26/05/2025
ලෝක රූ රැජිණ තරඟයෙන් ඉදිරියටම යන්න අනුදිට සපෝර්ට් කරන්න ඔබටත් අවස්ථාවක් - ඒ වැඩේ කරන්නේ මෙහෙමයි.
අපේ රටේ නම ලෝකයට ගෙන යන අනුදි ගුණසේකර.
ඇය ගැන මේ වන විට ශ්රී ලංකාවේ පමණක් නොව, ලෝකය පුරා බොහෝ දෙනා කතාබස් කරති.
අනුදි මේ වන විට ශ්රී ලංකාවේ සෑම දෙනාගේම හදවත් දිනාගෙන අපේ ආදරණීය තරුවක් බවට පත්ව ඇත.
මෙම Miss World 2025 තරගාවලිය අපට ඉතා විශේෂිත එකකි.
බොහෝ දෙනා පවසන පරිදි, Miss Sri Lanka තරග ජයග්රාහිකාවක් වෙනුවෙන් මෙවැනි උද්වේගකර උනන්දුවක් ඇති වූ පළමු අවස්ථාව.
ඒ තමයි අපේ කෙල්ලට උපරිම support එක දෙන එක. ඒක කරන විදි කීපයක්ම තියෙනවා. මේ පහල අපි සඳහන් කරන්නෙ ඒ ක්රම.
දැන් ඇත්ත වශයෙන්ම අවශ්ය වෙන්නෙ Miss world app එක තුලින් අනුදිට සහාය දැක්වීම.
Anudi ට මේ App එක ප්රයෝජනවත් වෙන්නෙ Miss World තරඟාවලියේ Public Engagement සහ Public Votes සලකා බලන Multimedia Challenge සහ Peoples’ Choice යන තරඟවට සඳහායි. ඒ සඳහා මුලින්ම ඔබ කරන්න ඕනි Play Store හෝ App Store හරහා Miss World App එක ඩවුන්ලෝඩ් කරගැනීමයි. ඊට ලින්ක්ස් පහතින් දැක්වෙනවා.
Android (Google Play Store):
https://play.google.com/store/apps/details...
iOS (Apple App Store):
https://apps.apple.com/lk/app/miss-world-mw/id6499343140
App එක දාගත්තාම ඒකට account එකක් හදාගන්න අවශ්ය වෙනවා. ඔයාලාගේ gmail account එකෙන්ම ලේසියෙන් ඒකට register වෙන්න පුළුවන්. ඊටපස්සෙ user name එකක් හදාගන්න තියෙන්නේ.
ඒ යටතේ ඔයාලාට පෙනෙයි Anudi Gunasekara කියන profile එක. ඒක තමයි ෆලෝකරන්න ඕනි.
අනුදිව ෆලෝකරාම ඔයාලාට පෙනෙයි එතන channels දෙකක් තියෙනවා කියලා, Miss World Sri Lanka සහ Miss World කියලා මෙන්න මේ channels දෙකේම Anudi Gunasekara කියන ප්රොෆයිල් එකෙන් වෙන වෙනම පෝස්ට් දානවා. ඒ පෝස්ට් එක්ක වෙන වෙනම අපි එන්ගේජ් වෙන්න ඕනි.
ඊලඟට ඔයාලා අනුදි වෙනුවෙන් App එකේ පෝස්ට්ස් හදනවා නම්, එතනත් අර වගේම Miss World Sri Lanka සහ Miss World කියලා චැනල්ස් දෙක වෙන වෙනම සිලෙක්ට් කරන්න පුළුවන්. ඒකෙදිත් අර වගේම Miss World කියන එක වැඩිපුර භාවිතා කරන්න, පුළුවන් නම් චැනල්ස් දෙකටම පෝස්ට්ස් දාන්න.
අනුදිගෙ ප්රොෆයිල් එකේ එන්ගේජ්මන්ට් එක අනුව එයාට ලකුණු ලැබෙනවා. ඒ ලැබෙන ලකුණු වලට අනුව එයා අනික් තරඟකාරිනියන්ට සාපේක්ෂව කොතනද ඉන්නෙ කියලා ඔයාලාට Leaderboard එකේ බලාගන්න පුළුවන්. මෙතනත් Leaderboards දෙකක් තියෙනවා, Miss World Sri Lanka සහ Miss World වෙනුවෙන් අර උඩින් කියපු විදිහට මේ දෙකට වෙන වෙනමයි අනුදිට ලකුණු ලැබෙන්නෙ. Miss World Sri Lanka Leaderboard එක කියන්නෙ ලංකාවෙ අපේ community එකට විතරක් අදාළ එකක්. තරඟයට අදාළ වෙන්නෙ Miss Word Home එකේ Leaderboard එකයි. ඒ නිසා අපි අනුදිව උඩට ගේන්න ඕනි මේ MWHOME කියන Leaderboard එකෙයි.
ඒ වගේම මේ Leaderboards වල ඔයාලාට පෙනෙයි missworldsrilanka කියලා entry එකක්. ඒක අනුදිගෙ profile එකක් නෙමෙයි, Miss Sri Lanks Official Page එක ඒකත් ෆලෝකරලා එන්ගේජ් වෙන්න, අප්ඩේට්ස් ගන්න.
හැබැයි ලකුණු ලැබෙන්නෙ ඒකට නෙමෙයි, Anudi Gunasekara කියන profile එකට. ඒ නිසා අපි අවධානය දෙන්න ඕනි Anudi ගෙ ප්රොෆයිල් එකටයි
ඒ වගේම Anudi ගෙ ප්රොෆයිල් එකෙන් පෝස්ට් එකක් දැම්මාම ඔයාලාට notification එකක් පෙන්නයි Notifications section එකේ. ඒකෙත් උඩ කිව්වා වගේම චැනල්ස් දෙකට වෙන වෙනම නොටිෆිකේශන්ස් පෙන්නනවා. එතකොට ඒ දෙකටම ගිහින් වෙන වෙනම ලයික් කරන්න, කමෙන්ට් කරන්න අමතක කරන්න එපා.
මේ App එකේ engagement එක බලන Multimedia Challenge එක ළඟ ළඟම එනවා. Peoples’ Choice voting round එක එන්නෙ ඊටපස්සෙයි. Multimedia Challenge වටය ජයග්රහණය කළොත් අපේ කෙල්ල කෙළින්ම Top 40 ඇතුළෙ. ඒ නිසා අපි පුළුවන් තරම් හැකි විගසම අනුදිව Leaderboard එකේ උඩටම ගේන්න බලමු. ඒකට ඔයාලාගෙ ලයික්ස්, කමෙන්ට්ස්, පෝස්ට් විතරක් නෙමෙයි, Anudi Gunasekara කියන profile එකට ලැබෙන views ගාණ පවා ගණන් ගැනෙනවා. ඒ නිසා පුළුවන් නම් මේ ටිකේ දවසට දෙතුන් පාරක් වත් Anudi Gunasekara කියන ප්රොෆයිල් එක App එකෙන් view කරන්න….
