What are the opening hours?

Monday 08:30 - 20:00 Tuesday 08:30 - 20:00

MaMedia, Marrakesh (2026)

20/09/2023

التجارة الالكترونية سنة 2023 ماشي هي ديال 2018 حتال 2021

مبقيتيش قادر دجيب فيديو اعلاني كيف ما كان و غيخدم ليك مزيان

علاش هدشي ؟

حيت الزبون عاق و فاق و تقولب من بعد ما تاق

لبغيتي تكون شديد البراندينغ هو ليغايديك بعيد

حيت البراندينغ كيخليك تحصل على قاعدة زبائن ليكتيق فعلامتك التجارية و الكاليتي ديال الكولية

هادشي ممعناهش انه ضروري تبراندي باش تبيع ولكن الهدف هو مطيحش فالconforte zone و تبقا معول على هادشي يدوم

هاك ها واحد المثال قريب

أمين رغيب. كيف كنعرفو فتح محال فالمغرب، او معا هضر عليه فيوتيب تكبو عليه les leads

و لكن هادشي حيت الناس تاقت فيه او فالسمعة ديالو

كنتمنا تكون وصلاتك الفكرة
و متنساش تخلي لينا شي تعليق ذكرى. #التجارةالالكترونية .

02/09/2023

بزاف ديال الناس كيسحاب لهم غير لحقاش

كيخدموا ب landing page احترافية

صافي ميديوهاش ف store ديالهم وكيخليوه مجرتل وماشي professional

ها لي مكيحطش links ديال social media ديالو، ويخليهم خاوين

ها لي كيخلي المنتجات لي مخدموش ليه ومبقاش خدام عليهم تما

كين اسيدي لي كي خلي store بالديزاين ديال القالب

حتى logo و favicon مكيبدلهمش

باش نقرب ليك الصورة

تفكر معايا اخر مرة بغيتي تريح تقصي طاكوس فشي سناك

وكانو قدامك جوج سناكات كيبيعو طاكوس حدا بعضياتهم

السناك 1 : الأرض موسخة، طبالي مهرسين وسراق زيت فلحيط...

السناك 2 : كيبان نقي، الأرض مجففة، طبالي نقيين، كراسا مرتبين...

هنا وخا هوما كيبيعو نفس المنتج لي هو طاكوس

نتا نيشان غتختار السناك 2

وعقلك غيقول هاد لمحل عندهم معفون علم الله كيفاش كيقادو داك طاكوس لداخل

نفس الشئ كينطبق على التجارة الإلكترونية

الزبون ملي كيدخل لصطور مجرتل كيقول وهادو شوف سطورهم كي داير

غالبا المنتج غيكون مغشوش

عدد من الناس لي كيجيو ل landing page

كيدخلو لصطور باش يشوفو كثر

دكشي علاش خص يكون عندك شي صطور إحترافي

بحال لي كنقادو لكليان ديالنا

باش لي دخل، يتيق، يشري

Make them know you, like you, then trust you

01/09/2023

باغي طلق الادس وتبدا تبيع

ولكن ما عارفش اينا platform حسن

مورا هاد البوسط غدي تخرج فاهم اينا platform لي حسن فال e-commerce

Meta, Tiktok, Snapchat wla YouTube

اول عامل لي غيخليك تختار البلاتفورم المناسبة

هو المارشي فاش خدام

دير دراسة للمارشي وعرف الناس ديال ديك الدولة

اشمن بلاتفورم ديال social media كيدوزو فيها وقت أكثر

هكا غتكون عرفتي فين غتلقا اكبر شريحة من الكليان ديالك

هدو أشهر 3 أسواق و الترتيب ديال افضل بلاتفورم للإعلانات

المغرب :
1 Tiktok
2 Meta (Facebook, IG)
3 YouTube

الخليج :
1 Snapchat
2 Tiktok
3 Meta

إفريقيا :
1 Meta
2 YouTube
3 Tiktok

بالنسبة للبلاتفورم ديال YouTube

وبما انه كل الناس كتستعملها

نتا غتختارها في حالة كان عندك وحد الاعلان المدة ديالو طويلة

مثلا عندك منتج معقد ومحتاج 2 دقايق باش تشرحو فالاعلان

هنا من YouTube مكاين هروب.

حبس، وسير جيب ليك شي مشروب.

وكمل لقراية ومتكونش مزروب.

