Mlle ASDAF Gestion

Mlle ASDAF Gestion السعي الى نشر معلومات عن كل ما يتعلق بالمحاسبة و التسيير للمهتمين بهدا المجال
(1)

15/12/2025

: عبارة عن إسم يُطلق على أربع أنظمة ضريبية 👇🏻
:
RNS - RNR - CPU -AE
الشرح فالتعليق تحت 💬👇🏻

15/11/2025

🔴 رسمــيـــاً … بعـد ضـعف الإقبال على العرض
اتصالات المـغرب
تُعلن عن تخفيض تسعيرة عرض اللامحدود *6 من 50 درهما
إلى 30 درهماً فقط

15/11/2025

كترو هاد les RAS 😵‍💫...فهاد المنشور ✍ غادي نهنيك 🫵 منهوم 🏝...

أولاً ☝️ قبل مانستعرضو أنواع الحجوزات في المنبع بالنسبة للشركات غادي نحاولو نشرحو 👨‍🏫 هاد آلية الحجز في المنبع من وجهة نظر جديدة،

بكل سهولة 🤌 الدولة ماكاتبقاش تقصد 🚶‍♂️ الشخص الخاضع للضريبة أي le contribuable إنما كتوجه لشخص آخر لي هو المكلف باستخلاص الضريبة لي هو le redevable وملي كاتكون شي مراقبة ضريبية 🕵️‍♂️ المسؤول على الضريبة هو le redevable ماشي le contribuable ،

كمثال 👌 ماعمر الدولة غادي تجي عند أجير 👨‍💻 وتكول ليه ماكاتخلصش الضريبة على الدخل ديالك (لي كاتحسب على الأجر الشهري) إنما غادي تجي عند الشركة 🏭 لي مخدماه وغادي تكول ليها خلصي الضريبة على الدخل 💰 لي حجزتي فالمنبع للأجراء ديالك زائد ذعائر التأخير...وخا الضريبة مفروضة على الدخل ديال الأجير والشركة لي مخدماه ماهي إلا وسيط ومن الممكن أن الشركة كاع ماقطعات ❌ المبلغ ديال الضريبة على الدخل للأجير ولكن كتبقى مسؤولة عليه..

باش تكون الأمور واضحة 💪 غادي نقسمو les RAS لثلاث أنواع : la RAS على l'IR و la RAS على l'IS و la RAS على TVA

للتذكير 🧠 كانتكلمو على الشركات personnes morales 🏭 إيمتى ولمن كايديرو la RAS

1⃣ الحجز في المنبع على الدخل أو la RAS على IR

شكون لي كايخلص l'IR ؟ 🤔

الأشخاص الذاتيين personnes physiques 👩‍🔧 وفيهوم ثلاث أنواع : المقاول الذاتي auto entrepreneur و الخاضعين لنظام المساهمة المهنية الموحدة CPU وصحاب RNR أو RNS (عندهوم محاسبة 🧮 وكايصايبو le bilan 📋)

غادي نحيدو الجوج اللولين ❌ وغادي نخليو صحاب RNR و RNS بشرط إيكونو من مقدمي الخدمات prestataires de service ،
هادو ملي كاتبغي تخلصهوم ضروري تقطع ليهوم واحد 10% من l'hors taxe

2⃣ الحجز في المنبع على النتيجة أو la RAS على l'IS

شكون لي كايخلص l'IS ؟ 🤔

الشركات بطبيعة الحال 🏭، واش نتا كشركة ملي كتبغي تخلص شركة أخرى وش غادي تقطع ليها شي حاجة على l'hors taxe 🤔 ؟

لحد الساعة 📆 (2025) لا... ولكن كاين فمشروع المالية ديال 2026 حجز فالمنبع للشركات 🏭 لي رقم المعاملات السنوي ديالهوم واصل ل 50 مليون درهم 📉 فما فوق وهاد البلان يتبع...

