تجار مدينة اجدابيا

تجار مدينة اجدابيا التجارة / شراء وبيع السلع والخدمات ، مع تعويض يدفعه المشتري للبائع ، أو مع التبادل بينهما

السلام عليكم محطة النوق البيض (بوشديق) وصلهم اليوم طلبيتين بنزينه والـ8أبنب يشتغلن كلهن يعني بمعدل 16سياره يعبن مره وحد ...
17/08/2026

السلام عليكم محطة النوق البيض (بوشديق) وصلهم اليوم طلبيتين بنزينه والـ8أبنب يشتغلن كلهن يعني بمعدل 16سياره يعبن مره وحد وطبور منظم ومسحب وطبور العائلات شبه فاضي تحياتي لمشرفين واصحاب المحطة.

جزيرة الحي الصناعي قبل ما تخش عليها حال الغاية تودع هلك واصحابك وتكتب وصيتك، مرات من زحمة السيارات معد تروح.
04/07/2026

جزيرة الحي الصناعي قبل ما تخش عليها حال الغاية تودع هلك واصحابك وتكتب وصيتك، مرات من زحمة السيارات معد تروح.

يُفترض أن يصدر جهاز الحرس البلدي إعلانًا يمنع منعًا باتًا بيع أو شراء الخروف المدعوم بعد عيد الأضحى المبارك في الأسواق أ...
21/05/2026

يُفترض أن يصدر جهاز الحرس البلدي إعلانًا يمنع منعًا باتًا بيع أو شراء الخروف المدعوم بعد عيد الأضحى المبارك في الأسواق أو المجازر، نظرًا لشكاوى العديد من الناس حول عدم تمكنهم من شرائه.
وهناك من يختارون الأفضل وفرزه لبيعه للتجار

اللي في الصورة من أجود الأضاحي التي وصلت .

✍️ .. محمد الصادق القبائلي

07/05/2026

نبي نحكي على موضوع مهم جداً جداً صار معايا شخصياً ويعتبر لا يقل أهمية عن موضوعات الأمن القومي..

في الايام القليلة الماضية عندي سيارتي تمت ترقى عليها الحرارة وتنفخ في المية.. مشيت لورشة في الحي الصناعي مشهورة وعندها اسم وخبرة ومختصة في نوع السيارة جاء الفني "المكانيكي" من العمالة الوافدة احدى دول الجوار "بدون ذكر اسماء" وكشف عليها قالي سيارتك فيها قرسيوني تستاتة ويكلفك عمل يد ومواد 950 بالمساعدة قول 900د.ل وكان تبي نبدالك فيها توا.. المهم قتله ساهل نشوف ونرد عليك مشيت لشخص ثاني ليبي كشف على السيارة وفك الردتوري بتع المية وقالي شيله لبتع الردتوريات ونظفه وتعال وبالفعل شلته وجيت ركبه السيارة تعدلت حرارتها.. قتلة كم حقاتك قالي فك وتركيب 30د والتنظيف خذو مني 30د يعني كلها على بعضها 60د فرق عن السعر الأولي 840د..

ياريت لو في رقابة او نقابة اللمهن الحرفية تشوف شغلها ولا حتى كان البلدية تنشأ جهاز او تشكل لجنة خاصة بالمهن الحرفية زي الورش السمكرة والمكانيكا والحدادة والخراطة والنجارة وغيرها.. و تشقى بالموضوع هذا راه والله في اشخاص يمصو في دم المواطن وكوارث يصيرن في الحي الصناعي في اشخاص ربي يهديهم ياكلو في اموال الناس بغير وجه حق.. وتحكي معاه كلمتين يقولك الحديث بتع اعطي الأجير اجره.. هذي اللي حافظها من الدين بس. اما الحديث بتع اتقان العمل هذا مايعرفه وين يفتح..

ان شاء الله خير وخلاص.

09/04/2026

سوق سلوق بتاريخ 2026/4/8م 1800د.ل..
📸

09/04/2026

تشكيل لجنة مختصين لضبط اسعار الدواجن واللحوم الحمراء والأغذية والأدوية..

12/03/2026

خدمات مصرفية مافيش ترجيع هكي أغلب المحلات..

باهي شن الحل تبي اتغير اوكي كان ماهك يفتحلك ربي هكي وصلني شكاوي من الناس..