العامل الثاني وهو صعوبة الإعلان فوحد البلاتفورم

درجة الصعوبة ديال الاعلان فالمنصات كتختالف

شوف على حساب الlevel ديالك، لي مناسباك

وايلا تلفتي وبغيتي لي يطلق ليك الاعلان، ها mamedia حداك #التجارةالالكترونية

31/08/2023

واش نخدم ب landing page ولا product page ؟

واينا وحدة كيتكون فيها conversion rate طالعة ؟

الجواب السريع هو ال landing page

علاش ؟!

تبع معايا.

شحال هد ف 2016 و 2017 كنتي تقدر تبيع بصفحة منتج بسيطة

تصاور ديال المنتج، شوية دلكتبة وهانتا قادي غرض

يعني نوعا ما التجارة الإلكترونية كانت أسهل

معا الوقت الناس تقولبات وعاودات تقولبات

ومبقاتش كتيق

دكشي علاش خصك تخدم professional و بحال شي brand

ال structure ديال ال landing page كتعطي هاد الصورة ديال الاحترافية على عكش product page

وفاش كتكون عندك وحد ال landing page لي مديزاينيا مزيان

فيها واحد المحتوى اقناعي وتصور بجودة عالية

بحال لي كنقادو لكليان ديالنا

كتعطي هد الإحاء بأنك brand وأهل للثقة

it's time to think like a brand

27/08/2023

الناس لي كيدخلو لفلوس من التجارة الالكترونية 2 أنواع

كين لي كيدور غفبلاصتو، فرحان ب chiffre d'affaire والأرقام لي حقق فيه، ولكن في الحقيقة جايب غير التعادل

وكين النوع الثاني وهو لي مريكل، و لي كيبروفيتي لجيبو ويدخل لفلوس ديال بصح.

لكنتي باغي تكون من النوع الثاني، كمل القرايا حتى اللخر

حتى أنا غانجيك من اللخر كاينة واحد الحاجة سميتها cross sell ولي الأغلبية الساحقة مكيسخدمهاش

أهم حاجة فهاد القاعدة هي أنه "خاص المنتوج لينتا خدام عليه تزيد عليه منتج آخر لي يكون قريب ليه أو بعبارة أخرى مكمل للمنتج اللول"

شنوا بغيت نقصد؟ المقصود... نتا مثلا خدام على منتوج الكتروني في checkout كتقتارح على الزبون عرض فيه المنتوج لي هوا بغا معا منتوج مكمل ليه بحال smartwach + airpods
أولا كتاب + اقلام مثلا
وطبعا اهم حاجة اكون الباك بروموا يعني يحس الزبون بانه رابح معاك

او هادشي غادي اخليك تربح اكثر حينت غادي انقصوا عليك مصاريف الاشهار و ايضا مصاريف التوصيل
و بالتالي الرباح غادي اتزاد

خلاصة القول دائما سول راسك
الزبناء ديالك الا شراو من عندك داك المنتج اشنوا غدي ابغيو اشريوا معاه؟

هدا مكان بخصوص cross sell
الا عندكم شي سؤال خليوه فكومونتير كنجاوبو كلشي 😇

خلي لينا رأيك فالتعاليق 👇

#التجارةالالكترونية #التسويقالإلكتروني #التسويقبالعمولة

25/08/2023

تاريخ 28 يونيو 1971، تولد ايلون ماسك في بريتوريا، جنوب أفريقيا 🇿🇦

والدين ايلون ماسك لاحظو فيه عادة غريبة فصغرو ولي هي انه كان كيسرح بالساعات، كيبقا يشوف فالسماء ويفكر

لدرجة انه بكثرة مكيحاولو يدويو معاه ومكيجاوبهمش، دخلهم شك ليكون مكيسمعش.

ومن بعد مداوه لطبيب كتاشفو انه ممريضش

ولكن ايلون كانت عندو photographic memory

وكان كيقدر يتخيل أمور ويبقى مركز فيها لمدة طويلة.

وحد نهار ايلون غيكون فموعد مع المستقبل، وغيشوف اول جهاز كمبيوتر فحياتو.

ايلون فديك الفترة تعجب بفكرة انه كينة وحد الآلة تقدر تبرمجها باش تنفذ ليك الأوامر ديالك

وهنا قال لباه يشري ليه كمبيوتر، وبالطبع وباش يتهنى من الصداع شراه ليه.

ايلون قرا لكتاب لي كيجي مع الكمبيوتر ولي كيكونو فيه اساسيات البرمجة للمبتدئين ف 3 ايام

وفعمر 12 عام كان قادر يبرمج اول لعبة ديالو "blastar"

لي خدا عليها جائزة 500 دولار.

فاش دار 17 عام، وباش يهرب من التجنيد الإجباري لي كان فجنوب أفريقيا

ايلون غيدفع باش ياخد الجنسية الكندية بحكم ان الام ديالو من كندا

وفعلا خداها ونتاقل لكندا، تماك فين كان كيحاول يدير علاقات مع اكبر عدد ديال رجال الأعمال.