للإشارة الوحيد ☝️ لي مخول ليه حالياً إدير حجز في المنبع للشركات هي الدولة 🏦 (وزارة، إدارة عمومية..)، هادو قبل مايخلصوك كايحيدو ليك 5 % من l'hors taxe

3⃣ الحجز في المنبع على الضريبة على القيمة المضافة أو la RAS على TVA

شكون لي كيجمع TVA ؟ 🤔

الوسطاء بطبيعة الحال لي يقدو يكونو أشخاص ذاتيين personnes physiques 🧑‍🔧 أو شركات personnes morales 🏭

🔹 نبداو بالأشخاص الذاتيين personne physiques 🧑‍🔧

كشركة شريتي من واحد la personne physique (بشرط تكون هاد la personne physique تحت نظام RNR أو RNS وتكون من مقدمي الخدمات أي prestataire de servies وكادير وحدة من الأنشطة لي جاو فاللوائح A و B ديال المرسوم 2.23.1118 ) من الضروري أنك ملي تبغي تخلصها تحجز ليها واحد المبلغ من TVA وهاد المبلغ كايكون يا إما 75% أو 100% ،

غادي تحجز 75% من TVA إلا كانت هاد la personne physique مصفية شغلها مع إدارة الضرائب ✅ (أي attestation de régularité fiscale 📄 ديالها نقية)

وغادي تحجز ليها 100% من TVA (أي TVA كولها) إلا كانت l'attestation de régularité fiscale 📄 فيها شي حاجة معلقة ❎

🔹 ندوزو دبا للأشخاص المعنويين أي الشركات 🏭

هنا كشركة غادي ترد البال لنشاط الشركة ⚙️ لي كاتعامل معاها ، فحالة تعاملتي مع شركة كادير les travaux 🏗 أو كتبيع les biens d'équipements 🧱 ، فهاد الحالة غادي طلب لهاد الشركة attestation de régularité fiscale ، كانت l'attestation 📄 نقية ✅ ماغادي تقطع ليها ولو من TVA, كانت فيها شي حاجة معلقة ❎ غادي تقطع ليها 100% من TVA أي كولها

أما إلا شريتي من عند شركة كادير نشاط آخر ماغادي تقطع ليها والو من TVA أي غادي تخلصها ف TVA ديالها كولها

للإشارة ☝️ فينما دير retenue فمن الضروري أنك دير لها versement 💸 لمديرية الضرائب داخل أجل 30 يوم ⏳ من تاريخ التحصيل ديالها...

15/11/2025

السلام عليكم الاخوان النصيحة لي بغيت نعطيكم اليوم هي على الزربة ف la démission
اول نصيحة نعطيكم هي عمركم تحطو la démission و نتوما مزال ماتخلصتو فداك الشهر لي خدمتو، مثلا انت كاتخلص نهار 29 فالشهر حطيتيها نهار 25 الناس و صل نهار 29 و داز ليهم الصالير و انت لا ، علاش ؟ لانه كاين بعض ل RH او محاسب( انا لا اعمم كاندوي على ل RH او محاسبين لي كايتسمم على رزق الناس و ماكايعطيش للناس حقهم بحال الى كايخلص من جيبو ) كايديرو تاحراميات فهاد القضية كايجمع ليك السالير ديال داك الشهر لي خدمتي و الكونجي لي مزال كاتسال انت للشركة...... و شي حسابات كانديروها و كايعطيك STC لي فنظرك انت مزيان ولكن راه واكلينك فالسالير ديال الشهر لي خدمتي و ماتخلصتيش فيه لانه كايقوليك انت حطيتي la démission و كان عندك préavis فداك الوقت !
و للاسف كاين شي شركات كايجرجروك مزياان قبل ما يعطيوك داك STC لي هو حقك و واجب عليهم يعطيوه ليك لسبب ما، يا اما مابغاوكش ديميسيوني ولا كان عندهم معاك مشكل .... اذن لا للسرعة نتخلص فالشهر لي خدمت عاد نحط la démission و عاد ندوي انا و ل RH على préavis ، باش على الاقل يجيك الحق ديالك و فلوسك كاملين ماشي طاير منهم النص.

14/11/2025

آجال الأداء : القانون رقم (69.21) 🕵️

هاد القانون كايحدد الآجال ديال تسديد الفواتير في 60 يوم في حال لم يتفق البائع والشاري على مدة تسديد الفاتورات

أما إلا تافقو على مدة تسديد الفاتورة راه ماخاصش تكون أكبر من 120 يوم

بمعنى أصبح إجباري على كل الشركات والمقاولات والأشخاص الذاتيين والمؤسسات… لي عندهم رقم معاملات سنوي أكبر من 2 مليون درهم أنهم يخلصو الفواتير لي عليهم قبل إنتهاء مدة 60 يوم إن لم يتم الإتفاق بين الطرفين، أو 120 يوم إن تم الإتفاق بين الطرفين (الإتفاق على مدة الدفع خاص يكون مكتوب فالفاتورة من أجل إثباته)

في حال خلصت شي فاتورة بعد إنتهاء المدة القانونية غادي تزاد عليك 0.85% من قيمة الفاتورة كل شهر كضريبة خاصك تخلصها للخزينة العامة...

