12/05/2025
ලෝවැසි දනන් සියලු සතුන්
මෝහාන්ධකාරය දුරු වී
සදහම් දියෙන් නැහැවෙන
පින්බර වෛශාක්ය මංගල්යක් වේවා!🙏
ආගමික,ශාසනික සහ ජාතික වශයෙන් සිදුවීම් රැසක් වූ උතුම් වෙසක් පුර පසළොස්වක පොහොය දිනයේ වැදගත්කම ☸️
▪️ සිදුහත් කුමරුගේ උපත, බෝසතාණන් වහන්සේ බුද්ධත්වයට පත්වීම, බුදුන් වහන්සේගේ පරිනිර්වාණය සිහිපත් කෙරෙන සම්බුදු තෙමඟුල සිදුවීම
▪️ දීපංකර බුදුන් සමයේ, සුමේධ තවුසා නියත විවරණ ලබා ගැනීම
▪️ කිඹුල්වත්පුරයට වැඩම කළ බුදුරජාණන් වහන්සේ යමා මහ පෙළහර පෑම
▪️ බුදුන් වහන්සේගේ තෙවන ලංකා ගමනය - කැළණියට වැඩම කරවීම
▪️ සුමන සමන් දෙවියන්ගේ ආරාධනාවෙන් සමනළ පව්වේ සිරිපා සටහන පිහිටුවීම
▪️ වසර 120 ක් ආයු අවසන් කළ ආනන්ද මහරහතන් වහන්සේගේ පරිනිර්වාණය සිදුවීම
▪️ සිදුහත් කුමරු, සතර පෙර නිමිති අතුරෙන් ව්යාධි රුව දැකීම
▪️ යසෝදරා දේවිය, ඡන්න ඇමති සහ දඹදිව ජයශ්රී මහා බෝධීන් වහන්සේගේ උපත සිදුවීම
▪️ සිරිපා වන්දනා වාරය අවසන් කෙරෙන පොහොය දිනය වීම
▪️ විජය කුමරු ඇතුළු සත් සියක් දෙනා ලංකාවට පැමිණීම
▪️ දෙවන පෑතිස් රජතුමා දෙවන වරටත් අභිෂේක ගැන්වීම
▪️ රුවන්වැලි මහ සෑයේ වැඩ ආරම්භ කිරීම
▪️ මහා විහාරයේ උපසම්පදා උත්සවය පළමු වරට පැවැත්වීම
ඇතුලු බෞද්ධ ඉතිහාසයේ වැදගත්කම් රැසක් සිදු වීම ☸️
🇱🇰