فعام 1992 ايلون غتجيه منحة من جامعة Pennsylvania الأمريكية

وفعلا مشا. ولكن iron man ديالنا، مكانش كافيه تخصص واحد

وقرا جوج تخصصات الإقتصاد والفيزياء

ايلون ففترة الدراسة ديالو فامريكا، كان عندو مشروع بسيط هو وصاحبو لي كيدخلو بيه فلوس المصاريف

وهو انهم كانو كراو وحد الشقة كبيرة وردوها ملهى ليلي وكانو ديرين 5 دولار للدخلة

وفبعض الايام كان كيوصل عدد لحضور حتى ل 500 شخص

يعني 2500 دولار فاليوم.

منبعد التخرج ديالو قرر ايلون ماسك يدير دوكتوراه فالفيزياء وعلم المادة، وفعلا تقبل فجامعة stanford الامريكية.

ولكن لغى فكرة الدكتورا بعد يومين

بسبب انه بانت ليه وحد حاجة ثارت الانتباه ديالو، حاجة لي كلشي كان حاكرها فديك الوقت

ولكن ماسك كان شايف فيها potential ومكانش يقدر ياجلها

هد الحاجة هي الانترنت

وهنا فين غتبدا القصة ديال الشخصية ديالنا فمجال ريادة الأعمال وتغيير المستقبل

يتبع.....

#التجارةالالكترونية #التسويقالإلكتروني #التسويق

24/08/2023

احتمال كبير تكون دزتي من هاد الموقف

دخلتي لشي ريسطو طلبتي طاكوس ديال 25dh

و هوا يقوليك السرباي شنو بان ليك فطاكوس 2XL ب 35dh

يعني غادزيد غير 10dh

هاد الاستراتيجية هي لكتسمى UPSELL

ولي هي من أهم الطرق باش دزيد المبيعات

و طلع الAOV ديالك باش تربح le maximum

دبا كيفاش طبق هادشي؟

يمكن ليك دير upsell بوحدة من هاد جوج

إما ملي الزبون كيبغي يشري منتج معين

كتقترحو عليه هو نيت

و لكن بحجم أكبر أو فيه واحد الميزة إضافية

الطريقة الثانية الأكثر شيوعا هي انك تبيع ليه نفس المنتج ولكن بكمية كثيرة

يعني بدل ميشري سيروم ديال تساقط الشعر واحد

و بزربة يتقادا ليه غادي تخليه يشري جوج سيرومات

بالكوسط ديال lead وحدة و حتى توصيل المنتج كيتقام عليك رخيص

حيت غادير livraison وحدة فيها 2 و لا تلاتة ديال produiat

و بطبيعة الحال غادي تحتاج واحد العرض مغري

باش تقنع الكلان يشري المنتج كثر من مرة

قبل مدوز عاود لينا واش فايت ليك ستخدمتي upsell و خدمات ليك كيما كنتي متوقع؟

جاوبنا فالتعاليق

#التجارةالالكترونية #التسويقالإلكتروني #التسويقبالعمولة

23/08/2023

ف 2011 شركة Coca-Cola طلقات حملة تسويقية مبتكرة بعنوان "share a coke"

هد الحملة دارت ضجة كبيرة فعالم التسويق

وفعلا خربقات السوق ديال المشروبات الغازية

وكانت هدي هي الحملة التسويقية لي خلات Coca-Cola تفوق على المنافس الأكبر ديالها ديك الوقت لي هو شركة Pepsi

الفكرة الأساسية لي خلات لحملة ناجحة هو استبدال شعار Coca-Cola لي كيكون فلقراعي والكانيط بأسماء شائعة

بحال "محمد"، "كريم"، "مريم"....

والهدف من هد الحملة هو التقرب من المستهلك وإنشاء رابط شخصي بينو وبين الشركة .

ملي تطلقات الحملة، دارت بووم! فجميع أنحاء العالم.

وبدا الزحام على لمتاجر، باش كل واحد يلقى قرعة بسميتو وسميت الشخص المميز فحياتو ويخطفهم.

ملي شركة Coca-Cola شافت كلشي عجباتو الفكرة، وناس كتشري لبعضياتها قرعة بالاسم ديالها ككادو بسيط.

طلقات وحد الهاشتاغ فمواقع التواصل الاجتماعي ديال اولا

ولي هو عبارة عن انه كل واحد ينشر صورة ليه معا صحابوا او عائلتوا وهوما هازين قراعي فيهم سميتهم .