هاد القانون يتم تطبيقه على الشركات والمقاولات والأشخاص الذاتيين والمؤسسات لي عندهم رقم معاملات سنوي أكبر من :

2.000.000 درهم دون إحتساب الرسوم H.T — سنة 2024

بِمعنى :

– الشركات والمقاولات والمؤسسات لي غادي يكون عندهم رقم معاملات أكبر من 2 مليون درهم في سنة 2025 غادي يطبق عليهم هاد القانون في سنة 2026 وكذلك سيصبح إجباري عليهم يحطو هاد الإقرار

(هاد الإقرار غادي يتحط عند نهاية كل ثلاتة أشهر “بحال TVA – T” وكذلك غادي يكون خاص غير بالفاتورات لي باقي ماخلصينش)

- وجب التنبيه أن الفواتير أصبح إجباري إعدادها وإمضاؤها قبل إنتهاء الشهر الذي تمت فيه عملية بيع السلعة أو الخدمة “يعني مين تبيع شي سلعة أو خدمة… خاصك تقاد الفاتورة قبل مايسالي داك الشهر لي بعت فيه السلعة أو الخدمة…”

- وجب التنبيه كذلك بإلزامية توقيع مراقب حسابات على هذا الإقرار إذا كان رقم المعاملات السنوي يساوي أو يفوق خمسين مليون درهم

وإلزامية توقيع خبير محاسب أو محاسب معتمد على هذا الإقرار، إذا كان رقم المعاملات السنوي يقل عن خمسين مليون درهم وأكبر من 2 مليون درهم

- متى يجب إيداع الإقرار الخاص بآجال الأداء، هل إيداع الإقرارات الخاصة بآجال الأداء يجب أن يكون سنوي أم ربع سنوي 🤔👇🏻

》التصريح يجب أن يكون ربع سنوي بالنسبة للشركات والمقاولات التي حققت رقم معاملات سنوي يفوق 50 مليون درهم H.T

》أما بالنسبة للتصريح السنوي فهو إستثناء خاص باشركات والمقاولات التي حققت رقم معاملات سنوي أقل من 50 مليون درهم H.T

بحيت سيتوجب عليهم إيداع 👇🏻

- تصريح سنوي قبل نهاية شهر أبريل من سنة 2026، خاص دير فيه الفواتير ديال سنة 2025

》وفي سنة 2026 سيصبح التصريح ربع سنوي بالنسبة لجميع الشركات التي تحقق رقم معاملات سنوي يفوق 2 مليون درهم H.T

15/10/2025

هاد الأيام كنت كانضور 🚶‍♂️ فالفيسبوك وبانو ليا مجموعة ديال المنشورات كايطرحو واحد التساؤل لي هو :

إلا واحد الشركة شرات كلب حراسة 🐕‍🦺 فين غادي دوزو ف la comptabilité واش ف les charges أو ف les immobilisations ؟

غادي نحاولو نديرو واحد التأصيل المحاسباتي 👌 باش نجاوبو على هاد السؤال...

أول حاجة غادي نديروها غادي نرجعو ل CGNC لي هو le Code Général de la Normalisation Comptable وبالضبط ف Tome II، غادي نشوفو فالجهة فين كاين الشرح ديال les comptes comptables ونقلبو ف les comptes ديال les immobilisations وف les comptes ديال les charges واش كاين شي compte لي مخصص لهاد النوع ديال العمليات ديال الشراء ديال الحيوانات...

بعد البحث والتدقيق 🔎 غادي يبان لينا واحد le compte لي هو 2380 لي مسمينو Autres immobilisations corporelles ولي دايرين فالشرح ديالو التالي :

Ce compte est utilisé lorsque les spécificités des immobilisations corporelles ne permettent pas leur inscription dans les autres comptes d'immobilisations. (Exemple : Cheptel...)

وهنا غادي نطلب منكوم تركزو على كلمة "Cheptel" لي عندها علاقة بالحيوانات ولي كتعني أغنام ، قطيع أو دواجن...

