20/08/2021
" ඔබේ සිහිනය කුමක්ද? " මම අහනවා...
"කැමරාවක් ගන්න එක නම් හීනයක් තමයි. ඒත් මේ හිර වෙලා ඉන්න අස්සෙ කොහොමද කැමරා ගන්නෙ?." ඔබ කියනවා.
බොහෝ වෙලාවට අපි අපේ සිහින ගැන කතා කරද්දී, ඒත් එක්කම කියවෙන දෙයක් තමයි "මෙන්න මේ ගැටළු ටික නැත්නම් මෙලහකටත් මම ඒ සිහිනෙට ගිහිල්ලා..." කියන එක.
"මගෙ හීනෙ තියෙන ගේ.. ඒත් කෝටි දෙකක්වත් අතේ නැතුව ඒ වගේ ගෙයක් හදන්නෙ කොහොමද?"
නැත්නම්..
"BMW එකක් මම කවදහරි පදිනවා. ඒත් මේ ණය ටික ගෙවල ඉවරවෙනකම් ජොබ් එක අතෑරල බිස්නස් එකක් කරන්න විදියක් නෑනෙ.. මම හිර වෙලා ඉන්නෙ "
"අපිට අපේ Service එක ගින්දර වගේ විකුණන්න තිබ්බ. ඒත් මේ දෙකයි පනහට වැඩ කරන කට්ටිය හින්ද ඔළුව උස්සගන්න බැරිවෙලා ඉන්නෙ"
මේ හැම උත්තරේකම Common Pattern එකක් තියෙනව.
ඉහළින් කිව්ව වගේ අපේ සිහිනයක් ගැන කතා කරන හැම වෙලාවකදීම අපි පුරුදු වෙලා ඉන්නවා ඒක නොකෙරෙන්නෙ ඇයි කියන එක සාධාරණීකරනය කරන්න. අපේ යටි සිත හොඳ නරක වෙන් කරගන්න දන්නෙ නෑ. එයා දන්නෙ එයාට ලැබෙන සංඥාව ග්රහණය කරගෙන ඒක ඉටුකරන්න උදව් කරන්න පමණයි. ඉතිං එයා ඔයාගෙ සිහිනයත් එක්ක හැම වෙලාවෙම ප්රශ්ණයකුත් ගොනු කරලයි තියන්නේ.
දැන් තේරුනානෙ වැඩේ?
හරි.. එහෙනම් මේක සරළ විසඳුමකින් ගොඩ දාගන්න බලමු. ඔබේ සිහිනය මතක් වෙද්දිම පපුවෙ පැත්තක් බරවෙලා අසවල් හේතුව හින්ද ඒක කරගන්න බැරිවෙනවනෙ තාම කියල හිතිවිල්ල අදින් පස්සෙ අයින් කරගන්න. ඒකට ලක්ෂ පන්සීයක් ඕනි උනත් කමක් නෑ..
දැන් මේ මොහොතෙ ඉඳලා නිදහස්ව ඔබේ සිහිනය උදේ හවා දකින්න. අවදියෙන් ඉන්න හැම මොහොතකමත්, නින්දට යන මොහොතේදී සහ නින්දෙන් ඇහැරුන පසුවත් ඒ සිහිනයෙන් ප්රමෝදමත් වෙන්න. ඔබ එතන ඉන්නව කියල හිතන්න. එය ඉටුවූ පසුව ඔබට දැනෙන දේ හිතින් විඳින්න.අතින් අල්ලන්න. හඬ අසන්න. ස්පර්ශය, සුවඳ, වර්ණ, ආලෝකය හැම දෙයක්ම දෑස පියාගෙන විදින්න..
"ප්රශ්ණය ගැන හැර අනිත් හැම දේම හිතන්න"....
සති තුනක් එක දිගට මේ දේ කරල බලන්න.ඔබ හරියටම ඒ දේ කළා නම් සති තුනකින් ඔබට පුදුම හිතෙන තරමට ඔබේ සිහිනය දෙසට යොමු වෙලා තිබේවි.
අකමැත්තක් නැතිනම්, ඔබේ සිහිනය ගැන අදහසක් අපිත් සමඟ බෙදාගන්න පහලින්..
ඔබට ජයග්රාහී සුබ දවසක්!