باهي شن العله يا تاجر لو تحملت في روحك شوي.... هيا العمولة 2.5٪ هذه في حالة خصمت من الزبون يعني وفي الترجيع 2٪ يعني لو زبون خذا منك حاجة بي 500 ورجعها يخصمو من التاجر 22 دينار ونص..
وفي اللي برا من المدينة وعنده عرم اعيال مايقدر يجيب عياله كلهم عشان يقيس عليهم في المحل.... وفي نفس الوقت الصبايا الأغلبية العظمى مايقيسن في غرفة القياس...
ساعدو الناس وتحملوا معاهم شوي ولا واجد وماتضايقوها في اوجووهم اكثر ماهي مضايقة.... وأنت يامصرف العمولات هذين وين يمشن راهو أرقام كبيرة يخشن للمصرف من العمولات... أقل شي فترة العيد ألغو العمولة ع التاجر... وأنت ياتاجر عاد الله شاري معطر للمحل بي 22 دينار...... راهو العرب مضايقة وياحرس بلدي شوفو الموضوع هذا وقت فزعتكم مع المواطن..

إلا الدولة اللي قدرت عليها وقفت مرتبات الغير جيد على هالعيد هذه فزعتها...... الدنيا كلها ضد الشعب كان معش تبونا قولولها عادي
الدولة لها زمان راقدة وصحلها تو توقف مرتبات الغير جيد ماهو ضروري من هدية العيد.... لا حول ولاقوة الابالله.

🌧️🌪️📝.

05/03/2026

في اجدابيا يفتح دكان والا مطعم والا اي مشروع ، يحط فيه محّة كبده ، ويحط الي فوقه والي تحته
فالنهاية يجيب عيّل عالكاصه قالب وجها علي عباد الله وماعندش نية للخدمة بكل
بعد يطفشو الزبائن ، يقولك اكيدة المشروع دايريله سحر

نذكّر محل مواد كهربائية خشيت عليه بناخذ دبش للحوش أول مادوب نأثث ، وفالعادة لما نخش محل ، نخش محل واحد عندك عندك عندك ناخذهن ونحول له القيمة ونطلع

صاحبنا هذا يلعب في بوبجي قلتله عندك ميكرويف ، الراجل يلعب ، قلتله يا خووووونا عندك ميكرويف .. قالي اها
قلتله كم ابعاده علي سبه متاع الالومونيوم ، الراجل مازال يلعب حذا الكاصة ونا فنهاية المحل عند الكوش والثلاليج
خوووونا.. الوووو .. الراجل مش فاضي بكل

طلعت غيرت المحل وخذيت منه دبشي كله

تو هذا لو صاحب الرزق يجيه نهاية اليوم يلقاه مش بايع شيئ يحساب السوق راقد ، وهو فالحقيقة حاط واحد تقول فزاعه حتى الزبون الي يجيه من صفحة والا اعلان ممول يطفش

هذا غير المطاعم الي حاطين شباب قريب يضربو تقول تشحت منهم

اشحط روحك ودير كبد علي رزق صاحب الرزق الي مأمنك .

✏️

🤲🏻 رجل الاعمال الليبي اسماعيل الشتوي يطلق مبادرة وهي لتوزيع تمر دقلة درجة اولى مجاناً للمواطنين في اغلب المدن الليبي...
18/02/2026

🤲🏻

رجل الاعمال الليبي اسماعيل الشتوي يطلق مبادرة وهي لتوزيع تمر دقلة درجة اولى مجاناً للمواطنين في اغلب المدن الليبية.. وصلت الحملة لمدينة اجدابيا الآن جاري توزيع أكثر من 1800 قابية على المواطنين في مدينة اجدابيا بالقرب من مسجد خالد أبن الوليد وتحت اشراف الحاج عبدالرحيم دواس والقبائلي جزاهم الله عنا كل خير ان شاء الله في ميزان حسناتهم وتقبل الله منا ومنكم..

📸..

20/01/2026

ّال كامل وإغلاق المحال والأنشطة التجارية داخل المُدن والمناطق ..
وذلك بتعليماتٍ من رئيس لجنة الطوارئ والاِستجابة السريعة اللواء ف*ج اقعيم، اعتبارًا من أُولَى ساعات اليوم الثلاثاء، 20 يناير 2025م، على أن يُستثنى من ذلك، المرافق الطبّية والجهات الأمنية العاملة، حتّى اِعتدال أوضاع الطقس المتقلّبة، وذلك ضمن الجهود الحكومية لحفظ الأرواح والممتلكات.
حفظ الله الجميع ..

Address

Ajdabiyah
123456789

Website

Alerts

Be the first to know and let us send you an email when تجار مدينة اجدابيا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category