غادي نقدو نعتابرو إذن مبدئياً أن كلب الحراسة كايدخل فهاد الخانة ولكن قبل مانقطعو الشك باليقين غادي يخصنا نديرو واحد الفحص لهاد الحالة باش نتأكدو بلي واش فيها الشروط ديال une immobilisation من خلال أربع نقط :

1️⃣ مدة الإستعمال أو l'utilisation durable

غالبا ملي واحد الشركة كاتشري كلب للحراسة فباش تستاغلو بطريقة مستدامة أي أكثر من عام إذن الشرط الأول تحقق لي هو الإستغلال المستمر والممتد في الزمن

2️⃣ التعيين أو l'individualisation

بطبيعة الحال كلب الحراسة خاص إتوفر على جميع شروط السلامة بحال ملف ديال البيطري وكذلك أنه يكون داير التلقيحات اللازمة وهادشي مغاديش إيكون ممكن إلا مكانش الحيوان معرف و مايمكنش أنه إتلف أو إتخالط لينا مع شي حيوان واحد آخر وبالتالي شرط التعيين محقق

3️⃣ تحديد تكلفة الشراء أو valeur mesurable

بما أننا كانتكلمو على حيوان لي خاص توفر فيه شروط السلامة من تلقيح وغيرهوم فغادي تكون معروفة عندنا التكلفة باش شريناه وبالتالي الشرط الثالث محقق

4️⃣ مدة الإستغلال أو la durée d'utilité

هاد النقطة الأخيرة كاتجرنا لموضوع les amortissements وبالتالي إمكانية تحديد مدة الإستغلال، هاد الإمكانية متاحة بحيث ممكن نعتامدو على الإحصائيات لي كايعطيونا المدة المتوسطة لي كاتقد تعيشها هاد الفصيلة من كلاب الحراسة وبالتالي الشرط الرابع محقق

من خلال ماسبق فأقرب compte لي ممكن دخل فيه كلب الحراسة هو le compte 2380 لي شرنا ليه سابقاً وبطبيعة الحال غادي يخصك فنهاية كل سنة دوز كذلك les amortissements ديالو...

02/10/2025

إلا كنتي يالله بادي 🚶‍♂️ ف le domaine comptable وكتسمع بلي راه خصنا نصايبو le bilan وخصنا نديرو ليه dépôt ف les impôts قبل واحد la date و شلا حوايج اخرين...فهاد 👇 المنشور موجه ليك

غادي نعتابرو le bilan بحال un produit لي غادي نصنعوه⚙️ وبالتالي غادي نشوفو كاع les étapes لي كيدوز منهم هاد le produit باش يوصل للمستهلكين النهائيين

ملاحظات 👇 قبل مانبداو :

✅ ملي كانكولو le bilan فراه كانقصدو les états de synthèse

✅ غادي ناخدو كمثال واحد la société شخص معنوي أي personne morale لي l'exercice comptable ديالها كايبدا ف 1 يناير وكايسالي ف 31 دجنبر 📅

👈 أجيو دبا نشوفو المراحل لي كايدوز منها هاد le produit :

1⃣ المرحلة الأولى ولي هي l'ouverture de l'exercice

قبل مانبداو نصنعو هاد le bilan ديال هاد العام كايخصنا بعدا نجيبو les soldes ديال les comptes من le bilan ديال العام لي فات وهاد les soldes هوما لي كايوليو les reports à nouveaux ديال هاد العام أي الساس لي غادي نبنيو 🏗 عليه le bilan ديالنا،

بطبيعة الحال خاص هاد les reports لي كانو des soldes ف le bilan ديال العام لي فات ماغاديش نقيسوهوم أو نبدلو فيهم إحتراماً لواحد la règle لي سميتها l'intangibilité du bilan

2⃣ المرحلة الثانية ولي هي l'enregistrement des opérations comptables

هاد المرحلة غادي تمتد من بداية السنة حتى ل 31 دجنبر وهي المرحلة فاش كانديرو la saisie ⌨ أي كنديرو التسجيل فالمحاسبة للعمليات لي كاديرهوم الشركة

3⃣ المرحلة الثالثة ولي هي la clôtures des comptes 🔒

هاد المرحلة كتكون فآخر السنة وبداية السنة الموالية، غادي نعتابروها مرحلة ديال la finition 🧩، كاندوزو فيها داكشي لي ناقص le bilan بحال les amortissements و stock وكانديرو دويرة على les comptes باش نشوفو ياكما شي حاجة anormale باش نصلحوها قبل مانديرو la livraison définitive ديال le produit ديالنا

4⃣ المرحلة الرابعة ولي هي l'arrêté des comptes

هاد المرحلة آخر أجل ليها هو 31 مارس بحيث أننا غادي نديرو la livraison اللولة ل le bilan ديالنا و أول كليان عندنا هو مديرية الضرائب إذن غادي نديرو dépôt ل le bilan عند الضريبة

