23/02/2026
احني هنا مفروض اليوم نتكلموا علي #تسويق و #تطوير السوق والافكار الجديدة و #الابداعية يلي تميز #البراندات
لكن للاسف في الوضع الاقتصادي الحالي
تلقى روحك تناقش في مشكلة مش في يدك اصلا
ويلي هي احد اسباب ارتفاع الدولار تلقى روحك
تخدم صح ومحقق مبيعات والمفروض تكون فرحان لكن تتفاجئ ان رأس مالك قاعد يتأكل قدام عيونك
للاسف التاجر المتوسط والصغير في الوضع هذا يعاني بشكل غير طبيعي
مش بسبب سوء ادارة
او ضعف تسويق
ولكن بسبب واقع غير مسؤول عليه
بسبب احتكار السوق
مش معقولة عائلات محدده تحصل في دولار ب 6.35 والمشكله ان المنتجات يبيعوا فيهم بسعر السوق السودة والمواطن مش مستفيد بكل وباقي التجار يجيبوا بسعر السوق السودة
⚠️ السؤال هدوما يلي محصلين الشيشمات المفتوحه من المركزي شن ياكلوا بش ناكلوا زيهم
ولا الفكرة في اللقب كان هدا خلي الشعب الليبي كله يغير لقبه
بش يولي من العائلات الملكية
فهمونا شن يميزهم هدوما علي باقي الشعب
وقفوا الاعتمادات يأما افتحوها للكل 🚫
والله لو استمر الموضوع هذا
بصفتنا ادارة تسويق لكم شركة والله الاسعار الجديدة يلي حتتسعر بسعر السوق السودة والله اسعار ترعش للأسف
هابسطهالك يلي كنت تاخد فيه ب10د علي اقل تقدير حتاخده ب20 د
