෂණ සමාගමේ පාරිභෝගික සේවා අංශය වෙත යොමු වේ.
අදාළ රක්ෂණ සමාගම වෙත රක්ෂණ ඔප්පුවේ අංකය හෝ වාහන අංකය ලබා දෙන්න.
ඔවුන් විසින් රක්ෂණයේ වලංගුභාවය තහවුරු කරනු ඇත.

*1338 # මඟින් සහ කෙටි පණිවිඩ මඟින් තොරතුරු ලබා ගැනීම සඳහා වාහන අංකය ඇතුළත් කිරීමේදී වාහන අංකයේ මුල් අකුරු හෝ ඉලක්කම්, කෙටි ඉර, අංක හතරකින් සමන්විත ඉලක්කම ඇතුළත් කළ යුතු වේ.

වාහන අංකය ඇතුළත් කිරීමේ දී අකුරු හෝ ඉලක්කම් අතර ඉඩ තැබිය යුතු නැත.

යම් මෝටර් වාහනයක අංකය "ශ්‍රී" වශයෙන් පවතින විට එම අක්ෂරය "SRI" ලෙස ඉංග්‍රීසි භාෂාවෙන් ඇතුළත් කිරීමට කටයුතු කළ යුතු වේ.

ඉහත ක්‍රම මඟින් මෝටර් රථයක රක්ෂණය පරීක්ෂා කරන අවස්ථාව වන විට වලංගුව පවතින්නේ ද නැද්ද යන්න ක්ෂණිකව දැන ගත හැකි අතර කෙටි පණිවිඩ සේවාව මඟින් වඩා පහසුවෙන් මෙම තොරතුරු ලබා ගත හැකිය.

1338 කෙටි දුරකථන අංකයට ලබා ගන්නා ඇමතුම් හෝ කෙටි පණිවිඩ සඳහා ගාස්තු අය කිරීමක් සිදු නොකරන බව දැනුම් දී ඇත.

රක්ෂණ සමාගම් මඟින් ඩිජිටල් රක්ෂණ කාඩ්පත් නිකුත් කිරීම ආරම්භ කළ ද තාවකාලික රක්ෂණ ආවරණ නිකුත් කිරීම තවදුරටත් සිදු කරනු ලබයි.

ඉදිරියේදී තාවකාලික රක්ෂණ ආවරණ නිකුත් කිරීම නතර කිරීමට අපේක්ෂා කර ඇති අතර එතෙක් තාවකාලික රක්ෂණ ආවරණ පෙර පරිදි ම වලංගුව පවතින බව තවදුරටත් දන්වා ඇත.

මැයි 01 දින සිට ඩිජිටල් රක්ෂණ කාඩ්පත් පමණක් නිකුත් කිරීම සිදු කළ ද මේ දක්වා නිකුත් කර ඇති රක්ෂණ කාඩ්පත්වල එහි වලංගු කාලය අවසන් වන තුරු එලෙසම වලංගුව පවතී.

යම් රියදුරෙකු විසින් ඩිජිටල් රක්ෂණ කාඩ්පත ඉදිරිපත් කිරීමට අපොහොසත් වූ අවස්ථාවකදී ඩිජිටල් රක්ෂණ කාඩ්පතේ මුද්‍රිත ඡායා පිටපතක් ඉදිරිපත් කරන අවස්ථාවක දී, කෙටි දුරකථන අංකය භාවිතයෙන් හෝ කෙටි පණිවිඩ සේවාව මඟින් එම රක්ෂණයේ වලංගුභාවය තහවුරු කර ගැනීමට හැකියාව පවතී.

2006 අංක 19 දරණ ඉලෙක්ට්‍රොනික ගනුදෙනු පනතේ II පරිච්ඡේදයේ 3 වන වගන්තිය ප්‍රකාරව මෙම ඩිජිටල් රක්ෂණ කාඩ්පත් පිළිගැනීම, එහි බලපෑම හෝ වලංගුභාවය අහිමි කළ නොහැක.

10/05/2026

ශ්‍රී ලංකන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේන මහතා තම හිතවතෙකු බව හිටපු ජනාධිපති මහින්ද රාජපක්ෂ මහතා පවසනවා.

කපිල චන්ද්‍රසේන මහතාගේ දේහයට අවසන් ගෞරව දැක්වීම සඳහා අද (10) පෙරවරුවේ එක් වෙමින් හිටපු ජනාධිපතිවරයා සඳහන් කළේ, ඔහු රට වෙනුවෙන් සේවයක් කළ පුද්ගලයෙකු බවයි.

මේ අතර, අල්ලස් හෝ දූෂණ චෝදනා විමර්ශන කොමිසම හමුවේ පෙනී සිටින ලෙස කර ඇති කැඳවීම පිළිගන්නා බවත්, නියමිත දිනයේ දී ඒ සඳහා පෙනී සිටීමට තමා සූදානම් බවත් හිටපු ජනාධිපතිවරයා එහිදී වැඩිදුරටත් ප්‍රකාශ කළා.

10/05/2026

⭕️ වායුගෝලීය කැළඹිලි ස්වභාවය අඩු පීඩන කලාපයක් දක්වා වර්ධනය වීමේ හැකියාවක් තිබෙන බවට කාලගුණයෙන් දැනුම්දීමක් >>>

ඉදිරි දින කිහිපයේදී වැසි තත්ත්වයේ වැඩි වීමක් සිදු වන බව කාලගුණ විද්‍යා දෙපාර්තමේන්තුවේ කාර්යයේ නියුතු කාලගුණ විද්‍යාඥ මලිත් ප්‍රනාන්දු මහතා පවසනවා.

පසුගිය දිනවල මෙන්ම ඉදිරි දින කිහිපයේ ද වැසි සහිත කාලගුණයක් පවතින බවත්, හෙට (11) වන විට පහළ වායුගෝලයේ පවතින කැළඹිලි ස්වභාවය අඩු පීඩන කලාපයක් දක්වා වර්ධනය වීමේ හැකියාවක් පවතින බවත් අද (10) පැවති මාධ්‍ය හමුවකට එක් වෙමින් ඔහු ප්‍රකාශ කළා.

මෙය මෝසම් තත්ත්වයක් නොව 'පෙර මෝසම්' තත්ත්වයක් බව පෙන්වා දුන් ඔහු, මෙම අඩු පීඩන කලාපයේ වර්ධනයත් සමඟ මැයි මස 20 වන දින වන විට මෝසම් කාලගුණය ස්ථාපිත වී ඊට අදාළ කාලගුණ විපර්යාස සිදු වනු ඇති බව ද සඳහන් කළා.

වැසි තත්ත්වය වර්ධනය වීමත් සමඟ ගංවතුර අවදානමක් ඇති විය හැකි බවයි කාලගුණ විද්‍යාඥ මලිත් ප්‍රනාන්දු මහතා වැඩිදුරටත් ප්‍රකාශ කළේ.

Malimbada Api

12/05/2026

11/05/2026

11/05/2026

11/05/2026

11/05/2026

11/05/2026

11/05/2026

10/05/2026

10/05/2026

10/05/2026

10/05/2026

Address

Website

Alerts

Shortcuts

Share

Category