وفعلا لهاشتاغ تهوا نجح وخلى شركة Coca-Cola تشهر كثر وتوصل لجمهور كبر.

إشهار فابور وصافي !

ومع نجاح الحملة المستمر، مبقاتش Coca-Cola محصورة غير فالاسماء الشائعة

وبدات كتطبع الأسماء لي كيكونوا غابرين وممشهورينش.

باش توصّل فكرة انه كوكاكولا للجميع.

ولكن وخا هكاك، الشركة مقدراتش تغطي وبالحرف كل الاسماء الموجودة فالعالم.

لذالك دارت حركة ذكية اخرى وهي انها طلقات خدمة الطباعة عند الطلب اونلاين.

اي انه اي واحد يقدر يمشي للموقع ديالهم ويطلب قرعة مطبوعة بالاسم ديالو او الاسم ديال الشخص لي عزيز عليه.

المستفاد من هد القصة ليك نتا كشخص كدير e-commerce او كمسوق الكتروني،

هو انك ديما حاول تقرب من الكليان ديالك بنفس الطريقة.

! كيفاش ؟

تشخيص l'embalage و carte cupon، فعوض متسيفطهم ليه عاديين

كتب سميت الكليان فيهم وكنواعدك انه هد اللمسة الخفيفة غدي تزيد نسبة المبيعات ديالك

#التجارةالالكترونية #التسويقالإلكتروني #التسويق

22/08/2023

واش كتعرف معادلة الرباح فالشرى ماشي فالبيع؟

يعني واش كتعرف تشري سلعة بثمن طايح؟

بمعنى آخر واش كتعرف تاوى على المنتج ليغادي تشري؟

هادي هي التجارة الكلاسيكية، داكشي علاش الناس لي كايديرو التجارة فالواقع ساهل باش ينجحو فالإكوميرس

كثر من واحد يالله سامع بالتجارة الالكترونية.

لدلك اسي الحاج إلى كنتي مزال مبديتي التجارة الإلكترونية ماتخلعش.

حيت راك نتا اصلا عندك واحد 80% باش تنجح خاصك غير 20% ولي هي فايسبوك أدس و متجر إلكتروني و غادي طحن باباه داك الدرهم.

كنهضر على الصناع التقليديين فمراكش مثلا لي التجارة ديالهم معتامدة غير على السياح.

أو علاش نتا ألمعلم كتسنى فواحد سائح جا لمراكش يتقدى من عندك.

ويلا جاب الله أو وقفات السياحة عاوتني كيما وقع فكورونا الله يحفظ.

دبا راه مبقيناش كنهضرو على هادشي حيت ولاو بزاف ديال المنصات فالأنترنيت لي المغاربة كايبيعو فيها سلعتهم التقليدية على برا.

سير غير ل google مثلا و كتب moroccan pouf و غادي تلقا المغاربة كايبيعو تما و دايرين الزبابل ديال الفلوس

أو نعطيك غير مثال صغير ديال واحد الموقع سميتو Etsy فيه لpoufa لي نتا كتبيع ب150 درهم هوما كيبيعوها ب1500 درهم

ناس كيبيعوها 400 درهم حتال 1000 درهم

هادشي علاش نتا كتاجر خاصك تبدا فالتجارة الإلكترونية

اش مزال كتسنا نوض حتى نتا تخدم على راسك

ماحد المنافسة مزالة قليلة و بيع بالثمن لي عجبك

الا عندك أي سؤال تواصل معانا حنا غنجاوبوك

#التجارةالالكترونية #التسويقالإلكتروني #التسويق

20/08/2023

وخويا لونصينا الادس ومجاتنا تمبيعة.

بزاف دناس لي خدامين فتجارة الالكترونية كيتشكاو من المشاكل لي عندها علاقة بالادس...

مجاتني تمبيعة، لكوسط طالع، جاوني مبيعات نهار اللول ومن بعد مبقاوش كيجيو.

دكشي علاش ليوم فهد لبوسط غدي نتطرقوا لاستراتيجية تاع testing و scaling.

Testing Strategy :

اول حاجة بخصوص ال test، هي testi بكثر من creative على الاقل 2 فيديوات.

باش هكا كتقيس بزاف الزوايا التسويقية، حتى ايلا ما خدمات هدي تخدم الأخرى.

ثانياً، جرب هد الفيديوات فحملة ABO وخدم بbroad.

علاش broad وماشي specific intrest. حالياً الخوارزميات ديال كل المنصات الاعلانية (facebook, tiktok, snapchat) متقدمة وذكية.

