07/06/2020
🚨اهمية التسويق الالكتروني "بالدارجة"🚨
👈السلام عليكم اصدقائي من ليوم غانبدا نشرحلكم التسويق الالكتروني و فاش غايقدر يفيدكم و علاش هو حاجة مهمة جدا فهاد العصر باش تقدر تكبر المشروع ديالك كيف ما كان نوع هاد المشروع كنتي كاتبيع التقاشر الخظرة الحوايج كنتي حرايفي او كاتقدم اي نوع من الخدمات للناس هاد المنشور ايكون بداية للمعرفة ديالك الحقيقة بكيفاش تكبر راسك و البيزنيس ديالك و الشرح ديما ايكون بالدارجة .
👈تخايل معايا واحد القرية كاينة بعيدة على الناس مزال ماوصلاتها لا تكنولوجبا لا تسويق الكتروني كان واحد الراجل كايرعى و كايبيع الغنم و الجمال و عايشين حياة بسيطة بزاف .. حتى لواحد النهار دخلات عندهم التكنولوجيا ولا كايشوف كاع الناس لي دايرين بيه عندهم واحد الالة صغيرة لي هي الهاتف ديما مشغولين معاها و عايشين وسط هاد الالة لي وسط منها عالم كبير و عامر بالناس .. هنا هاد السيد لي كايبيع الغنم فكر انه يدير واحد الموقع او صفحات على موقع التواصل الاجتماعي بحال فايسبوك مثلا و يبدا يبيع للناس .. صافي السيد ناض و طبق الفكرة فعلا و من بعد مدة طويلة لقى راسو ماكايبيع والو و الغنم ديالو مزالين فبلاصتهم و طلع ليه الدم و فقد الامل😔 علاش!
هنا فين كايجي الدور ديال التسويق الالكتروني كيفاش الطريقة باش ايوصل المنتج ديالك او الخدمة لي كاتقدمها للناس ! و شنو ا سيدي لي ايخلي هاد الناس يشريو هاد المنتج او الخدمة ديالك !
ماغانزيدش نطول عليكم انحبسو هنا و فالمنشورات القادمة ان شاء الله انشرحلكوم كثر و انجاوبو على جميع هاد الاسئلة لي لفوق . دمتم في رعاية الله
