20/10/2025
🚨 تنبيه خطير يا ناس 🚨
🔴 فيه ولد صغير، شكله كان لاهي في تليفون أمه، يفتح في التطبيقات ويلعب كيف أي طفل، لكن بالغلط فتح كاميرا السناب وصور الدار من داخل، ونشر الفيديو وهو ما يعرفش شن دار!
المصيبة إن الفيديو كان باين فيه أمه من غير حجاب، وخواته لابسين لبسة الدار ووجوهم واضحة، ومن غير ما حد ينتبه، الفيديو انتشر بسرعة نار، وفي ساعات بس وصل لأكثر من 11 مليون مشاهدة!
الناس اتقسموا: اللي يضحك، واللي يتشمت، واللي يعلق بكلام بايخ من غير ما يحترم ستر الناس ولا سمعة العيلة اللي انفضحت بغلطة ما كانوش يقصدوا عليها.
وفيه اللي قال "حرام عليكم، هذا بيت محترم انفضح قدام العالم"، وفعلاً القصة صارت هاليام، مش خيال ولا تأليف.
وكل هذا بسبب تليفون انساب في يد طفل ما يعرفش شن معنى خصوصية، ولا شن يعني ستر دار أو سمعة أهل.
اللوم مش عالطفل، لأنه طبيعي مش واعي، لكن الغلط الكبير عالأهل اللي خلو التليفون في يده من غير رقابة ولا وعي.
يا ناس، بالله عليكم، بلاش تليفونات في يد الصغار، وحتى الكبار لازم يكون في رقابة، مش كل شي نسكتوا عليه بحجة الحرية والثقة!
فيه حاجات لما تصير، تهدّ بيوت، وتضيع سُمعة، وتجيب كوارث محدش يقدر يلمّها.
ردوا بالكم... ستر الدار مش لعبة!
👍
