11/03/2026
සිසු ආරක්ෂාව පිළිබඳව වගකියන්නේ කවුද….⁉️
🔴මොරටුව විශ්වවිද්යාලය අවට මෑත කාලීනව විවිධ මංකොල්ලකෑම් ආශ්රිත සිදුවීම් පිළිබඳව කරුණු රැසක් අප හට වාර්තා වී ඇත.🔴
1️⃣. 2026/03/10 දින රාත්රියේ මොරටුව විශ්ව විද්යාලය ඉදිරිපිට මෝල්පේ මාර්ගයට මුහුණලා පිහිටා තිබෙන පිරිමි ළමුන්ගේ පුද්ගලික නේවාසිකාගාරයක්(බෝඩිම්) වෙතට හොරෙන් ඇතුළු වී රු. 25 000 ක පමණ මුදල් ප්රමාණයක් පැහැර ගෙන ගොස් ඇත.
2️⃣. 2026/02/26 දින ප.ව 5 සිට ප.ව 6 ත් අතර කාල සීමාවේ, වංගුවක් අසල නතර වී අතිශයින්ම නුසුදුසු ලෙස හැසිරුණු පුද්ගලයෙකු විසින් ශිෂ්යාවකට වාචිකව හා ලිංගික හිරිහැර කර ඇත. ශිෂ්යාව පැන ගොස් ආරක්ෂිතව ඇගේ නේවාසික ස්ථානයට ආපසු යාමට සමත් විය.
3️⃣. 2026/02/27 දින ප.ව 1.30 ට පමණ විශ්වවිද්යාල පසුපස ගේට්ටුව, "පමීෂා" නේවාසිකාගාරය අසළ යතුරුපැදියකින් පැමිණි පුද්ගලයින් දෙදෙනෙකු විසින් ශිෂ්යාවකට සාක්කු පිහියක් පෙන්වා තර්ජනය කරන ලදී. වාසනාවකට මෙන්, අසල සිටි සාප්පු හිමියෙකු මැදිහත් වූ අතර, සැකකරුවන් වහාම පලා ගියහ.
4️⃣. ඒ වගේම ගැහැණු ළමුන් සිටින පුද්ගලික නේවාසිකාගාර වෙතට අවසරයකින් තොරව ඇතුළු වී ඔවුන් බියගන්වා මුදල් ගෙන ඇති බවට කරුණු වාර්තා වී ඇත. ඒ අනුව ගැහැණු ළමුන්ගේ ආරක්ෂාව පිළිබඳව දැඩි ප්රශ්නයක් පැන නැගී ඇත.
මේ ආකාරයෙන් විශ්වවිද්යාල සිසුන්ගෙන් විටෙන් විට විවිධ කාලවකවානු තුළදී රු.430,000 ක මුදල් ප්රමාණයක් විවිධ කල්ලි විසින් මංකොල්ල කෑමට ලක්ව ඇත. නමුත් අදාළ අංශ දැනුවත් කළද එමඟින් කිසිදු සාධනීය ක්රියාමාර්ගයක් ගෙන නොතිබීම කණගාටුවට කරුණකි.⁉️
මෙම කරුණු අපට වාර්තා වූ ඒවා පමණි. මෙතරම් බුද්ධිමත් ළමයින් සිටින විශ්වවිද්යාලයක පරිපාලනය හා අදාළ රජයේ බලධාරීන් කිසිදු නීතිමය ක්රියාමාර්ගයක් ගෙන නොතිබීම දැඩි ප්රශ්නාර්ථයක් සහ අනාගතයේදී ඉගෙනීමට බලාපොරොත්තු වන සිසු සිසුවියන්ගේ ආරක්ෂාව පිළිබඳ දැඩි අවධානමක් ඇත..⁉️