5⃣ المرحلة الخامسة ولي هي l'approbation des comptes

هاد المرحلة آخر أجل ليها هو 30 يونيو وهنا غادي نديرو la livraison الثانية ل le bilan وهاد المرة الكليان ديالنا غادي يكون هو les associés (مالين الشركة) لي غادي نقدمو ليهم le bilan باش إتدارسوه 🔍 فواحد الكليسة لي كتسمى الجمع العام العادي أو l'assemblée générale ordinaire لي غادي ياخدو فيها قرارات بالنسبة ال le résultat وهاد القرارات غادي يتم الكتابة ديالها فواحد المحضر لي معروف ب PV de l'AGO

6⃣ المرحلة السادسة ولي هي Dépôt au greffe du tribunal

آخر أجل لهاد المرحلة هو 30 يوم من بعد المرحلة السابقة ، فهاد المرحلة غادي نديرو la livraison الثالثة ال le bilan والكليان ديالنا هو le tribunal de commerce أو المحكمة التجارية 👨‍⚖ لي غادي نديرو فيها le dépôt الle bilan ديالنا

وهكذا غادي نكونو سالينا جميع المراحل لي كايدوز منهم un bilan 😮‍💨

🔹ملحوظة : بالنسبة لكل livraison ماكايكونش le bilan 🧾 بوحدو إنما كايكونو معاه مرفقات 🗂 لي ماشي الهدف من هاد المنشور العرض ديالها

02/10/2025

بعد المشاهد المؤسفة لي شفنا 🤳 جميع فمواقع التواصل الإجتماعي 🌐 والمتعلقة بأعمال نهب 🔥 بعض المحلات التجارية الكبرى، غادي نشوفو فهاد 👇 المنشور كيفاش غادي نقاربو هاد السلع المنهوبة من الجانب المحاسباتي 👩‍💻

القصة غادي تحل 🔐 كالتالي (حسب كل حالة) :

فنهاية كل سنة 📆، مجموعة ديال الشركات (خصوصاً الكبار) كايديرو العمليات ديال l'inventaire ، سواءً ديال stock ، ديال les immobilisations أو ديال la caisse

وفبعض الحالات من الممكن أنه هاد l'inventaire إخرج لينا des écarts non justifiées مع داك suivi لي عندنا ف les documents

بمعنى آخر هاد les écarts كايكونو ناتجين على un détournement أو un vol أو بالعربية تاعرابت: السرقة 😮

دبا السؤال ⁉ لي كايتطرح هو كيفاش le comptable غادي إسجل هاد les détournements ف la comptabilité ؟ 🤔

1⃣ نبداو ب le vol ديال les immobilisations

فحالة تم إثبات أن واحد l'immobilisation تسرقات من الشركة وهاد l'immobilisation ماشي totalement amortie ،

فأول حاجة هي التسجيل ديال un amortissement exceptionnel باش نكملو l'amortissement لي باقى، وفمرحلة ثانية كنديرو le retrait ديال هاد l'immobilisation من l'actif ديال le bilan

2⃣ بالنسبة ال le vol ديال stock

فهاد الحالة، هاد le vol ماغاديش إيكون عندو تأثير على la constatation ديال le stock final حيتاش ف l'écriture غادي ندوزو le stock لي حسبنا

إذن هاد le vol ماغاديش إيبان فهاد المستوى إنما غادي ندوزو القيمة ديال داك stock لي تسرق ف un compte ديال les charges non courantes ف le débit مع le compte 7597 لي هو transferts de charges non courantes ف le crédit

3⃣ الحالة الأخيرة هي لي خاصة ب la trésorerie

فهاد الحالة، بحال stock، غادي ندوزو le montant détourné ف un compte de charges non courantes مع transfert de charges وإلا تم إثبات أن هاد le détournement لي دارو مثلاً هو le caissier فغادي إخص نزيدو واحد l'écriture ديال la créance إتجاه داك le caissier بحيث غادي نديرو le caissier ف le compte 3488 ف le débit ب le montant ديال le détournement وغادي نديرو ف le crédit واحد le compte من autres produits non courants

✍

● قرا هادشي راه خطير 💥 قرا مزيان باش تفهم قبل ماتقولب😉☆ واش عارف بلي ممكن أي واحد يسحب مبلغ مالي من البطاقة البنكية 🤔 د...
19/04/2025

● قرا هادشي راه خطير 💥 قرا مزيان باش تفهم قبل ماتقولب😉
☆ واش عارف بلي ممكن أي واحد يسحب مبلغ مالي من البطاقة البنكية 🤔 ديالك دون إدخال طالرقم السري ؟

▪︎الطريقة ببساطة هي عن طريق إستخدام خدمة contactles الموجودة فجميع البطاقات البنكية الحالية.
و باش تعرفها عندك يكفي تشوف البطاقة واش فيها رمز على شكل سنيال الويفي ( كما يوجد في الصورة اسفله 👇👇👇)..

