21/10/2025
РАДМИЛА ПЕТРОВИЌ: ПОЕТРОНИКА Е СУДИР НА ИНТЕНЗИВНОСТИ
Во време кога уметноста станува сè похибридна, а границите меѓу жанровите се разлеваат, поезијата излегува од своите страници и се претвора во звучно, телесно и визуелно искуство. Таков е и концептот на „Поетроника“ – проект кој ги спојува електронската музика, говорниот перформанс и современата поезија.
Настанот ќе се одржи на 29 октомври во Public Room со почеток во 20:00 часот, каде што стиховите ќе добијат ритам, а музиката ново значење.
На сцената ќе се сретнат три различни, но подеднакво моќни уметнички енергии: Андреја Салпе, еден од најактивните електронски продуценти во регионот, Оливер Митковски, актер чиј глас внесува нова димензија во изговорената поезија, и Радмила Петровиќ – поетеса од Србија чија поезија веќе одамна го надмина Балканот.
Нејзините стихови се сурови и нежни, длабоко лични, но универзално препознатливи, зборуваат за жената, селото, телото, љубовта и сите тишини што постојат меѓу нив.
Во пресрет на настапот во Скопје, Радмила зборува за спојот меѓу традицијата и електронската култура, за перформансот како продолжение на поезијата, и за моќта на зборот што не се плаши да звучи.
Прочитајте го ингервјуто на линкот во коментари 👇