وغير من الفيديو والاد كوبي كتعرف المنتج و كتوري الاعلان ديالك للناس لي عندهم إمكانية يشريو.

Scaling Strategy:

اول حاجة هي duplicate لل winning ad sets فحملة جديدة وتكون CBO باش تحقق الماكس ديال النتائج.

ثانياً، نسخ الحملات الاعلانية الناجحة ف ad accounts مختلفين.

ثالثاً، طلق ادس ف المنصات الاعلانية الأخرى

مثلا منتج خدم ليك ففيسبوك طلق ليه الاعلان فتيك توك وسناب شات...مكين لاش غتخلي فلوس فوق طبلة.

واخر وأهم حاجة هي تجربة creatives جداد دائماً.

باش متوقعش فمشكل احتراق الفيديو الاعلاني لي كيقتل المبيعات ويطلع الكوسط.

#التجارةالالكترونية #التسويقالإلكتروني

19/08/2023

ستيف جوبز او ما يطلق عليه فالمغرب "مول آبل" 🍏
العبقري لي دار ثورة فعالم التقنية، وأسس الشركة الأولى فالعالم، لي كتقدر ب 3.04 ترليون دولار
فعام 1976 وبالظبط فاش كانت عند ستيف 21 عام، غدي يقرر يأسس شركة
apple
هو وصاحبو ستيف ويزينياك
بداو خدامين على الشركة وكان اول منتج غيخرجوه، كمبيوتر بلا شاشة وبلا
clavier.
مجرد
carte mere
ولكن بالرغم من هدشي المنتج كان عليه إقبال وعطاهم أمل كبير فالشركة
ولكن ف 1985 غيطرا لي مكانش فالحساب، ستيف غيستقل من Apple
بسباب خلاف داخلي مع 🤐 🥴
ستيف غيمشي يبدا مشروع جديد ويكمل حياتو مزيان، ولكن
Apple
مكانتش بخير
الشركة تعرضات لنكسة وخسائر فاذحة ففترة غياب ستيف جوبز لي دامت 12 عام
ستيف غيرجع لشركة
Apple
ف 1997 باش يعتق حلم الطفولة ديالو من الإفلاس
وهنا فين فعلا غدي تبان العبقرية ديال الشخصية بحيث انه قدر من بعد عام واحد من الرجعة ديالو يخليها تحقق نجاح كبير بسبب المنتجات الثورية لي بتكرها
Ipod iphone ipad mac
او زيييد او زيد
كانت هذي غير نبدة من حياة جوبز اما لي جاي غادي يبدل ليك المفهوم ديالك لحياتك.
خلي تعليق جيم فولو حينت هادي مزال غير البدية 🫡
يتبع…

17/08/2023

فلبوسط لي فات لي طرقنا فيه لأسباب مشكل السدان ففيسبوك
بزاف منكم سولونا على الحل ديال هد المشكل.

وهدا هو الموضوع ديال اليوم.

اولا خصك تعرف انه السدان وخصوصا فيسبوك ره جزء من اللعبة وديما كين.

والفرق بين مسوق محترف ومبتدا هو كيفية التعامل مع السدان.

المسوق المحترف مكيخليش السدان يحبس ليه الخدمة.

لحقاش عندو وحد ال structure قوية لي محافظة ليه على data والخدمة ديالو.

هد ال structure هي لي عقدات مارك لسنوات.

المقادير:
3 profile aged - 2 BM strong - page facebook aged

هدشي كامل تقدر تشريه من عند شي واحد كيقدم هد الخدمة ديال بيع حسابات فيسبوك.

طريقة التحضير :
البروفيل 1 غدي يكون ادمين فال BM 1

البروفيل 2 غدي يكون ادمين فال BM 2

ال BM 1 غدي تخلي فيه data ديالك يعني غتحط فيه ضومين و البيكسل.

وال BM 2 يكون فيه ال ad account

والبروفيل 3 غيكون معلن فقط وماشي ادمين ف ال BM 2، وهو باش غتبقا طلق لادس.

وهكا كتكون structure ديالك واقفة على الصح وهكا يتسد ليك اي element دغيا غدي تعوضو و هنتا خدام

ومتنساش توارمي الحسابات من بعد متشريهم باش ميكونش تصرف مشبوه وطيح فخطأ البوسط لي فات

#التجارةالالكترونية #التسويقالإلكتروني #التسويق

MaMedia

20/09/2023

02/09/2023

01/09/2023

31/08/2023

27/08/2023

25/08/2023

24/08/2023

23/08/2023

22/08/2023

20/08/2023

19/08/2023

17/08/2023

Address

Opening Hours

Website

Alerts

Shortcuts

Share

Category