▪︎باش تفهم أكثر غادي نعطيك مثال .. الى مشيتي درتي البنزين من شي محطة وقود و بغيتي تخلص بالبطاقة البنكية غادي يجبدو ليك TPE الى من خيلالو كتدخل البطاقة و الرمز السري باش يقتاطعوا ليك المبلغ المتفق عليه .. نفس الشيئ كيوقع فالمحلات التجارية الكبرى و غيرها من المحلات الى كتتوفر على جهاز الدفع باستخدام البطاقة البنكية .. تال دابا مزيان يعني إلى خدا ليك شي حد البطاقة و بغا يخلص بيها غادي يحتاج الكود الي نتا بوحدك الي كتعرفو ..

▪︎و هادشي ماشي صحيح .. خدمة contactless كتمكنك اسيدي انك تخلص بدون ادخال الرقم السري الى كانت المشتريات ديالك اقل من 200 درهم و هادشي داروه البنوك لتسريع عملية الدفع حينت يكفي تحط البطاقة فوق جهاز الدفع TPE و غادي يتحيد المبلغ من الحساب ديالك ويلا كان فوق 200 درهم لابد من ادخال السري .. من سلبيات هاد الخدمة انه يلى طاحت ليك البطاقة و خداها شي حد ممكن يمشي للمحلات التجارية و يبقى يشري ما هو اقل من 200 درهم و يخلص بيها بشكل متكرر حتى يخوي ليك الحساب او تقوم بإيقاف البطاقة .. الحل اسيدي بسيط .. اي واحد عندو تطبيق البنك فالهاتف ديالو ممكن يقوم بإلغاء خدمة contactless من البطاقة و يقوم بتفعيلها فحالة الحاجة.
▪︎هاد المنشور درتوا حينت جات عندي واحد السيدة اليوم للوكالة البنكية باش تلغي البطاقة و السبب انها عطات البطاقة فمحل تجاري و قتاطعوا ليها 150 درهم الي شرات بها بعض المواد بلا متدخل الكود و جاها هادشي غريب حينت عمرها مسمعات بهاد الخدمة و خافت تكون البطاقة بدون كود حتى شرحتها ليها الدور ديال contactless عاد فهمات الامر.

▪︎الى كنتي اول مرة تسمع بهاد الخدمة متنساش تشاركها مع الناس لي عندك فالبروفايل باش تعمم الاستفادة والمزيد من الحذر فالأيام المقبلة مع تطور هاد التقنيات لي ولاو جداد عدنا ...
Sana Asdaf

18/04/2025

*Rappel des principales déclarations en Avril

- Déclaration mensuelle de TVA de Mars
- Déclaration de TVA de premier trimestre
- IR sur salaires de Mars
- RAS sur loyers de Mars
- Droits de timbres de Mars
- RAS sur rémunérations versées à des tiers de Mars
- RAS en matière de TVA de Mars
- Déclaration du revenu global des PP + Liasse fiscale
- Etat explicatif du résultat nul ou déficitaire (PP)
- Etat des ventes par client (PP)
- Déclaration annuelle des rémunérations versées à des tiers y compris les A.E et CPU
- CSS annuelle des PP titulaires des revenus professionnels et agricoles soumises à l'IR selon le régime du RNR > 1M (Avant le premier Juin)
- Déclaration annuelle des NR et TPPRF
- RAS sur TPPRF et non-résidents
- Déclaration Trimestrielle de Délai de paiement pour les entreprises réalisant un CA qui dépasse 50M HT pour l'exercice clos avant le 01/01/2025 (Loi n°69-21)
- Versement de la taxe sur les débits de boissons de premier trimestre
- Versement de la taxe de séjour de premier trimestre
- Versement de l'IR des auto-entrepreneurs de premier trimestre....

_ Sana Asdaf *_

Address

Agadir

Telephone

+212704657661

Website

Alerts

Be the first to know and let us send you an email when Mlle ASDAF Gestion posts news and promotions. Your email address will not be used for any other purpose, and you can unsubscribe at any time.

Shortcuts

Share

Category